廿人木糰子專賣店 (已結業)

又間可解日本單思既小店 如果你都同我一樣鐘意抹茶 可以試下 椰香芋圓抹茶凍 裡面有芋圓 地瓜圓 小丸子同抹茶凍 聽到芋圓就一定諗起台灣 但係呢個更令我掛住日本 原本芋圓小丸子🍡都係一d令人覺得甜同飽既感覺 抹茶凍既甘味令整體變得好fresh 芋圓口感亦好煙韌 我仲叫左杯宇治抹茶 甜度甘味岩岩好 可以暫時解下對日本既單思 另外一個凍既芝麻糊 質感適中唔太稀又唔會太「傑」身 但係個人覺得熱會更好食 整體都好味

去mk一定會去食ge舖頭，價錢5貴，一次過食到幾種野，過下口癮。月見篇-白玉🍡焙茶🍵 $28白玉焙茶🍵，當然有白玉，焙茶雪糕🍦，清茶凍同紅豆。白玉大粒，焙茶雪糕好清好有茶味，清茶凍就咁食口味5錯，紅豆起沙大粒夠淋，夾埋一齊食真係好好食呀！

煙韌控係絕不能錯過，又係打開手機Apps，一個電話就有得食😌，最正係就算外賣，個雪糕只係小小溶👍🏻，正❤️。🔻焙茶寒天🔻主角當然係焙茶，有幾粒焙茶寒天，有的似大菜糕咁🤨，有的爽口但帶點軟綿🤤。焙茶雪糕茶味香濃，底層有仙草同牛乳寒天🐮，同焙茶味道好夾😎。加上小丸子既煙韌軟糯，食落又多層口感🥰🔻芋泥寒天🔻有一球芋泥，成個芋頭雪糕咁😍，帶少少清甜👍🏻，綿綿嘅感覺🤤。綠茶雪糕配上紅豆，再配芋圓小丸子🍡，一個好日系嘅感覺😌。

椰香芋圓抹茶 ($28)抹茶凍+小丸子+海底椰+芋圓+地瓜圓以為有椰汁係底，原來只有少少糖水，同我想像唔一樣，不過冇失望，抹茶凍好水嫩，好重綠茶味，小丸子煙韌仲帶少少米香，如果有椰汁可能會蓋過抹茶凍同小丸子嘅香，而海底椰，芋圓，地瓜圓就正正常常，都煙煙韌韌味道好，唔算特別抵食，分數：7.5/10

我有個甜品控朋友介紹我食呢間，然後，我前後黎左２次食呢間野。第１次我叫左佢既全新仙草系列，真心覺得好抵食，雖然係無得坐，但基於高性價比，所以都值得食。白雪雪糕係牛奶味，但唔重奶味，同埋雪糕食落有點冰粒感，唔滑。仙草非常動感，但有點黏，難切。芋圓不過不失，無乜芋頭既香味，但勝在佢既煙韌度令人非常滿意！額外加錢要左奶茶凍，驚為天人，我同朋友都勁鍾意佢個奶茶凍呀，佢質感幾好，唔係好硬果種質地，帶有奶茶既香味，係港式奶茶味，紅豆如果可以再淋少少就更加好。但呢個價錢，佢絕對已經交足貨～第２次再來，我外賣走上車食，所以比較狼狽咁食，無影到相。我叫左和風大盛同埋抹茶歐蕾，培茶＆抹茶雪糕都帶有冰粒感，兩隻都有茶香味，但稍為偏甜～白玉都幾大粒，好軟糯好煙韌～但係整體好正，因為高性價比～抹茶歐蕾，我覺得佢相當出色！抹茶，鮮奶，雪糕既味好平衡，個底仲有一大堆煙韌咬口既野，一杯野有雪糕仲要咁足料好飲，只係賣＄２６咋，去邊度搵呀？下次再來一定會試埋芋頭歐蕾！

呢間日式丸子專門店，門面簡約，餐牌都幾多選擇👍🏻 一見到有芋泥球嘅配搭就唔洗諗了！一於叫🥣寒天焙茶！不過因為嗰日我唔想食雪糕，所以選擇左走雪糕😆... 寒天焙茶配料有牛乳寒天、小丸子、芋圓、芋泥、同本應有嘅焙茶雪糕～因為我走雪糕，之後佢俾多左小丸子代替😆 小丸子同芋圓都係細細粒，好煙韌👍🏻👍🏻 不過芋圓味道唔算好出～ 芋泥好大舊🤤 好香好正！！個底嘅牛乳寒天質地好似仙草咁，淡淡地都唔錯～ 我最鍾意佢成碗都好夾又唔會太甜😋

以家好難得先出街～今晚出旺角食飯～我就趁呢個機會去試呢間我想試左好耐既芋圓店。。去到金雞廣場樓下，先發現原來呢間店係外賣店不過都無阻我想試既心，睇Menu都幾多款揀好多款都吸引我！不過見到有焙茶雪糕，我就即刻揀左呢個🌟寒天焙茶 $30材料：牛乳寒天、小丸子、小芋丸、芋泥及培茶雪糕👉🏻首先講下焙茶雪糕，我覺得唔錯。雖然唔算好燶既焙茶味，但依然都食到茶味。幾好食。但係芋圓唔係我想像中食開台灣的芋圓，係比較似糰子的size及口感（即係同小丸子好相似），雖然係咁，但我都覺得好妨食。口感好煙韌～加埋個芋泥球真係幾正。芋泥又唔會好甜～呢間可以有下次！

