康記粥店 (已搬遷) 新店位置

由銅鑼灣行到黎大坑,,要搵野食的時侯去到呢條街..又有粥店,粉麵店等@@..最終就決定呢1間*我叫了1碟炒麵,油炸鬼..-炒麵果個碟好細但炒麵埋到好高身..強xd原來都ok大碟嫁@@..食落唔油,,麵的顏色又唔會好似出面果d染到勁深色..而且加埋甜醬令味道更特別;;-油炸鬼雖凍左油油地,,但仍好脆;;對好耐無食過油炸鬼既我好開心xd價錢仲令我好驚喜xd..感覺呢到懷舊且親切

夜晚大約十點黎呢度食晚餐, 估唔到差D冇位坐~ 真係好呀佢生意咁好!之前黎過幾次, 呢度D粥真係好足料, 今晚叫左個魚片艇仔粥, 先至係12蚊, 但係D料真係多D每一啖粥都係充滿住料~ D腸粉都係新鮮整既, 我諗係老闆個爸爸不斷咁蒸緊D腸粉~ 個餐單都有十幾廿款粥, 任君選擇~ 仲有腸粉, 油器~ 連老闆既小朋友都係幫手落單收錢~ 間粥店氣氛好親切~ 我會經常黎幫襯!平靚正!

某個晚上，同一位置照舊要了一碗粥、一碟腸粉、一碟菜1) 肉片皮蛋粥：入味的粥！朋友說這裡吃粥要吃最頂那行（餐牌）的粥，因為第二行的味道非常一般，像全部材料分開煲，不『入味』2) 魚片腸：點解有薑？腸粉雖滑，但只吃到薑味，仲要係幾多薑 !!! 3) 油麥菜：青綠色的油麥菜，沒有什麼特別還有今次等了很久，遲一點來的人也有得吃，但我們一碟也沒有…猜是因為『伯伯』不在店內粥好，腸粉不好，overall 給個 ok 罷了

唔知係係懷舊ge粥店~~粥先好味架呢??今日去左中央溫書~~當然要黎大坑搵野食ga la~~~黎到粥店~~好懷舊的地方~~3點幾~老板1家大細食野~~我一黎到阻住佢地tim~~先叫一個叉燒腸再叫1個滑牛粥~~~腸粉係即叫即整ga粥都係。。所以要等一陣先到~~~好滑好綿~~好多牛肉架都.....絕無o厄料唔似得d連鎖店甘~~~好好味呀~~我全部食晒~1件不漏我同台ge呀叔叫左齋腸+白粥~~12蚊可能我叫ge野都叫貴~~加埋27埋單但cwb區都叫抵食~~~

當看着師傅一把年紀也用心做腸粉,就會發覺人就是應該用雙手去創做自己的未來.炸兩($6) - 炸兩用的腸粉預先弄好,所以不熱,還有點涼.但油炸鬼是脆卜卜的,夾起來一起吃效果仍然很好,再加甜醬,辣醬,簡直是極品.這兒還有炸一腸和炸二腸,即是一條油炸鬼和兩條油炸鬼的分別,方便一個人來吃又怕吃不完.牛肉腸($10) - 這次就真的是即製.看着師傅用心的拉呀拉,感覺特別好吃,而且更不捨得浪費.腸粉捲得很端正,側面看有點似吃蛋卷.腸粉較厚,不似平時吃的那麼薄.牛肉很多,還有蔥花,$10絕對抵食.牛脷酥($5) - 預先炸的,不熱,配粥吃會好一點.來了兩次但也未吃過這兒的粥,感覺有點不好,下次真的要試試.

