彩福皇宴 (置富都會)

营业中

休息中

小時候，總覺得紅磡是很遠的地方，時至今日，它是交通會聚中心，四通八達！這區的餐廳有著頂級交通優勢。環境靚，早些年有親戚在這裏擺婚宴，記憶猶新 ！優惠套餐推介，抵食組合 👍點了一家大細都喜愛的鮮菠蘿🍍拔絲咕嚕肉 $120菠蘿香甜味美，咕嚕肉甜酸開胃，外出用膳的熱門首選菜式再來金沙黃金蝦拼南瓜🎃 $108南瓜清甜唔硬，配合鹹蛋黃的沙沙口感，正！👍👍蝦隻肥大有肉，要是去殼就更理想 😂😂😂啫啫大澳蝦乾唐生菜煲 $108啫啫香氣撲鼻，生菜🥬爽脆，蝦干鹹香惹味 😋😋清蒸沙巴龍躉斑 $88，特價優惠菜式，性價比高！龍躉仔肉質鮮甜成一梳梳的，加上蔥絲豉油，平凡美味的家常菜。價錢公道，交通方便，是家常便飯的理想酒樓！

與家人去看演唱會，時間尚早就去附近的置富都會用餐，中菜是首選，幸好有間彩福皇宴。門口以西式佈置，都幾適合舉行婚宴。有最新優惠精選、片皮鴨、得獎酒香蝦腰蒸蛋、得獎客家炆豬肉等等，好多選擇。見到menu 上叉燒是得獎菜，一定要點來試試就點了小食 叉燒皇 $88叉燒色澤看上不錯，帶點燶邊。半肥瘦叉燒，肉質軟腍鬆化，而且夠熱味道很好。特價菜，清蒸沙巴龍躉斑 $88，有1斤2兩。蒸得剛好魚肉嫩滑，好經濟鮮菠蘿拔絲咕嚕肉 $120賣相一流，夾起咕嚕肉確實有拔絲效果，外皮香脆，內裡肉腍，甜酸度適中，再配新鮮菠蘿肉，相當開胃。

平日晚上去，估唔到咁多人！好多都似係收工後家庭晚餐，簡單好食。西澳龍蝦-見海鮮櫃的龍蝦勁生猛又大隻腳，叫左份上湯西澳龍蝦+伊麵底-澳龍非常彈牙！肉質扎實！新鮮龍蝦真係唔同啲！-重點係個上湯伊麵汁都好重濃蝦味，汁唔會稀溜溜/ 結撻撻👍🏻鮮菠蘿拔絲咕嚕肉-咕嚕汁好開胃，酸甜度剛好-十分欣賞個咕嚕肉，炸粉完全唔厚，好香脆好掛汁-肉唔係偏肥個隻，肉味好香👍🏻-鮮菠蘿好甜！勁襯咕嚕汁金銀蛋浸菜心-大大碟，皮蛋鹹蛋都算多，仲有肉碎

晚上跟同事在紅磡開會後，經過置富都會商場內彩福皇宴，被門面的裝修吸引，決定一試 ，它是間婚宴為主題的酒家，裝潢設計以綠藍色作主題，感覺新派簡潔又型格，完全沒有傳統茶樓的沉悶氣色，場地寬敞，座位坐得舒適，有水晶吊燈俱氣派與優雅的場地！餐牌選擇很多，主打精品中菜小炒，亦有一系列海鮮菜式，甜品酒水等，十分多選擇。茗茶點了鐵觀音和普洱茶，茶味清澈，香濃回甘！清蒸沙巴龍躉 － 賣相吸引，龍躉斑有鮮濃魚味，熟度恰到好處，魚皮有咬口，魚肉入口嫩滑，十分鮮嫰，加上酒家獨家的蒸魚豉油，馬上叫了兩個白飯伴魚汁吃！海鮮什菜粉絲煲 － 海鮮份量多，貝類厚肉爽口彈牙，不會有沙，蝦肉大隻鮮甜，元貝十分飽滿大粒！青翠脆綠的各式菜清脆可口細棵鮮嫩，如西蘭花，菜心等，湯汁味道帶淡淡的鮮味，菜軟硬度剛好，不會過淋或過硬。清而不膩，健康之選！麻香牛蒡金錢絲 － 上菜已聞到麻香味，金錢肚絲彈牙，有爽脆又煙韌，牛蒡健康又爽脆，整道菜不會過油，麻香十分惹味，口感層次豐富！原個椰皇燉燕窩 － 賣相打卡一流，原個蒸椰皇，有紙封口防止倒汁水，一打開燕窩份量多，椰肉味道清甜香滑，材料十足，滋補又鮮甜，為晚餐做結尾最合適不過，誠意推介！整

