廿人木糰子專賣店 (已結業)

之前看小紅書打卡，才知道這店舖在旺角新開張。難得小紅書推介沒有中伏有芋圓同白玉多款甜品選擇，只可外帶，今次選擇了白玉奶茶凍。奶茶雪糕茶味不夠濃，重奶味白玉入口煙韌，好食！奶茶凍應該是人手製作，加分，奶茶味很濃，很好食！紅豆是罐頭紅豆，太甜，建議可以先走一走糖水，沖淡甜味會較好！另外一提，小店提供的膠叉位部份太尖，容易𠝹嘴，需要改善。總括而言，性價比很高，甜品份量很多，如果開店鋪做堂食值得賣更高價錢。誠意小店，可以再去！

白玉奶茶 $26 入面有奶茶雪糕+奶茶凍+手工白玉+紅豆！1️⃣奶茶雪糕屬於茶味重過奶味同唔會好甜，但唯獨你要同個雪糕鬥快，因為溶得幾快～2️⃣奶茶凍同雪糕一樣茶味出，口感唔似平時啲奶凍咁綿密，比較似果凍嘅口感～3️⃣手工白玉有咬口好煙靭，三粒大大粒，配埋紅豆一齊食好夾～4️⃣紅豆我覺得中規中矩，正常味道～整體嚟講$26已經好好好滿足，最緊要佢一啲都唔會膩唔會死甜唔會heavy！有機會一定會去試下其他產品！

無幾耐前喺ig見到旺角開左間糰子專賣店，睇落好吸引咁。今日咁岩黎旺角就專登過黎睇下。間鋪嘅地點好易搵，喺The Forest嘅商場附近。因為始終係新開，所以好多人買，而且都頗多大陸人。比完錢大概企喺路邊等左15-20分鐘先有得食。我同fd各買左白玉焙茶同白玉抹茶，兩個都係$26，覺得比起一般甜品鋪算係平。裡面有雪糕、白玉、茶凍同埋紅豆，全部都係我好中意食嘅野。喺依個咁熱嘅天氣食雪糕簡直係透心涼，再配埋茶凍同埋白玉真係好滿足。白玉有3粒，夠煙韌 ; 而茶凍都有6粒到，算係多。不過我食焙茶雪糕就覺得啲味唔係好突出，唔講都食唔出係焙茶味。除左依個缺點之外，其他都好唔錯。覺得依間鋪嘅性價比高，好值得試。

旺角最近新開左呢間甜品外賣店！產品特別有芋圓，白玉，奶凍等🤘🏻今次試咗呢一款有白玉,紅豆,清茶凍,焙茶雪糕🍦份量來講都算正常！焙茶雪糕味道略嫌有啲怪🤔食落吾止得焙茶味，好似仲有小小膠味，唔知係唔係加咗其他材料，not my cup of tea☝️ 配料就反而有驚喜，白玉就做得吾錯，煙軔有口感🥰另外清茶奶凍亦吾錯😊慢慢地食落帶淡淡茶香，岩哂夏日炎炎嘅天氣食✨如果想掃街試吓嘅話都可以一試嘅！！！

食飯前巧合經過依間舖頭，睇黎係啱啱新開張，食飯時間八點經都見到有兩三pair客人排隊，側面又企左一二pair客人食緊野，即刻行去睇下係咩東東，原來係賣糰子同芋圓既舖頭，愛麗絲即時雙眼發光，男朋友應承我食完正餐再過黎食甜品😛🥰⬇️ 初初睇個logo仲以為叫「茶。糰子專賣店」😂😂原來唔係「茶」，係「廿人木」😂⬇️ 食完晚飯過黎買左杯寒天奶茶，配料有奶茶雪糕、芋圓、栗子、牛乳寒天。-🔸 奶茶雪糕：食唔到奶茶既味道，不過都有茶味既，個人就冇咩所謂～但因為芋圓係熱的，所以雪糕放隔離溶得幾快。🔸 芋圓：只有南瓜同芋頭味，但味道唔算強烈，熱辣辣且煙un十足，好有咬口，唔知大家係咪咁諗，愛麗絲食芋圓都係食佢個口感，味道只係當bonus😂😂🔸 栗子： 有少量栗子，感覺係將一粒栗子拍碎，再隨意每客加入適量，但一定冇一粒咁多😂😂口感都係偏硬身。🔸牛乳寒天：成個底都係依種配料，食落似牛乳布丁😛牛乳味尚算濃烈，不過食到最後反而其他配料就食完，但剩番好多寒天，搞到口感單薄左，建議每啖都可以大口大口咁食寒天喔～🔸 份量：飯後甜品千其品好一人食；飯前一人食哂份量絕對可以當正餐😂😂-📍 叫得糰子專賣店，我估糰子可能先係招牌

