康和車仔麵茶餐廳

营业中

休息中

平時己經成日黎呢度食車仔麵今日試下佢地第二出名的芝士麵系列,今日我點左個芝士豬頸肉公仔麵試,個麵黎到己經相當之香!個碗裡面每一條麵也沾滿了芝士,加埋麵上燒好的豬頸肉,賣相十足,需然每一條麵也充滿著芝士,但食落也不會覺得咸和濟,而豬頸肉亦十分出色,燒得不會過龍,表面也有少少的甜味,整個配搭相當之夾!值得推介!

是日午餐選擇了屋企附近的車仔麵檔，還記得以前大圍最瘋狂時有４，５間車仔麵檔，中學時經常可以吃到。而現在只剩下康和，想吃車仔麵時唯一的選擇，雖然價格愈來愈貴，但味道還可以，並不差！河粉又幼又滑，每次都吃清整碗麵！其實每次點都是以下幾款：炸海鮮球，炸墨魚條，牛筋腩和韭菜餃，頭兩者只是普通的魚蛋類別，但就是特別愛其墨魚的口感。牛筋腩份量足夠，絕對是頂肚之選，韭菜餃則有香濃的韭菜味，雖然大隻，但2隻其實完全唔夠喉，因為太好味了！總結：這裡的車仔麵menu有多款選擇，味道也不俗，即使大圍有其他選擇，我亦會選擇這裡，更何況沒有呢？！

因為自己住附近，加上覺得間野好食，所以成日食，不過多數叫外賣返屋企慢慢嘆。呢個係個車仔麵餐單，唔知有無人POST過。自己食慣幾樣餸加埋買外賣關係通常直接走到個整野既位直接講要咩唔會畫張野我今次係食左牛筋腩、紅腸、豬紅、卥水蛋。必叫係牛筋腩同卥水蛋，特別係隻卥水蛋勁入味，好難得有間整到咁正不過食食下就會覺得有小小油，因為佢D辣汁搞到咁油，不過唔叫辣又無咁好味，同埋唔食得辣既人一定要叫少辣- -最後今日係飲奶茶，睇到樓下講話佢D奶茶唔多好飲，可能咁岩個次沖得差因為平時飲開覺得佢D奶都OK濃，不過都唔係成日係度叫奶茶飲，因為豆漿唔駛加錢..HAHA

星期六同朋友踏完單車之後去左呢間野試,我本人不太喜歡食車仔麵,好彩呢間野有第二d野食我見佢有2種芝士麵食分別係豬頸肉同雞肉,我就選擇左個雞肉食,食完覺得個麵d芝士有d甜甜地好好味d麵又整得好食,下一次再去食過

極少係大圍出沒 是日約了新相識既波友踩單車 一行六人約定1:00係火車站等早到..四圍逛下睇下有咩好食 行到尼條食街 見間間店子也很細檔還好一個人 找到間可速食 又容易搭位既 坐定 望下餐牌 選了一SET車仔麵(4餸+麵+凍飲)來到'大大碗' 想不到都食得晒 個湯底已經好濃郁 隨手又加甜醬辣醬落去..豬皮,豬紅,豬腸,牛腩 水準也不錯 麵底油麵(肥條果隻) 好原始GOOD凍奶茶 就沖得差 無茶味 奶唔香' 淡 ' 飲左半杯 極速回車站集合本想比笑面.. 可惜飲品極令人失望 "降為OK"

約左舊同事都家附近傾計, 他提議介紹此店既車仔麵唔錯,價錢又合理.店舖窄窄好彩當晚唔算多人,都算坐得舒服友人叫左2款不同餡料既餡子, 海鮮太, 菜同薯粉.我叫左肥牛, 酸齋, 拍青瓜, 魚腐同幼麵.個魚腐真係做得唔錯好香魚肉味道, 最差算係個酸齋可能係叫回來所以味道麻麻....叫既幼麵煮得岩岩好不至於過淋..友人既車仔麵,我試左一件韭菜餃真係唔錯, 餡料足又好香既韭菜4個餱仲有野飲真係相當平.

雖則呢間店的環境.窄窄的.什至貨物同座位也放得亂亂的,價錢第一眼看不是跳樓價,大約最平的26元到最貴的31元..視乎配什麼飲品....我點了一個4餸米粉加凍檸茶......31元.凍檸茶:味道真係有點怪.不是紅茶沖的,而且苦澀味什重.雖則檸檬什多.呢杯凍檸茶是不合格的....4餸米粉分別是腸仔.菜肉餃.豬紅.豬腸.......配米粉.真係好大碗..腸仔都是廚師腸.正......去超市買現在都貴....豬紅:好彈牙.入口香...非常入味..有4件左右大大件.菜肉餃2粒大大粒.新鮮的菜製成的.皮較厚....豬腸:好像無加任何調味.只是通了肥油.味道差左的..不過仍算彈牙..湯底飲完也不口喝.31元足以飽2餐.....不俗........

