彤粵菜小館 (已結業)

位於尖沙嘴北京道太子集團，有間臥虎藏龍中菜廳—彤粵菜小館。呢間餐廳裝修精緻，每個位置都比較寬闊，最適合同屋企人食飯。 今次同熱愛食中菜媽媽一齊來慶祝生日。當然整返個美顏滋補湯水—杏汁白肺湯，比媽媽補一補。128蚊勁大兜。材料落得好足，因為南北杏比得自由，墩時間夠足夠，湯水呈現奶白色，好香南北杏味。一啖啖接住咁飲，完全停唔到口。其次落左個黃金炸魚皮小食，每一塊魚皮都比鹹蛋黃包住，食落chokchok聲，好脆而且魚皮一D都唔魚腥味。加上魚皮小小鹹配合，整體係非常好味。主食叫左個蝦籽葱燒金玉參同薑蔥廣島蠔。蝦籽葱燒金玉參個海參燜得軟淋之餘總有爽脆彈牙。加上蝦子配搭 好香口。總有個薑蔥廣島蠔，呢個鎹真係十分之驚喜。廣島蠔份量好多，而且隻隻好似手掌咁大。姜蔥爆得勁香口同好味。一上台已經聞到好香薑蔥味。總體表現非常好，媽媽有讚無彈，同長輩食飯一流，不論環境定菜式。係首選。

今日同朋友行街，發現一間裝修靚之餘，總可以將中菜煮到色香味具全，擺碟都整整齊齊。望上去個感官都加曬分。唔洗評論咁咁多。我地叫左個焗豬肋骨 ，豬肋骨啖啖肉，肥瘦參半，加上秘製醬料，烤得勁好味，入口首先係一種焦香再係豬肋骨肥瘦相間，油脂味。真係好食到無嘢可以形容。廚師總好細心用錫紙包豬肋骨，方便用手來食，食完總唔整到隻手油膩。好識得為客人設想一個小心思。其次係桂花炒花膠柳，份量多到有D驚訝， 成座山堆係你面前咁，而且花膠份量好多先係$268，好抵食啊。第一次食到炒花膠，口感煙煙韌韌配芽菜，雞蛋絲，口感勁豐富。而且個芽菜勁爽口。真係好好味。總叫左個薑蔥廣島蠔，個廣島蠔勁大隻，隻隻都好似手掌心咁大，上菜時，個煲熱辣辣保持住個蠔溫度。而且蠔 勁厚身，食落口感勁豐滿。2個字滿足啊！再加上個涼拌菜牛展絲，牛展絲配柚子汁勁開胃，酸酸甜甜。第一次試下呢柚子汁配上牛展絲，好驚喜。因為平時都係辣汁或者滷水牛展。估唔到柚子汁同牛展咁夾。完全係大飽口福一餐，中菜做法同用料都好有創意。😽

今晚同就黎移民既朋友食飯，就搵佐呢間彤粵菜小館，新開既菜館，裝修特別，又坐得舒服，同朋友開啤酒，飲汽水咁傾計就岩晒啦。黃金炸魚皮🐟一碟$68，份量好多，而重點係啲魚皮真係好香脆好好味，蛋黃既咸香留係口入面唔散，作為小食，用黎送酒一流！蟹肉銀絲煲🍲$248既一個煲絕對無欺場，蟹肉多到鋪滿面，而粉絲沾滿蟹膏，金黃色既粉絲食到好香蟹味，食完呢個煲果口一直都留有蟹味，不得了！青咖喱雞配薄餅🥘$218呢個價錢都好值，青咖喱好香好稠，雞肉係雞髀肉黎，好嫩，唔鞋口，薄餅就又脆又煙韌，一齊咁食超正超爽呀，超級惹味！

呢間係尖沙咀新開既粵菜館好特別，裝修已經好中國風，食物方面就更加出色。我地先點佐鳳梨咕嚕肉 $168，咕嚕肉係好多中菜廳都有，而呢間就做得非常突出，本身醃佐既豬肉炸到好脆口，鎖住晒啲肉汁，菠蘿又好清甜，啲汁酸酸地就令到成個菜式開胃又唔膩，超好食超正！😋之後就有蟹肉銀絲煲$248🦀海量既蟹肉，粉絲又沾滿蟹膏，好咸鮮好好味，食完超級回味呀！另外仲有蝦籽葱燒金玉參 $248🍲呢個煲用上金玉參，每條海參都大條彈牙，蝦籽好香，大大提升佐海參既鮮味，成個煲連埋啲汁真係好好味，又係食到停唔到口！最後叫埋一個潤肺既杏汁白肺湯 $128🫕奶白色既湯好香，杏汁既濃度岩岩好，豬肺又唔會騷，爽口，飲完呢個湯好舒服，好潤肺，好滋補！

