張公子

营业中

休息中

位於觀塘嘅新派粵式中菜館，一開門就見到一張好吸睛嘅特色櫃檯。餐廳裝修簡潔，地方寬敞舒適。秋霧滷醉蝦醉蝦飽滿，蝦肉結實多膏，酒味濃郁入味。乾冰嘅煙就似秋霧一樣，好有意境。艷影蝦球香脆外皮沾滿香芒汁，裏面大大隻蝦球，新鮮肉嫩，超級彈牙。底層鋪咗檸檬，成道菜酸酸甜甜好開胃。公子牛肋排原條牛肋骨起左肉，醬汁濃郁。牛肋排軟嫩多汁，肉同脂肪分佈均勻，而且好夠腍，無牙都啱食🤣。推薦！海味桂花粉絲煲粉絲煲裏面有芽菜、花膠、海参、魷魚、金華火腿等食材。將全部材料切成絲，芽菜爽口，海味鮮味，口感豐富。金華火腿嘅鹹香味令粉絲煲味道更加提升。而滿滿嘅蛋黃碎帶濃郁蛋香，賣相就好似金黃色嘅桂花一樣。木瓜雪耳糖水清甜潤燥，食完甜品令成餐晚飯更滿足。

平時去開觀塘，都係去工廈搵嘢食，好少去中菜館坐，今日放工，想同朋友食啲嘢，附近有中菜館，裝修幾別字，於是入去試吓。我哋叫咗四個菜。首先，金蒜銀絲蒸大元貝，蒸得恰到好處，元貝鮮美的海味與金蒜的香氣完美結合。芥末秋葵炒鮑魚角，秋葵的脆嫩與鮑魚的鮮滑，搭配微微的芥末辛辣，增添了層次感，讓整道菜變得生動而不單調。而鮑汁燴筍殼魚，鮑汁的濃郁包裹著筍殼魚的鮮甜，醬汁入味，魚肉細膩。最後，乾煸四季豆，外脆內嫩，佐以蒜香，更是下飯的絕佳選擇。

昨日同家人晚上來到一間高質中菜， 價錢都合理，中菜食物水準不錯有驚喜！其中我自己大愛：小花雕醉蝦醇香花雕酒同鮮美嘅鮮蝦結合，蝦與酒令到菜餚味道鮮美而濃郁。花雕酒獨特香氣又可提升蝦鮮甜味道，使人回味無窮！另還有「公子牛肋排」牛肋排肉質鮮嫩多汁，口感豐富。牛肋排的肉質富含獨特的牛肉香及適度的脂肪，使其口感更加豐富和美味。埋單千多元有四道菜，經理還送上每人一碗紅豆沙， 煲出來起沙的紅豆沙綿綿好味張公子 📍地址：觀塘駿業街58號3樓

餐廳裝修很有特色，光線明亮，服務親切，很適合朋友親戚聚會，重點是位置方便，價格相宜，份量十足，非常推薦！.🌟秋霧鹵醉蝦乾冰在盤下散出煙霧，有點題的意思，非常適合打卡，蝦肉鮮甜爽口，微帶酒香，味香而不刺激，十分開胃。.🌟公子牛肋排牛肉味十分濃郁，外表煎至微焦，帶有炭香煙薰味，且所有的肉都已經起了，並重新放在骨頭上，方便打卡又容易分享，肥瘦部份平均，肉質煮至軟嫩，入口即化，配上微甜醬汁十分有驚喜！.🌟芥末秋葵炒鮑魚角秋葵爽脆，加入芥末十分開胃解膩，搭配鮑魚有咬勁，帶出兩種口感。.🌟艷影帶子厚多士多士香脆可口又不柴，每一塊都有兩只新鮮帶子，上層軟下層脆，加上甜酸醬汁，非常搭又不會膩。

