廿一堂

营业中

休息中

難得嚟到將軍澳做野，梗係順便搵吓好嘢食啦，有朋友住喺附近，佢又知道我鍾意食鰻魚，所以就介紹我食呢一間鰻魚飯。大家睇相都見到條鰻魚有幾大，上面既鰻魚汁唔會太甜，好濃郁，好惹味，鰻魚本身亦都係熱辣辣咁上枱，完全冇腥味，唔會太硬，好入味。旁邊仲有蛋絲同紫菜絲可以撈飯，正！不過值得一提既係佢嘅飯分量唔算多，女仔食就夠嘅，但如果男仔食可能就要諗諗，或者嗌其他嘢加餸啦！如果鍾意食鰻魚嘅朋友仔可以嚟呢度一試，佢價錢唔貴，性價比高！

平時好少會叫外賣，因為屋企附近好多餐廳。今次系我第二次用外賣App，上次剛剛好系一年前男朋友生日。但係個日橫風橫雨後唔想落街，連行10分鐘路程落街都懶。結果就開左熊貓App。見到衣間餐廳唔洗做緊免運費，而且價錢同堂食差10%左右,所以就叫左豚肉飯+抹茶紅豆冰。原本預定50分鐘，實際20分鐘搞掂，快過我來回。而且食物保溫好好！！！同堂食差唔多>< 2樣食品都保存得非常好！送外賣既後生仔無蛇王，唔錯唔錯！各位住附近既街坊不妨考慮下~

今天發現多了一張宣傳單張，見到$21一個早餐而且包餐飲（限定50碗：由4月16日至5月3日的星期一至五），今天剛巧是Easter Holiday 的第一天又是星期五，所以可以比我試到😅魚子烏冬長福袋內配上鰹魚湯，要用🥢把福袋弄穿，挑起烏冬，感覺好似好特別！另外有一隻溫泉♨️🥚，所以算不錯👍

雖然我直到現在，仍然無法「廿一堂」店名上，了解到究竟「廿一堂」這店名的原意是什麼，「廿一堂」應該跟食店裡面的套餐食品售價沒有直接的關係，下午茶價錢再便宜，也不是「廿一元」一客下午茶茶餐。我只知道「廿一堂」的店舖位置稱不上很便利，我從「將軍澳港鐵站」徒步進入「Popcorn」商場，還需要經過行人天橋才找到「廿一堂」，位於「天晋匯」商場裡面的舖位。「廿一堂」在「天晋匯」裡面，雖然也擁有類似坊間連鎖快餐店裡面的自助點餐機，但是「廿一堂」的自助點餐機付款方式以「點對點」支付平台為主，其實不是很適合我這類以現金消費為主的人。加上「廿一堂」食品的售價，相對於同類型的連鎖日本菜餐廳，會稍為昂貴了一點，所以我在下午茶光顧「廿一堂」的時候，看見「廿一堂」的餐牌跟相關價錢之後，立刻決定只食下午茶算數。至於「廿一堂」裡面的版本「雞飯」，「廿一堂燒鳥丼」價錢比坊間日本菜食店同類食品稍為昂貴了十夠元，還沒有任何定食套餐提供，所以我最後還是決定，放棄不食「廿一堂」的午餐「燒烏丼」。相對定價價錢比較昂貴的「廿一堂」午餐食品，「廿一堂」的下午茶茶餐食品，下午茶價錢就相對便宜了一點點。但在「廿一堂」下午茶食品以洋食為主

今晚無無聊外出晚飯，落雨濕濕想食d 熱野，所以去左食日式快餐的hot pot。比較過附近一間日式火鍋任食店，最平$178一位，我地兩個人唔係太肚餓，一人一鍋份量岩食d, 所以決定試呢間，兩鍋加埋特飲HK$180☺️同吉吉家的火鍋模式相似，「海之幸」都係有幾款材料，蕃茄湯/壽喜湯，牛/雞/豬，跟飯/烏冬，飲品+$8 可以轉巨峰椰果梳打肉的質素都估到唔會係好高質ga la, 今次試牛，比吉吉家的肉肥d, 無咁似紙，不過都係一般ge,下次會試下雞肉。我竟然會想推介野飲，唔知點解巨峰椰果梳打有少少話梅味，酸酸地，好飲呀～地方大d,無咁迫，無咁熱，仲有多d 其他飯 or 烏冬的熱食選擇，所以都可以當係食個便飯的飯堂～

