庭園咖啡室 (裝修中)

大學既飯堂一向都係出哂名性價比高，今次我就黎到香港城市大學一試究竟。由又一城經時光隧道黎到城大，再轉左就會發現一間餐廳。餐廳有室内同室外既座位，感覺天氣涼爽既時候會幾舒服。我叫左個歐陸早餐配熱咖啡。你地一定會問歐陸早餐入面其實有啲咩？其實有雞扒、蕃茄、薯餅、煎蛋、火腿同多士。雞扒塊皮煎得幾脆，配上燒烤醬，酸酸甜甜都唔錯。另外蕃茄都幾甜幾新鮮。其實呢個餐都只係要$25，依個價錢係出面冇咩機會食到呢個質素既早餐，呢個就係大學canteen吸引人嘅地方。

環境唔錯，唔驚蚊坐出面都幾舒服，座位都幾少，朝早就未見有爆滿的情況。早餐25蚊，凍飲加兩蚊，標準嘅乜都有，蛋，煙肉，多士，茄豆，腸仔，蕃茄。但有個問題喺出到嚟條腸仔唔夠熱，雖然講完之後都有換，不過已經咬咗啖，感覺麻麻地。

畢左業N年，好耐都冇返大學了，最近緣份到，咁啱有project同母校合作， 所以成日都要返去，發現學校多左好多唔同種類嘅餐廳，其中呢間Garden Cafe, 就係我近期嘅最愛， 每次要返學校做野開會， 都會係度食個早餐先。其實餐廳店舖好細， 亦都長年唔夠冷氣， 但佢有個大嘅露天area, 有雅座😏，好開揚，所以坐得好舒適。我近期最愛嘅兩款早餐分別係big breakfast同沙爹牛麵， 食物水準ok得嚟好穩定， 早餐咖啡亦算合格， 最重要係佢價錢真係平過出面連鎖快餐店， 性價比極高👍。

$24魚柳腸仔早餐配多士加熱奶茶。又是我奶茶控一日一杯奶茶。先講奶茶，有茶味，但茶葉不夠靚，尚算合格。多士有點乾，塗了牛油也改不了它的質地。腸仔兩條，合格。魚柳，也炸得過火了，太乾。但以此價錢，份量那麼大，服務那麼體貼，我還是誠實推介。吃過早餐很滿足，久久不餓，差不多2時後才想吃午飯。告訴你一個小插曲，吃早餐時，我不小心打翻了水杯，成枱同地也是水，姐姐立時殷勤清理，並没半點黑面，真不好意思，非常感謝。

一入去裡面一看款式尚多，價錢亦合理，主要為學生及學校職員使用，但味道確實麻麻份量又少，天氣熱時會食得相當辛苦，好似去大排檔的感覺，冷氣嚴重不足在26度以上氣溫用餐確實會相當太熱，希望得到改善！

找回蘋果日報的報道，看到所謂的城大隱世咖啡店，以為真的非常秘密，豈料只是門口轉落的內裏位置。兩次都有意無意間吃了焗的，其實想回來，與大canteen的「頹焗飯」分別不大。這回的焗肉醬雞肉腸仔意粉，使用linguini，查實本人對此意粉不太喜好，因其黏醬能力極弱，往往感覺中間吃到沒汁的麵條。肉醬還好，不算太乾，整體比起焗魚柳飯出色。不知芝士餅有何好吃，有人居然吃了一件不夠，要再追加多件，明明餅底不覺硬脆香濃🤔確是難明（阿姐提點顧客如要追加食品應在點餐時同時下單唷！）另一碟吞拿魚火腿意粉，整碟意粉一野撬起晒，以Gordon Ramsay話語該是"it's like my grandma's wig（好似阿嬷個假髮咁"。環境本來清靜，小貓三四隻，溫習聊天進食，後來有些普通話人來了就顯得較嘈雜。

放工經過嚟試下重新開業嘅Garden Cafe,非常失望。之前GardenCafe嘅咖哩雞非常好食，辣味夠，雞扒醃過入味，加埋印度薄餅脆，每次去親必嗌。今次叫咗個印度紅咖哩雞飯配春卷，聽個名都有D奇怪，點解會配春卷。食落就知中伏，咖哩係泰國咖哩咁有香茅味，D雪雞冇醃過重有朕腥臭味，春卷似D來貨配泰式甜辣醬。同行人食白汁海鮮焗飯，質感味道都似係茶餐廳用粉開嘅白汁，冇咁以前食嘅奶味。好肯定唔係轉咗廚房就係轉咗手，如無意外應該唔會再試。

