廚十三老壇酸菜魚 (太子集團中心) (已結業)

呢排K唔唱得，酒唔劈得，沒有歌/酒，怎敢說心事？受了傷，咪去食酸菜魚囉，尤其是男人，唔覺意流馬尿，賴條魚辣親你咪得囉飲定甜嘢打個底，陣間真係唔知會辣成點？酸梅湯酸酸甜甜，壯一壯膽先，其實大胃好怕辣雖然樓面見我淆底已經幫我嗌微辣，睇個樣呢，三魂已經唔見七魄，不過初初食落都易入門，慢慢就嚟料魚肉相當之滑溜，仲配有青筍片、豆腐、粉絲，想冇咗辣就食青筍片，比較清新，粉絲就好吸湯味，所以會辣口呢碟芫荽拌豬肚，底下仲有啲青瓜絲，撈埋一齊食絕對好解辣上嚟唔流淚，辣到出返身汗，一樣紓壓

放工同同事嚟左食老壇酸菜魚一出lift口就見到大大個招牌同佢嘅tagline 餐牌一張兩面主打梗係酸菜魚價錢由3百幾到5百幾涼伴、蔬菜、小食都有我地叫左大份嘅3人份糧另外加左寬粉、粉絲、金針菇、腐竹、藕片個湯酸辣程度啱啱好 有啲桂花同杞子睇落色彩豐富唔會太辣又好醒胃3人份糧有2條魚魚肉去曬骨好嫩滑酸菜份糧都幾多吓寬粉索曬啲湯嘅酸辣味食落一流食落幾surprise 咁match腐竹好大塊份糧都多白灼菜心幾嫩幾鮮甜原汁原味咁上老虎椒愛鬆花蛋姐係皮蛋少少辣辣地幾野味酥炸無臉男 見個名幾搞笑就叫左份試下係炸豬肉條嚟即叫即炸幾香脆沾埋7味份perfect香脆可口到不停食食酸辣野冇可能唔飲野荔枝風味梳打特飲同柚子特飲

有一段時間冇食過酸菜魚約左2個朋友一齊係香港搵食估唔到近近地係尖沙咀都搵到間好食既酸菜魚門口就寫左酸菜比魚好食見到都好期待餐廳提供左裝口罩既袋好貼心Menu小食選擇唔算太多但酸菜魚係重點 所以都冇咩所謂我地要左大份酸菜魚 for 3人用裡面有2條魚 蓮藕 勁多酸菜我地再另外加左寬粉 腐竹 粉絲 金針菇非常豐富影起相上黎都非常吸引魚片食落好嫩滑 份量都好多辣椒同花椒都唔會過辣酸菜食起黎唔會過酸 兩樣都係適合香港人既口味另外要左老虎椒愛鬆花蛋顏色好靚食落爽彈 唔會太辣酥炸無臉男個名好搞笑 所以諗住叫黎試下係炸豬肉黎 食落好鬆脆最後當然要叫返碟菜 白灼菜心 都幾fresh飲品要左柚子特飲同荔枝梳打食酸菜魚配兩款都好解渴其實佢本身既茶都好好飲 飲落可以解辣 有少少清甜整體來講都好唔錯 推薦比大家！

香港餐廳飲食業加油！！五日沒出街食飯，一定搵翻間正野慰勞自己和友人。入到餐廳度體溫，消毒雙手 。坐下去服務員幫手用熱水把餐具消毒，原本餐具有一層膠紙蓋住，深感到餐廳防疫設施好足。來這裡當然要叫招牌酸菜魚，菜就叫碧綠脆筍和甜品兩露均沾。餐廳環境寬敞，雖是中菜館，但環境和餐具都新潮型格，好欣賞長高身透明茶壺，茶🍵好喝帶清香。碧綠脆筍先到，賣相好靚，脆筍卷成花狀，擺入口涼涼地，咬下去是真的爽脆的。主角招牌菜酸菜魚到，好震撼喔，好大盆，這裡選2－4份量，另外$20可加每一樣配菜，我們加可寬面和豆腐。朋友話湯挺好喝,顱魚肉嫩滑，寬面透明剔透又滑。整大盆酸菜魚被我地清曬，美味。希望肺炎快過去，餐廳和人們生活恢復正常。

