廚十三老壇酸菜魚 (太子集團中心) (已結業)

今日係尖沙咀交收完，等朋友收工去左食我最愛既廚十三老壇酸菜魚🙊期待左好耐既時間終於到啦😍等左大概十五分鐘就有位🐒🥇酸菜魚🥇好彩叫左小份，因為佢真係超！大！份！！！🙉完全係意想不到咁大份！啲魚好入味，鮮甜得嚟啲酸辣味令人越食越上引！🙊🥈麻辣豬耳仔🥈豬耳仔好爽口彈牙🤓麻辣味十足！惹味到不得了！仲要充滿辣椒、蔥、花生、青瓜，口感有清新、脆口同刺激，真係百感交集又醒神🐵🥉十三涼粉🥉涼粉好似烏冬咁粗，口感涼爽到不得了，帶有些少辣，好刺激又好味💃🏽🎖麻辣牛𦟌🎖麻辣味超正！好食到唔想停手🙈大家都好喜歡牛𦟌既牛味同彈牙既口感❤️❤️❤️每碟都清光🍽，唔係講笑，超級好味，朋友bookmark左呢間，下次聚會再食👭🏻👭🏻

近排都好鍾意周圍試酸菜魚，之前都幾鍾意食數字魚，但係近來又好似冇以前咁好食，聽朋友講話呢間都幾好食，見公司附近都有一間就上去試下。記得之前係冇下午茶餐，而家多咗個下午茶餐輕食款配米線都好夠我食，$48再加一超抵！魚係幾滑嘅，湯底就有少少似胡椒豬肚湯，都正～如果啲大食啲嘅或者鍾意配白飯嘅人，可能真係要叫個單人餐$88，size大少少，今次我同事就叫咗呢個單人餐～多左啲粉絲同份量👍🏻

廚十三已經去過十次以上，因為佢嘅酸菜魚係最接近太二酸菜魚嘅口味。自從幾年前開始封關冇得北上，作為太二fans冇得食酸菜魚當然非常吊癮，幸好揾到間「廚十三」可以止住癮先，因為佢嘅味道有8-9成相似。聽聞廚十三係太二嘅班底所成立，所以無論佢哋嘅裝修、以至佢哋個酸菜魚，都係好似太二酸菜魚的。廚十三有幾間分店，每次都會去尖沙咀位於太子集團中心嘅分店。除咗貪佢有海景之外，最重要係佢好少人🤣 每次去都只有1-2成人客，就算2個人去都可以坐到窗邊卡座位，再加上少人，食得好chill好舒服😌依家做緊酸菜魚優惠，原本小份（2人份量）要$338，依家只需$268，即係打左個八折，仲要星期一至日全日都適用，真係好抵，幾時想食都即刻可以過黎了！ 小份量其實都幾多，基本上兩個人乜嘢都唔使叫淨係食啲個酸菜魚已經夠晒飽。除左酸菜同魚，仲有配菜包括蓮藕片、芽菜，而我哋額外再加左午餐肉同豆腐。先講啲酸菜，雖然不及「太二」嘅酸菜，但佢嘅酸菜都係聲稱用老壇醃製、地窖發酵。食起上黎果種酸味係有層次的，再配搭泡椒、花椒、蒜頭、薑一同爆香，個湯底係你走偏全香港揾唔倒第二間一樣咁好味的🤤，酸辣嘅比例非常配合，恰到好處，基本上有九成

之前係銅鑼灣食過廚十三老壇酸菜魚🍲，原來喺尖沙咀都有分店🙌🏻，可以唔使過海食啦！✌🏻今次叫埋男朋友一齊去，餐廳都幾乾淨企理👍🏻‼️必食酸菜魚‼️我地嗌左二人份量👫，份量超大好足料，好彩男朋友不嬲都係大胃王，一個人食到3個人既份量🤣，如果普通人食應該三至四個人食都夠🤰🏻‼️麻辣呠呠雞‼️呠呠雞超好味，好耐未食過咁滑既雞啦🤤 味道又夠麻辣，外皮脆，肉鮮嫩，好味到原本半飽都食得晒🤭‼️上上籤‼️有萵筍，魚肉，蓮藕全部浸住係帶有辣椒同芝麻嘅醬汁，好香好開胃，逐枝逐枝慢慢食，岩哂雞仔胃既我食🤫好開心原來尖沙咀都有分店，以後每個禮拜都可以過嚟食啦！ ！！🥳🥳

