廿一堂

营业中

休息中

最後日子在荃灣，在外忙完到西鐵站，有點時間，來個早餐好了。廿一堂，海之戀開了咁耐都無乜食過，好幾間餐廳都有海景，幾好。主店都可以自助形式，自己點餐取餐收碗，但又唔係話好平嘅。出品都算係咁，豬扒個位都靚，調味可以唔鞋，炒蛋正常發揮。所謂肉碎，買之前問有無另上佢話無，我以為點咪又係一匙的多放係面。茄湯底係ok嘅，面就普通，可能跟通粉好啲。整體而言，貴又唔係貴，硬係差啲，你慳咁多人手都係落唔到個客度，食吓景食吓裝修，唔洗俾咩。

早餐日式西洋早餐太似我在日本機場食。裝修都好似因為是日式餐廳，無胡椒粉，只有七味粉。我落極七味粉，湯底仍無味。七味粉唔似平時超市售賣的樣子。湯底無加茄膏，唔錯我喜歡胡麻沙律醬雞翼是靚，但汁我唔太鐘意玄米茶，茶唔夠濃

鯖魚奇大，出面餐廳根本食唔到，呢個餐$70，樓上Peko Peko都係鯖魚餐$72，但條魚勁細個種，個烏冬好普通，唔太好食，唔彈牙！但綠茶甜品咬落去相當煙靭，我覺得好美味！仲有一杯玄米茶加海景，$70大大份，抵！

搭屯馬線到荃灣西，一出海之戀就見到有間食日式丼飯幾多人睇同買外賣。咦～個樣好似幾好食，價錢又唔貴，餐廳入面幾大同闊落，見無乜人堂食，一於食下先😆係出面既自助點餐機落單，跟住就入去搵位，睇號碼取餐。可惜海景位被人坐左（大陽唔太猛烈，坐係窗邊位望住海濱長廊同海景，幾唔錯架💕）廿一厚切牛舌丼 $65牛舌有4塊，而且係厚切‼️ 但唔會靭🚫 撒上黑椒同芝麻，夠入味而不會有羶味👍🏻 白飯份量對我嚟講剛好，牛舌配埋白飯，成碗🍚KO😚😚廿一燒牛丼 $60牛肉燒得比較乾柴，有少少肥。份量適中，味道唔錯既，但牛舌略勝一籌🤣跟餐有餐飲同抹茶大福，大福外皮軟綿，鋪滿椰絲，內裡有抹茶cream，唔會太甜，唔錯👍🏻食完請自助回收食完既餐盤，仲可以領取$2獎賞，下次憑劵惠顧任何套餐可減$2。如果係附近返工，呢度絕對係一個唔錯既選擇✨

第五波疫情路過，見到呢度有鰻魚飯，加上海景有陽光☀️於是一人品嚐鰻魚飯但香港的蒲燒鰻魚都是又扁又軟的質地，好懷念日本的碳燒鰻魚，肉質又厚又彈牙。但係我想讚讚廿一堂的甜蛋絲、綠茶棉花糯米糍，十分美味👍

今晚買外賣二人餐$118，包括燒豚肉丼，燒牛肉丼，兩款小食，1）兩隻炸芝麻雞翼，2）一碗九州豚湯野菜湯煮，兩杯飲品。15分鐘後返到屋企，出面氣溫23度，預咗食物唔會太熱。燒豚肉實在太燶，個樣有啲似煙肉，只食到燶味無肉味，食唔落，燒燶咗就唔應該比客人。燒牛肉丼味道唔太差，配菜醃蘿蔔好食。芝麻雞翼還可以，最好味係九州豚湯野菜煮，好多菜，有一塊鮮冬菇，應該改做主菜🤣除咗燒豚肉，其餘食物都對得住$118呢個價錢。

自從第五波，少咗出去食飯。除咗擔心除口罩有風險之外，仲係因為無得食🤦🏻‍♀️放工都6點，岩岩好禁堂食時間嘅開始🦠本身都諗住買外賣返屋企算，不過太餓🤣係商場揀咗間價錢相對平民啲，而又有開嘅餐廳🍴Set Lunch 除咗主食，仲會配大福同飲品。今次揀咗人氣1️⃣嘅《燒豚丼🐷》，餐廳人唔多，得四～五枱有客人，等餐時間都幾快。🍚份量適中，女仔一定夠，但男士可能會覺得較細。豚肉有5大片，每片都厚切👍🏻不過豚肉片有少少辣🔥，小朋友或者唔食得辣嘅人要注意啦‼️🍲麵豉湯中規中矩，同平時嗰啲無分別😆🍬大福係綠茶味，中間係綠茶 cream，唔太甜，又ok wor🍬如果大家嚟開哩區，又想食個快飯，可以試下哩間😋餐廳係自助回收餐盤，自己餐盤自己收。食完記得有手尾拎返啲餐盤去回收窗口呀🍽

一家三口午餐媽：廿一燒豚丼肥肥地燒得幾香，我覺得OK，價錢十分抵食。爸：廿一炭燒鳥丼，略爲幼小，感覺似雞絲，但味道還可！仔（6歲）：鰹魚湯牛肉65℃溫泉玉子讚岐烏冬很好吃😋 停唔到口！烏冬很彈牙！ 七喜很好飲

