廿一堂

营业中

休息中

返工晚飯就係搵嘢食時間，今日係海之戀搵食，第一次試廿一堂，睇餐牌諗緊食飯定食烏冬好，得No.15 鰹魚湯讚歧烏冬餐配關東煮其他無，咁就外賣試下。烏冬跟餐有關東煮、麵豉湯、玄米茶、大福關東煮有2件冬菇、獅子狗卷、年糕福袋、蒟蒻、豆卜、白蘿蔔。鰹魚湯非常入味，味道又唔會太鹹，加入烏冬食真係好夾抹茶大福煙煙韌韌，內層抹茶忌廉仲凍凍地好似食緊雪糕幾好味$73價錢晚餐唔算街坊價，但性價比相約，套餐有湯、有飲品仲有甜品食到飽肚味道又好都抵食

呢間鋪算係海之戀商場入面既窮人恩物自助形式落單取餐既日式快餐店。除左有飯, 烏冬揀之外, 佢仲有壽喜燒鍋。鋪入面座位唔算多, 但人好多, 所以搵位都要一段時間 (搵位既時侯都見好多人係食壽喜燒鍋)等左十幾分鐘終於有位, 就即刻出去落單。因為唔太餓既關係, 所以就咁揀左飯食。佢一個SET 有野飲有小食其實都真係幾抵, 仲要餐廳出面就係海濱, 食果時有海景睇, 食完又可以出去行下吹海風。飯多汁, 牛肉夠味道但又唔會咸, 牛舌冧身好食。食大福既時候嚇一嚇, 唔知點解粒大福既皮上面有椰絲(個人唔鍾意椰絲) , 但個餡係好味既!一定會再幫襯

位於海之戀地鋪望海邊方向，位置上已經贏哂。第一次食，早餐最推介既係牛乳炒蛋，見每個早餐都係三十幾蚊，又幾抵食喎，每個早餐都有半件厚多士（牛油獨立包裝）、牛乳炒蛋再配沙嗲牛肉麵或腸仔餐肉公仔麵或鰹魚湯烏冬又得，都幾多組合花款。本身對牛乳不太喜歡，所以只食左一啖，真的好重牛乳味，食唔到落去，鐘意食既人，一定非常喜歡，佢又唔係炒到熟哂，7成熟又有蛋汗，所以質素唔錯。腸仔餐肉公仔麵，同自己係屋企整差不多，反而個厚多士有烘底，塗上牛油好正。鰹魚湯烏冬係早餐食又清甜唔油膩，都係幾好既選擇，但係個炸薯餅就唔好食，裏面係好似薯蓉咁，味道怪怪的。沙嗲牛肉麵就油膩左少少，牛肉無根湯底都有沙嗲味，不過唔可以用港式沙嗲牛肉去評價日式餐廳既，其實佢地應該整咖哩湯麵，咁就有番啲日本風味。呢度有一部自助售賣機，都好容易使用，用餐完畢，可以自己送回餐盤，可以有一張receipt下次當$2用。總結，早餐只係一般到唔一般既港式早餐，牛乳炒蛋就牛乳味非常濃郁，價錢相宜，但絕對不是日本餐廳既質素同食物。

✨性價比之選✨.海之戀開咗好多唔同嘅食肆，最近嘅一個星期日，我哋就去試下食「廿一燒豚丼」，呢間男朋友之前一個人去食過幾次，食得幾次相信有佢嘅吸引之處，所以我又想試吓😋.當日六點左右去到，目測5成入座率，所以我哋都坐到卡位，座位闊落舒適，整體比人感覺好乾淨💕啱晒講求衛生嘅朋友呀！而餐廳點餐形容同其他丼飯一樣，都係以自助形式點餐.🔻雞肉壽喜湯 - 配白飯、玄米茶 $82（7.5/10）我哋捧完個餐返到座位後，隨即店員就幫我哋加個爐點火有好多唔同種類嘅菜、菇等，仲有腐皮芝士年糕，獅子狗等，配埋壽喜燒湯底幾唔錯😋至於雞肉份量都算多，而且肉質明顯比其他丼飯店嘅邊爐雞嫰滑😻另外想講飯嘅份量都好多.🔻廿一燒豚丼 $68（7/10）正正常常冇咩特別嘅一個豚丼～男朋友成日食呢個，想食豚唔想食牛嘅可以選擇呢碗😋仲配埋個抹茶大福、味增湯，以及一杯百行可樂添～感覺好滿足 .ᐟ .ᐟ如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我以下嘅𝐒𝐨𝐜𝐢𝐚𝐥 𝐌𝐞𝐝𝐢𝐚.🔸𝐈𝐠: 𝐅𝐢𝐛𝐞𝐞𝟑𝐛 @fibee3b.有個位可以自助斟水，個紙杯好迷你可愛下😹忍唔住影低留念P.S. 個玄米茶茶味唔濃.餐牌：.環境：

