彩薈軒 (iSQUARE國際廣場)

营业中

休息中

因疫情開始放緩，本人和朋友於2022年10月6日下午到尖沙咀 iSquqre (25樓) 彩薈軒飲下午茶。朋友點了數款點心，待點心到齊後，打算開始進食。當朋友品嚐鮮蝦菜苗餃時，無意中發覺底部竟然附有異物。以彩薈軒嘅品牌及過往嘅口碑，真估唔到會出現這種情況。可能我哋好彩？定係今次彩薈軒益街坊，食點心，送補品呢😖。

這間集團式的酒樓位於I square 的25樓，面積不算大，但有美麗的維港風景欣賞，侍應招呼周到。我們一行8人，吃了幾道點心，蝦餃皇做得很好，皮薄見到誘人的蝦，蝦肉質鮮美，很好味，蟲草花素粉果有豐富的材料，最適合食齋的人士享用，石鍋XO醬煎腸粉，腸粉夠熱，XO醬提升了腸粉的味道，鮑汁炆扣鳳爪，鳳爪很入味，而且不鹹，芝心海皇千絲春卷，春卷外層包滿條條香脆的絲，春卷餡料有芝士和海鮮，一點也不膩，喜歡吃香脆食物應該愛吃這款點心。我們還叫了潮鹵滑豆腐，豆腐切成一口大小，而且煎得剛剛好，皮脆豆腐香滑，牛蒡金錢絲，爽滑海蜇和海皇銀芽炒鴛鴦米，米粉幼細，很易咀嚼。到甜品時間，我們揀了新推介的芒果果凍，但我們覺得一般，反而旋風黃金流沙包，不單外觀吸引，入口奶黃流出來，令人回味，桃膠紅棗糖水就十分滋潤。這間酒樓無論在環境，招呼和食物都讓人吃得開心和滿足。

我地6 個人叫左10碟點心、5個小食、蜜汁叉燒蝦腰炒飯，埋單都系168/人，好抵食。食物選擇非常之多，懷舊小食鹵水豬仔腳好少地方有，同事見到即點，煮得超級入味，肉質爽脆Q彈。另外比較特別嘅系石鍋煎腸粉，石鍋飯就見得多，石鍋腸粉都系第一次見，先用XO醬煎腸粉，再放入石鍋，保持溫度，腸粉表皮有少許脆。黑松露鳳眼餃都系比較少見嘅點心，煙韌嘅粉皮包住彈牙嘅蝦肉，落咗少少黑松露提升鮮味，望落去真系好似一隻鳳眼咁樣。另外我比較鐘意嘅系脆脆龍魷須同埋杞子雪耳小籠包。脆脆龍魷須非常香口，落咗粉漿炸，龍魷須有嚼勁。杞子雪耳小籠包唔太食到杞子雪耳，小籠包一咬就爆湯，食嘅時候要好小心，喺酒樓黎講算係好好食。

今天天氣好晴朗陪媽媽覆診完得知身體健康後決定去看海揀左彩薈軒因為之前同家人食過, 不過今次晏左小小坐唔到窗邊但係都睇得到海 心情好睇咩都好我地叫左4樣野1. 鮑魚燒賣鮑魚比較韌 燒賣肉實 唔係太出色2.花知蝦球炆面面既乾濕度控制得好好 不過辣椒稍辣唔食得辣既朋友要注意3.灌湯餃料多 但味道同用料一般比平價酒樓還要差4.燕窩椰皇成餐lunch最好味既野蛋滑而且好香椰青味 好味！因為上去時間尚早 未洗等位就可以入座但檯與檯之間空間較小 好密集所以成個環境都好嘈好應聲！所以同媽咪急急腳食完就埋單走人了

晚市放寬每枱人數後，終於有機會同一大班親戚來個家庭飯聚。呢個《龍蝦鮑魚親情宴》性價比唔錯，平日晚上價錢半席（6位用）$1650，一圍（12位用）$3100，週末加$150-300。.菜單 上湯焗加拿大龍蝦配伊麵底五福臨門金豬拼盤彩虹西洋螺片翠珊瑚清蒸生猛龍躉斑碧綠金錢扣原隻鮑魚滋味薑蔥爆海蝦濃湯野菌鮮茄浸菜苗脆皮南乳吊燒雞風味臘味糯米飯彩福驚喜大蟠桃汽水或啤酒.整體食物賣相及味道唔錯，份量都唔少，我果枱七個人食半圍都夠食。較為驚喜的是濃湯浸菜苗，我飲左兩碗湯，好清甜。另外蟠桃壽包有鹹蛋黃是正的！

