廚房佬餐廳

营业中

休息中

2012年的除夕跟媽媽一齊睇戲食飯中渡過,睇戲之後係附近搵左呢間餐室食飯,都OK多人,不過好彩都有位,我見到鐵板餐做特價只係38元,好抵喎,叫左一個雞扒拱豬扒鐵板餐,仲有沙律架,加錢可半價叫飲品或甜品,我叫左喳喳,媽媽食鰻魚雞飯.沙律及甜品份量都唔係細喎,味道都幾好,喳喳入面好多料,熱辣辣好暖胃,沙律係生果沙律. 鐵板嚟啦,都幾大份,係跟飯的,有些薯菜,味道一般啦,不過咁既價錢都預左唔會好正啦. 件雞扒及豬扒都好淋好薄,不過冇咩味的,同埋好多油呀!!!!媽媽既鰻魚雞飯,佢話鰻魚都好味的,不過好多汁,多到好咸,好似D汁唔使錢咁,攪到D飯全都係汁,佢唔鍾意咁樣,猛話好濕好減.

2個妹妹仔又一齊收工食晚飯~呢度同男友仔有時睇戲都會黎食下~$35有2款肉類、沙律、飯、薯條,價錢好抵我叫左吉列魚柳+雞扒(洋蔥汁)上台既時候"芝芝"聲,聽到都想食~2類肉都好大份啊~而且味道good同事叫左牛扒+腸仔(黑椒汁)佢呢份賣相比我既吸引啊~野飲就要加錢的,普通要+$7,台式+$9分別叫左草莓珍珠同芒果珍珠味濃,唔會淨係得啫喱水味囉~滿足飽飽的一餐

尋晚第一次去呢間餐廳度食,嗌左個魚蛋米線餐,點知一黎到, 見到碗米線就吾想食落去,因為我一夾起, d米線就碎哂,d湯又無咩味,真係好難食囉...呢碗米線仲要成三十蚊碗,我心諗.... 咁不如我去食雲南米線好過喇..於是我成碗都無食到, 即刻叫佢退番,好彩佢都識做, 都有同我講吾好意思~不過呢間野都幾貴下, 靜係飲杯凍奶茶都要成十四蚊...我發誓點都吾會再去呢間野, 因為真係好吾抵食囉!!!

上兩個星期六，我打算去<甜蜜子> 食下午茶，去之前先走嚟新墟望吓，泡泡龍結業後，開咗新餐廳未？已經開咗廚房佬。好啦！星期六嚟食下午茶！ 呢間廚房佬同我屋企附近那間，價錢一樣！一於試吓！ 下午茶由 $17 ~ $28，價錢大眾化！所以，我 2:00 左右走入去，已經 full 哂！加上呢度大部分為卡位，可坐 4 位食客，多數食客為 2 人，未必肯讓一邊出嚟；除非店員要求才會讓坐。 我選擇：香茅豬扒薯條沙律 + 馬來喳喳 $25除豬扒之外，亦可揀香茅雞扒或吉列魚柳，豬扒幾大塊，些少肥，配上餐廳調製嘅茄汁，十分惹味！ 反而香茅味唔夠突出，完全被茄汁味掩蓋，豬扒本身比較腍及咸咗一點，相信加咗鬆肉粉及味精。 薯條份量剛好，正是茶餐廳常見嘅薯條貨色；不過，炸得乾咗少少！至於沙律，佔四份之一碟，估唔到咁多！ 材料：蘋果、菠蘿、甘筍、青瓜、薯仔，蘋果&青瓜爽脆，薯仔&甘筍烚過再雪凍，食起嚟唔會太腍！菠蘿酸甜，好醒胃！馬來喳喳一上枱都幾大兜！ 有紅豆、綠豆、西米、花生...配料豐富！本應味道不錯，甜味亦恰到好處。飲一羹，咁嘅味？ 原來師傅煲燶咗些少！我又唔想其他食客食到燶糖水，話哂呢度係