彩福皇宴 (安達中心)

营业中

休息中

就快去東歐旅行喇，仔女好有心為我兩佬預早慶祝先，book左彩福皇宴食晚飯，因為旅行日子剛巧是爸爸生日和母親節呢？👏👏😍😍尖沙咀聽完茶會準備去食晚飯。。。尖沙咀彩福皇宴地方很大啊！光孟又整潔，入門口還有兩張皇宮椅添，好搶眼梗係要幫襯坐下影張相啦✨坐下侍應生便介紹最後一個冬瓜盅湯，問我們要嗎？咁好介紹又最後一個，更係要啦！而且還很竹料添， 有蝦帶子竹笙瑤柱瘦肉等等。還說原個椰皇燉燕窩還有兩個?我們緊要食啦每次嚟彩福皇宴食晚飯其他分店我們也必食😋今次點餸就交比仔女發板👨👩👏👏✨✨✨✨✨韭黃菜脯肉鬆帶子炒蛋~埋相一般，但帶子大大粒蛋都幾滑配埋爽口菜脯味道配搭唔錯。金裝潮式鹵水拼盤~估唔到老水好入味不算太鹹還有口感添😋松子沙汁蜜桃青瓜蝦球~蝦球好大隻啊！味道甜甜爽口，加埋青瓜沙律好開胃瑤柱脆米蛋白炒飯~飯炒得好乾身，食完一碗再添一碗。帶子海鮮雜菜煲~帶子和蝦份量都好足夠，不過菜就老咗啲。清蒸沙巴龍躉斑~魚好滑不過細條咗啲，有啲唔夠食都唔似一斤二重啊！好優雅的王椅冬瓜盅~賣相好靚好足料呀 味道鮮甜 好爽口蝦球大大隻呀 配埋青瓜和桃酸酸甜甜好開胃 海鮮雜菜煲 好捉海鮮料賣相普通，味道唔錯呢個蛋白炒飯

同朋友平時都食西餐多，今次難得就來飲下午茶。其實之前試過去朋友婚禮來呢個場，覺得食物幾好食，再來仲係覺得個場好大，空間感十足，而且樓底好高，D燈好靚。見到佢個menu ，有幾樣得獎作品，例如旋風黃金流沙包/原隻鮑魚燒賣王，呢d點心連續五年勇奪旅發局美食之最大賞，所以就叫左幾樣得獎點心試下。旋風黃金流沙包$32-值一得一試的得獎作風，外表精緻，咬一啖後，奶黃流心bi出來，加上上菜時新鮮滾熱辣，增添佢的原汁原味。蜜汁叉燒包$31 - 個叉燒包好多料，味道啱啱好唔會太甜唔會太鹹。跟住叫左個脆脆魷魚鬚$48，炸得啱啱好，好脆，個魷魚好大條。原隻鮑魚燒賣王$37 - 每一件都跟住一個細鮑魚外表精美彩福蝦餃王$36 - 鮮蝦好新鮮啦，皮薄蝦靚，仲要好爽口。港式街頭蝦米豬腸粉$32 - 腸粉好滑好香，份量好大份，加上佢嘅辣醬好好食， 好有香港的地道風味。呢間餐廳好大，食物質素幾好可以再嚟。

係尖咀同男友想飲茶但周圍都好貴, 結果行行行就行咗落尖東,一上到彩福哇一聲, 超級大場(果然婚宴場地), 點心選擇真心唔算太多,但Sell有少少fushion.我就叫咗最愛的流沙包同鮑汁鳳爪, 其實一直以黎好難搵到一間好食的流沙包, 唔係太凝固唔流, 就係冇蛋黃味, 但呢度滿足我2個願望熱辣辣好香濃的奶黃味而鮑汁鳳爪係煲仔上, 會滾下滾下~開頭食會覺得汁好似有d 稀, 但食落係有蘗材的甘甜味可能因為有蟲草花?而且d鳳爪超稔入晒味,唔會過鹹, 最尾我男朋友仲當湯咁飲!雖然呢度價錢唔算平, 但勝在服務好食物有保証