雖然我本身不是在城大的學生, 但之前都有好多時會到城大溫習功課, 所以城大內的大部份餐廳都已經光顧過, 單單是這一間庭園咖啡真的沒有光顧過。庭園咖啡在城市大學內卻自成一角, 有着一個富有寧靜和休閒的空間, 庭園咖啡位處在學術交流大樓地面, 餐廳分開了兩部份。其中一部份是餐廳室外的戶外用餐區, 坐在戶外露天茶座頗為休閒寫意，心情也特別好起來, 如果天氣好的時侯, 可以坐在室外一邊享用美食, 一邊談天和曬太陽, 仿如置身外國的cafe一樣, 實在舒服。另一部份是餐廳室內用餐區, 餐廳入門的位置擺放上幾個食物柜，放置了一些三文治、小食、甜品和飲品。室內裝飾佈置簡簡單單, 但是在校園內, 總覺得多了一點兒書卷氣，顧客是學生比較多，有些人也帶備了手提電腦在做文件，也有同學在小組討論功課，令到餐廳內充滿學術氣氛, 由於當日天氣炎熱, 所以放棄了室外的坐位, 選擇了在室內位置坐下。在選擇食物方面，是非常容易，因為有個大型顯示屏幕，圖文並茂，有齊資料，早上時段有多款早餐供應。早餐點了英式早餐包括有煎蛋、煙肉、豬肉腸、炒蘑菇、扒番茄、焗豆和多士, 賣相相當精緻, 看得出店方很用心思去炮製這份早餐，煎蛋唔

這還是Garden cafe 重新開業以來第一次來吃。雞扒外酥裡嫩，最愛的就是它的皮，焦脆可口。猪扒上能夠看到液體狀的油鋪在上面，可是吃起來卻不覺得膩。反而是意粉，上面也裹了油，可是口感好差。還好配菜都好甜，可以平衡下油膩。

雖然我不是在城大讀書, 但以前卻有不少機會來城大, 所以大部分校內的Canteen和餐廳都有光顧過, 唯獨這間獨庭園咖啡, 卻一次也沒有光顧過. 前排老姊常說城大有間庭園咖啡, 評語不俗, 想前去一試. 第一次是在星期日前去, 卻吃了閉門羹! 前陣子的星期六去開又一城看電影, 之後來了這裡吃下午茶.這裡跟大學內其他食堂最不同的是有室外的枱椅, 天氣好時可以悠閒地坐在室外邊吃邊談天邊曬太陽, 好像外國的cafe一樣, 好不寫意, 所以這裡有不少外籍學生和教職員來光顧. 由於當日天氣寒冷, 我們放棄了室外的坐位, 選擇了溫暖的室內位置坐下. 下午四時多, Cafe內外仍然擠滿了食客, 單是排隊買食物已經要排上起碼十分鐘, 餐牌上好些食物也已經售罄. 下午茶餐的種類也不少, 有飯有麵有麵包又有小吃, 各式其式, 價錢也十分相宜, 連餐飲都是十多二十元便有交易, 比起街外的快餐店還要抵.我們點了豬柳蛋漢堡+咖啡, 和香蕉麥包飛碟+朱古力. 食物全是即點即製, 面對著開放式的廚房, 可以看到員工在面前如何把食物弄好, 之後才到隔鄰的收銀處付款. 豬柳蛋漢堡材料豐富, 加了大量蔬菜, 例如生菜,

是日課堂中途休息較長，可以吃一個像樣一點的下午茶。跑到庭園咖啡，看到很多款式的下午茶，全部列哂出來任你選。叫了一個大熱狗+汽水。廚房是開揚而且即製食品，看著自己點的餐由無到有的作出來也算是食前的一種享受。這隻熱狗呢........本身係無醬的。付款後要自己到自助吧裡找醬。除了茄汁，還有千島、意式、酸瓜.....小小一家咖啡店，竟然有咁多選擇。我落了意式+千島醬。熱狗腸是烚熟的，油已經煲咗一半，所以唔算好肥。但可惜因此也不及一些以烤熱狗腸的咖啡做出來的脆皮好吃。但少了油夾在麵包的味道。配料從相中可見亦是很足料了(除了醬汁可以不理，因為是我重手了)蕃茄同青瓜都很新鮮，爽脆而且很有蔬菜香味。$16連飲品，有一個咁足料的熱狗，真係好難係出面搵得到。