呢一間位於觀塘嘅中菜館之前嚟過一次食物好高質🌟，所以今日就再嚟試下其他菜式🥳 X.O.醬紅蔥滷肉木桶拌飯滷肉入味👅，肥瘦適中，配上香辣嘅X.O.醬同爽脆紅蔥🤪，撈勻之後每啖飯都好有層次，木桶保溫做得好好😛珊瑚汁金薯大蝦大蝦新鮮彈牙😌，金薯香甜軟糯，配上酸甜嘅珊瑚汁，味道配搭好有驚喜，擺盤亦都好精緻😍秋霧鹵醉蝦（五隻）蝦肉好大隻而口感都保持得好爽口👍，鹵醉嘅味道恰到好處，酒香濃郁但唔會過濃，作為前菜好開胃🤤 公子牛肋排呢度嘅王牌菜式一定要試下啦❤️，牛肋排煮得剛剛好，肉質軟嫩多汁，醬汁香濃得來唔會蓋過牛肉嘅原味😙

都唔想浪費時間寫咁多野嘢：食物一般，可能睇食評關係，期望太高，有失望。服務簡直差，對熟客可能會好啲，對於第一次去試既新客就….熟客又派朱古力，又剩。點會理我哋呢啲生客呀

我今日介紹一位好有文藝風範嘅《張公子》你識，佢有好多字畫、鵰像和古雅木系裝飾等。《張公子》整 d 野食仲係好好味添！好開心 😊昨晚 佢整左以下餸菜比我食：✨️豔影蝦球共6個蝦球，外有金黃脆炸皮。每個蝦球有掌頭咁大，咬落啖啖蝦肉，好滿足！蝦肉新鮮Q彈，上面仲有露筍，可以解膩。✨️咕嚕黑毛豬滿滿醬汁香濃好味，切都細細粒，一啖一口啱啱好，吾會令醬汁沾污口邊。係用新鮮菠蘿，多汁鮮甜。✨️鮮淮山雲耳白合薄切片嘅淮山清爽，配合脆口雲耳和白合一齊食，多重口感。✨️奶湯雲吞煲高湯浸泡大大粒雲吞，粒粒都非常入味，正呀！食完呢餐咁正嘅晚飯，我已經深琛愛上了🫶《張公子》💕，我打算多 d 嚟揾佢！

一直到來觀塘不同工商大廈，試的都是不同西闈餐廳，想不到會有如張公子般出色的中菜，令人驚喜！首先上菜的是秋霧鹵醉蝦！鹵水的香氣與花雕酒的醇厚完美結合，使得醉蝦的味道更濃郁。蝦肉鮮甜彈牙，帶有一絲淡淡酒香。入口回味無窮，讓人忍不住一口接一口。而它的擺盤也頗具巧思，以乾冰營造出煙霧繚繞的意境，增添一絲神秘感。原隻膏蟹蒸肉餅令人十分驚喜！蟹膏甘香濃郁，滲入到肉餅之中，使得肉餅的口感更加豐富。肉餅本身也做得相當出色，肥瘦相間，入口多汁。蒸製的手法保留了食材的原汁原味，讓人充分感受到蟹肉的鮮甜和肉餅的鹹香。膏蟹的鮮美與肉餅的豐腴完美融合，相得益彰。豔影蝦球這道菜的名字充滿詩意，而其外觀也確實令人驚豔。蝦球色澤鮮豔，外酥內嫩，口感彈牙。醬汁酸甜可口，恰到好處地襯托出蝦肉的鮮甜。擺盤精緻，宛如一件藝術品。潮式蠔仔餅也是我個人非常喜歡的一道菜。這家餐廳的蠔仔餅做得相當地道，外皮酥脆，內餡軟糯。蠔仔新鮮飽滿，與雞蛋、蔥花等配料完美融合。一口咬下去，滿口都是蠔仔的鮮味和雞蛋的香味。至於米皇淮山浸菜苗看似清淡，實則蘊含豐富滋味。米皇的香氣與淮山的清甜相互交織，為菜苗增添一絲層次感。菜苗本身也十分新鮮，翠綠欲滴