今次同媽媽兩母女試下新野，呢間新開係尖沙咀既粵菜館就岩晒啦。呢度裝修好好，啲位都好闊落，坐得好舒服😌七味豆腐粒($68)👍🏻中意食香脆野既我地見到呢個小食就忍唔住叫啦，豆腐粒係一口size，好易入口，而香脆既外皮加上軟軟的豆腐內心，仲有七味粉調味，真係超級好食呀！😋漁夫之寶($168)🐟果名好得意，原來真係同喉糖一樣潤喉，魚蛋係自家秘製既，又爽口又彈牙，而且魚味好濃，絕對真材實料，連個湯都好清甜，飲完好舒服，好正！😋鳳梨咕嚕肉($168)👅作為經典中菜，呢個做得好出色，咕嚕肉用日本豚肉黎本，肉味香濃，而且炸得脆口好食，連埋清甜既菠蘿同埋酸酸地既汁黎食，開胃唔膩，好正！🤤

今次慶祝朋友生日，於是特登黎到呢間新開既彤粵菜小館試下，呢度又有裝修，又有服務，好唔錯呀👍🏻我地先試下佢既湯，$158既花膠燉螺頭，好大舊好厚既花膠，每咬一啖都好滿足，而且個湯好清甜，飲得出係完全無味精，螺頭都好大粒好足料呀，好似飲緊媽媽煲既湯咁呀😆之後就係佢地既小食，$68既黃金炸魚皮🐟成碟魚皮份量好多，魚皮炸到脆卜卜，而咸香既蛋黃令魚皮更好食，好香，完全唔會覺得濟，好正呀！🤩之後就係主食番薯安格斯牛柳粒 $248🍠🐮，本身以為係大排檔菜式，無咩特別，原來太低估啦！蕃薯係日本蕃薯，甜甜地好好味，牛柳粒就好重牛味，又易咬，真係好好食呀！最後就係蟹肉銀絲煲$248🦀一上枱已經被超多蟹肉吸引，蟹肉鮮甜，加上沾滿蟹膏既粉絲，蟹味充斥味蕾，一定要再食！

發現到呢間中菜館最近推出懷舊點心好多細個食過 而家食唔返嘅嘢竟然比我喺呢度搵返 😍😍推薦俾鍾意食點心嘅朋友仔好多懷舊點心例如鴛鴦卷 糯米包 豬潤燒賣 而家大部份酒樓都冇做㗎啦 呢度有得食 😋😋我最鍾意係個豬潤燒賣啖啖肉 正！仲有啲創意打卡點心 彩虹蝦餃打卡一流 宜家午市同九點後都有得食點心 可以約埋親戚朋友過嚟飲茶🤣

彤粵菜小館新開無耐，係尖沙咀北京道一棟大廈既8樓，裝修有特式，望住果景食飯都已經好唔錯。❤️七味豆腐粒($68)呢個作為小食非常合適，豆腐粒全部一口size，只係果皮香脆，入面仲好軟好滑，加埋辣辣地既七味粉，超好食呀！😋🧡青咖喱雞配薄餅 $218青咖喱辣度岩岩好，有啲奶油香，好濃稠，啲雞好入口唔鞋口，就咁食都已經好正，加埋又脆又煙韌既薄餅一齊食超正呀！🤍漁夫之寶$168聽個名真係完全估唔到係咩菜式黎，原來係菜館自家秘製魚蛋，廚師親手手打魚蛋，彈牙爽口，魚味又香，完全真材實料，飲埋果湯就更一流，好食到不得了呀！💛薑蔥廣島蠔 $238 呢個用砂煲咁上菜，啲蠔熱辣辣，好大隻既廣島蠔煎到微焦，又好肥美，啲蠔連啲薑蔥一齊食又好入味，超級滿足呀！

尖沙咀有間新開既粵菜館，裝修有特色不在話下，店員又有禮貌，食物質素更加好好！我地先叫佐一牛一豬，番薯安格斯牛柳粒 $248同埋鳳梨咕嚕肉 $168，牛柳粒方面牛柳肉質有咬口，又有肉汁，同蕃薯一齊食好好食，而咕嚕肉炸得好脆口，再同埋啲酸酸甜甜既汁一齊炒，配上配菜，好食開胃到停唔到口呀！😋清淡啲既漁夫之寶($168)都好有驚喜，菜館自家秘製魚蛋係主角，廚師係魚親手刮啲魚肉出黎手打到魚蛋，超級爽口彈牙，湯都清甜好飲，好高質！最後仲有七味豆腐粒$68，豆腐粒每粒都好酥脆，入而果心就好軟滑，配埋七味粉，香口好食，做小食一流呀！！

好姊妹請食生日飯，突然好想食魚翅，就諗起早排見到彤粵菜餐館既魚翅廣告，所以就即刻訂位🤗今次仲訂埋佢哋需要預先訂既菜式《胡椒雞》同《蛋白蒸賴尿蝦》我哋3個人叫左一煲魚翅，再痴多碟菜就已經好滿足😋 煲魚翅超足料，真係好足兩👍🏻 食左個魚翅就食賴尿蝦，第一次食蛋白蒸呢個做法，估唔到咁好食👍🏻👍🏻 個人我覺得好食過椒鹽😅 個胡椒雞都唔錯，好香胡椒雞一放低就好香，佢呢味菜係乾身的😅我訂個時一直以為係濕🤣 不過都係好味既😋最後當然唔少得個甜品芝麻卷同桃膠糖水，完美無瑕結束左今晚餐生日飯🥰嚟左3次都食左唔同款式既野，每次都有驚喜👍🏻鍾意嚟除咗食物質素好之外，佢地環境都好舒服，幾個女仔傾吓偈又唔使比人趕埋單，呢度真係一個唔錯選擇👍🏻今日見到佢哋出左大閘蟹餐，下次又可以上新野🤪