今日同屋企人去食,今次係第二次黎,估唔到今次有咁不快的事發生。好在我屋企人冇食到隻野,真係Omg, 一間都都算高級的酒樓都出現這種情況大家真係食之後望清楚,搞到我Uncle話唔敢再酒樓飲茶好彩我影左相先,唔係佢唔認數就大獲.最後我地同佢講幫我地取消曬d野食,我地都都係食左幾舊野就左,個經理送個甜品比我地我地都唔食了.發現左到拎甜品中間完全冇人理我地,真係唔知發生咩事,希望貴公司知道,因為你地都係大集團,廚房真係做野小心點

在尖沙咀做完美容 就近在 I Square 吃午飯 未去過這店 見介紹有拿奬的點心 便去試試等了30分鐘便有位 大廳不是很大 可能包廂較多 近窗可望維港景 不知為何感覺很嘈吵 有6款點心得了旅發局至高榮譽金獎 我點了其中4款 可惜越期待就越失望首先 芝心海皇千絲春卷 做型ok 但一入口就十分油膩 根本不想再吃下去 再看一看 碟底很多油 我是一個不想浪費的人 但今次真的很無奈旋風黃金流沙包 也是只得外表好看 餡料非常之稀 每個包都流了出來 祇有奶黃味 鹹蛋黃味很少 鮑魚燒賣王 送上來是東歪西倒 味道很一般4款得獎點心中 唯一可以的是龍皇野菌腸 但相比下只是較好味反而有驚喜的是燒腩仔 皮非常鬆脆 肥肉又不多但最令到我不喜歡的是在進食期間 不斷有小飛飛在食枱徘徊 很不舒服呢

跟朋友一起去吃，帶了一大瓶紅酒，去嘆阿拉斯加大螃蟹，一流。招呼非常好，超讚！疫情期間竟然全餐廳滿座，聽朋友介紹極力推介這間餐廳，所有菜色都非常高水準，招呼朋友畫一班人一齊去幫襯，非常好的推介！

I Square 一向都係美食大本型，知道25樓新開了 彩薈軒 ，約左舊同事聚會，就試試吧😝😝一入門口已被靚靚維港夜景所吸引，配上燈光,感覺更加relax 🥰🥰枱很闊，坐得很舒服，而且乾淨企理，服務很好不停換碟👍👍👍菜式選擇多很多，有不少套餐飲番杯先，冰凍啤酒🍻配 蜜梅柚子京燒骨，入口酸酸甜甜，好開胃嘢未😬生猛加拿大龍蝦特惠價$88斤，一隻一斤二兩都係$99😍😍比街市還要平呢，新鮮，很大隻，肉厚彈牙，加$30伊面底，份量很多！店員很細心，用刀叉🍴滷水鵝掌翼 $60估吾到又好好味，好淋入曬味😋😋送酒一流呀⋯⋯價錢親民，服務周到，又可以慢慢坐，不用限時，如此高質嘅中餐，真係靚景配美食，真係可以當飯堂🤭🤭

ISQUARE開了一家新酒樓，朋友推薦一起來試試新餐廳晚市有很多菜色可以選擇脆皮南乳雞（半隻）雞的色澤很靚，外皮酥脆，肉汁質軟嫩多汁，不過相當邪惡，可以瀝出很多油酒香腰蝦蒸蛋蒸蛋撲滿了盤底，上面妝點了Q彈的小蝦仁🍤，配上香菇，好好味，很想學起來當私房菜呢蔥花滑蛋瑤柱魚肚蛋花滑嫩而順口，配上瑤柱與魚肚更提升了一個層次楊枝甘露最後以甜點作結，芒果味淡了一些，但整體還算不錯餐廳位於25樓，仲可以眺望維港景色環境走華麗的裝潢風總體而言餐廳環境舒適，侍應屬酒樓等級的服務水準，不會給人不舒服的感覺，上菜速度適中，食物道道都在水準之上，適合商務宴請、朋友及家族聚會，推薦給大家

約左長輩食飯，中餐當然是首選🤪得知Isquare 新開粵菜 彩薈軒，位於25樓，居高臨下可以俯瞰維港夜景🌃真係食飯都開心D🥰🥰地方很大，枱與枱之間很闊落，而家很高，都很適合婚宴，壽宴，百日宴，可以考慮吓同爺爺今年擺壽宴😆😆😆嘩嘩嘩，生猛加拿大龍蝦🦞$88斤，係漁缸游緊水架😆😆蒜蓉蒸龍蝦，好大碟，大大只鉗切開曬，用叉一叉就方便食到，鮮甜到一個點，厚肉又彈牙，蒜蓉真係又香又鮮😋😋招牌小炒皇好足料，韭菜夠爽，腰果夠脆，仲有蝦乾，帶子，蝦仁，菜甫。很下飯呀🤤🤤滷水鵝掌亦，雖然是小食但是份量也很多，$60真係超值！又香又淋，好正宗的滷水😌叫返個 原個椰皇燉燕窩補番下先，燕窩很多很足料🥰🥰碟碟菜式都好出色，真正嘅高級粵菜，再配上醉人維港夜景，真係好滿意的一餐🤗🤗