怱忙回校上課，有break的時候已經是晚上20:20，只有10分鐘的休息時間，當然不能太揀擇。買了一個叫"牛油果醬雞三文治"如果讀成牛油-果醬-雞三文治，可能會是帶果醬的但又有牛油，好不新奇。但原來是牛油果的醬，混雞肉的三文治。味道較淡，而且雞肉份量唔係太多(對肚餓的人來說，是到喉唔到肺)除了麵包的確比較厚之外，內裡的料其實不怎樣出色。早知叫返$19但質素穩陣的煙火雞三文治$25來說其實算貴。好彩唔係日日都靠呢種三文治救命。

星期六下午又是要上學。下午四時多放Break,決意與同學試試過家遙遠的餐廳。想不到價錢由$15左右，已包餐飲，比食堂的$16，外賣加一蚊仲要抵。叫了一個豬柳蛋漢堡，人手即製，開揚式廚房，工作人員係你面前起貨。煎蛋是普通煎蛋，加生菜和青瓜，與麥當勞的完全不同演繹。奶茶茶味也夠。可惜我們只是放Break，未能坐下來賞賞那露天風光。畢竟城大的花園可是城市的綠州。漢堡包味道出色，而且豬柳少油，加入了青瓜和生菜感覺清新了許多。

在這附近工作許多年，竟然一直不知在城大裡有這樣的一所小cafe。真的是連自己也感到訝異呢....常說在又一城內找地方落腳吃飯是有相當難度的，商場內裡的食肆可說是難聽點說句是又貴又難吃，所以在許久之前也為了貪便宜而常光顧城大食堂，但這已是陳年舊事了....既然找到了這個新蒲點，而且相信價錢也不會太貴。隸屬於學校的canteen，可以貴得到哪裡去 ?....跟其他的大學的食堂一般，先在牆上的餐牌揀好心水，接着便拿着托盤排隊取餐，最後才去付錢，是十分流水作業式的運作。小弟從menu中挑了印式咖喱雞飯，付過錢，正在排隊之際，看到冷櫃內的沙律，饞嘴意念又起，所以又手多多的拿了一份火腿腸仔片螺絲粉沙律....沙律汁不算下得過份的多，沒有喇喉的不良感覺，挺温和的；兩種配料都是我們從小吃至大的醃製人工食物，味道當然不會有甚麼特別；螺絲粉已預先用水灼過，入口沒有過淰而變成爛茸茸，是不錯的....很出奇的這兒的印度咖喱做得頗對口味 --- 夠辛辣刺激，而且汁夠多，用來撈飯確是可吃完一羹又一羹；雞肉已盡去皮，感覺上健康一些，而且肉質地不嚡，以雪雞肉的角度來說，已是有賺了....只是付出三十來元便吃得飽之餘，

同個fd見完面之後，想食個晚餐啦。但又唔想又一城食，因為價錢真係幾貴，而且又要等位。靈機一觸之下，醒起Cityu有間cafe。不過，當我行過學術交流大樓既門口，真係唔相信入面會有間cafe架。雖然係晚市，但人都唔算太多。而且仲有outdoor區域坐，都幾舒服架。紅酒汁燴牛肉其實份量俾我既感覺唔算太多，但食落又唔係咁。牛肉算係偏淋，但又食唔到有鬆肉粉既感覺。個汁既味小小似洋蔥汁，紅酒一都搵唔到。整體上個牛肉都幾好食。而伴菜既薯條真係好食，因為係我鍾意既扭紋薯條。此外，佢地係新鮮炸，所以真係好好食。真係惹味相當。當然，如果牛肉既份量可以多一點，咁就更理想啦。凍咖啡味道還不賴呀，咖啡味真係幾重。而且杯野真係好夠凍，唔算太甜。只係覺得細杯左小小。整體上都唔錯，因為呢個價錢又一城真係無乜邊間食得到。唔介意行遠小小行過黎食個飯，都係一個唔錯既選擇。