康和坊 (已結業)

8/5早餐時間經過此店，見有很少見的紫米粢飯，於是買了一條作早餐。紫米粢飯 ($13)：飯是乾身而帶黏性，不會太焾，加上有紫米，所以很有咬口，口感不錯。油條不油膩，但炸菜及肉鬆不夠多，所以略嫌不夠香。14/5午飯時間，經過此店，見有南瓜包，於是買了一個試試。香草南瓜包 ($5)：香草味意外地香濃。但南瓜是細細粒散佈麵包內而非南瓜餡，所以南瓜味淡，很失望。

一早, 要食得好食得飽又唔想洗錢, 就食粢飯加熱豆漿吧粢飯用的是紫米, 健康? 口感比一般的多一點口感, 內軟, 有炸菜油條, 不膩, 熱的, 簡單就是美好豆腐沒豆香, 但熱, 暖胃,吃完有力氣工作, 開工

今日lunch外賣左個冷麵餐返公司食冷麵餐包括一個芝麻醬雞絲青瓜絲冷麵、一碗菜 & 一杯豆漿一個餐只需要32元，在中環來說是很抵吃的價錢雖然ok，但食物質素就麻麻 … … 冷麵的芝麻醬尚算好吃，但可惜麵不夠凍，仲要有少少微溫，而雞絲就偏鞋菜好硬豆漿是ok的，起碼有豆味希望下次再幫襯時，d食物會改善啦！

這個「一年前後」 的系列, 是探討一下, 同一家食店, 一年前來過, 相隔一年後光顧, 究竟有何分別, 是進步了? 原地踏步? 還是江河日下?一年前:第一次來是被「嘉美雞專賣店」 5 字吸引, 專誠來吃它的嘉美雞菜色的。地下是凍肉的地方, 其實除了由香港本地研發的嘉美雞和少爺雞 (雄性的嘉美雞) 之外, 還有港產的魚呀肉呀等售賣, 在這個講求低碳飲食的年頭, 最好就是吃本地出產的優質食物, 這裡絕對可以滿足大家。用餐的地方在樓上, 要走樓梯的, 跟這條街上不少食肆的格局相似, 有點吃私房菜的感覺 。午市有各式套餐供應, 主打的都是有機健康的本地食材, 多數人都是吃飯類套餐, 不過也有沙律餐等的選擇。 其中一款是瘦身紅米雞燉飯套餐 ($48), 包金牌雞湯或豆漿或鮮奶, 還有有機菜一碟。嘉美雞的特色是皮薄脂肪少, 肉質也較細嫩, 而且飼養過程不用激素或抗生素, 教人吃得放心。食落果然沒有一般雞足有半吋厚的肥膏, 所以連皮也可以吃喇。雞鮮味不算極濃, 但雞件嫩滑, 好吃。用上紅米飯增加纖維, 再吃埋碟菜, 營養均衡。湯款是不時轉換的, 圖中紅色的是紅菜頭雞湯, 紅菜頭煲中式湯又真是少見喎。

7-9-2009呢日 lunch 想去遠一點又食得平一點, 嚟到機利文新街碰運氣. 喺門口好快就被阿姐發現兼叫我入去坐, 加上好奇想知呢度賣的「嘉美雞」係乜嘢一回事, 又試試「嘉美少爺雞麵」餐 ($48), 跟有機菜及熱有機豆漿 (亦可選樽裝「康寧牛奶」).「嘉美雞」賣相勁似南京鹽水鴨 , 雞皮薄, 無肥油, 肉嫩滑, 雞味十足, 味道住家又「農村」, 唔算超好食, 但實在難得 淋上的醬汁味道質地都似溝稀了的沙薑汁, 作用不大.油菜係生菜, 有機無機無從考究, 不過就一定唔算好新鮮, 有幾塊生晒銹的 食落就夠晒爽脆味清, 蘸點淡味豉油, 叫做有 d 纖維健康一點吧.麵係上海拉麵, 淥得生咗 d, 有點 "al dente" (!!), 口感麻麻; 湯底好淡, 不過可幸無 MSG 痕跡, 又係健康之選.熱辣辣有機豆漿係自家製, 唔滑, 少甜, 豆味濃郁, 我喜歡. 食物 ok, 2 樓環境就十分迫夾, 不過衛生不錯的.埋單 $48, 唔算好好食, 但感覺健康又食到好飽, 可以一試的.

點了一個菜肉雲吞麵套餐,有一碗菜肉雲吞麵,一碟菜,一杯豆漿哇.....真是很難吃,我已經是吃得很淡之人, 但這裡的麵淡得沒有放鹽,又沒有鮮味, 吃完之後有一點點想嘔。假如有最差菜肉雲吞麵選舉, 我一定會選這間。阿姐亦不夠老實,沒有的東西也不會事先聲明,會待你付過款後/坐低後才會跟你說。地方亦很窄,是在閣樓吃的,吃罷就會想盡快離開。

打着健康旗號，賣點是本地嘉美雞和不含農藥的有機蔬菜。餐牌上寫着保健包點，又美顔，又補血氣，師傅說，麵粉裏頭加了中藥粉，但成份如何，他們也不知道，老闆開的方，他們只是跟着配方來做。店内用上雞的材料，都說是用嘉美雞來做。吃了整個美顔雞肉包，招牌雞的肉質味道如何，吃不出，中藥嘛，也吃不到，不過包是做得鬆軟實在，卻是真的。十二元，划算不划算，見仁見智，有益與否，亦只能說一句“不要問，只要信。。。只有信，才能得救”。

諗住中午飯係中環食會爆晒棚，點知星期六嗰日我一個人霸晒成個二樓。叫咗少爺雞油麵餐，哥哥仔話跟通菜，我話全走，問佢有冇熱檸水，佢堅持湯或豆漿，叫咗豆漿。唻咗雞麵，但唔係通菜而係莧菜，而且有豉油嘅。雞麵：普通啦~~雞？普通啦~~麵？普通啦~~湯底？普通啦~~莧菜：有機係咪即係有Ｄ爛？豉油夠鹹，菜真係好爽。豆漿：少甜.......普通啦~~普普通通啦~~不過四十八蚊囉......

六月二日(星期一)同老公仔之前睇過雜誌,話呢間新開,selling pt係嘉美雞!去到以為只係外賣,原來仲有堂食,o係上樓既!不過地方真係迫左dd!佢地仲用袁彩雲幫佢地宣傳tim!叫左個嘉美雞配白飯同湯麵,仲有有機通菜同埋雞湯!唔洗等好耐就有野食喇!d雞真係幾好味,新鮮唔同d gei!不過下次都係唔好叫湯麵,因為唔好味gei!個湯冇味!雞湯都係,唔濃,比較淡,可能健康d la!個有機通菜好好味呀!!!最後仲加埋個燉嘉美雞蛋鮮奶,ok啦!都係比較淡味!可能我地中意食d濃味既野啦!...不過真係幾清淡!!而家要追求健康ma!佢地中意有包,下次可以做早餐呢!

離開中環前, 新店終於開張, 這小店其實開張了多星期, 但一直未開名, 只是嘉美少爺雞專賣店. 一個人, 叫個外賣上公司食, 門前粗麥包點看來不錯, 亦有師奶買其有機農作. 是次叫了一個餃子外賣, 包一個有機通心菜, 同一杯有機豆漿. 餃子味道好, 亦做得出佈有肉汁, 豆漿有渣, 是原汁原味.Order 了外賣, 才知曉樓上有雅座, 早留意就慢慢食, 影多幾張相.店主幾Hard Sell, 宣傳單張用袁彩雲推廣其健康食品.