喜歡吃辣的朋友介紹一家很正宗的四川菜叫廚十三老壇酸菜魚，剛巧在尖沙咀逛街👜，就上去尖沙咀分店😎人龍蠻長的，幸好等了大概15分鐘就入座了👯‍♀️👇🏿👇🏿以下是我們點的菜👇🏿👇🏿🦁-老虎椒愛鬆花蛋皮蛋心是有一點軟心，香味很濃，老虎椒乾香惹味，使人垂涎三尺🤤🐟-酸菜魚我們叫了兩人份，份量超足的！三至四個人吃都可以🤩 魚肉肉質很滑，酸菜味道很濃，味道很好😍很像在四川吃的味道！🐣-棒棒雞雞肉肉質很軟熟滑溜，麻辣很香，還有很多花生和芝麻既香味，令整個菜都很香很可口😋朋友真的沒介紹錯✔️，辣味很足，而且份量很多，絕對不能錯過🥰

同事最近去咗公司附近嘅川菜館-廚十三老壇酸菜魚，佢食完返嚟極力推介，仲話超多人排隊添啊🙀，所以我哋決定今日一齊去食，佢仲好叻地提早book定位添😼<棒棒雞>，雞肉真係軟綿綿，麻辣味又適中，唔會太辣，非常適合我呢啲鍾意食辣但係又唔食得好辣嘅人😽<麻辣豬耳仔>，豬耳仔超級爽口彈牙，麻辣味令人流哂口水，食唔停口呀！同事叫多一碟，話要驅走Monday blue 😹<蔥油撈豬肚>，蔥油味好香口，豬肚煙煙韌韌好彈牙，最重要係冇膻味啊！😽<十三涼粉>，配料有花生、蔥、辣椒等，涼粉質感好清新爽口仲好滑添！係不能錯過既菜色😺四個人人均消費唔洗120蚊🙀，抵食成咁！終於明白點解佢咁多人排隊啦！

婆婆最近話想食家鄉菜，媽媽就搵到喺尖沙咀一間正宗四川菜叫做廚十三老壇酸菜魚🐠，阿妹就book位我哋四個一齊去食🙆🏼婆婆無牙都愛既麻辣豬耳仔🐽好彩帶左交剪✂️，等婆婆食得開心🧏🏼豬耳仔好爽又彈呀，婆婆超鍾意，因為啲麻辣味好有佢家鄉既風味💖全家都鐘意呢個棒棒雞🍗棒棒雞每件既肉質感都好軟滑，都好適合俾婆婆食，啖啖肉又帶有麻辣既香味，花生同芝麻既香味籠罩着成個菜式💁🏼牛控必食麻辣牛𦟌🐃辣味足唔會遮蓋牛𦟌嘅味道，牛味好濃郁💁🏼，好有咬口又爽，好味到減堅肥既阿妹食到停唔到口🤦🏼爽滑之選十三涼粉🧊涼粉望落好吸引💃🏼，又有花生，又有辣椒，又有芫荽🕺🏼，好香口惹味，婆婆都話正呀！婆婆讚不絕口💛，餐廳既味道好似返左去四川食咁，呢三年疫情婆婆返唔到四川，今日食到呢個家鄉既味道，好開心🙆🏼

最近仔女開左學，係學校識左啲新家長朋友，襯住班仔女返學，一齊去尖沙咀鬆一鬆，其中一個媽媽👩🏻‍🦱提議食四川菜，辣一辣醒神下👀我地4個媽媽叫左以下食物:👉🏻麻辣呠呠雞👈🏻其中一個媽媽係一半四川人🌶，佢話呢個呠呠雞好正宗👍🏼雞肉又滑，麻辣鮮香，皮脆肉嫩，非常好味道😚👉🏻麻辣豬耳仔👈🏻豬耳仔用筷子夾已經感受到佢既彈性😆食落辣味十足，麻味刺激腦神經，令人更想食更多👉🏻酥炸無臉男👈🏻豬扒切成既酥炸既炸物😚，最愛食炸野~炸到好乾身，再點埋辣粉食，超級香口，而家諗返都流晒口水🤭👉🏻麻辣牛展👈🏻牛展好爽口，配埋辣椒、芫荽、青瓜，色彩吸引之餘，味道都互相中和👉🏻碧綠脆筍👈🏻萵荀清新爽脆，中和返之前食咗麻辣野既味道，最適合臨離開前食可以消減返口裏面濃烈嘅味道🥴上菜好快，一眾媽媽們傾完傾又返學校接返仔女，餐廳坐得幾舒適同寬敞👍🏻