今次已經係第二次黎張公子食飯，上次食咗佢幾款嘅招牌菜都好有驚喜，覺得好好味，所以今次突登帶屋企人黎試下佢其他餸。X.O.醬紅蔥滷肉木桶拌飯：滷肉食落冇咩油膩感，配埋XO醬調味，真係可以一口氣食幾碗。豔影蝦球: 蝦球勁大隻，蝦肉新鮮彈牙，炸完之後外皮十分酥脆，配埋個檸檬汁好開胃。鮮腐竹蕃茄浸菜苖：好有驚喜嘅一味餸，本身以為一個素菜唔會有咩特別，但佢個蕃茄湯底好鮮而且夠酸，個湯可以直接飲。生煎蓮藕餅:食到一粒粒嘅爽脆蓮藕同埋鮮嫩嘅豬肉，煎得夠脆口，十分惹味。

📍     張公子Cheung Kung Ch🌍香港觀塘駿業街58號3樓📝整體評分：9／１０⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝精緻隱蔽新派中式酒樓飲茶，店員超級nice, 野食高水準，食得開心。▸艷影蝦球◂✿新鮮超大蝦裹上薄薄的炸漿，炸至金黃酥脆，蝦肉爽口彈牙，做到外脆內嫩，搭配酸甜醬汁，帶有檸檬或芒果的果香，平衡了油炸的厚重感，點綴一小枝露筍提升精緻感。▸公子牛肋排◂✿慢火炆煮肉質軟腍，牛肉入口即化，牛肉味濃郁，無牙婆都食到！濃稠醬再撒上蔥花和蒜蓉增添香氣。不過醬汁色澤深邃，賣相顯樸實，唔係咁上鏡。▸避風塘茄子◂✿茄子裹勁薄粉炸皮，內裡軟糯，不會過油或過軟，好似薯片咁一口接一口，會食上癮。▸奶湯雲吞煲◂✿雲吞皮薄而煙韌，以鮮蝦仁為餡，湯底鮮甜濃郁，帶有淡淡奶香，入口順滑溫潤，加入白菜燉煮增添清新感。砂鍋上桌，個feel好唔同。▸翡翠筍殼魚◂✿筍殼魚去骨切片，魚肉細嫩，青脆西芹作伴，加入薑絲提鮮，調味清淡以突出食材原味，口感輕盈。

呢度環境清幽 好啱一班朋友或者家庭聚會同朋友叫咗幾個小菜 點知嚟到 大獲 全部都大大碟 好誇張艷影蝦球 (6件) 即叫即炸嘅外皮 外脆內軟隻蝦超級大 又彈牙 好耐未食過啲咁新鮮嘅蝦金黃色嘅醬汁係由檸檬汁同沙律醬混合而成酸酸甜甜作為頭盤好開胃公子牛肋排 呢個招牌菜必點 原條牛肋排上碟 真係好誇張 每一塊都炆得十分淋 重牛味 無諗過中菜館都可以煮得個牛咁出色加上醬汁甜甜地 好似韓式燒烤咁 香炸欖角骨呢碟餸適合四個人食份量多之餘 重好好食 每一嚿肉都肥瘦均勻 送飯一流最後真係要叫一個菜消化下 店員向我哋推介呢一款 鮮腐竹蕃茄浸菜苗 呢個鮮腐竹應該係我食過最香豆味 蕃茄酸酸甜甜 配上新鮮嘅白菜仔 一流最後埋單不用1000, 性價比不錯

喺觀塘搵一間高質又好食嘅中餐廳，張公子絕對係首選！而我今次都係因為佢個招牌張公子叉燒而黎😂先食咗避風塘茄子，茄子薄薄外層炸到金黃酥脆，再配上香辣嘅避風塘風味，又唔算油膩，幾開胃！😋 跟住就係原隻膏蟹蒸肉餅，肉餅鮮嫩，蟹肉味道濃郁，送飯簡直一流呀😍再來就係口水汁雲吞皮蛋，雲吞皮薄透，入面蝦嘅份量好多，而皮蛋配上濃郁嘅辣醬汁又match 喎！公子四扣碗冷盤都有驚喜喎，原隻滷醉鮑魚口感滑溜唔會靭，蒜泥秋葵清新爽口，仲有黑松露香煎大元貝，陳醋肴肉有一種獨特嘅風味，令人回味無窮。😎最後就係扣牌張公子叉燒，叉燒係用西班牙黑毛豬所以食得出肉質好鮮嫩，加上佢極厚切有8大塊咁多，口感一流極之惹味👍👍👍