朋友本身長期在內地工作，但近日肺炎遲續，衹能夠留守香港工作，之前在內地間吾使都會食下酸菜魚，現在衹能回味......但竟然比我係尖沙咀發現呢間<廚十三老壇酸菜魚>!!仲要Openrice 既評價不錯，立刻同朋友來試下!!餐廳裝修簡約時尚，座位非常闊落，枱同枱之間已經有一定既距離，完全吾覺得迫，又吾趕客，吾洗急住食，可以同朋友傾住計慢慢品嘗。服務員亦細心地提供口罩袋，比客人暫放口罩，服務不錯。餐牌上食物選擇貴精不貴多，重點全集中在酸菜魚。客人可以選擇小份，大份或土豪份。我地就簡左個小份，另外再加午餐肉，豆腐，寬粉及腐竹。係呢道食酸菜魚，無論辣度同麻度，都可以跟據個人喜好去調節，由於我本身都怕辣，所以今次衹點了微辣微麻。主角酸菜魚出場了，非常大鍋呢!!~鍋入面放了好多好多魚肉片，足足有一條魚既魚肉甘多。魚肉雖然已經去骨，不過偶爾亦有一兩條小小的碎骨痴住，食既時候都要小心吖~魚肉入口非常嫩滑，而且吸收了麻辣酸菜魚湯的精華，味道感覺係先麻後辣，中間亦夾雜住多種香料既惹味，令人吃完一啖魚肉，要再來一口酸菜魚湯，味道感覺多層次，一吃便上了引。午餐肉係厚切㗎!!仲有成5，6件甘多，亦

食左招牌酸菜鱼，老板送了几个小菜，View很好，酸菜鱼都超好食，openrice可以book位，都很方便，希望大家多多支持！现在疫情饮食业不景气，大家要多多支持！

今日再尖沙咀收工，在下午時說起想食酸菜魚，同事便帶我到這裡來～地方方便，店內裝修整齊，有特別的圖畫～坐底時店員有告知有提供透明袋，可先暫存口罩，非常貼心～先來一個酸菜魚小份小辣人不多所以點了小份，但份量足夠三至四人，另加了金針茹，湯底酸味香，魚肉有滑囗，喝下了一碗湯！香酥雞翼炸至香脆的單邊雞翼，入口外面香脆，肉質 嫩滑，碟上另有辣椒粉可自行加上～碧綠翠荀薄薄的荀條，配上香香的麻油味，非常清新，茍條囗感帶點爽口！另外加點了荔枝風味梳打，芒果風味梳打～三個人其實想點多一點，但個酸菜魚的份量也夠多，我們還是下次再來～

之前聽同事講尖沙咀開了一間酸菜魚專門店，內地同事吃過都讚口不絕，愛吃魚的當然要去試一試啦！地點十分方便，就喺isquare後面，裝修亦非常新淨。餐廳給你一個透明膠袋裝口罩，非常細心。無骨酸菜魚份量十足，有萵筍粉絲做底，魚片已起曬骨，啖啖魚肉，魚肉很滑，有粒粒炸蒜頭，酸辣度剛剛好，和內地吃到的味道非常相近！麻辣牛𦟌麻辣味十足😋，非常惹味的餐前小食！雨露均霑，呢個即係沾滿紅糖的炸糍粑，熱辣辣新鮮炸起，作為甜品非常邪惡！巨提子梳打，非常解渴！店員十分細心，每樣食物都會解釋做法和有不同辣道，人均消費200多元實在難得

這已經不是我第一次寫關於廚十三的食評了。以往都是晚上一群人去吃，但這次是我一個人在下午去的。本來還擔心沒有一人套裝，沒想到這家那麼貼心。除了午市的一人酸菜魚套餐以外，還有車仔麵類，最重要的是可以選老壇酸菜魚湯底和酸菜魚配菜，另外還可以自由搭配。除了必選的魚柳外，我這次另選了溫泉蛋、午餐肉和魚片頭，每樣的份量剛剛好。而味道和晚上的酸菜魚沒太大分別，只是在車仔麵中沒有我最愛的寬粉可選，有點美中不足，但總體來說我仍是十分推薦。

今時今日仲點敢北上但真係好掛住酸菜魚既美味無意中見尖沙咀有間主打食酸菜魚既餐廳環境同食物種類都好似內地一間有名酸菜魚餐廳餐廳坐位闊落， 適合小人或者一班朋友聚會餐牌上除左有有主打酸菜魚 仲有唔少款式既小食首先點了2款前菜前菜既名子都充滿特色正經的雞被撕其實就是手撕雞麻香味十足叫咗小辣所以唔會太辣亦都好開胃碧綠脆筍雪凍左嘅筍而且切成條狀口感非常爽脆是10分推薦的冷盤前菜2人份量老壇酸菜魚魚肉份量幾多 食極都有肉質嫩滑 而且啖啖肉， 沒有骨酸菜夠入味另加點了午餐肉、粉絲、土豆片粉絲、土豆片吸收哂湯底既酸辣味非常一值最後點了紅糖冰粉作甜品口感冰冰涼涼而且仲有椰果粒粒解辣一流而友人則選擇了芒果梳打酸酸甜甜 冰感十足

對於好鍾意食酸酸辣辣嘅我，酸菜魚絕對係其中一個至愛。好耐都冇食過近日留意到香港有一間，就即刻走咗去試吓～<<老壇酸菜魚>>一上菜賣相就已經好唔錯，用咗三色辣椒，好大煲，好多料，唔太油同埋唔算太辣。魚肉都好多好滑，酸菜都好多，仲有好多金菇、粉絲同蓮藕片喺底。味道夠濃，只要唔食唔到花椒，都唔會太麻而食唔出味道。可以另外自行再加配料，我哋就加多咗蓮藕片同粉絲，因為呢兩野吸到啲湯真係勁正2人份量2個人食啱啱好，仲有埋叉電位同叉電線，夠哂細心服務態度都好好