今日食完個 I 餐啦，28 蚊 番茄湯豚肉公仔面，热檸檬茶，果碗公子面，啲面根本好似無煮過，揾番茄湯浸淋就算（似足 大 XX），幾塊豚肉片，大風啲都吹走左，好彩冇坐冷氣機底，杯檸檬茶就仲衰，佢地啲咖啡，奶茶，檸檬茶之類嘅熱飮，系一早冲定晒，一大批放系岀餐枱面度，等到你去攞餐，就是是旦旦攞一杯比你，都差不多凍晒。

今天天氣比昨天冷又大風又整天下毛毛雨，人也變得賴洋洋，只想在附近吃午餐！在廿一堂門口見到個餐牌，午餐也有15種選擇，價錢由$48起（已經包一杯飲品～玄米茶、汽水、 麵豉湯），在Popcorn/Popwalk 已經是十分實惠！所以找到坐位後，便立即order!自行取餐後，覺得實物也不錯👍，下次可以再次惠顧！

呢排甘岩係將軍澳踩完單車, 順便搵食, 比門口的芝士拉絲圖吸引🧀😍原來係一間日式快餐店, 全自助形式, 打主日式丼飯, 食過後覺得完全唔似快餐質素!🤤🤤🔸激芝咖喱吉烈海老巨塔 ($68)一黎就見到超多芝士, 四大隻炸蝦都幾新鮮彈牙, 將炸蝦推高, 造形參考日本晴空塔, 相當吸引!😍炸漿唔厚, 咖喱汁都好香濃~配埋野飲(麵豉湯/玄米茶/汽水) 連同蟹籽沙律/泡菜, 足料夾抵食!👍🏻🔹松葉蟹柚子胡麻冷烏冬 ($68)本身係胡麻醬控, 見到滿佈的胡麻醬已經心心眼, 烏冬勁煙韌彈牙, 吸晒麻醬味好正!🤤松葉蟹雖然切成絲, 但份量都好多, 有d似蟹籽沙律的加料版, 絕對夠飽! 一樣都係配埋野飲👍🏻😋味道 8/10 😍回頭指數 8/10

尋晚同朋友去將軍澳天晉果邊食飯，果邊開左唔少新餐廳，人又比較少，呢間主打日本丼飯、烏冬，可以選擇既唔算多，不過味道、賣相都算唔錯，而且足料，呢個值得一讚，仲有沙律送，抵食

星期日既晚上，到到都要等位，去快餐店就可以快有位d, 所以就簡左依間廿一堂。廿一堂係翠華集團既日式快餐店，有自助買票機好方便，當然唔識用既都有一個收銀員幫你買票，都幾細心我叫左鰹魚湯豚肉玉子烏冬，老公就叫左角切和牛燒魂丼等左五分鐘左右就有喇～果然係快餐！岩晒我依d唔想等既人依個烏冬係甘凍既天氣食真係好岩時候，個湯唔會好咸好有魚味，豚肉吸晒湯既味，仲配左溫泉蛋，真係好夾老公既角切和牛燒魂丼，個飯好好食～牛都唔錯但可以再林d依一餐既質素真係唔似快餐，好高質

我真係超級鍾意食蔥所以想試呢間不過食落就麻麻地蔥還蔥 蛋還蛋 飯還飯並沒融為一體鯖魚點鮮可以咁求其煎一煎如圖所見 外面個浸 冇叫煎到干脆 後面就有小小金黃色 但見到條魚咁既樣 已經冇左一半胃口另外巨峰提子🍇就太甜冇咩事 唔會再回頭完多謝收看