秋霧鹵醉蝦（五隻）
用乾冰營造出秋霧嘅感覺好有詩意，蝦肉爽彈鮮甜，帶點酒香，味道麻香撲鼻但完全唔辣，溫和得黎又刺激味蕾艷影蝦球（六件）
蝦球外層炸得金黃脆口，蝦肉鮮甜多汁，配上微酸微甜嘅檸檬汁，酸香撲鼻，食落好清新，檸檬汁唔會蓋過蝦嘅鮮味芥末秋葵炒鮑魚角
呢個組合幾特別，鮑魚角軟腍中帶點嚼勁，配上芥末嘅嗆鼻香氣，入口微辛但好溫和，秋葵炒得嫩滑，咬落清爽多汁，平衡咗芥末嘅濃烈，食落好開胃香炸欖角骨
欖角骨外皮炸得酥脆，豬肉肉質嫩滑，帶點油脂，食落多汁又唔柴，欖角嘅酸香同肉味好夾微鹹帶甜，配飯一流！📌張公子 (觀塘)地址：觀塘駿業街58號3樓#foodie #美食 #知己相聚 #foodielife #關注 #foodiehk #hkfood #hkfoodlover #foodinhk #igfoodies #吃貨 #吃貨人生 #香港好去處 #香港打卡 #香港美食 #香港探店 #香港美食指南 #相機食先 #香港旅行 #香港餐廳 #foodblogger #foodiegram#張公子 #觀塘 #秋霧鹵醉蝦 #艷影蝦球 #芥末秋葵炒鮑魚角 #香炸欖角骨 #中菜

今次嚟呢間中菜廳環境幾靚，裝修有啲高級感但又唔會好大壓力，啱晒放工或者weekend想慢慢chill下嘅晚餐。叫咗幾樣中菜，出品全部都幾有驚喜：秋霧鹵醉蝦第一啖就有酒香，蝦爽口唔爛，仲帶少少藥材味，好似輕飄飄咁令你暖返晒。幾適合夜晚嘆返隻。原隻膏蟹蒸肉餅真心打正旗號原隻，一隻膏蟹就咁坐喺肉餅上面。蟹膏＋肉餅融合得幾好，食落又juicy又有層次，絕對係今晚 MVP。鮮腐竹薯茄浸菜苗清清地平衡下，腐竹滑，薯茄入味，菜苗新鮮，呢碟真係幾舒服。豔影蝦球炸得香脆唔油，蝦球飽滿，鹹香啱啱好，唔花巧但夠實在。整體氣氛舒服，唔趕你食，啲菜式都做得有心機，食完心情都好啲。

店舖光猛乾淨、設有獨立房，位置鄰近地鐵站，店員態度友善、換碟斟水唔使提，食物美味，價錢相宜。 ✦ 秋霧鹵醉蝦驚喜。上枱輕煙縷縷，ig-able。蝦肉新鮮爽彈，蝦味濃郁，多蝦膏蝦子。調味做得好，略帶酒香、亦略有麻辣，非常惹味。 ✦ 竹笙玉書豆腐同樣係賣相精緻嘅菜式。刀工好，切出薄薄一片片玉書豆腐。豆腐嫩滑，大口埋竹笙提昇質感，推介。 ✦ 黑松露醬炒野菌量多，黑松露味道濃郁，野菌新鮮。 ✦ X.0.醬紅蔥滷肉木桶拌飯飽肚香口，滷肉帶咸香油脂香，xo醬同紅蔥增加焦香，配搭粒粒分明、稍帶木香米飯，非常夾。