廚房佬餐廳

营业中

休息中

廚房佬屯門都有好幾間突然間好想食焗飯所以就入咗嚟食吓啦咖喱海鮮焗飯（是日晚餐精選)焗飯最緊要食到熱辣辣 我落單嗰時要求左多汁飯上面有啲芝士，焗完之後幾香。因為多汁嘅關係所以攞嚟撈飯真係好濃咖哩味。而家個咖哩有少辣味幾 惹味

系屯門市中心附近,有好多名牌商店附帶一D中高價食店,但成班男人為求飽肚,所以行遠少少黎到呢間茶記食野,每次都會簡個鐵板餐食,有A+B兩款菜式,配白飯薯菜,再送多個沙律,但飲品收正價一半,呢個套餐收五十六蚊,我記得咁多年黎價錢同份量都系差唔多,亦都成屯門食晚飯既首選.

去咗食佢哋D牛扒，叫走汁，D様醜樓面師奶寸到個樣好衰咁話冇得走汁！你唔食可以過主咁話，之後食咗片牛扒超級多油去煎，唔新鮮兼有臭味！此店D食物大部分粗製濫造，改個名叫廚房佬，我以為是燉奶佬集團，但是一個是天一個是地，這個廚X佬D野食難食又臭兼且唔新鮮，煮得唔健康，食得多入醫院也保唔番對食物有要求的人，不宜入去，冇様合格服務員面相：醜食物賣相：醜食物質素：臭裝修：差最後去咗Vcity附近的茶餐廳食，新墟大把選擇，不用去這咁差的食店

今日陪媽媽山長水又遠咁入屯門擺檔，由將軍澳去到屯門都已經十點，媽媽好心急要開舖，所以就隨便搵左間茶餐廳食野醫飽肚就算唔。見到大大個招牌寫住廚房佬餐廳，望入去見到都好似幾多人下，心諗應該無死掛。望下menu，d價錢都算幾抵食，事關將軍澳幾乎無30數樓下嘅早餐，而且仲要有三個餸。叫左雪菜肉絲通粉，配煎蛋同腸仔（$29），再有杯野飲。上檯見份量都幾多，通粉質地尚可，腸仔係用廚師腸，煎蛋即煎仲熱嘅，再送多條菜俾你。奶茶略淡。媽媽食五香肉丁米線（$33）配雙蛋同咖啡。媽媽話肉丁唔會騷，但米線好碎，好難夾。咖啡都話淡左d。茶餐廳黎講，佢嘅裝潢唔錯，又有音樂聽，我覺得都算係唔話得嫁啦。

係凱都睇完復仇3 近近地就去左食廚房佬 跟住信待應推介 試扒餐 叫左公主扒 諗住試下 果然希望愈大 失望愈大 煎到過熟 好硬 薯菜份量比較少 如果大家好似我咁大食 就未必夠飽 加左10蚊叫左個腐竹蛋糖水 又反而唔錯 價格同質數係成正比的

👫呢到嘅扒餐出左名平靚正，今次👱🏻‍♀️又嚟瘋狂食肉🤩 #超值百搭鐵板扒 <$43>▫️香茅雞翼+香茅豬扒▫️跟沙律▫️跟薯菜▫️黑椒汁薯菜有西蘭花、車厘茄同薯條，食落一般，份量比較少～ 雞翼係炸過，好香口好脆，雖然同普通炸雞翼無分別，食落完全無香茅味，但都幾正🤤 香茅豬扒比想像中大塊，食落都係黑椒汁嘅味😂 沙律比較低質，唔太新鮮🤧 但整體嚟講性價比高，好抵食好飽肚☺️#熱喳咋 <+$10>雖然賣相唔靚，但食落夠曬熱辣辣，而且好足料，又幾好味😋🗣：全日免加一⭐️ 呢到嘅店員通常比較惡，例如催落單🤣 所以大家要有心理準備😂

好日都返入屯門。今日約左朋友。早左到。唸住求其食個飯先。咁就去左屯門新墟廚房佬。（利申。已住屯門30年。所以乜乜廚房佬。廚皇之類經常幫襯）。基本上食物無乜好講。茶餐廳50蚊個飯有飲品仲想有乜驚喜?我一直覺得呢間嘢老闆都有少少heart做嘢。例如叫個豬扒飯。總會有粒車厘茄同西蘭花配菜。望落都頓時高檔左。作為食客心中都會笑一下。做嘢最梗要有heart嘛。但係。員工質素真係不敢恭維。扮失明失聰既技倆直迫影后。玩手機甚至進入忘我境界（唔記得左自己返緊工?！）。好辛苦先叫到個黑面既幫我寫單。等我個餐到哂。都無人俾餐具。（印度廚房佬?）。面對影后。唔通自己拎餐具?自助餐?其實真係想轉身就走。好彩收銀果位姐姐見狀立即送餐具過黎。仲講左3次對唔住。我果一刻都定格左2秒。唉。算啦。都道歉了。唯有食啦。食完就上路啦。之後果位姐姐放飯。仲坐下我對面位。我趁機同佢講左幾句。佢又再道歉。唉。唔講啦。夠了。（都唔關你事道歉做乜?正所謂怨有頭債有主）。寫呢篇嘢。目的係提醒廚老闆請人唔該請d有heart既。講完。

