平成 (已結業)

這天一位港島區的朋友來到九龍區覓食，叫上我，我們決定到尖沙咀這家日式小店吃飯。 不是很好找，街道號碼不能盡信。不過還是找到了。我們進去之後就被餐牌上的石鍋鵝肝芝士飯吸引了！絕對要來一份。 我們還叫了芝士蔥蛋餅，將邪惡放縱到底哈哈。 另外來一份蟹肉野菌炒雜菜。不久石鍋就來了，鵝肝的份量實在超乎想象！又大塊又厚，而且芝士的香伴隨著石鍋的熱力揮發，引人入勝。 鵝肝口感味道也一流，實在出色。而蔥蛋餅的芝士也沒有被石鍋飯的芝士蓋過去，切開餅，芝士流出來，而且非常的香總的來說，這家店值得推薦哦～

是日與友人閒逛尖沙咀，走過棉登徑一帶發現這家居酒屋，於是不妨一試吧。店內座位不多，店內頗昏黑，店員安排了近門口較透光位置。鰻魚控的我點了「三重芝士火山燒鰻魚丼」$180、「三文魚籽菜胡麻冷麵」$100、「巨蜂乳酸提子梳打」$50及「荔枝乳酸梳打」$50。「三重芝士火山燒鰻魚丼」鰻魚不少，鰻魚肉頗厚身，燒得外脆，鰻魚汁不會太鹹，不錯。「三文魚籽菜胡麻冷麵」可以說是炎炎夏日清新之選呢。吃過大量飽腹感的澱粉質，與友人繼續閒逛尖沙咀呢消耗一下卡路里呢。

富有日本居酒屋感覺❤️朋友都知道我喜好，喜歡在晚飯時喝一杯，所以他找了這間小店和我聚會，就是因為這裡不太大，加上裝潢，更有居酒屋感覺！我們分別點了：海量蔥溫泉蛋炙燒左口魚裙邊稻庭烏冬$150-經過燒的左口魚裙邊，有濃郁海鮮味，加強了湯底的清甜，爽滑烏冬配上海量蔥花，正！溫泉蛋松葉蟹肉蟹膏拉麵$170-我們都喜歡海鮮，選擇蟹肉蟹膏拉麵很驚喜，因為原本以為海鮮量好像小了點，味道不會出色，誰不知 配合蟹膏是好鮮味呢，真的試過先知！芝士蔥蛋餅$70-很為芝士控的我，特別喜歡這個，每一口都充滿濃濃芝士香味，再配一口生啤，美妙！兩杯 Suntory Draft Beer $120-比起bottle beer，我更愛draft beer，味道係特別fresh得！想念居酒屋感覺的時候，就再來😊

尖沙咀K11附近有條美食街，穿過橫街小巷都係異國美食，而今日同朋友去咗一間日本小店 - 平成食個dinner。店舖並唔大，一推開門基本上已經睇晒成間鋪嘅間隔，店舖雖小但係卻擺放着唔同嘅日本佈置，又播放着香港人一定認識嘅廣東歌，環境舒適，同朋友聚會一流。TGIF緊係要有少少酒🤩我哋先叫咗支日本酒 ($600)，其實我哋並唔太識品酒，不過呢支酒有一大特點就係富有一個特別嘅器皿俾我哋倒酒入去慢慢飲，加上唔同圖案嘅酒杯，感覺好特別，可以邊打卡邊飲酒。先嚟嘅小食係鹽蔥醬燒牛舌粒 ($120)，少量嘅蔥油配上肥美嘅牛舌粒放入口，確實鹹味交集好和味。接著嘅小食係燒明太子 ($90)，感覺似炭燒魚卵，一整條份量啱啱好，不過食唔慣就咁食既話有啲鹹。主菜方面，我同朋友叫咗一個海量蔥溫泉蛋炙燒左口魚裙邊稻庭烏冬 ($150)，溫泉蛋啱啱好，配上大量嘅蔥花做伴菜。左口魚用切條嘅形式擺放，一放入口基本上即刻溶化，而且同烏冬一樣咁嫩滑，值得一試。最後嚟嘅係牛肉大阪燒 ($100)，喺出邊餐廳食通常都比較膩，好易飽肚。不過今次食嘅就比較脆而且香口，唔會有太膩嘅感覺，好快比我同朋友清晒😋。

