廿一堂

营业中

休息中

去到新開的海之戀商場覓食，真係有好多野食，巡視完之後就揀左呢間廿一堂食物款式多，價錢又平，特別係下午餐即場係storellet做埋會員仲有野食送，有3張coupon，如果將3個餐分開買就變左可以用晒啦!menu蕃茄滑蛋公仔麵-牛肉 $30連野飲蕃茄湯好濃味好飲，牛肉都OK多，炸芝麻雞翼可以優惠價加配，好香脆，北海道薯餅都係可以優惠價加配，都唔錯和風沙爹牛肉烏冬烏冬口感不錯，炒蛋嫩滑蕃茄滑蛋公仔麵-豬肉 $30連野飲豬肉都不錯用左coupon，升級做宇治抹茶、送炒蛋、送關東煮關東煮蘿蔔較多渣，不過好入味宇治抹茶都唔錯，唔會話好稠飲唔到$30下午茶真係好抵仲有野飲，食物都幾好味，又唔係話超迷你好細碗，回收餐盤之後仲有$3coupon，一星期內再食就可以減，住附近就岩晒環境舒服，座椅舒服，店員都NICE

今日相約好友去Donki 行街,未行前我哋先醫肚,見依間坐得舒適,環境又整潔就試吓。進內先知道原來係自助形式,即自己揾位、叫餐、取餐。付款可用支付寶、現金或八達通。午餐有丼飯或烏冬可選,仲可加配小食。飲品有冷、熱和特飲我哋分別叫咗2個餐,每個餐包主食同飲品,每人再另加$16叫小食(芝麻手羽2隻)豚肉65℃温泉玉子讚岐烏冬(蕃茄湯底)先講個烏冬麵質爽口彈牙,温泉蛋煮得剛好,唔太生又唔太熟,豚肉都唔少,肉夠滑嫩,至於蕃茄湯底,味不太濃郁,勝在健康,酸酸甜甜令整碗麵都好味。廿一炭燒鳥丼肉質嫩滑嘅雞肉鋪滿在飯面,加上檸檬汁同燒汁拌飯,開胃又惹味。芝麻手羽(2隻)雞翼係全翼,肉質十分幼滑,炸粉不太多,卻能帶出芝麻香,必食另每個套餐會送大福作甜品,原以為係雪糕餡,食落先知入面全部係cream 有啲失望。

位於商場裡的日式快餐店自助買餐，取餐，搵位，收盤大部分枱都有一支搓手液位與位之間都有距離，坐得舒服一個餐，有小食/甜品+主食+湯+餐飲👆🏻燒豚丼，肉質ok，但就唔夠入味👆🏻厚切牛舌丼，真係厚切，肉質ok，都有牛味

想食廿一堂好耐，終於食左。門口有自助餐，亦有收銀姐姐幫手落單，再找位等嗌number, 就可以拎餐。當日係接近十二點去到，餐廳內冇乜人，我坐左係窗邊的卡位，可以望到出面海旁，感覺好舒服，自然光曬入黎又吾會好熱，感覺好chill~我嗌左個厚燒牛舌套餐（$60），牛舌整整四大片，好厚片🤤 入味而且淋身易咬開，係好食既～～ 套餐仲包左飲品和糯米糍一粒。感覺很滿足。 吾知係咪我黑仔，食食下有個技工哥哥走黎要裝返我張枱上面既燈泡🤨🤨 我心諗：點解吾可以等我食完先裝？

黎到荃灣西搵午餐食，同好友打算去行下DONKI，就會必經廿一堂。都會被早前試過念念不忘的日本飯吸引住，於是又入內光顧了。黎到廿一堂，我必吃的就是熱辣辣的牛舌丼。（也是早前住荃灣的朋友介紹）本人好喜歡食牛舌的，此處的牛舌，舌身是軟林林又多汁，有好足牛味又無騷味！是廿一堂必吃之選！午餐選擇厚切牛舌丼外，也會配搭豚湯野菜。野菜吸收晒豬骨湯的味道，我都覺得好好味。（但我唔會飲d湯，因始終有點點肥）仲有最正的鮮忌廉水果味大福，好好味，再加上今日坐窗邊晒下大陽，感覺真是幸福啊!唯一有不好經歷就是同員工爭位坐。佢地開飯時間無劃位，又無reserve牌，結果被佢地趕離我等左一陣的坐位。