今日去屯門新墟買餸前，唸住醫咗肚先，見到廚房佬餐廳好似幾好坐就決定入去食個tea+lunch 😝下午茶黎講都幾多選擇洋蔥豬扒蛋飯夠多汁焗飯另外叫的，但飯身太硬，西蘭花未熟，失望

今天試了這間下午茶，它的下午茶價錢ok,還可以選擇一份甜品，涼粉或者西米露。今天點了一個下午茶餐，一個午餐。下午茶餐點了 洋蔥汁雞扒煎蛋飯 配 西米露 $36。這個價錢算是ok吧！ 它的洋蔥汁味道很不錯，味道很夠，不會太水太稀! 而雞扒的大小不是很大。但非常嫩滑，很有雞味 。蛋可以選擇生或熟，我十分喜歡吃生的太陽蛋。跟餐的凍西米露很多西米，一點也不求其!味道亦很出椰奶味!而另外份點了的是 菠蘿生炒骨飯 配 菠蘿冰 $40他的生炒骨十分多粉，吃落很粉的感覺，很小肉味。而餸菜的份量亦較少。它配的 菠蘿冰，很像溝了水的芬達味道。不過菠蘿的分量也算多，幾好吃。

在屯門市中心，可能我不熟路，想找一些比較自家的茶餐廳好像不容易，在都只在集團的選擇下，我們被他光鮮的門面吸引了進去。我朋友比較喜愛嘗試古怪的菜色，加上他很喜歡鰻魚，所以就試了鰻魚芙蓉蛋飯，他對吃的要求不算高，但從他的表情看得出，味道應該不太好。而且就只有一點鰻魚粹我很想吃一些不健康，但香口，味濃的東西，就叫了鐵板炒公仔麵，味道還好，只是60元的份量應該要多點，也許我那天太餓吧，吃完也不感到很滿足。

今日下午放假因要做超聲波，於是便来到屯門雅都商場, 很快便照完，之後就係附近揾野食, 見到廚房佬餐廳，時間剛剛就係三點三, 於是入內食個下午茶先。見餐牌有下午茶餐, 於是便點了這個餐。8.越式香芧豬扒米缐先試試湯㡳, 湯底很濃但很鹹, 豬扒亦偏鹹, 豬扒雖然不是很大塊, 雖然又唔靭又唔"鞋", 但塊豬扒冇味同埋用太多粉醃肉至鬆和𣺉。另外米缐亦比較𣺉, 份量亦很少。我點了熱咖啡一杯，熱咖啡斟至滿瀉，都有咖啡既香味，奶的份量適中。

本身我係想叫個外賣既~點知個服務員個態度勁差~打到去講講下突然無聲對方又唔講野之後我打多次去佢又話我好打過去心諗我叫個下午茶姐都要受你氣講真送就送唔送就算啦咁既服務點會要丫黎晒普~

今晚一個人食晚飯，又唔想煮，經過樓下茶餐廳就諗住求其入去食一餐叫左個晚餐，楊州炒飯黎到碟飯賣相又幾好喎，好多餸！入面有叉燒，蝦，火腿，生菜，欖菜！而且個味道都唔錯！唔會好油，個炒飯炒得好乾身！咸味都剛剛好！仲有好香欖菜味！大大碟！好抵食！

琴日黎左屯門探朋友 中午就落樓下食Lunch第一次黎廚房佬 普普通通一間茶餐廳地方唔算闊落又唔算逼 可以接受等左一陣間我個海南雞餐終於到左！超 級 吸 引！從來未見過咁大份既海南雞 真心「心心眼」❤️係最肥美最多肉既雞脾 海南雞唔會太多油 再加上白芝麻 風味十足！叫左杯熱菜蜜 用平常見到既金屬器皿 十分地道既港式茶餐廳風格～可惜飯絲苗白飯 唔係油飯 美中不足呢個餐仲有附送一碟油菜 整體黎講心滿意足會再幫襯的

跟媽咪爸B黎食晚飯，佢已經食過好幾次！佢地一齊都話好底，我心想平嘢未必好。。。點知食落。。。幾得！所以現在和大家分享下！^^我點咗牛朳+雞翼，牛扒ok 但細左少少，質地o淋淋地有牛肉味，好味！雞翼肉質嫩滑，外肉脆卜卜！薯條香脆，有少少黃牙白伴鐵板，仲有大半飯！(鐡板餐有飯有薯條喺一齊好少見）！成個餐只條38蚊！愛食肉又發緊肉嘅青年朋友見到會好happy !! 哈哈！加個餐飲都係俾半價（20元半價）仲送糖水！唔飲餐飲可以改為沙律！父親同老公大人叫咗一人一個芝士海鮮焗飯！佢話，price = quality ! 則係一般咁！我叫餐飲，咁平但加多十蚊又好似冇咁抵！