又一個朋友準備離開香港🥹，佢點名要食城中最好味既酸菜魚，一眾好友即刻上網揾料，見到網上推介正宗川菜，酸菜來自成都😍，訂左位一行6人farewell要離開既朋友。前菜：不開心的黑木耳個名非常配合我地聚餐既主題🥲，黑木耳好爽口，咬落十分彈牙，麻辣程度真係會令人流淚😭，味道唔錯👍👍👍前菜：十三涼粉涼粉涼涼爽爽又好滑溜，仲有花生、香蔥、辣椒咗配料，味道好吸引香口，好食到難以停口小菜：棒棒雞雞肉肉質鮮嫩可口😍，所有朋友們都不禁大讚好味，最後我哋決定叫多一碟🫣主菜：酸菜魚我哋叫咗土豪份量，Menu話係夠四個人食，但我哋六個人都食唔晒，份量真係好多好土豪🤣但係佢好多酸菜同辣椒，每一啖魚都可以配上海量嘅酸菜，真係好滿足呀！餐廳環境舒適，店員又友善，最重要食物超好味，強烈推介👏🏻朋友話遲啲返嚟香港希望仲可以繼續食呢間餐廳

Foodie朋友介紹喺尖沙咀有間川菜食物品質好高💯，叫做廚十三老壇酸菜魚。朋友特別推介我食佢哋嘅小菜，仲幫我同老公book埋位添，好彩有佢幫手咋💕，如果唔係就大排長龍，有排等啦😳令人流晒口水嘅「麻辣豬耳仔」🐷麻辣味道好出色👍🏻👍🏻，豬耳仔咬落好爽口，麻辣味道令到人好醒神，老公好想外賣一盒返屋企送酒😂肉質鬆軟嘅「棒棒雞」🐔雞肉好鬆軟滑溜😋，食落除咗有麻辣味外，仲有啲好香脆嘅花生、芝麻同埋好清新嘅芫荽😍口感煙韌嘅「傷心涼粉」🖱涼粉配埋醬料酸辣得嚟好開胃惹味，加上佢嘅質感煙韌又滑捋捋，係消暑良品呀😚爽口彈牙嘅「麻辣牛展」🐮麻辣牛展正呀💯，好鐘意食麻辣既老公搶住食左大半牒，搞到我都唔敢再影相😅牛展好爽口，咬落彈牙，既有麻辣味，又有牛肉既味道，好好味呀👍🏻👍🏻多得朋友介紹同book位，難得食到咁高質既川菜🤩，已經book定下星期一家人食酸菜魚🥰

最近愛上咗酸菜魚🐟，男朋友經朋友介紹吓知道喺尖沙咀北京道有一間餐廳叫做廚十三老壇酸菜魚，就偷偷地book咗位同我撐枱腳👩‍❤️‍👨《酸菜魚》小份二人份量都好大份啊🫣材料好足，有豐富嘅酸菜同辣椒🌶️，啲魚肉質好滑溜彈牙🤓《麻辣豬耳仔》麻辣味好開胃😍非常之刺激舌頭上面嘅味蕾😙辣到流晒口水，豬耳仔肉質彈牙爽口，好食到停唔到口呀！《傷心涼粉》鐘意食麻辣嘅人一定好鍾意，拿到流晒眼淚同鼻水🤤 涼粉口感爽滑，令人越食越想食！🤭總括嚟講食物好味，尤其是兩個小食真係冇諗過辣得咁足咁好味😋約定男朋友同朋友一齊再食，可以試更多野食🥳