係棉登徑既呢間平成，舖位細細但睇落都幾吸引，似一間日式居酒屋🍶咁。果然入到去地方唔係好大，數埋都係十個位左右，擺左唔少sake樽同埋貼紙，都幾有氣氛。晚市時間尚早，未有mood飲酒 (加上係星期一…🙁) 所以今次黎食下野為主。店員推薦左叫D小食，見到有個松葉蟹肉🦀炒野菌好似唔錯。剛巧店員話今日未有野菌，建議改為松葉蟹肉炒大蔥🌾，聽落都唔錯，可以一叫。另外就揀左個蛋餅、燒牛舌粒同烏冬🍜。冇幾耐就黎左個蛋餅🥚🍳，好香! 芝士🧀味既幽香，食入口又唔會好膩，夠哂熱同香，仲有D蔥花香味，得wow😉! 鹽蔥醬燒牛舌粒 – 又係一個多蔥之作，但又真係幾香，厚切牛舌🐮口感好好，唔會太so味，燒得剛好熟又唔硬，如果再大份D更好🤣松葉蟹肉🦀炒大蔥係一個幾新的combination，大蔥都幾爽脆好香。蟹肉都好多同鮮甜，同蔥香又幾夾。再來就係個烏冬，又係蔥🥳 好少見有左口魚🐟裙邊配烏冬，估唔到又幾清甜，個左口魚都幾爽口，稻庭烏冬當然又滑又香，我呢個少食澱粉質既人都忍唔住係咁食😆連埋梳打🍹，賣單600蚊，唔算話好平，但都物有所價，幾好食!😋

在尖沙咀的棉登徑，有間小店，經朋友介紹下，輕食一下。店內位置不多，場上貼滿菜單及sake 的貼子，餐廳還有個特別的瓶子用來飲清酒，很有日本居酒居的感覺。燒五花腩三重芝士蛋餅（$110）五花腩鋪在蛋餅上面，蛋餅內融入芝士，切餅時會有少少拉絲效果，除了五花腩，還有櫻花蝦及香蔥，食落去有多重口感，時有芝士味，時有蔥及櫻花蝦的香。雞肉脆骨棒（$70）配有生蛋，雞肉釀有軟骨，爽爽脆的感覺。溫泉蛋野菜明太子炒稻庭烏冬（$150）撈入溫泉蛋，另烏冬更滑，烏冬外沾滿了明太子，另烏冬脆口及硬身，幾特別。巨峰提子乳酸梳打及百香果乳酸梳打（各$50）兩杯飲品加入檸檬，配合乳酸，酸酸甜甜，不錯呀。

逛了整天街，晚上開始肚餓了，就想起k11後面的街道有好多間不錯的餐廳，便和朋友一起走過去看看吃甚麼當晚餐好。本來想吃一蘭的我們，突然看到原來一蘭旁邊有一間日式料理餐廳！所以我們便懷着試新餐廳的心情推開門走進去。以下就是menu:共兩份圖片的食物看似都非常可口桌上的餐具也十分精緻，個人十分喜歡這類餐具。每張桌上都會放置這個東西，是用來放青酒的。中央可以放冰塊，保持酒的冰凍感。 還有供應我最喜歡的premium啤酒呢！只可惜朋友不喝，所以我才沒有order...下次一定要來喝！以下就是ordered的食物:巨峰提子乳酸梳打 ($50)荔枝乳酸梳打 ($50)兩杯乳酸梳打的味道都不錯，酸酸甜甜的，而且兩杯裏面都有放檸檬，賣相又漂亮又清新。鹽蔥醬燒牛舌粒 ($120) 這碟牛舌粒必點！超級好吃！非常驚喜！不但醬汁好吃，而且牛舌煮得剛剛好，十分爽口，非常推薦大家去試！我下次還會再order這個！三文魚籽紫菜胡麻冷麵 ($100)這個冷麵也不錯！加上胡麻醬汁、魚籽及紫菜，味道不錯！三重芝士火山燒鰻魚丼 ($180)這個重頭戲來了！用上了又大又厚的燒鰻魚，加上溶掉的芝士，真的非常好吃！真的是我吃過最

今日放假冇野做，所以就出左尖沙咀行街....平時比較小行去呢邊，但上次經過見呢碘開左好多新餐廳，所以今次舟登行過黎睇下....原來真係開左好多唔同種類的餐廳，仲有好多日本餐廳!!!呢間算係入面比例隱蔽的一間....不過佢又係正正一蘭隔離，真係知道的自然會知道係邊的格局!!見佢門面幾似日本當地的餐廳，所以就決定試呢一間!入到先知原來間鋪頭唔係好大，得十零個位，唔係好多人，靜靜地幾好!叫左杯檸檬乳酸，乳酸味夠，唔會好似有的鋪頭咁落好小...呢間都算落得大方~所以都好味!之後見餐牌都好多鰻魚料理，覺得應該都係主打，所以就試左個鰻魚飯!上台見到實物，比相像中大碗，鰻魚都比想像中多!!味道係好香，雖然未食但係已經聞到好似係日本鰻魚飯鋪頭個種味道!!試左一舊鰻魚，淋滑，又夠肥美，食落都有魚油味!!個料唔算太甜，但配呢個肥美鰻魚岩岩好!因為鰻魚已經咁肥，如果個汁仲太甜就會覺得太膩，但呢間鋪頭又唔會，所以加分!睇得佢佢的米都係用日本米，雖然唔算太有飯香，但係都可以接受!!總括黎講成餐飯係滿意既!個鰻魚分數都幾高，會再黎試下其他野!!