第二次嚟食，上次食完牛舌飯，我覺得都唔錯， 牛舌不是沒有味， 配上燒汁送飯不錯， 亦不是想像中的太淋，不會失了口感。但係今次叫燒牛肉飯呢，個牛肉太燶喇🥵。 見到人哋啲相都好似冇呢個咁嚴重，啲配菜放喺面頭都睇唔到底下原來咁燶。 食完都覺得自己唔健康， 就算牛肉味道ok都扣曬分😑😑至於飲品上次試咗牛奶綠茶，唔知係唔係已經冇咗紅豆綠茶呢？味道一般比較淡口， 所以今次叫咗汽水算啦。甜品感覺像糯米糍， 愛層像mochi包住朱古力cream， 一件都足夠。

📍位於荃灣西鐵站上蓋既海之戀商場入口就會見到一間主打日式燒牛/豚肉丼飯專門店既廿一堂🥢🤗開張左一段時間，今次終於有機會試下啦😝值得留意既係依家外賣🥡都享有9折優惠‼️餐廳門口設有自助點餐機，好欣賞佢可以自選口味揀多飯/少飯，多汁/少汁🤣點好餐之後，就可以入去取餐處等叫號碼取餐。係等攞餐之際，我留意到部自動drop飯機🤣好神奇吖‼️慳返人手，時間 而且衛生啲👍🏻飯既份量都平均啲😙💛🧡💜燒牛丼飯🐮💢💲58 (9折後 💲52.2)牛肉燒得啱啱好，好惹味，有咬口👍🏻雖然帶點燒焦味，但卻保留住牛肉本身既肉汁，油香四溢♨️一啲都唔乾‼️仲有啲焦脆口感添😜 牛丼加左洋蔥，七味粉，芝麻，黑椒，醃蘿蔔等。如果唔啱食，可以走左佢👆🏻❌醃蘿蔔酸酸甜甜都幾好食，好開胃🥰👍🏻 份量仲要一啲都唔少架。至於飯既份量就見人見智啦。男仔黎講可能會唔夠食，個人就覺得啱啱好🤣 啲飯好軟熟，好似珍珠米甘依家買任何一個餐都送飲品，大福同埋獨立包裝嘅口罩收納套 真係夠哂貼心❤️👍🏻👍🏻呢件大福真係好食都暈，唔係講笑‼️🤎朱古力cream香甜柔滑，入口即溶😝 甜度啱啱好，一件真係唔夠喉🤭下次試下其他再同大家分享🤗💛

相信有不少人以往都和我一樣，喜歡到某間連鎖店吃一人火鍋。最近，在荃灣發現了「廿一堂」，有供應一人火鍋，大家可以有選擇了。😉.這間餐廳是自助形式，門外擺放點餐機，讓顧客自行點餐，然後再找位置坐下等待，當看見自己號碼時，就可以前往取餐。同樣地，職員看見你點的是火鍋，會為你遞上及開著爐。😁.建議若兩人以上前往進食，可一人點餐，另一人找位置。當天晚上，人流十分多，同時出餐時間長，差不多等了40分鐘才可進食。.「牛肉壽喜湯」$82🍽：鍋內有蟹柳、冬菇、粟米、獅子狗、金菇、菜，算是挺豐富。肥牛略為有點肥，飯的軟硬度適中，壽喜燒的湯底不會太咸，整體而言，味道很好。.「鐵板角切牛配燒魂丼」$88🍽：牛肉粒偏少，雖然是鐵板上，但不算很 熱，味道一般，價錢有點偏貴。

想喺荃灣食個快靚正嘅烏冬，廿一堂係不錯嘅選擇。之前喺將軍澳分店食過一次火鍋都覺得呢間嘅出品性價比不錯，所以今次午餐再試一試個午餐烏冬。 鰹魚湯牛肉65度溫泉玉子讚岐個烏冬整體不錯湯夠熱，烏冬硬度適中有咬口溫泉蛋我就食之前篤穿個蛋黃撈麵食，啲蛋漿撈埋麵食先係最正！牛呢就普普通通，正所謂一分錢一分貨，主要都係想食個烏冬。呢個套餐仲包埋一個大福，不過一向喜歡食大福嘅我，對呢個大福真係提不起興趣整體$60既價錢，有埋茶飲，都係不錯的烏冬選擇。