一向鍾意食川菜，特別係酸菜魚。但酸菜魚唔算係一般川飯店的主打，有做酸菜魚的食店唔多，好味的更加可遇不可求。朋友仔話帶我去一間酸菜魚專門店，令我好好奇，靠一道酸菜魚都可以開一間餐廳？入座的地方乾淨企理，噗鼻的是香、麻、酸、辣的味道，令人口水直流。Menu好簡單，就只有招牌酸菜魚同小量涼菜、蔬菜、小食。主食酸菜可以揀份量同加入各式配菜，簡單得來都算flexible。先來一客土豆絲做前菜，軟硬適中的口感令朋感覺仔好滿意。主角上場，份量十足！有好多件去骨的魚肉，魚肉厚身而且滑不溜口，過足口癮。湯底酸中帶麻、麻中帶辣、辣中又帶香，味道恰到好處，非常出色啊！薯粉係最好的配搭，吸收哂整道菜的精華，又夠哂飽肚。酸麻香辣，有點重口味，配埋一杯冰涼特飲，正啊！

第一次係香港食酸菜魚，選擇咗呢間係尖沙咀嘅廚十三！地點好方便，尖東站L5出口行一兩分鐘就到。佢係十八樓，可以望到一半嘅維港！只可惜我哋去嗰晚天氣麻麻哋，如果有煙花嘅日子去呢間應該可以食住嘢，唔洗同人迫又欣賞到靚靚維港夜景坐位好寬闊，同朋友仔聚下舊，又或者同男朋友仔拍下拖都幾唔錯，無用膳時間限制一坐低有職員俾紙巾我哋處理口罩，然後介紹有咩推介之選，又有好清甜嘅玄米茶俾我哋定一定神，慢慢諗想食咩，整體服務嚟講很自然，很不錯食物方面，我哋試咗最細份嘅酸菜魚，好大盤，加咗薯粉，我同朋友兩個人食都好夠！辣度有得調整！呢樣係我同朋友都好欣賞嘅，因為我哋都好怕會太辣，職員聽完之後幫我哋安排咗係baby辣，我哋都食到，好開心！酸味夠，魚又好新鮮！好味，唔錯唔錯！我哋仲叫咗碧綠脆筍同埋酥炸無臉男，份量唔算多，不過味道都可以啦!

自從無組團返大陸食食食後，應該都成一年無食過酸菜魚呢！一直都諗緊係香港會唔會都搵到類似味道差唔多嘅酸菜魚呢～最近就去左一間餐廳探探店，聽聞同內地嘅太二味道差唔多。入店後見到裝潢Slogan都同太二好相似，頓時有種熟悉感。第一時間當然必點佢地招牌嘅老壇酸菜魚，我地兩人就點左個小份，價錢$338雖比內地嘅貴上一截，但若然能夠食到不相上下嘅味道都係值得嘅！超大一盆酸菜魚，見到都令人口水直流～入面嘅配料必點寬粉，仲有蓮藕片同土豆片呢啲爽口嘅菜。份量都幾大，其中一個重點—魚都好滑無骨。所以食落幾爽嘅，湯都唔算好油，調味唔會來得好咸，所以就咁呷幾口都尚可，感覺可以來一碗飯～之後仲點左刀拍前男友，即青瓜。同埋雨露均沾，即紅糖糍粑作甜品～糍粑幾Ｑ同軟糯，沾上黃豆粉同紅糖剛好滿足到我呢個嗜甜控！

又酸又辣嘅野就最啱我食，所以我超鐘意食酸菜魚，但奈何香港好難搵到好食嘅餐廳。聽朋友講呢間專食酸菜魚，加上已經不斷開左幾間分店，我諗應該係好賣得先會keep住開分店？我今日專登同朋友放工黎食下！一行四人自然可以食多啲，酸菜魚有分3個size，我地4人要就叫了最大嘅土豪份。說實話價錢並不是很抵，但我個人認為都值得，因為一個好食嘅酸菜魚好難整，個湯底根本在家整唔到咁好食。一嚟嘅時候大家都嘩左一聲，因為真係好大份！個碟已經佔左張枱嘅一半，眼見有很多酸菜、花椒、菊花等等嘅香料。魚係已切件上，包埋3個魚頭。魚件切得薄，又滑又鮮，酸辣味都滲入晒啲魚度，但又唔會蓋過其鮮味。入面亦有大量酸菜，唔會到啲好硬嘅菜頭，啖啖魚加酸菜，好好食！另外叫了支竹闊粉係一個明智嘅選擇，闊粉索左湯底嘅味，但又唔會太冧，煙煙韌韌口感好得意！朋友鐘意食豬肚，叫左一個蔥油撈豬肚。呢個都好食，但建議在食酸菜魚前食，因為佢比較淡味，淡淡嘅蔥油香好開胃！