記得上年彩福龍蝦節同姐妹們食到舔舔脷，今年決定再黎過..yeah✌🏻依然係黎番尖東呢間分店，不單至環境舒服，員工服務態度仲特別好！🥢生猛加拿大龍蝦(上湯開邊焗)一出場幾有氣勢啊！！員工話係用酒樓最大隻碟 哈哈😂原隻龍蝦開邊切好一件件，非常方便，好輕易就起到肉，龍蝦肉結實彈牙，鮮味十足！啖啖肉🥢蒜蓉粉絲蒸扇貝蒜蓉粉絲蒸扇貝一向係我最愛，size不算大，連同蒜蓉粉絲一齊食就係最完美！🥢招牌雞煲鮑翅員工會先喺旁邊分好一碗碗，然後遞上，見到你食完又會主動問需不需要添加，非常體貼湯料份量足，見到大大塊翅同鮮雞就知真材實料！ 入口雞味香濃，質素依然保持高水準，超好飲！流曬口水😋🥢祝福大壽桃朋友最鐘意食呢度的壽桃包，因為比平時大一倍，真係好巨型！即叫即蒸關係需要等大概十分鐘，蓮蓉香軟幼滑，入面仲有蛋黃架 大大個粉嫩好可愛☺️

每次想吃中菜都一定第一時間想起彩福，除了因為好吃，也因為它分店多，很方便大家聚會，這次就跟家人來的尖沙咀的分店，上次來過已經覺得這裡環境舒服，而且服務真的可以說是一流喔～燒腩仔肥瘦均勻，外皮脆卜卜，咸度也很剛好，第一道上菜的餐前小吃，不到５分鐘已經被吃光光了～上湯開邊焗龍蝦這就是今天的主角！！我們都是為了它來的！！我們點的是5隻龍蝦，但看起來大概有7,8隻份量似的！而且肉質彈牙，湯汁非常入味，後悔沒加個伊麵底，不然一定可以連湯汁都吃完沒浪費！招牌雞煲飽翅上次在佐敦喝過這個真的回味無窮！除了湯底味濃之外，材料也十足，撈上來一大梭翅，又一大隻雞，光看已經讓人流口水了！！祝福大壽包雖然整餐下來已經好飽好滿足了，男士們還說要吃甜點，結果還點了大壽包，快笑死我們XD我有小吃了一點點也真的鬆鬆軟軟蠻多吃的～下次來會試試看這裡的冬瓜盅，店員蠻推介的，看到旁邊桌點的超大一個，看起來好好吃喔，可惜這次吃不下，下次再來吧～等我！

這天想與靜靜媽去飲個茶食件包因為她是很喜歡到酒樓飲茶的🐥🐥看看附近有什麼酒樓 發現這家就決定一試點單的時候發現有不小的得獎點心🤭有我喜愛的流沙包 要點來試試看·旋風黃金流沙包 HKD$30第一次看到這個外型的流沙包撕開奶黃就流出來🤣熱辣辣食挻好味😋·豉汁蒸鳳爪 HKD$26 醬汁比較濃味一點 而且很大隻鳳爪耶靜靜媽不停在默默食 沒有時間理我了·叉燒腸粉 HKD$26腸粉的外皮很薄身 看到入面的材料🤣食上來也滑身及有咬感·鮮竹牛肉球 HKD$26鮮竹很爽口 食起來很有咬感 很快食清光了·安蝦咸水角 HKD$17味道與食開的一樣好食耶😋 一人2個剛剛好這個也要趁熱食才行呢~凍了會不好食的·竹燕椰汁糕 HKD$20冰冰的糕點 椰汁的味道不太甜 靜靜媽表示要自己食光整碟😏😏·原個椰皇燉燕窩 HKD$48上菜時整個上 包著要自己打開有點神秘感打開後傳來陣陣香味 倒出來放涼才食😏

期待咗好耐嘅龍蝦節終於開始啦，上個月到佐敦食飯見到4月9號開始，立即通報各方好友相約飯局。我地最愛尖沙咀分店，環境特別舒服而且裝修精緻。脆皮燒腩仔燒腩仔外皮脆卜卜，肉嫩多汁。韭黃菜脯肉崧帶子炒蛋帶子鮮嫩嫩滑，炒蛋蛋味香濃又滑溜溜，餸飯一流。 脆皮南乳雞（半隻）外皮色澤金黃香脆，肉質鮮嫩美味，沾少少南乳醬更加滋味！上湯開邊焗龍蝦5隻龍蝦份量非常之多，上枱非常壯觀，龍蝦肉質爽口彈牙，鮮甜美味，不枉每年都要食一次，簡直回味無窮！而且價錢不太貴，服務員服務殷勤，勤換碗碟，值得一讚！