在大圍要找食店不難，不過要又平又好味就難dd.今日放學諗住買外賣點回家午饍。想想下就想到康和車仔面。早一個站打定電話order。可以簡4個餸。真係令我好開心，墨魚丸(食得出你係手打，好好味)。冬菇(入味夠林)。蘿蔔。菜4個餸仲有飲品。外賣只係$27

在大圍睇中醫, 找個地方醫肚, 無意中見到這間食店門口貼著"芝士撈麵", 興奮地走進去~ 見到餐牌都已經好開心~ 有不同配料的芝士撈麵, 又有車仔麵揀~ 芝士汁不算太濃, 所以吃麵時不會覺得很膩~ 豬頸肉是似燒過的, 好香, 又乾身又脆, 內裡又有肉汁, 似BBQ的味~ 湯底偏鹹, 紫菜都少許鹹, 略有沙~墨魚棗爽口~主角魚麵, 彈牙, 煙煙韌韌, 有魚味~ 以前只識去尖沙咀吃芝士撈麵, 是比較稠的芝士醬; 但今次的芝士汁比較稀, 適合女仕吃或LUNCH吃, 不會太膩~ 魚麵, 是我的回憶, 是我小時候媽媽帶過我去一間專門吃魚麵的店的回憶(雖那魚麵店集團是早已結業), 所以今次找到魚麵吃, 都令我好開心~ 我會再來架~

屈指算來，已很久沒吃過一碗車仔麵了，想起上次在大圍積信街附近的康和，憑其芝士撈丁的味道，大約知道食物處理不差，就趁前兩個週日再入內一躺。車仔麵本是簡單之物，關鍵在於選料不少，可隨自家口味拼出心水配搭，當然店家對食物的處理能力，仍然是美味與否的關鍵，以這店的選料紙來說，應可符合大眾食客的要求。加多數元下來一杯熱奶茶，期望不高之下，倒是一杯的不差的出品，茶味來得厚身，味道亦夠香濃，質感倒來得滑溜。今次選了一個油麵底，另加紅腸、蘿蔔、牛筋腩和雞翼尖四味，最後更淋上腩汁。喜歡油麵的爽口，雖然較為軟身，作為街頭小吃倒沒甚大礙。蘿蔔味道甚為清甜，沒甚老渣已值得嘉許，肉類方面除紅腸之外，牛筋腩亦算爽口，略嫌雞翼尖淡了少許，幸好有香濃的腩汁作墊底加味，作為久未嚐過的我，這一碗麵，個人來說是滿意的。吃得總算愉快，以廿九元的價錢來說，已沒甚麼強求。知道一盤生意不易為，除供應車仔麵及撈丁之外，也供應一眾佐麵小吃，多是油炸的出品，以共兩次的經驗來說，是有意慾再來一次。進食於二零一一年八月七日下午

知道尖沙咀香檳大廈的地庫有一間名叫新記的茶餐廳，以獨有的創意，想出以乾撈即食麵配上芝士芡的做法，招牌的豬頸肉芝士撈一丁，在區內也能獨佔一個小山頭，更招徠一班明星食客來撐場，可惜看網上的評語，倒不是一面倒的正評，但作為普通的茶餐廳麵食來說，確是有其賣點的。店紅自然有人模仿，知道香港也有多處地方，供應著相類似的食品。今次所品嚐的，是位於大圍的積富街，一間名為康和的食肆，以主打車仔麵及煎炸小吃為主。但其撈麵系列，仍然是駐場的重點之作。地方來說也不難找，位於區內的鐵皮屋附近，在主大街裡也有一條側巷可以進入，環境來說，始終做街坊生意為主，一切也屬普通。開宗明義，今餐為芝士撈丁而來，款式約七至八款冮下，因為上週吃了豬頸肉的關係，今次所點的，是時值三十元一份的雞扒芝士撈丁，另外也加了八元點了一杯凍檸茶。凍檸茶來得大杯，色澤略為偏紅，茶味不算太重，幸好還有些許檸香，不算太甜，還算扺飲。喝了大半杯後，仍未見食物端上來，心中也不禁有點急，想起麵底也要烚製，事後也要過冷河等功序，也不妨等多一點時間，約近十餘分鐘之後，主菜終於送上桌上。大大碗的麵底上面，上面有一塊即煎雞扒，另外也淋上以溶化了芝士為主的芡汁等。

Although I am not enjoy 車仔麵 on this restaurant, but I enjoy it's 腸蛋芝士撈公仔麪。It is difficult to be finded. The noodles is delicious and it is match with cheese sauage and egg, good cheese and egg taste and the price is only 28 with soft drink.

好喜歡去黎呢度食車仔麵,因為只需$26就有4餸一麵,再加多杯凍豆漿,平靚正之選ar!! 每次我必定會order冬菇(又香又甜)、蘿蔔(又甜又入味)、韮菜餃(好香韮菜味) / 雞翼尖(好淋、好香滷水味) / 墨魚條(好彈牙)..... ,最後當然要加呢個麻辣醬la,夠晒麻ar!!

有係聽朋友介紹~話哩間好味兼抵食~$27 (4餸+豆漿)雖然間野唔係係大街到~但係有吸引好多熟客仔~老闆同伙記都好有禮貌!!! 仲推仲我地食佢既"手打墨魚丸"真係好味道!! 我覺得好味過我樓下間米之X 啦~又貴~D湯底勁多味精~!

芝士撈麵似乎是小店的特色，故點來品嚐。豬頸肉芝士撈麵加入芝士的撈麵並不甚特別，感覺只是融入了一般的片裝芝士，味道不特別，只感覺一點黏口。但豬頸肉很不錯，外表微焦，燒得很香，而且爽口。蜜汁龍鬚有著燒汁和蜜汁混和的特別味道。魷魚鬚燒得入味，咬落有質感，是很捧的小吃。