今晚老友選擇紅磡火車站附近置富都會彩福食晚飯，地點置中又方便🫰🏻裝修精緻，晚飯又多優惠又多套餐金牌脆皮燒雞-比5星，外皮燒至香脆，咬口脆卜卜，雞肉嫩滑多汁，加點南乳汁更提升。👍🏻38蚊金沙黃金蝦拼南瓜-鹹蛋蛋味無偷工，南瓜咬口內甜，外層鹹香。蝦有8隻，滿滿的，由蝦頭咬至蝦尾都沾滿，真心好滋味。都係108蚊 必點鮮波羅扙絲咕嚕肉-排骨新鮮，入口香脆，酸甜惹味，醒胃，新鮮波羅及車厘茄大人小朋友都喜愛🤩金滔芝麻卷-滴滴食食，芝麻味香濃，粉不厚，滑溜無比，童年回憶整體相當滿意，水準高，平日好多三五知已及一家大細坐滿滿。我都搵呀媽食多餐先😆

食物夠熱、好味，不過有位女店侍應(好似係姓何)服務態度極差，黑口黑面，叫又唔睬，當見我唔到，埋單時又唔出聲，只係張單攞起比你睇，好似欠佢錢咁，叫我還錢咁，問佢攞發票，又話無發票比客，已經唔係第一次，我真係忍無可忍才寫呢篇文章！

去咗紅磡置富都會嘅彩福皇宴食圍飯，環境乾淨，侍應都好有禮貌，食物嘅質素算係唔錯，特別個炸子雞，皮脆肉嫩，不過隻雞稍為瘦咗少少。甜品係桂花紅豆糕，清新得來清甜，味道有驚喜。

今晚的晚餐，揀了紅磡置富都會，裝修精緻的酒樓。Menu有單點、有孖寶及套餐……等，中式小菜及小炒，還有秋冬三大優惠。清蒸生猛龍躉班$128清蒸生猛龍躉班約1斤2兩，看落頗大條足秤，面上有蔥絲，鼓油甜中帶咸，味道剛剛好，朋友大贊魚肉嫩滑鮮甜！特別是魚腩部分！😍鮮菠蘿拔絲咕嚕肉$120餐廳推薦的菠蘿拔絲咕嚕肉，選用的是新鮮排骨，入口香脆，秘製酸梅醬，酸甜惹味，恰到好處，酸香醒胃不油膩，加上新鮮菠蘿及車厘茄， 更加醒胃惹味。😋蒜蓉炒涼瓜$90蒜蓉炒涼瓜爽脆中還帶軟腍，味道帶有涼瓜特有的回甘味道，炒得夠鑊氣。餐廳適合婚宴、壽宴、朋友聚餐……等，環境舒適，價格平民，難怪差不多滿座。

彩福皇宴做開婚宴 所以裝修都非常別緻 而家周圍都有分店 今日去咗屋企附近嘅彩福食晚飯晚飯優惠三選一 有蒸魚/燒雞/鮑魚選擇 我哋就揀咗炸子雞金牌脆皮燒雞 皮脆肉嫰有肉汁大澳蝦醬炒芥蘭 炒得好有鑊氣 又惹味 鹹香鹹香咁柚子水蜜桃脆蝦球 蛋白漿薄薄一層好香脆 個汁甜甜酸酸 蝦球啖啖肉又爽彈叫咗碗白飯 埋單先400蚊有找 都幾抵食

一班舊同事晌疫情幾年都無約齊過出嚟聚一聚，就趁農曆年咁就梗喺乘機出嚟食番餐啦！因為就番大家關係，所以，定喺星期五晚，然而，好多酒樓都會有時限，結果，偏少少搵到嚟「都會廣場」嘅「彩福」，無時限之餘，又就得到部分住喺新界東嘅老友。雖然成日聽到話啲人北上搵食，不過，今晚嚟到「彩福」都算喺幾爆場。因為我哋有排傾，坐咗成晚，眼見有啲細枱翻咗一、兩轉。至於呢度嘅環境，同傳統酒樓差唔多，燈火通明，唔好見張相以為地方得咁細，其實有一邊間咗俾人搞宴會。同枱嘅舊同事對食都無乜要求，所以，我哋都喺叫返啲慣常小炒，本應佢有一張大嘅點菜紙，不過，忘記影低。大家眼見呢幾張餐牌都喺當其時「求其」影，實際當然唔止咁少款式。片皮鴨 $288呢道菜要預訂，唔訂未必無，訂咗就穩陣啲。由於我哋坐咗晌個角落位，所以，阿姐晌出面遠少少位置度片隻鴨，用咗隻「鴨仔」碟，配上大蔥、青瓜、甜麵醬，成份片皮鴨幾有睇頭。隻鴨燒得幾唔錯，皮脆肉嫩，油香豐腴，加埋啲配料以餅皮捲起嚟食，好有風味。不過，負責片皮嘅阿姐絕對好業餘，因為片到厚薄不一，有啲直情得層皮，有啲就連住嚿厚肉，多多少少都影響咗個口感。七彩炒鴨絲 $88叫得片皮鴨，無理由唔加少少