今日帶左個幾靚女嘅外國「女性」朋友去尖沙咀行下街，行完之後佢話想食下地道嘅中菜，當堂真係有啲考起我因為我平時食中菜嘅地方就係去大排檔，尖沙咀何來有大排檔呢所以我決定帶佢去酒樓食中菜（講真，我真係從來未帶過女仔去酒樓食中菜，從來都未試過）富貴沙汁大蝦球，綠油油嘅西蘭花，大大隻嘅大蝦鮮味爽口，加埋係表面嘅沙律汁，鮮味當中帶一點酸甜味，令味道更加豐富柚子爽蕎頭京燒豚肉粒，豚肉粒表面包住香脆帶有柚子甜味嘅脆皮（類似咕嚕肉嘅外皮）每一啖咬落去都帶有柚子嘅清甜味蝦籽乾燒伊面，伊面夠乾身、煙韌彈牙，但麵本身蝦籽唔夠重（可以再落多啲蝦籽）旋風流沙包，有流沙嘅效果（但「旋風」方面我就感覺唔到）但我食完佢個流沙包，我下次會嚟試一試佢啲點心雪蓮桃膠燉木瓜，冇乜落調味料糖精，真材實料嘅糖水非常清潤，只係$23 ，抵食依家講返我個鬼妹嘅「女性」朋友，食完呢餐佢覺得非常滿意♥️其實唔止佢，我自己都覺得呢度中菜幾有水準，而且價錢合理，食中菜真係可以過嚟試一試，推薦

和家人晚飯，到彩福皇宴，貪其地點方便，而且裝修雅緻，非常得體。叫餸食飯，當中最喜歡這些餸菜：伴飯最佳菜色酒香腰蝦蒸蛋，全碟滿滿是蒸蛋墊底，中間都是清爽的蝦肉，而環繞著的好像是日本的櫻花蝦乾，與白飯混和吃下陪感優質，或許大小朋友都爭相添飯。燒汁松子繍球珍菌炒花姿柳，主要是甜豆與松子炒香花姿柳片，味道不太濃，小小的一口不覺油膩。還是建議大家伴飯吃最為合適。滋養桃膠燉紅蓮，清甜的糖水燉有平民燕窩之稱的桃膠，配合圓肉及紅棗燉出暖暖保身的感覺，保身又能潤燥，值得一再品嚐。欲罷不能，還外賣一客豪門巧手炒米作宵夜。連同其他餸菜，每人平均消費約200元，非常抵食。

忽然又到假期，同家人出尖沙咀走走，發現原來遊客都不算甚多。走到累了便找間中式酒樓一同享用晚飯。抬頭一看只見燈光鮮明的彩福皇宴，見其位於13樓相信上樓食晚飯大慨不會太擠湧吧，果然客人不太滿，走道亦闊落，非常合適一家大小來進餐。另外就是樓底夠高修橫新整，婚宴、壽宴、團年慶功都非常合適的場地。由於時間都不早了，還是努力選晚餐吧。可能走路太多有點累，需要一點肉類補充體力，因而選上了"三葱黑蒜牛柳粒"。非常清新的香葱味配上黑蒜的酸酸甜甜的口感，非常開謂醒神，牛柳粒火喉恰到好處，外香內軟。三者一同炒香，味道格外溜香。另外香口的菜色是不能沒有的，因此選上了"脆皮椒盬豆腐拼吊片"，原以為一半是椒盬豆腐一半是白焯吊片，言而菜色送到後才知道全是脆皮椒盬烹調，簡直是喜出望外。椒盬豆腐外面薄薄香脆的炸槳，內裡是暖暖滑豆腐，一口一口吃下，好吃得忘記了甚麼叫熱氣。加上椒盬吊片的魷香，我們不用多久便消化了整碟了。原個椰皇燉燕窩是令我覺得十分驚喜的，全因為那原隻椰皇內滿滿椰肉，由底部至過半滿的豆花，蓋頂就全是燕窩容，非常滋潤細滑，而且份量十足，若不是太貪心的話，大慨可以二人共享吧。