今天去了行山，行完到荃灣已經是下午4:30。剛巧看到這間店，決定試一次。現在正是下午茶的時間，看了餐單，覺得茶餐雖平，但沒有日本的特色。最後叫了兩個午餐。我和友人分別點了炭燒鳥丼和厚燒牛舌丼的午餐。午餐除了丼飯，還包括一杯飲品和一粒大福甜品。厚燒牛舌丼的牛舌軟嫩、多汁，厚燒醬汁甜甜的，十分美味。紅薑配上牛舌，十分搭配。該店採用日本米，日本米煙韌，配上些少厚燒牛舌的醬汁，恰到好處，令人可以吃完一整碗。至於炭燒鳥丼，雞肉切成條狀，燒得時間太長，肉質較乾、太老，有將塊更焦黑。醬汁是美味的，可惜了雞肉。若能將雞肉改為雞排，相信必能鎖住肉汁，肉質不至於如此乾柴。甜品大福很美味，加分。這間店舖主打日式食物，餐廳座位舒服。可惜下午茶的茶餐卻沒有日本特色，是一般香港下午茶餐廳會吃到的食物。方包、腸仔、雞翼、沙爹牛肉......餐牌太令人失望。既然要主打日本風，下午茶餐應該加入日本的元素，可以加入章魚小丸子、大阪燒、紅豆餅、日式炒麵等等。希望可以真的徹底改變成日本風格，這樣才真正能吸引客人光顧。

經過海之戀，泊架車入去商場行下DONKI，但個商場好多店舖食肆都未裝修好，所以無咩選擇見依間廿一堂主打丼飯，所以就試下入門口前，就有個自動量體溫計，入到去就自行搵位坐，之後就去自助點餐厚切牛舌丼，認真麻麻，d牛厚無調味，只係白烚完之後，就咁燒2下個面另外燒豚丼同燒牛丼都不過不失，配有奄蘿蔔，幾清爽值得一提嘅係依家買2個丼飯，飲品就會免費，而飯嘅份量真係好少，都個成年男人要食2個先夠飽，店舖全自助，食完記得拎返d餐具去清潔區啊

啲套餐望落去好豐富，除左主食之外，仲有味僧湯、前菜/甜品同埋飲品嫁，好似平時去日式餐廳個啲定食咁，不過餐廳就係自助式，價錢唔洗加一黎講都算可接受！**********<廿一厚切牛舌丼> $70牛舌真係好厚切，遠睇好似牛腩咁，口感係偏淋，鍾意食爽嘅朋友就未必啱食！同埋有四大舊，每人食兩舊都好夠，太多都幾膩下🙈個汁就幾重黑椒味，撈埋飯食就啱啱好！**********<唐揚雞配日式咖哩讚歧烏冬> $76唐揚炸雞都有四件，又可以兩個人share啱啱好，個雞真心幾正，可能係啱啱炸起嘅關係，真係皮脆肉滑，咬落去會有汁漏出黎嫁🤤咖哩方面個汁唔係超濃個種，唔算係撈烏冬但味道都唔錯！

同某某連鎖店有D相似, 依間店舖坐既位置比較舒適，雖然價錢略高少少， 但仍可以接受， 如果想平D,食完野之後自己垃圾自己執，喺收垃圾位置既旁邊有個拎coupon 既制， 慳得一蚊得一蚊叫左兩個套餐， 我唔知原來跟餐都有大福送， 仲要另加錢叫多一個大褔，食到呢～～ 不過下午時分食個下午茶， 旁邊有有少少海景都係一個唔錯既享受（ 如果個冷氣大D仲正)一般般既關東煮賣相好漂亮， 炸到金黃色， 可惜唔夠熱不過不失既豚肉生薑～sauce唔會太喊！

今天跟同事叫左廿一堂外賣，都好準時送到呀，三個人的餐也不同的，另外叫了飲品。牛肉飯，叫了少飯，牛肉燒過的，燒得幾香，少少乾身，份量也不少，仲有少少薑，幾開胃的，有d汁，見到個盒只有半滿，以為好少，其實也好夠食。生薑豚肉，仲有隻溫泉蛋，豚肉也幾多喎，又夠薄身，薑味就不算好出，都好味的。同事叫的炸雞，賣相好正，原來個外賣盒咁高係因為炸雞係另外放係一個膠盒的，然後再放在外賣盒裏面，唔會俾d咖哩汁整到d雞淋晒，幾細心呀！巨峰提子梳打，夠哂凍同埋大杯，好香巨峰味道的，不過甜了dd。

本想坐下食個輕量下午茶餐，想點牛肉烏冬，店員說「沒有」，因為更新餐牌了。好吧！想點湯麵之類，再點I餐，店員說「沒有」，雞軟骨串沒有存貨！好吧！再詢問店員有甚麼餐可點？店員答「B, I, K都沒有！」最後轉場了