廟街玉子燒 (已搬遷) 新店位置

🔸明太子芝士流心玉子燒 $30🔸鐵板燒雙拼大盒 $70-正苦前排話香港冇三權分立喎🙄老細就推出一個《三權分立餐》，揀三樣食物總共$100，當然要來支持返！呢度6點鐘開鋪，我同朋友6:05來到已經排緊第5、6位，真係好多人排住隊懲罰老細吖！嚟呢度當然要食玉子燒啦！真 · 流心嘅芝士可以拉到4、50厘米長，煎蛋唔會過熟，而且調味亦恰到好處。然後再揀咗雙拼嘅大盒鐵板燒，今次試咗雞軟骨同魷魚鬚，全部都係即點即制，火喉十足啊！雞軟骨用咗咖喱汁調味，而魷魚鬚就係咗照燒汁，味道非常配合。聽日9月6日，老闆特登準備好幾箱水，大家行街行到攰攰地嘅，記得過來搵下老闆啊！💛💛💛

今日經過呢一間店舖見到有玉子燒食～自己不嬲都好鍾意食玉子燒 即刻雙眼發光 order ~另外喺個爐上邊放滿好多魷魚，和牛粒 ，賣相非常吸引 忍唔住買咗即刻食明太子玉子燒 等咗一陣 新鮮熱辣拎出嚟 玉子燒上邊有沙律醬 放滿左蟹子 木魚 內裏有蟹柳 芝士，明太子 有拉絲效果 玉子入口非常嫩畫好吃另外還叫咗個雜錦小食 包括有魷魚 牛肉粒 雞軟骨魷魚爽口彈牙 牛肉粒配上bbq醬汁好好食～老闆超級好人，聽佢講所有材料都係用高級貨，醬汁自己調製，非常有心思！想食玉子燒嘅不要錯過了！

行行下被鐵板燒香味吸引停低，原來係呢間小食店燒緊魷魚鬚。店員推介下，我叫左蟹醬芝士玉子燒、鐵板魷魚鬚同鐵板雞軟骨。蟹醬芝士玉子燒（$40）玉子燒我就試得多，但蟹醬玉子燒就第一次試。🤩呢度嘅玉子燒好大份，同埋燒得剛剛好！玉子燒入面包住滿滿嘅蟹醬同芝士。一切開，蟹醬多到會流出嚟，拎起既話，仲會有好多芝士拉絲，色香味俱全！！🤤🤤燒魷魚鬚拼雞軟骨（細盒$40）聽店員講，魷魚鬚由紐西蘭進口。因為魷魚鬚質素好，所以都唔使點調味，直接燒完撒上少少七味粉吊味已經好好食，加上魷魚鬚有咬口，真係會一條接一條咁食架～雞軟骨表面脆口，面頭淋上一種混合左黑椒汁、燒汁同蜜糖既自製醬汁，難怪呢種醬汁咁特別同埋咁有層次啦。呢度仲有好幾款唔同味道嘅玉子燒，價錢又相宜，下次再經過嘅時候，要試埋其他口味先！

之前喺IG Story介紹過呢間新餐廳，小編終於嚟咗試喇！晚市禁堂食底下廟街好多餐廳都無開，但廟街玉子燒就好似漆黑中嘅螢火蟲一樣，默默為街坊提供美食。未行到去舖頭都已經聞到好大陣香味，睇吓係咪真係咁好食啦！ 😋 明太子芝士玉子燒 $40因為即叫即整，所以要等一陣先有得食。睇得出每一個步驟都落足心機，連開雪櫃嗰吓都畀足誠意🤪 普通芝士玉子燒就30蚊，加10蚊就有餡，除咗明太子之外仲可以揀要多啲芝士、蟹醬或者黃金魚皮。玉子燒上面有沙律醬、木魚碎同海量蟹子，看似平凡但一食落口就「哇」咗出聲，竟然係食個邊邊都有芝士拉絲😝 再食落去啲芝士越拉越勁，隻手短啲都搞唔掂。除咗芝士之外仲有明太子流出嚟，入面有一條蟹柳，玉子燒甜甜的，超回味呀！ 畀幾個tips大家！等大家食得開心啲👇🏻 1️⃣ 記得趁熱食，如果唔係啲芝士就拉唔到絲2️⃣ 記得做gym，如果唔係就無力拉絲3️⃣ 試埋魷魚鬚同牛粒，真係超香！