清明假期在家罷煑，到酒樓吃家常晚飯，簡簡單單單點選兩個小菜：濃湯金腿絲浸旺菜$78，柚子爽蕎頭燒豚肉粒$89，白飯和茗茶，還有飯後甜品，我的至愛~~原個椰皇燉燕窩$45，芝士蛋糕$22。天氣突然轉熱想吃得清清地，濃湯金腿絲浸旺菜就好啱送飯，有肥大厚肉的旺菜，湯底有濃郁口感、入口清甜，完全沒有油膩。柚子爽蕎頭燒豚肉粒一上枱面，就令我眼前一亮了！起初以為豚肉粒是細細粒的意思，原來是大大件，送入口中細嚼細味，感覺驚喜，首先嘗到是掛在豚肉外的燒汁，燒汁味道得宜，再吃到豚肉的瘦肉部份，肉質鬆軟有鮮肉味道，和略帶少許肥肉，肥肉甘香不油膩，給我十分味覺的享受。滿足我的第一胃，又開始滿足第二胃，我的至愛~~原個椰皇燉燕窩，打開椰皇蓋頂，看見舖滿軟綿的燕窩，燕窩伴著滑滑的蛋白，一口一口的吃著，立刻感受下一刻皮膚開始變得靚靚，幸福的享受。家人的芝士蛋糕，我也淺嘗一小匙羹，口感綿滑。

今天和朋友經過尖東， 我朋友突然好想食點心，便去了附近的彩福皇宴飲茶，一進去，也被它的環境所吸引，好像去了皇宮似的😍地方也很寬敞我們點了其中兩款得獎點心: 龍皇野菌腸以及原隻鮑魚燒賣皇， 兩款都很有驚喜， 鮑魚很大粒， 燒賣裏面的蝦肉爽口彈牙， 龍皇野菌腸裏面的炸兩皮很脆， 野菌都很新鮮👍因為我很喜歡吃菜，朋友特意幫我點了濃湯浸唐生菜和濃湯浸通菜， 兩款菜都很入味我們還叫了鴻圖蟹肉帶子鍋伊麵， 想不到分量很大，很足料😍👍 蟹肉和帶子也很入味整體上，我們都很滿意這間酒樓👍

「彩福皇宴」有著婚宴場地的裝潢，環境優雅舒適，十分大氣，所以間中也會有包場宴會，所以建議前來前預先致電訂座。適逢今夜又有包場活動，好像是甚麼商會晚宴，佔了大半場地，幸好我們預先訂座，也未至無功而回。脆皮旺金南乳雞 ($68/半隻): 此乃酒家力推的一款小菜，雞烤得皮脆肉嫩，含豐富肉汁，在剛烤起趁熱食時確實非美味。特配濃郁南乳醬，南乳味道突出，但整體偏咸。粉絲蒜蓉蒸大元貝 ($128/4隻): 大元貝新鮮厚肉，但蒸煮時間稍長，肉質一般，而粉絲吸了元貝肉汁及蒜蓉香，相當入味。懷舊金獎叉燒 ($118/例牌): 叉燒品質不錯，肉味適中，蜜味較重，而肉質也算嫩口。三蔥黑蒜牛柳粒 ($98): 三蔥即洋蔥、京及大蔥，牛柳粒軟腍入味，可以一試。

其中一家最常去既中菜廳就系彩福，原因都系離不開平、靚、正！最正就系長期有唔同既優惠，包括$68半隻脆皮雞，以及各種晚市孖寶優惠，平均都系200零蚊一位，次次都食到滿載而歸。蒜茸粉絲四頭大元貝 (148-20) - 今晚有額外優惠減20，原隻元貝超大隻好肥美，用左好多粉絲加蒜蓉一齊蒸，加埋豉油及元具既肉汁，好鮮味！脆皮旺金南乳雞 (68) - 優惠中最抵可算是呢隻雞，燒得既香脆又多雞油，趁熱食連雞胸都覺得滑，南乳醬好濃郁，但偏咸，要配白飯食。翡翠木耳鮮蝦球 (98) - 翡翠即系翠玉瓜，加埋雙色椒同木耳炒蝦球，清清地又唔會太單調，蝦球爽而鮮甜，時蔬黎講，算系幾好。原個椰皇燉燕窩 (45) - 燕窩份量唔少，蛋白夠滑之餘，亦有豐富椰香，幾好食。

今天下午同媽媽去飲茶，之前去彩福食過晚餐，中午就第一次食，睇下佢d點食好唔好食先。我叫咗最愛的蝦餃，原來好大隻架，一隻蝦餃差不多包咗一隻半蝦，好脹卜卜。我地又叫咗個豉油皇炒麵，嘩都幾大碟，味道正常。叫咗叉燒腸，切開晒幾份，腸粉皮都夠薄，不過如果多幾舊就好喇！佢地既豉汁蒸排骨都好好味呀，我覺得蒸得剛口，排骨肉唔會無味，醃得算唔錯。鳳爪好大隻，有小小辣，不過都可以接受，下面鋪咗南瓜一齊蒸，都幾甜。鮮蝦腐皮卷都幾香脆，每卷都有2隻蝦左右，唔錯！