2018年12月19日。晴。將軍澳。呢日約咗住將軍澳嘅朋友喺將軍澳食飯佢就提議咗食呢間餐廳因為之前見過雜誌報道過～橫掂大家都未食過，一於就呢間啦～大家分開去呢間餐廳嘅但係原來喺將軍澳呢個高空之城，出入都靠天橋，要搵路變得好困難>_<仲要呢個場比較新，啲指示牌好唔清楚幾經辛苦，又越過高山（天橋）又越過谷（爛地停車場）先去到間餐廳到咗發現餐廳係快餐店模式嘅，要先去收銀買飛俾錢再等嗌冧把攞餐睇餐牌選擇唔算好多除咗呢啲仲有個火鍋好似都幾抵食咁日式咖哩燒牛金菇卷漢堡扒定食，$82跟餐揀咗沙律同埋玄米茶咖哩味香濃，有傳統嘅日式咖哩嘅甜味同香料味金菇卷惹味十足，漢堡扒超級厚！！一個人絕對飽或者食唔晒

睇到食評有拉絲又有大蝦好吸引，而且呢間係翠華集團旗下嘅餐廳，翠華嘅出品都有保證，呢間應該唔錯啩。我哋午巿去到，客人唔多，餐廳係以快餐形式，有自助點餐同人手櫃枱點餐，可能午巿，只有日式飯同烏冬選擇，我嘅芝士拉絲同海老消失了。餐廳裝修以黃色為主，簡單又有活力。食物選擇真係唔多無特別吸引，味道都可以嘅，份量有啲少。鐵板角切和牛配燒魂丼，店員推介，飯牛肉唔韌，汁都幾香，係多油咗少少，舖喺飯上面嘅紫菜絲仲係直，唔係又淋又軟，都唔錯。海女三色丼，上面係舖滿魚籽，但個飯無味，舖喺面嘅又乾，有啲難食曬。廿一蒲燒鰻魚丼，呢個炭味太勁，我以為其中一位食煙嘅同事散唔到煙味，聞清楚先知係鰻魚，不過都幾好味，同事話食到最後炭味重。海鮮65℃溫泉玉子讚岐烏冬，一般，湯有少少淡。爆蔥65℃溫泉玉子丼配岩鹽燒鯖魚，魚肉唔鞋，仲有少少油香添，大量嘅蔥舖喺飯上面，飯入面油香唔會係油淋淋嘅感覺，唔錯。加$12嘅特飲。奶茶加$3。

1. Shop assistant strongly recommended this seasonal dish of Grilled Wagyu Beef with Onsen Tamago Rice, so I decided to give it a try, and it did not disappoint!2. The wagyu beef was grilled on the hot plate with garlic flakes and onion. I love this beef so so much as it’s so flavoured, juicy and tender! Nom Nom Nom! And the portion is quite generous too!3. The rice bowl is another good surprise. I love mixing egg yolk with rice, it’s just so delicious. And this tamago rice is a kind of Japanese

呢日係結婚週年紀念日，唔想老公太破費，於是就膽粗粗入去試吓呢間係屋企附近新開嘅日式快餐店，餐廳主打一人前鐵板餐、日式丼飯等等，餐廳主要採用自助購票形式，亦都有傳統的收銀服務，食物價錢相宜，五十幾蚊起錶就可以吃得好滿足呀！餐廳環境主要以黃色作為主調，店舖內的職員都十分年青有活力，進入店舖時感覺年輕又有元氣，門口設有兩部自助點餐機，而店舖內亦設有一部自助點餐機，自助點餐機並以八達通卡付款真係好方便。我倆點了鐵板角切和牛套餐$78同埋豚肉生姜燒配溫泉玉子$64，鐵板角切和牛套餐真係好抵食！和牛明顯厚切得黎又唔韌，有咬感！又不會吃到成口油，也不感到肥膩！豚肉生姜燒配溫泉玉子，豚肉份量好吸引，有咀嚼感勁入味！呢個飯係日本係好簡單既家常便飯，但居然可以係呢度食到有家既感覺！總括以上嘅樣樣都好好，但可惜..........我們還點凍檸水，職員未有細心留意顧客落單要求......明明小甜走冰，佢就俾左走甜小冰🤦🏻‍♀️為免浪費，都係算了吧⋯⋯