最近幾個月搬左去炮台山，咁大個人第一次家在港島，為食的我當然四處出巡，由近至遠，睇住食評去逐一試食，呢排去過兩次康記，康記地方唔得干淨，Vintage粥店，40出頭的我或差唔多年紀嘅在街市大排檔等地方出入慣係接受得到，食品我只係試過白粥、皮蛋瘦、碎牛粥、豬潤粥、蝦米腸同炸兩，炒麫咪搞我，我只係食靚嘅豉油皇炒麫，蘿蔔榚亦唔大興趣，食呢味一係去茶樓會好D，又或者自己整，如果多幾個人一齊去食我或者會叫埋呢兩味，奈何我老婆好細食，我又唔想夾硬食，所以都係同呢兩味緣慳！第一次去係兩三個月前，首先，白粥即係粥底，呢樣唔掂就唔洗玩，味道是理想的，米味足，稀杰度適中，啱我心水，皮蛋瘦唔會失望，合格有餘，蝦米腸同炸兩都係由於用合適的米來造，米味香得美妙，豉油濃甜度也得理想，炸兩中間的油條香脆度合格，加D芝麻(我通常唔加其他醬)，很享受。最近，有朋友向我推廌話大坑有檔粥D豬潤粥好掂，仲有邊度吖？！原來就係康記，最近兩日前去試，落左單成10分鐘至到，碗碎牛粥都食完咁滯，碗粥色水唔同，深色D嘅，攞個湯匙一搞，嘩！六七塊豬潤，何洪記咪最多比4塊你，仲貴差唔多一倍 (話雖如此，咁何洪記係名牌又位處貴租地方，貴D係

十時多來到大坑，想吃清淡的東西。朋友聲線不太好，而我其實想嘔多過想吃東西，左兜右兜後來了康記，一間很有大坑味道的老粥店。要了三樣食物：1) 滑牛肉片粥：其實我不愛牛亦不愛粥，但我都覺個粥煲得唔錯，軟綿綿，入味之餘又清清定的。2) 叉燒腸：原本想食蝦腸，但原來是沒有！就要了叉燒腸。阿老闆即叫即整（用那些古老的『木版』拉出來的！），我和朋友也覺得非常好味，腸粉超滑！吃到一半有隻『蚊支』飛到碟邊，為了avoid蚊支繼續行我用手指搞掂了它，所以要快食！3) 一碟芥蘭($20)：沒有油麥菜，改為芥蘭，一碟普通的油菜我也覺不錯。Total: $47p.s. 營業時間為6am-12am，晚上十時多老闆一家才預備及吃晚餐，一切情境加上這個環境令我覺得有點回到小時候的感覺。來大坑懷舊一番的人一定要來這裡。

一直沒有機會試試，是日見到人不多，就選了一個鋪外位置坐下試一試。其實主要是想吃炸二腸，因為看到人家吃的好像不錯。預了是冷的，分量卻比想像多，油條還脆，腸粉也滑，配上甜醬辣醬食，味道很好。艇仔粥，有肉碎，魷魚，花生等，不算豐富，不過才十元一大碗，而且用料不差，食得過了。埋單十八，吃得飽兩人，平到極，本土的老店，是如何地便宜就可嘗到。

昨日重回中學時期lunch time覓食的好地方---大抗，這一帶差不多所有食肆我都試過(由好評不絕的Mi Casa、炳記、Jam Bakery到劣評如潮的火車頭、小白屋，由港式的浣紗廚房、民聲冰室食到日式的橫山、Panda再食到西式的Café on the Corner)，近月開了不少新餐廳，我亦很想試，但由於不想吃得太飽，所以便選了康記。雖然以往亦經常來吃，但總是因為趕時間或lunch time有活動時買外賣回校充飢，作一個簡便的午餐，每次都是匆匆的食完，從沒有像作天這麼悠閒地嘆粥。兩個人叫了一碗滑牛魚片粥($17) 、炸二腸($8) 和一個咸肉糭($10) 。滑牛魚片粥大大碗，用料十足，牛肉滑，魚片既有鮮味又冇骨，粥綿，最緊要是生滾，即叫即做，等耐一些也值得！這裏有炸一腸、炸兩腸、炸二腸之分，現時的粥店已很少見，雖然腸粉是即做，但油條是一早炸起，所以吃起來是凍的。豉油習慣自己落，可以控制份量，師傅大重手了。咸肉糭不太特別，內有兩小件肥腩肉和半個咸蛋黃，用料不夠。樸實的店鋪、家庭式的經營、富人情味的服務，加上令人回味的生滾粥，留住客人，昔日不懂坐下來慢慢欣賞，今後懂得便是。來的時候

