康記粥店 (已搬遷) 新店位置

今次我去左大坑探朋友...估唔到衣度有粥店...入面D嘢...好平好抵食...

原來已經兩點半，唔好意思衝入Mi Casa問人仲有冇Lunch食，行前幾步來到康記。又熱又渴叫咗凍豆漿，見阿伯整緊腸粉，但我叫了炸両。凍豆漿送來，印象中我第一次見豆漿裏有冰，有些擔心冰唔乾淨，不過幾秒後巳經飲到唔停得，原來加冰的凍豆漿清涼透心，不似平時的凍豆漿總是覺得唔夠凍。可惜飲得太快，覺得有些過甜，其實等冰慢慢融化後應該剛剛好。平時豆漿細細杯，這杯份量十足，真係超值。炸両就唔得，可能因為不是旺場時段，炸腸不脆就唔會好食。好彩及時大喊少些豉油，總算吃了大半碟。

誠如其他食客所言，好多時佢食都唔係好夠熱，腸粉炸兩如果外賣返一定凍晒淋晒。不過鑑於同區無其他粥鋪，而且佢全線食品都只係十蚊八蚊，又好難話有特別要求。所以如果我懶得煮食又無約人食飯，都會依度整碗碎牛粥搞掂。

皮蛋瘦肉粥$11好大碗呀! 亦都好足料! 好抵食!粥底比較稀, 唔夠綿, 但粥煲得幾夠味.瘦肉唔會太咸, 幾好!皮蛋就ok 啦!店內仲有油炸鬼, 牛酥,炒麵等, 好家庭式咁. 雖然舖頭就唔算太企理, 但係呢d小店, 都算係咁ga la.

打算一早去試試但起不了床，於是晚上決定去試試。大約九時許到，仍坐滿客人，叫了免牛粥，油菜及齋腸。個粥底十分稀，一點綿的感覺也沒有；油菜沒有難道，可入口就算；腸粉就十分失望，冰凍的，叫老板娘翻蒸，數分鐘後拿來仍未夠暖，食了兩口已放棄。滿心期待却失望而回，不會再試。

昨天來lunch,叫到成檯,每人都唔"洗"$20，好抵,當然唔好expect好elegant,classic,clean同tidy啦粥1)艇仔粥:粥底好綿,有好,相信足料做這個粥底。對粥品普通的我也可食晒2)皮蛋艇仔粥:如上,不過皮蛋都幾少3)皮蛋豬紅粥:聽說ok小吃4)蘿蔔糕:無嘜料,一般5)炸一腸:即炸兩,油炸鬼脆,唔錯6)蝦米腸:滑,good7)炒麵:多,味道唔錯8)牛酥k其實食物未到時,去觀摩亞叔點做腸粉,都幾多手作工序,衛生唔多講究,又近馬路邊

早前去炳記食完，當然順路再來這裡試試的腸粉和粥啦！店鋪好細間，去到時已沒有坐位，只有門口一張，心想很快便食完，都無乜所為啦。因剛食完炳記，還很飽，所以只叫了很少食物，包括：白粥、齋腸和炸一腸。白粥- 粥底煲得好綿，只有淡淡的鹽味，真真正正的一碗白粥，真係幾唔錯。齋腸- 一入到去，便看到伙計預先做了很多腸粉，放在一旁，心想不是即叫即拉的嗎？又凍又唔新鮮，就這樣便切開上碟給客人食，係唔係有點過份呢？雖然食得出腸粉質地幾好，但這樣凍又點會好食呢？炸一腸- 看食評說幾好，明知中午已不大新鮮，也叫來一試，果然油炸鬼又韌又唔好食，包的腸粉又是用凍的來包，真係不試也吧！拉腸粉的地方，就在門口，很多汽車經過，風沙陣陣，拉好的腸粉就這樣放著，完全唔合衛生，預先拉好的腸粉，凍冰冰的就拿給客人，實在不能接受。實在沒有再來的須要！