彩福係我同家人既飯堂，不過多數都係食晚飯多，好少中午去，不過其實佢既點心都做得不錯。晚飯必叫的幾個go-tos:雞煲翅、炸子雞、客家燜豬肉、西蘭花(或有西蘭花的餸菜)、七味炸豆腐，永無錯炸子雞味道醃得好，雞炸得剛好又無晒皮下脂肪，嫩滑多汁。客家燜肥豬肉果然係得獎，汁調得好味，配上咸酸菜，肥豬肉送白飯，一絕雞煲翅個雞湯鮮味十足，翅又一梳梳勁足料，連湯渣既雞件都有味又少嫩，必試。西蘭花佢可以炒到連一個永遠唔食西蘭花既人都肯試食，炒到無晒草青味又唔會overcooked。食完再叫翻個椰皇蛋白燉燕窩，完美收尾。不過佢其他甜品，例如旋風流沙包同奶凍都不錯吃

昨日星期六中午時walkin想book桌飲茶,點知個知客劈頭一句話:「今日唔招呼2個人?」what? 當時大堂十一點未到,大廳大細吉桌甚多，個知客竟然一口拒絕安排?當時唔忿氣在櫃台企了一陣，個知客才死死氣氣話安排大廳旁一間房中比張桌我們，而房中擺了6-7張細桌,只坐了兩圍，那何來無桌招呼客人?之後拋低一句,限客人十二點半要交桌?連隔離台個客人聽到，都話有無攪錯!大家話，今時今日咁的服務態度，你叫人又如何樂意留港消費振興經濟?

走進彩福皇宴，準備來場味蕾的冒險🍽️！鮮嫩多汁的龍蝦走芝士焗路線，肉厚又爽口，芝士與鮮味激戰，結果是雙贏🧀🦞。食完龍蝦，轉戰冬瓜盅。清新冬瓜在濃郁海味後反而顯得清甜，為味蕾降溫。當然，為了追求食物的“溫暖”，羊腩煲既溫潤又香辣，羊腩片片鮮嫩，辛香料的加持令人食慾大增🍲。而豉油雞，這才叫一個滋味，雞皮薄滑，肉質嫩滑，那整half都是誠意滿滿噠。完美的燒臘宴幕以甜甜的椰皇燉燕窩作結，紙封善意地保留了椰香與燕窩的精華，每一匙都是幸福感的昇華😍。彩福的確是個讓人越食越開心的好地方，食物好，心情也美啦！

朋友十分喜愛🐑羊腩煲，一到冬天就即刻要食，佢話見到彩福推出左，就今晚去食下😆估唔到咁旺場，全場爆滿，見好多人食🦀大閘蟹套餐，問下伙計，佢話要預訂無得walkin食。除左點羊腩煲，見個龍鳳雙輝都好抵，但二人只能選一款，咁就食雞啦。⭐豉油雞半隻$38有半隻雞，酒樓喎，呢個價錢抵到喊😆雞嫩滑入味，份量都唔少。⭐雙冬羊腩煲期待的羊腩煲😋煲一陣就滾了，開蓋就聞到香噴噴嘅南乳味，羊肉有好多件，其他配料有枝竹、冬菇、筍、馬碲等，唔羶得黎仲全部都好入味，真係想要碗白飯汁都撈埋😆⭐唐生菜附送的生菜，已灼熟，一般都係生嘅生菜🤔勝在夠大碟。⭐原個椰皇燉燕窩食完濃味野就想食下甜，點左個椰皇，原個蒸，仲用紙封口防止倒汁水，好滑加上🥥椰汁香甜，好食噃。⭐芋圓薑茶湯丸仲叫左湯丸，薑茶好夠薑味，微甜，湯丸係芝麻餡都幾好食，但芋圓就唔得了，太淋又無味。兩個人食左五百蚊，有加一茶芥等，差唔多啦😋

今日下午11:45 一去到攞飛，個樓面巳唔睬人，我講左幾多位之後等佢俾飛我，佢零反應，掛住用speaker 講野。我明白，於是繼續等，之後第二個女人黎到拎飛，呢個樓面俾佢唔俾我。我問佢未俾飛我喎，佢仲大聲博我，話你拎住電話吖嘛！這有咩關係？之後拖多2-3分鐘先俾飛我，全程黑囗黑面，仲要拉住d同事望住我指指點點。真心咩料吖你？我地唔係cheap客，8人飲茶都食左$1580食物係唔錯。但成間鋪頭所有職員都態度差劣，亳冇CS service 可言，十間九唔應。等俾錢等左20分鐘，真係慘過乞食