在ig看見有foodie分享小店身為死心塌地的煙韌控一見糰子白玉芋圓等字眼馬上食指大動小店另一賣點為自制茶凍抹茶焙茶奶茶清茶等需知道我還是個お茶控便忍住衝到旺角一嚐美味MENU做得很日系實物卻有點普普但20來元的價格我也不計較賣相了份量很足 一碗落肚已經吃不下正餐芋圓是熱的 跟奶茶雪糕一起吃起來就是冰火兩重天墊在最底的牛乳寒天是牛奶糖的味道但有點太甜膩味道整體來說不過不失要是口痕想來點煙韌過過口癮不妨一試

芋圓及麻糬等甜品的人氣有增無減，好像更出現了「煙韌控」這個專有名詞，坊間類似食品不勝枚舉，但當中不少均是粗製濫造，但求低成本而高效率地從熱潮中謀利，將來貨芋圓、雪糕、仙草、丸子等堆砌而成，質素參差、缺乏誠意。一直想一試「津生堂」的小食及芋圓，終於有機會到訪卻發現該舖位已經換成「廿人木糰子專賣店」，看看餐牌竟發現食物更合我意，作為「煙韌控」之一毋庸置疑是無法抗拒。糰子專賣店——顧名思義是以日式丸子為招牌作，主要分為小豆湯、白玉同寒天三大類配搭，另有歐蕾及抹茶等少量飲品。寒天焙茶 ($28)最後選擇了包括芋泥、小丸子、小芋圓、焙茶雪糕及牛乳寒天的寒天焙茶。底層大量牛乳寒天質感水漾滑溜近似仙草，不過味道微不足道要依賴其他配料配合；焙茶雪糕稠密且略帶冰感，散發茶香雖不至濃烈但綽綽有餘。芋泥絕非如連珍芋泥球一樣粉糯實在，比較黏稠但甜度適中香氣自然；而小丸子作為店方招牌果然名不虛傳，與小芋圓同樣煙韌軟糯，可惜芋圓味道淡薄，所以兩者分別不大。雖然固定配搭款式已經有十二款之多，但始終有客人未必對每種配料均有興趣，個人認為如果店方可以供客人自由選擇配搭或加配配料的話，對客人而言定必是百利而無一害；不過亦

熱辣辣又要出街，由火車站行過去The Forest都已經出曬汗。行去The Forest時，見到呢間鋪頭，新開的，就過去望下係食咩。原木呢暗鋪係賣紅豆湯芋圓，仲有綠茶雪糕等的甜品。我諗左一陣，就簡左地瓜芋圓紅豆湯，凍的去食。又幾平，都係20元。甘開心下，我就食啦。紅豆湯好淡味，好少紅豆。似一碗煲左好耐的紅豆湯。然後地瓜芋圓都係無味道的，只知自己食緊一粒丸。係甘情況下，我都食得完，難得。難怪就係20元甘平賣...真係唔會再試同食

今天去該店想買一個甜品外賣，因為已晚上十時多，所以不考慮購買含茶類的食品，所以買一個甜點想叫店員更換不含茶味的雪榚，但店員說不可以，我跟店員說之前也有更換雪榚的(基本上每星期都會光顧1-2次)，但她說可能是該雪榚賣完才給我換。那不知道是誰對誰錯了，最討厭是店員說謊，不能轉就不買了。其實服務是很重點的，當沒有生意找店員在門外派宣單的時侯，郤不好好訓練員工如何更客人更滿意，最少我不會再經常光顧了。還是老細自己親力親為管理比較好。這個轉換食物的例子做的比較好的就是附近的農米莊，當年他們賣的雞米線我們經常轉了他們的雞，最後忍唔住問點解要轉，是不是不吃雞，我們說他們斬的雞很多骨碎，很不方便，很來他們就改善了碎骨的問題。每個要求當然有他們的原因，這些只有老細才會知道，希望努力經營。

叫左個白玉奶茶凍奶茶雪糕，$26。有白玉三粒、一球奶茶味雪糕、一堆奶茶凍同一堆紅豆。白玉好煙韌，帶少許甜味。紅豆都係甜啦。奶茶雪糕有驚喜，竟然係雪糕質感，無咩冰感，重以為會整到sorbet咁，奶茶味亦夠。而奶茶凍都出奇地重味，好食。環境方面係一定要外賣拎走既，店員有禮。小插曲係店員俾錯左抹茶凍，後來店員直情喺上面俾返奶茶凍，所以意外食埋抹茶凍。而抹茶凍帶少許苦。鍾意奶茶凍多好多。食物質素幾好，除非拎走，即時食既話要喺馬路邊食。希望唔好加價啦！

和風大盛 💲32特盛小豆湯 💲25✅ 自製白玉大粒有咬口🍡 如果有埋餡料就更好🤤❔ 雪糕冰感重🍦👅Taste：3.25/5💰CP值：3.25/5🙋🏻‍♀️Service：3.5/5👁‍🗨Stylishness：3/5