一陣子無來，呢度竟然賣埋粉面飯，根據自己經驗，一家餐廳搞食物多元化，通常會出事。點都好，ｄ粥同腸粉、油器仲係好抵食，唔駛廿蚊已經食餐飽。

魚腩粥﹕粥底好綿，d魚腩好味，很有水準。炸二腸﹕粉皮即叫即整，都幾滑。可能因為成晚上9點幾去，d油炸鬼都唔夠脆，整體上覺得無咁好食，下次要早d去食先得。整體上都好平，魚腩粥$15，炸二腸$6.5，大大碗粥，大大碟炸腸，埋單都係$21.5，食到好飽呀，一個字「抵」！！

又晨咁早去大杭幫人睇車，兼找埋條尾數，食埋早餐至走。下了幾天的雨，是日終於有點陽光。天氣雖然熱熱地，但不知何解，總想吃碗粥，來了這裡。有即炸油器又有即拉腸粉，但可能時近端午，我竟然想食隻糉，就要了一碗皮多廋肉粥同咸肉糭，食糖。皮蛋廋肉粥是滿得完全貼近碗邊的，相當夠份量，又當然係抵食。粥底綿但不夠滑，沒有任何花巧功夫，勝在夠家庭式，有水準。只賣11蚊，經濟抵食；在這個粥底下，皮蛋及廋肉淪為配角，倒不如去吃糉更好。糉子味道不錯，糯米及綠豆份量剛好，幾夠鬆軟。內裡有肥豬肉一舊及蛋黃一隻，多了豬油香及蛋黃香，味道是寧捨不同。足料又只賣8蚊，亦係食得過。下次再在附近經過，也要來吃腸粉。這裡的炸腸還分「炸一腸」及「炸二腸」，已很久沒有見這樣的叫法了。

平安夜0既節目就係0係執好間新屋，到0左10點幾落街買0野食，0係康記望0左好耐，終於揀炸兩同叉燒腸粉，$13.5落樓。炸兩﹣油炸鬼出奇地香脆，難得！（我買0既時候係夜晚10點幾...）。叉燒腸粉﹣即叫即製，大約等5分鐘就整好。拎到返屋企，雖然係凍左dd，但質素仍然叫好，下次會再去試埋其他粥品。

以坊間咁多平價粥店黎講,大坑京街內的"康記", 比較有水準的一間.$8.5一個艇仔粥,當然無出面買十幾銀的貨食咁多料.同海皇果d比,又好吃得多.豬肉剁得夠碎,其他果d一舊大一舊細,擺好耐都唔熟.粥底很綿,食完唔夠老細仲自動refill碗白粥比你.小弟最怕齎吃白粥,淺嘗一口,鮮甜.一下子吞光.如果唔係位置咁隔涉,我相信我會成為熟客.

14-8-2005 1118趁出去拉記準備旅行事宜前，在這裡搜尋附近有乜好粥店，初頭還以為係聖保祿醫院附近，最後當然搵唔到啦，死心不適既我行過去大坑，原來真係係呢頭，這裡附近主要以整車、塘樓及山上高尚住宅區為主。自己點了牛肉粥及炸兩，粥都好綿下，牛肉都係這樣的貨色，味精有少少啦，但唔口渴，都食得過，其間都有人專誠帶個湯壼黎外賣，而炸兩是新鮮整既，油條就算擺係保暖爐，亦都唔會擺好耐，因為生意都唔錯，我係咁望住師傅整，佢又望下我，兩條友互望，奇怪但又幾得意，整完後去粥品部切，雖則普普通通，但都係仍然係推介。其間落古月粉時，不為意上面有把掛天花版風扇，這樣唔小心吹親她，不斷說唔好意思，佢亦沒有發火，隔左一陣佢就走，而她是專程駕車來的。埋單13.5，經濟抵食，黎開呢頭一定要試，附近還有茶記，幾麻甩下，下次有機一定要試埋。如果夜晚來的，由摩頓台或天后入去，最好同朋友一齊，因為真係幾靜，有乜“three long two short”唔好賴我唔提一提，哈哈！