好友飯聚，最緊要好坐吾限時，可以慢慢傾慢慢食😬😬ISquare 25/F 新開了彩薈軒 ，彩福集團品牌，食物質素當然有保證，好幸運仲坐到窗邊位，眺望住維港夜景，真係醉了😂😂😂場地很大，相信也為婚宴而設，事關.地方超就腳，地鐵站一出便是，而且樓底高，坐得份外舒服😌生猛加拿龍蝦$88/斤，真係吾好錯過🥰🥰即叫即撈加了$30伊面底，好大碟🤩🤩龍蝦爽口 彈牙，刀叉享受🤪小炒王，配啤酒🍻小炒王很足料，帶子，蝦粒，腰果，惹味😬😬蜜梅柚子京燒骨排骨炸過後再加蜜梅，酸酸甜甜，啖啖肉，送飯也很配，不是周圍可以試到這款菜😍😍滷水掌亦，好入味呀🤩而且份量都幾多，真係媲美正宗滷水店😬😬原個椰皇燉燕窩，好足料啊🥰🥰靚景美食，好稱心的晚😬不論服務，環境，食物都很高水平，週末可以帶爸媽飲茶🥰🥰

尖沙咀食野貴係人都知，特別要搵價錢相宜嘅茶樓真係相當有難度，呢間彩薈軒價錢唔貴之餘，而且仲有落地大玻璃可以俯瞰半個尖沙咀tim，維港嘅景色都望到少少架講得太多廢話，講返呢度嘅食物先小食椒鹽白飯魚，呢個小食連我一向嘴刁嘅母親大人都讚好食，因為白飯魚炸得香口之餘而外層炸粉一D都唔厚，所以食嘅時候啖啖肉XO醬花枝片蝦球炆伊面雖然賣相一般，但味道就相當唔錯，每條面都好入味，加上大大隻彈牙海蝦，菜苗餃味道OK LA飲茶必食蝦餃，入面鮮蝦大大隻，必食推介上面嘅旋風流沙包都唔錯架鯪魚球大粒得黎咬落仲香口彈牙另一個必食推介就係呢個椰皇燉鮮奶每日都係限量供應架，想食就要快手落單啦桂花椰汁糕比起椰皇燉鮮奶就稍微失色左少少，原因係因為雪得太凍，食嘅時候質感太硬，影響左整體嘅味道

又係做24孝乖囡嘅時候啦，星期日一定要同屋企人去飲茶啦，今次就專登揀咗間有得睇維多利亞港景色嘅酒樓同屋企人嘆茶，佢位於iSquare25樓，所以維港係一覽無遺架流沙包係媽咪嘅至愛一咬開金黃色嘅奶黃餡一湧而出晶凝通透嘅蝦餃係必點嘅點心菜苗餃入邊除咗菜之外，仲有蝦肉㗎白飯魚炸粉非常少，而且炸得好乾身，真心推介俾大家唔好睇呢碟伊面平平無奇，師傅都炒得好乾身，入邊仲有唔少花枝片同大蝦，配埋XO醬果然夠晒惹味椰皇每日供應有限，建議大家一坐低就留定先

星期六唔使早起送返學，瞓到自然醒，就同囡囡去飲茶，非常休閒。今次想試下新嘢，就去咗國際廣場嘅彩薈軒，佢哋有唔少點心款式，係得到旅發局嘅獎項，例如我哋就點咗當中的鮑魚燒賣。每粒燒賣上都有一隻鮑魚，非常矜貴，而燒賣混合豬肉蝦肉，非常彈牙爽口。另外，我們還叫了瑤柱魚翅灌湯餃灌湯餃，餃大大隻，湯又有瑤柱同魚翅，湯頭濃郁甘香。當然唔少得囡囡最愛嘅小籠包同埋紅棗糕，小籠包裏湯汁非常多，皮薄餡靚。紅棗糕我就冇食，因為一籠四件，都畀我囡囡掃曬。最後還點了原個椰皇燉燕窩，好適合呢個季節潤一潤。呢度居高臨下，望住維港嘅景色，飲茶特別開心。坐得舒服，服務亦好，下次我帶埋全家嚟試下先。