一場嚟到尖沙咀, 就行下k11行完之後肚餓就找間日本嘢食。你間日本嘢地理位置都 既方便跟住附近有一蘭我就叫咗個原條鰻魚芝士飯條鰻魚好鬼肥美原條上 食落真係扮原味豐富咬落肥美大牙鰻魚遊朗朗口配塊芝士汁問上美味簡直係人間美食三文魚配版溫泉蛋烏冬， 日本直送溫泉蛋蛋黃味濃沃手打稻庭烏冬非常嫩滑清湯放上三文魚煙韌好味完美配搭呢度裝修好骨子細仔地好有日本風味特色小店嘅感覺餐飲嗌咗梳打水都係日本直送的食飽飽又去繼續shopping

行開尖沙咀，見到間幾樸實既和風居酒屋就一於入去試下，估唔到好大驚喜入面裝飾報置都令我諗起以前日本旅行夜晚入居酒屋食飯既溫馨，依家因為疫情，有成年冇飛過去日本啦，好彩香港都有幾多呢d居酒屋回味下濃濃既芝士蛋餅，芝士控必點！一家人share食唔怕太滯～最愛最愛既鰻魚飯，難得飯同饅魚一樣出色，鰻魚肥美鮮口，飯汁岩岩好唔太甜 仲有牛肉大板燒，一般舖頭會整到好多粉漿，但呢份好足料，咬落口啖啖都係牛肉同椰菜 彈牙既三文魚烏冬，略嫌三文魚子太鹹，不過幸好個湯夠清balance番最最好食、全餐重頭戲一定係呢個三文籽冷麵，成碗充滿胡麻香，配上紫菜三文魚籽冇得彈，夏天食凍冰冰應該更正 小店小食同樣出色，我地點左紫薯沙律同芥茉八爪魚非常開胃 

疫情之下冇得去旅行，又好掛住家鄉日本，網上見到尖沙咀嘅呢間餐廳好有日本feel，就諗住嚟一解思鄉之愁🤤門面見到裝修已經覺得好有日本feel，餐牌上嘅食物都幾吸引，有我至愛嘅芝士+鰻魚🤤三文魚籽紫菜胡麻冷麵~夏日炎炎，忍唔住叫咗碗冷麵消消暑，冷麵幾清涼，麵質仍然保持彈牙，與麻醬一齊食意外地夾，加入紫菜增添幾分爽脆感覺，脹卜卜嘅三文魚籽亦夠鮮甜，食落有幾分清新感覺~三重芝士火山燒鰻魚丼~怎能少得我最喜愛的鰻魚丼❤️驚喜的是店主很貼心地準備了熱辣辣的碗承載着鰻魚飯🤭即使食左一陣，鰻魚飯仍然能保持溫熱感覺☺️鰻魚好大條， 外皮烤得頗有香脆感覺，內裏肉質亦夠嫩滑~更邪惡的是配合芝士拉絲😈可以拉到一隻手咁高🤩🤩整個鰻魚丼經過炙燒賣相及味道都很香🤤Suntory  Draft  Beer~同朋友嚟食飯當然要啤啤佢😈份量好大杯幾抵飲，而且沒有想像般苦澀，反而充滿小麥香味🤭巨峰提子乳酸梳打~分量充足好大杯，清甜嘅巨峰提子配合酸酸地的乳酸味道幾夾幾醒胃，加入有氣梳打令整個感覺更加refresh，係消暑良品😈