😋成日都會經過呢間餐廳❤任何時都都見到好多人係咪門口買嘢食🉐️今日終於有機會去試喇。🥳荃灣西有好多餐廳都係喺海邊❤有海景嘅餐廳價錢通常都會高啲😋呢一間餐廳喺荃灣西海之戀商場💜而呢瘦又🈶️海景價錢唔貴👍性價比都算高呢，呢個價錢再加埋呢個食物質素，算係好合理呀❤今次試咗佢個午餐同埋下午茶😋😋🥣午餐：廿一厚切牛舌丼$64⭕️牛舌夠林👍夠juicy😋真的好味道⭕️包嘢飲🧃(我加咗$4飲熱柚子蜜)⭕️送嗰個大福餅真係冇得頂😋質地好軟熟👍好新鮮👍綠茶味好濃，好食到要加錢你都會要食㗎🥣下午茶：午餐肉牛乳炒蛋配蕃茄濃湯螺絲粉 $30⭕️茶餐廳貨色，味道一般 $30⭕️包嘢飲 (奶茶❌，日本餐廳所以冇乜期望，亦都係意料中事)整體環境、食物都可以嘅，都值得一試😋✅佢有一個自動回退慳$2，慳番兩蚊可以下次用㗎👍記得「咁」返張優惠券下次用呀😍環境：⭐️⭐️⭐️⭐️⭐️食物：🌟⭐️⭐️⭐️⭐️💰：$98 / 2 ppl📍：荃灣大河道108號海之戀商場G02號舖

食完一次又一次，廿一堂下午茶嘅「蟹棒65⁰C溫泉玉子贊歧烏冬配番茄湯」真係冇得輸，無論性價比定係食物質素都好優秀，而且配搭甚多，當你唔夠飽可以點多個飯撈番茄湯，好味到震。我今次就加炸手羽，簡單配可樂又得，加錢配巨峰梳打或抹茶特飲亦得，加埋都唔駛50蚊，雖然未可以叫窮人恩物，但一個人想搵個地方食少少嘢坐一陣，又唔想只係去coffee shop飲咖啡咁dry，同樣價錢下廿一堂的確係唔錯嘅選擇。題外話，佢加＄10可以加購配菜嘅醃「大根」真係好好味，如果我叫丼飯嘅話係必加之選。

咁啱經過海之戀見到呢間新開嘅日本店，門口meal有壽喜燒湯底嘅火鍋買單用自助形式比錢，先買飛後拎嘢食價錢平，性價比幾高，雞肉大嚿又滑，牛肉點完蛋汁再烚，而飯可以加$8轉烏冬會再幫襯👍🏻

仲記得6月頭，一個人去左依間位於荃灣海之戀既日式親民專門食丼既餐廳。 餐廳環境一流，平日夜晚人流唔算多，最正既係對住海景，夜晚景色別有一番滋味。 可惜唔記得左影相。 食物質素亦都唔差， 叫左廿一厚切牛舌丼，牛舌普遍算腍身，係個別一兩塊好韌，要咬耐少少。 另外加配既芝麻手羽，表皮香脆，肉質細嫩，唔錯

很喜歡荃灣西,海之戀商場入面有好多餐廳都看到海,有平有貴!呢間我特別喜歡這間的午餐,符合我搵食的三大標準,平靚正!🐱燒鳥丼$58 調味很好，燒汁很好吃,雞肉軟嫩又多,喜歡😍🐱燒牛丼$59燒汁都好食但肉比較乾靭,不推介🙈🐱跟餐的大福超級好食，軟綿綿，綠茶味濃👍🏻🐱加$8 的北海道薯餅好脆大大塊👍🏻🐱加$8的特飲兩杯都好好飲😋連鎖店雖然係自助，但係大間、舒服、乾淨，窗口位都幾多，可以欣賞海景著海景食飯。Chillax!

平日夜晚人流唔太多，早入座仲坐到個窗邊位，睇到下夜景🌃。座位之間都唔算太埋，可以慢慢嘆佢既火鍋。​​牛肉壽喜燒湯 ($82)​兩人都叫左同一款火鍋，🐂牛肉肥瘦適中，鍋入面既蔬菜🥬都不過不失，芝士竹輪卷🧀同年糕福袋都好食。 將白飯轉配左烏冬(+$8)同壽喜燒湯十分夾，飲品轉配左凍宇治抹茶(+$8)，抹茶味🍵唔夠香濃，甜味較多，寧願飲返汽水。​​食完自己拎返餐盤🍽出去，仲可以禁個電腦螢幕攞張$2優惠卷下次黎食再用。​