餐牌大翻新後第一次黎,以前的餐牌非常好,有親子丼同烏冬,但而家嘅餐牌好似早餐咁,份量少而且比較貴。我諗不會有下一次了｡其實加價咪得囉，點解要換餐牌呢？失望！客都少左。其次，點解要落窗簾呢？有靚海景都冇用啦，以前都吾會咁！冇下次！

早餐I 厚切餐肉+炒疍+肉醬茄湯即食麵 $33食物對得住個價錢，但地方寬敞環境寧靜播住少少 lounge music 仲要坐到海景位，超值!餐/疍當然係 pre-cooked，但塊餐肉都幾厚，個麵同杯咖啡普普通通，整體都偏向淡口但味道OK。呢間嘢係賣扮日式丼今朝經過先知佢有賣港式早餐，有啲驚喜.

【廿一堂】日式快餐店。價錢親民，有質數。你以為食壽司丼豚肉丼先係正路，咁你就錯喇！😝😝.筆者最Like 既係...👇🏻👇🏻❇️厚切牛舌丼💰HK 645大塊厚切，好慷慨❗️套餐一飯一湯一甜品。甜品係日式福餅。燒牛舌，本身已好入味，厚切5大塊，再加薑絲，Nice‼️牛舌控，真係可試試🙌🏻.❇️下午茶茶餐💰𝗛𝗞 38厚切餐肉 + 法蘭克福腸，大大份。如果餐肉再煎焦多d ，應該更好。🤤..🏠 廿一堂 Nijuuichi Don📍 荃灣大河道100號海之戀商場地下G02 號鋪

如果不是因為趕車，我不會在鐵路站附近食。真係難食到...是快餐店的設計，但有時要久等才有餐。餐牌是「蕃茄濃湯螺絲粉」，其實是稀釋蕃茄湯。螺絲粉沒有味道，我平時已經食少鹽，仍然覺得螺絲粉好像用清水灼，粉糰一樣。以前食過一次「香煎午餐肉麵」，午餐肉係沒有煎過，好像從罐頭切片出來。最後一次光顧，只係玉子較正常。

間舖喺正地鐵站口，一出就會見到。門面黃色好顯眼，本來以為坐低先order嘢食,點知原來佢哋模式係快餐，喺出邊叫完嘢食先入去搵位坐。一睇個Menu全部嘢食嘅價錢好相宜，試左佢既人氣餐：廿一燒豚丼 $58連野飲豚肉厚實之餘唔會硬，韓燒五花肉既味道，加埋汁，送飯一流！紅色個啲應該係醃蘿蔔，佢酸酸甜甜，連埋肉同飯一齊食，口感豐富。我見佢有薯餅就自己加錢買咗個，佢又炸得好脆，入口即溶🤣🤣如果你好彩仲可以坐窗口位，因為有海景睇！快餐價錢，食物有質素，仲有海景贈送，午飯同下午茶過黎對住個景食都抵🤣

平日放工Hae 食dinner ，去左呢間唔使等位。叫左個牛舌丼同豚肉丼，居然都包野飲（汽水），有個麵豉湯仲有粒糯米糍。六十幾七十零蚊個餐算幾抵有少少似丼丼屋feel 不過丼丼屋d肉薄d有煎香，呢間唔一樣，同埋係平版。環境：唔迫乾淨，d餐具都新淨。有姐姐執枱抹枱食物：牛舌都幾大舊幾厚，overall 都幾焾，d肉既調味連日本飯+汁+洋蔥都幾好味。豚肉就少少肥不過可接愛。粒糯米糍裏面cream 黎，面頭居然係綠色既椰絲….個人唔鐘意椰絲不過都可接受，不過無椰絲會好d, 同個綠茶外觀唔match。服務：唯一唔好係cashier 個𡃁仔係咁掛住㩒電話….人地落緊單佢都㩒兩下先應。雖然唔知佢係炒散part time 定點，但收得人工都唔係咁呀？無人時你㩒都算，落緊order 都一路㩒，問佢野又唔應人skip 左人地個問題

原來廿一堂咁早開 仲要都有幾多款早餐揀🤗迷你關東煮配鰹魚湯烏冬- 份量超級足嘅早餐 烏冬比得超多 可能放得比較耐 拎到返埋枱嘅時候 已經泡發左啲 關東煮有大根 竹輪 芋絲 冬菇 味道不過不失🙆🏻‍♀️芝麻手羽 厚多士 牛乳炒蛋配日式蕃茄螺絲粉- 另一個份量超級足既早餐 番茄湯偏䶢 早餐嚟講 大重口味 芝麻雞翼炸得好脆 多士睇落烘得唔夠 但食落都脆身 而炒蛋就未夠滑👐🏻跟餐即磨咖啡同奶茶都有茶餐廳水準 算係意外驚喜 好香好滑☕️海之戀呢個商場連呢啲平民餐廳都會有海景睇 可惜今日海景位比人霸晒 不過我地離遠望到都好正😍