一心以為lee間野ok la , 點知去到就只系 feel 到惡劣的服務態度 , 野食又唔系好似 d人咁 say 到咁好食姐 , 蘿蔔糕燶到飛起 , 碟炒面又干又硬 , 都算la 咁平系咁架 la , 但都唔代表要受人氣架 ....我地叫個女人 (好似話系老闆個新抱 , 系大陸女人黎) 比几隻碟仔我地分野食 la , 她竟然話 : 唔洗 la 掛 !!!! ...... , 我心唸 : 嘩 .....咩事ar , 唔洗做唔好開門la , 拎几隻碟姐 ......佢拎碟黎時仲要系超大力咁拍落張枱度 loo ...... 癡線架佢, 系咪冇食靜心 ar .....以后都唔會幫襯lee 間野 .....

成11點來到大坑探朋友, 他已打完邊爐, 但朋友喝了少少啤酒, 又話餓; 點知咁新夜都仲有粥食!和媽都食過不下20次; 但未試過咁夜來呢, 又未關門噃.我見師傅咁努力, 都咁夜了仍不停弄腸粉; 好像好好味; 叫了碟义腸算了;朋友則要隻糭.义腸係睇住他整的, 睇住他放义燒, 切, 淋鼓油, 上檯.當然係勁好味啦, 其實未上檯, 一路睇住他整都已流緊口水啦...朋友也大讚隻糭好味, 只是師傅重手下多了鼓油.食完行出來, 見到師傅的背影, 已11點幾了; 單是這份誠意, 心裡說不出的感動呢.一定會再來的. 成個銅鑼灣至天后, 我夠膽講, 冇第二間夠呢度好味.

吃完個大包，肚子已装不下太多東西，想過去旁邊吃吃熊貓咖喱都已經力有不逮了。很想吃一碗粥，就走入從未去過嘅京街一帶，坐低吃碗艇仔....店子很小，家族式經營，阿爸負責弄炸両腸粉，阿仔就負責淥粥，阿嫂就負責落單。對呢亭街坊小店，小弟總有一份好感....味道並不怎樣出色，粥底頗稀且無甚味道；料仍是普通嘅牛肉碎、豬皮條、魷魚鬚等，味道尚可；炸両有炸一及炸二嘅選擇，現在已沒有好多粥舖這樣細分了。雖然係即叫即做，但裏面油條嘅口感尤如隔夜的，又淰又韌，不過勝在熱辣辣的，且加了一點葱花及蝦米；豉油甜甜的，還不錯....相信若果早上上班前來，吃到新鮮熱辣嘅油器，印象及味道一定會更佳...

公司附近冇乜地方可以食粥，有時想吃得清淡點，都比較難。搜尋Openrice得知康記較近公司，網友食評不差，所以都來幫襯。幫襯過康記三次，首次要艇仔加炒麵、第二次白粥加炸腸、第三次艇仔加炸腸。午飯幫襯時總會見到有位伯伯整蝦米腸，可惜我較愛吃口感豐富的炸腸。粥品不錯，艇仔粥配料也很多，白粥也很綿。雖然每次吃炸腸都是涼涼的，但條炸鬼都很脆。

因為炸三兩而來，來到先知沒有呢味，於是簡單地來碗艇仔粥，同事無乜心水，點起炸兩同白粥，就咁簡單的中式hi-tea。舖仔細細，朝早來的話不難吃到新鮮的油器，晚來的話，就好似同事件炸兩咁，吃個凍而粉腍的油條，見佢加唔少甜醬同辣醬伴粥吃，打個轉已清碟，看來真的幾肚餓，話時話都好少見到用蝦米腸做的炸兩，幾得意。碗艇仔材料不少，粥底幾綿亦唔多覺有味精，將免牛打散後成碗粥變得豐富起來，平日吃得又濃又膩的菜多，這碗粥品絕對是「間場」時的消滯良品。

食左好多年,佢\d粥,真係一流,價錢平,街坊至愛,但是腸粉開始麻麻地,炸兩凍左,唔好食.最好食都係各款粥及早上食油器(夜左就唔好食架啦)!