今日去咗尖沙咀，想食日本野，見到呢條街有好多日式餐廳，睇Menu又覺得佢啲食物幾精緻，就入咗去食啦。飲品方面我哋叫咗個巨峰提子乳酸梳打同埋百香果乳酸梳打。平時嗰啲通常都係梳打水加水果，呢個有乳酸我好鍾意。我同朋友叫咗個紫薯沙律share，賣相超級靚，紫色女仔一定好鍾意，食落去佢啲紫薯好綿好蓉，唔會話食到一粒粒咁， 同埋我鍾意佢鹹鹹地，上面仲有啲粒粒三文魚子，feel到係好有心機整嘅。跟住我哋嗌左個鰻魚丼飯，佢啲鰻魚超大舊，啖啖肉好好食，送飯一流。跟住我哋叫咗個芝士蔥蛋餅，熱辣辣好新鮮。佢入邊啲芝士好多，好香蛋味，好好食！最後我哋叫咗個三文魚子紫菜胡麻冷麵。芝麻醬撈麵就一定好好食，不過佢特別嘅係佢有我好鍾意嘅三文魚子，令個冷麵豐富左，幫呢度菜提升咗一個層次。

成日都會去尖沙咀周圍搵食，今日嚟到呢間期待左好耐嘅平成餐廳，又可以體驗下我好掛住嘅日本嘅美食啦😭雖然舖頭細細但係都幾有日本風格。咁我哋就帶咗兩杯嘢飲先啦，我見都好多人嗌乳酸梳打飲品。咁我哋揀咗柚子同埋巨峰提子乳酸梳打。我幾鍾意兩杯梳打入邊都各自有一舊檸檬🍋，你可以按自己口味再調配適合嘅味道。咁個乳酸其實本身都唔會好酸嘅，但係有咗個檸檬就可以自己調配，我就鍾意酸啲啱晒我😍呢個飲品好開胃🤤之後再嚟個蒲燒鰻魚丼，嘩，啲鰻魚好大條又肥美好豐富，淨係睇到都興奮！鰻魚肥瘦適中都啱口味。不過就有少少骨同埋如果個燒汁可以再濃少少同埋多少少呢，咁就會更加惹味。之後就係鹽蔥醬燒牛舌粒，我都好鍾意食牛舌㗎，咁佢切到一粒粒呢好方便，夾埋佢嘅蔥鹽，我都好鍾意食蔥，同埋啲鹽一齊去調味，咁就簡單得來但係就好配合。如果可以淋少少就更加好。之後就係我最鍾意食嘅芝士，叫咗個芝士蔥蛋餅，薄薄嘅蛋餅入邊夾左一層薄薄嘅芝士，雖然薄薄地但係就啱啱好，兩樣嘅食材都可以互相襯托。希望呢個疫情快d過，等大家都可以安心搵食。

疫情關係，去不到日本，但我知道K11附近有條街好多日本居酒屋。成條棉登徑，在一蘭隔離，有一間好日本feel的居酒屋。我們決定早啲食，唔使同人迫，所以呢間餐廳仲準備緊開晚市，我哋做第一枱客。佢嘅趟門做得好有日本feel，加上牆身癡滿晒大吟釀的貼紙，唔使飛去日本都可以止下癮。餐牌有圖有真相飲品有酒精和冇酒精的選擇，所以帶埋小朋友來他們也會很喜歡，特別是有乳酸的飲品。今天天氣很炎熱，所以我們都叫了特飲，爽一爽。百香果很清甜，跟乳酸很配合。這個芝士鰻魚飯真的值得一試，同一般普通日式餐廳比較（甚至是一些自稱過江龍的餐廳)，這個鰻魚飯出色很多！鰻魚很厚身， cover在上面的芝士亦都會炙燒過。芝士有拉絲的感覺，鰻魚有比足夠份量和真材實料，滿佈成碗飯。仲有碗飯的份量是男人size，唔似其他餐廳篤到一半就無飯，這個篤到落底都仲有飯。如果想輕食一點，就叫這個烏冬，佢望落去似肉醬意粉的肉醬，但是其實是三文魚切碎。拌勻好之後湯底會自動變成三文魚湯底， 十分入味。每一條夾上來的烏冬都夾住三文魚碎，這間餐廳用料一d都吾吝嗇。

今日收工出TST買d嘢順便食個飯～好耐冇食過日本嘢啦～叫左2杯嘢飲，分別係荔枝乳酸soda & 巨峰提子🍇乳酸soda～仲有加檸檬🍋係入面，好飲夠曬fresh👍蒲燒鰻魚丼 - $160望住鰻魚d顏色就已經垂涎三尺🤤鰻魚份量超級多！食極都仲有～而且相當厚身，一啖鰻魚一啖飯，望住我fd食忍唔住要食佢幾啖😂我叫左呢碗「海量蔥溫泉蛋炙燒左口魚裙邊稻庭烏冬」，佢d材料完全係個名到已經反映出黎，食落好驚喜～蔥油好香，但一d都唔油膩，左口魚裙邊燒香左，入口即溶配埋蔥油&清甜既湯底，超好食👍