星期六同朋友食左個好豐富嘅午餐。荃灣西西鐵一出閘就係，不但不用等位，仲有無敵大海景睇，超級加分！點左兩份午餐，即叫即燒，要等差唔多15分鐘才有得攞餐；📍廿一炭燒鳥丼$68我覺得雞丼比起牛丼更加好食，雞肉夠滑同埋入味，份量多，夠送飯。📍廿一燒牛丼$69牛肉燒得有啲乾，要咬耐少少，失望耶！📍巨峰乳酸梳打（➕ $8）好鍾意呢杯飲品，提子味好香，而且有大量嘅椰果，加埋乳酸梳打，非常之醒胃，好飲又好食！北海道炸薯餅（➕ $8）一塊拳頭左右手的日本風味的薯餅，香脆！📍宇治抹茶（➕ $8）現場都好多人叫呢杯飲品，朋友話好飲，茶味夠濃，決定下次試吓。📍大福跟餐送的，外皮Q彈，入面好滑，不會死甜，好味😋

望住海景🌊食早餐🍽，並不一定要去光顧消費高的餐廳/酒店。這天，我倆用了平民價錢，都可以享受到一頓豐富的早餐，悠然自得咁望住個海景一邊食，一邊欣賞景色，好chill啊😎食店是自己入去選擇位置的🛋🪑，點餐則分為排隊或者使用自助點餐機服務。店舖坐位算多，幸好， 我倆能夠選擇到窗旁的位置🤩法蘭克福腸、午餐肉公仔麵🍜、牛油厚多士🧈、牛乳炒滑蛋🍳，配凍奶茶：午餐肉煎得好香口，炒蛋用咗牛乳炒，格外嫩滑👍🏻北海道薯餅、牛油🧈厚多士、牛乳炒滑蛋🍳，配凍奶茶：薯餅炸得好金黃，香脆，對於不想吃太多的人，這個份量恰到好處🍽早餐的味道相當不俗，唯獨是凍奶茶🥤，是以綠茶作為茶膽，與我平常飲開的港式奶茶，截然不同，味道有點怪怪的，這是我不太喜歡的🙁

平時都會經常來食廿一堂 位置方便 又可以自助落單 6月16日晚上到荃灣海之戀分店 但係自助落單電腦出現問題 叫了收銀職員幫手check一check 她下按了兩按 然後離開回到收銀位置 電腦並沒有回復正常 但收銀職員也沒有繼續跟進 我唯有在收銀櫃位落單 但這位收銀職員 好像很忙地 不停按電腦 我站在她面前等了大約一分鐘 下單前後她並沒有說一句說話 畀錢時她他就用手指大力地不停篤八達通的位置 好像很不耐煩 要著客人盡快畀錢 最後我有向店長提出這個問題 希望他跟進這一位職員的態度問題

是日天氣酷熱，我地嚟咗荃灣西海濱打算chill一chill, 就俾我地發現到呢間平民化燒肉快餐店。食客可以選擇自助購票或者專人購票。購完票之後就等嗌number, 自行出去取餐。講起餐廳嘅環境簡直一流，寛敞開揚，仲可以望住海景邊傾邊食，人生一樂也！食物質素都算不俗，牛舌幾腍，可惜有幾片連住喉管位置，因此較韌，要好用力咬先咬得開。作為快餐店質素，都係將貨就價啦。而豚肉丼就不過不失，豚肉唔算得上有好濃嘅豬肉味，但燒得幾香，有些少燶邊，尚可接受。而家屯馬線全線開通咗，要過嚟荃灣西食嘢又方便咗好多啦！

淳淳豬🐷今日生日🎂帶左佢去海之戀行下玩下玩到肚餓搵嘢食廿一堂燒肉丼係用日本🇯🇵食材燒肉即叫即燒好新鮮熱辣🤤
丼飯用日本山形縣生拔米🍚粒粒分明米香十足😌
再加埋自家製燒肉汁有佢獨特既味道😋除左食佢嘅廿一燒豚丼🐖我仲叫咗💁🏻‍♀️廿一炭燒鳥丼🐓好香炭燒味燒烤汁做得好好👍🏻啲雞肉入晒味啖啖都係肉 淳淳🐷食到唔停口😆💁🏻‍♀️鐵板角切和牛配燒魂丼🐄勁好食🤤好岩我口味牛肉粒加洋蔥汁🧅啲牛一啲都唔韌再配埋個加左紫菜嘅飯香上加香🤩完全無諗過咁平嘅價錢可以食到好味又大份量既丼😍我叫到成枱野食3個丼🍛🍛🍛加2杯特飲🥤🥤加多個北海道炸薯餅🥔都係2百蚊左右炸🤩絕對值得推薦比大家食😎