尖沙咀呢間新開既菜館係走中國風，除咗裝修有中國特色，啲菜式都一樣！😚番薯安格斯牛柳粒價錢就$248，第一印象以為係一般既大掛檔菜式，但原來好有驚喜！牛柳軟腍好味，鎖住既肉汁令牛柳好有咬口好好味，同甜甜地既蕃薯一齊食夾到不行了😝🤩薑蔥廣島蠔 $238 呢個絕對將成晚水準拉高，大大隻廣島蠔煎佐之後微焦，肥美既蠔連啲薑蔥一齊食好入味好正，食到完全唔想停呀！😗焗豬肋骨 $298大大舊豬肋骨焗到表面好脆，而且調味料令豬肉更香，肉汁又多，拎住黎食好有原始既感覺，好享受好好味！🐟 黃金炸魚皮 $68香脆既炸魚皮份量十足，每一塊都均勻咁充滿咸蛋既咸香，一咬就卜卜脆，熱辣辣都忍唔到要不停食呀！

原來尖沙咀呢間新開既粵菜館好高質，啲食物又唔係貴，而且質素好好，唔怕中伏呀😆焗豬肋骨 $298🐷豬肋骨有幾大舊，表皮焗到好香脆，加埋上面既調味料好香，而且豬肉有咬口，肉汁鎖住，一咬真係非同凡響！七味豆腐粒$68👍🏻啲豆腐粒炸到脆口就基本啦，配埋七味粉令到清淡滑身既豆腐好香好好食😋桂花炒花膠柳 $268👅女人都應該要叫呢個黎食呀！清香既桂花絲加上切到厚厚的花膠柳，配埋炒香既瑤柱絲同蛋絲，口豐豐富得黎好好味，停唔到口！薑蔥廣島蠔 $238 🦪今晚又一重頭戲，廣島蠔隻隻都差唔多手板咁大隻，煎佐有微焦，但每隻都超級肥美，蠔味好濃，點少少汁黎食就仲正，連啲薑蔥都好入味好正，完全無得輸！

今日黎到尖沙咀呢間彤粵菜小館，新開無耐，但已經有朋友推介，咁當然要黎試下！呢度啲位都好闊，好好坐。首先試佐番薯安格斯牛柳粒 $248🍠🐮，好似一般既大掛檔菜式，但一啲都唔簡單！安格斯牛柳肉質軟腍，咬落有肉汁，配埋蕃薯黎食好夾，超好食！之後有七味豆腐粒$68，爽脆既外皮包住軟滑既豆廟，豆腐本身好香豆味，而七味粉既調味就岩岩好，好正好好食！最後仲有重頭戲蟹肉銀絲煲$248🦀蟹肉好多，仲要鮮甜，加埋充滿蟹膏既粉絲，成口都係蟹味，回味無窮！

今次黎到尖沙咀新開張既彤粵菜小館，菜館所有座位都好闊落，坐得好舒服👍🏻我地最先叫佐桂花炒花膠柳 $268，一個養顏既上等菜式🥰桂花絲有淡淡清香，花膠柳就真係名不虛傳，條條都好似牛柳咁大條咁粗身，好爽口，加埋鋪滿面既瑤桂絲同蛋絲，超好食！另外試埋番薯安格斯牛柳粒 $248🍠🐮，安格斯牛柳好正宗，抵食！牛柳腍腍地，而且牛味濃郁，蕃薯既甜味同牛肉出奇地夾，好好食！小食我地都分別試佐七味豆腐粒$68同埋黃金炸魚皮 $68，豆腐粒裏面軟滑，外皮就香脆，少少辣做調味，熱辣辣咁食好正！黃金魚皮就係滿滿是咸蛋黃包住魚皮黎炸，好香脆，咸蛋既咸香入晒落魚皮度，好食到不得了呀！🤤

尖沙咀新開既呢間彤粵菜小館裝修特別，淨係啲磚牆都令人有返到古代既感覺，好特別！😍花膠燉螺頭$158一開蓋就見到大大舊花膠，花膠好厚，口感勁好，成個湯清甜無味精，家的味道呀🤤🥰青咖喱雞配薄餅 $218辣度適中既青咖喱有啲奶油香，雞肉又嫩口，仲朔晒啲咖喱味，好好味，將脆脆既薄餅點埋落咖喱食仲正！啲汁全部清晒，so crazy 😜 😍蟹肉銀絲煲$248，激多厚實蟹肉，加上充滿蟹膏既粉絲，食完成口都係蟹味，keep住全日都得，好香好好食！最後仲叫佐枝酒黎飲添😝