琴日同朋友係旺角食完飯, 雖然好飽肚但心郁郁想食糖水好多餐廳堂食都要一人嗌一份, 所以我哋就走咗去廿人木糰子專門店買甜品 廿人木糰子專門店嘅店面唔係好大, 而且只做外賣, 大食妹同朋友就企咗喺店舖隔離面壁咁share甜品<白玉奶茶>我哋嗌咗份白玉奶茶 廿人木嘅白玉奶茶 有好多配料, 例如奶茶雪糕、奶茶凍、白肉同紅豆 奶茶雪糕同奶茶凍味道濃郁, 食落清涼 白玉軟Q軟Q, 紅豆蓉甜甜地, 配上白玉食落唔錯 最重要係成份甜品只係賣28蚊, 非常親民

食完dinner經過旺角見到勁吸引，同個friend兩個一齊食都夠，佢唔食得奶味過重嘅野都話個雪糕好正茶味好出，證明唔係得個色水，係真正足料嘅焙茶雪糕。糰子大粒又煙韌，唔會咬到有粉粒口感剛剛好，唔會太甜。茶凍就直頭係無糖咁，不過溝埋佢自家略帶甜味嘅蜜紅豆就剛剛好中和哂🤩

旺角食芋圓嘅舖頭唔算多選擇，而依一間廿人木糰子專賣店就係專做芋圓嘅外賣嘅🤓因為係無位比客人坐低食嫁，所以叫左之後唯有企係附近食或拍者外賣拎走啦🙈甜品嘅選擇比較日式，如果唔想食芋圓，都會有提供其他選擇，好似白玉、小丸子咁，全部都係煙煙韌韌嘅配搭🍡**********<寒天奶茶> $28寒天奶茶依個組合有牛乳寒天、栗子、芋圓、地瓜圓同埋奶茶雪糕😌個寒天唔似台灣個種咁jelly，反而因為佢係牛乳寒天嘅關係，食落其實好似布甸咁😂芋圓同地瓜圓就正正常常，唔算好有芋圓味同地瓜味，似唔係即搓嘅，同埋食落係暖暖地，成碗野變左唔係凍咁🤭奶茶雪糕都算好食，個味係港式奶茶，不過依家愈黎愈多所以唔算特別🤨

早前經過洗衣街，被餐牌吸引，有綠茶、焙茶、紅豆配芋圓小丸子，有很多不同配搭，加上價錢便宜，今次專誠來試。店鋪小一眼望到廚房，乾淨企理，晚上十時，人流不多，前面兩個人等候，雖然當晚只有一位店員兼顧落單及廚房，動作迅速手勢熟練，不消幾分鐘，甜品到手。焙茶寒天賣相一般，芋泥分量特別少，好似被食左一啖，餐牌圖片果然只供參考，芋泥質感硬實粗糙，夾雜芋頭根，與平時其他店舖食幼滑綿密的芋泥，簡直是天淵之別，十分失望。小芋圓煙韌，但芋頭味略淡，有部分小丸子，好像還未煮熟，中間很硬，很難消化，作為以糯米丸子做主題的甜品店，實在要扣分。最底層的牛乳寒天，入口冰凍只有甜味，完全沒有牛奶味，口感像牛奶布丁。整個甜品最好食是焙茶雪糕，茶味濃，略帶冰感。

之前每次路過金雞都想試一試。今晚吃過晚飯，見不太飽，就來客甜點。點了大雙小豆湯，內有紅豆湯，芋圓和地瓜圓。紅豆算是不錯，甜得來有紅豆味。如用心一點製作，令到紅豆起沙，咁就perfect。不過理解這是需要成本。芋圓和地瓜圓，都係一舊粉的味道，落得少芋頭和蕃薯就是如此。老實説也預左係咁，一般糖水店的芋圓比起正宗台灣店的的確有差別。不過芋圓非此店主打，也算吧！另外點了和風大盛，有抹茶和焙茶雪糕，白玉，栗子和紅豆。雪糕非滿口牛奶香，但茶味夠出。飯後甜品尚算ok

已經幫襯過好多次， 一直覺得紅豆沙 同芋圓都好食， 但係呢2個月再幫襯就有啲失望。之前一開蓋都有8成滿 最近2次一開蓋得返5-6成 少得可憐，而紅豆沙就越嚟越水無咩豆，芋圓雖然依舊都好食， 但係未來未必會再幫襯。

一心諗住黎食芋圓，叫左「特盛xxx」加嘛！比錯左呢碗全部都係糰子嘅我，好失望呀仲諗住食芋圓。。買個時已經只係得我一個，都要比錯so sad~~第一次食，味道唔差嘅，但下次外賣一定會check清楚！

這家外帶糰子店在洗衣街上很吸睛，也是近期大熱的旺角掃街名物每種品項看起來都很好吃，不論是抹茶或者是焙茶，冷或熱都有，甚至是現在大熱的「芋頭」！搭配上煙韌的糰子，真是令人受不了寒天焙茶焙茶雪糕的茶味香濃，質感綿密寒天指的就是牛乳寒天，底部鋪得滿滿一層，味道淡淡，只有甜味沒什麼奶味芋泥煮得鬆軟綿密，帶淡淡的芋頭香，小丸子和小芋圓黏黏的非常煙韌，小小粒的口感很好，芋圓有一點芋頭香，配上焙茶雪糕相得益彰白玉焙茶清茶凍茶味清香，晶瑩剔透很漂亮，大顆的白玉更有嚼勁，煮得很完美，紅豆泥偏甜，不過搭上其他配料就剛剛好