睇來我同我啲同事都好鍾意食酸菜魚，介紹過幾間。不過酸菜魚來講，呢一間算係最好食嘅一間，個湯底唔太辣，酸菜酸度啱啱好，魚肉都好滑，仲要加咗午餐肉上去，真係食過返尋味。.酸菜魚湯底，好飲到攞嚟撈飯，食到差唔多成個湯底都飲晒。酸菜配上魚，同埋其他配菜，嗰個味道簡直冇得頂，如果對酸菜魚亦都開始改觀。令到我好想尋求其他酸菜魚。.小食方面嗌咗個皮蛋，手撕雞，兩個嘅麻辣程度啱啱好，唔會好辣，亦都冇搶走食物嘅味道。如果你喺尖沙咀嘅話不妨去試吓！.食咗咁多酸菜魚發現，多人去食先會越抵食

疫情比較嚴重嘅時候，晏晝$168一盤二人份量好抵食🥹不過今次夜晚去，就冇咗呢個優惠🥲晚市$338(細）兩個人食就啱啱好🥰可能因為唔肚餓，就算唔加其他配菜都會夠飽！同埋本身一盤酸菜魚都有豆腐、粉絲、金菇等等嘅材料，所以如果唔係太肚餓嘅朋友，幫唔使再加配料😆味道方面，好香麻油味，識落唔會話太酸或者太難，反而好開胃🫶🏻不過可能因為有一啲調味料比較刺激嘅關係，有時食中果一粒，個味道就會比較酸🤪整體嚟講，都好值得大家去試✨

廚十三酸菜魚喺香港都開咗好多間分店，呢一排終於有機會試下佢；今次去咗尖沙咀分店，由於同行友人book位個陣要求坐窗口位，加上當日鋪頭唔算多客，所以都安排到坐窗口位，可以睇到維港景色，而且座位都寬敞，坐得都好舒服。老壇酸菜魚（小份 - 2人份）店員一拎盤酸菜魚上枱，個份量嚇親我，超級極度大盤，個盤仲大過我隻手，好彩我同友人都無加任何配料，同叫其他菜式，最尾先勉強食得曬成大碗酸菜魚。味道方面，我有啲失望，湯有啲油，飲落無咩魚味，反而飲落有好大陣薑味，一盤入面都有四至五塊薑，因為個人唔好薑味，所以麻麻地。一開頭以為配料會包埋少少寬粉，因為出面會包，但係點知呢間唔包，只係包咗幾塊蓮藕、幾舊豆腐、好多金菇、酸菜同魚，但係啲配料（蓮藕同豆腐）食落都無咩味，完全索唔到湯汁嘅味。酸菜魚整得好食其中一樣係魚要嫩滑，呢間嘅魚係幾嫩滑，但係食落有啲腥味，同埋有少少碎骨同魚鱗，都係可以接受嘅。價錢方面，個人覺得有啲唔抵，呢餐只係食酸菜魚，無食其他菜式，都要人均消費大概180蚊。

🇭🇰廚十三老壇酸菜魚·我哋個次嚟咗荔枝角呢玩劇本殺 玩完超肚餓 其中一個朋友推薦話呢間酸菜魚好好食 所以我地就入咗嚟啦🤤🤤·老壇酸菜魚(大份 三位用) $478 l 寬粉$28 l 碧綠脆筍$78佢呢度個酸菜魚都幾大份 我哋4個人都食唔曬呢個三人份既酸菜魚😂😂佢呢度啲魚份量超多 完全唔會腥之餘都冇骨 最特別係佢呢度個湯底真係超有層次 佢除左平時既酸菜魚味之後 仲有好特別既藤椒味係會令你好想一路繼續食 而且佢個寬粉索曬湯都好好味🌶️🤤之後佢入邊仲有啲萵筍啊 金菇嗰啲 都唔錯😎我哋另外仲嗌左個脆筍 佢呢個同平時食開嗰啲萵筍唔係好同 佢係好爽口嘅 真係好脆身 不過我自己就鍾意淋啲既🤣🤣·#rbyeat#rby中菜#rby荔枝角 #rby尖沙咀 #rby荃灣 #rby銅鑼灣 #rby油麻地 #rby天后·📍荔枝角長義街9號D2 Place 1期3樓308號舖📍尖沙咀北京道12A號太子集團中心18樓📍荃灣大河道100號海之戀商場3樓3017-3018號舖📍銅鑼灣渣甸街66號亨環4樓📍油麻地彌敦道560號譽發廣場2樓📍天后電氣道54號亨環天后3樓