彩虹串燒專門店 (已結業)

返工返到悶真係想試下食D特別既野..今日Lunch食左個蟹粥..入到去既感覺舒服...可能2點左右去到過左lunch 都冇咩人...蟹粥好有鮮味...同埋大大碗....值得一試

雞皮串是類似炸魚皮的那種薄脆和油膩，但我期望的是內軟外焦，所以有些許失望，喜歡食炸魚皮那種口感的可以選擇雞軟骨不夠香口，沒有燒出來的感覺，但牛舌又厚又軟👍🏻燒菠蘿是每次串燒必點🤤燒後又甜又多汁，玉子燒不過不失炸多春魚看圖就知多春✨腩肉和香菇不過不失花甲蝦球粥不錯不錯👍🏻非常鮮甜，我們兩個人分吃差不多，建議可以兩至三個人最後重點推薦食物來了！！一口芝士豆腐超級驚艷剛剛炸好熱騰騰非常酥脆，一口下去芝士滿滿，而且豆腐是有魚肉口感的非常實在

其實係禁堂食嘅時侯已經用過 #拎得lingduck 買過外賣，已經覺得好好食~今次決定落鋪頭坐下慢慢食~仲叫咗好多嘢食添💛💛包皮包雞包皮卷、燒鱔、花甲粥係我哋Encore 咗2次，真係好好食包皮包雞包皮卷﹕外面脆卜卜，入面包住類似餃子咁，好特別燒鱔﹕大啖大啖肉，再加上肉汁好滿足，個泰式醬汁超正StarWar花甲粥﹕其實係男朋友鐘意食，不過蜆肉大大粒都好飽滿，正另外仲叫咗好多特別嘅嘢食蒙古燒韮菜﹕個汁好北方串燒感覺，不過個菜就韌咗DStarWar醉蜆配烏冬﹕好有酒香，再加埋面頭有好香嘅麻油香，正~燒雞腎﹕勁爽口明太子黃金春卵﹕原來係鵪鶉蛋，幾得意~（圖右）最後加單叫咗燒生蠔同燒蜆(又係蜆)，燒蜆好有豉椒炒蜆嘅感覺，而燒蠔係好滑，少少蒜汁咁超好食~最奇怪就係叫咗支竹蔗茅根啤，但其實無竹蔗茅根味🤣🤣BTW不過海鮮會比較耐，所以最好一早落定單先~特別係生蠔，真係連殼燒，我哋等咗好耐先有得食~~---#荃灣 #彩虹串燒屋 #串燒 #海鮮  #荃灣黃店 #荃灣美食   #黃店 #黃色經濟圈 #良心小店懲罰系列 #良心餐廳 #良心小店 #連豬 #文宣 #香港人加油 #hkfoodie #hkfood

💛彩虹串燒專門店💛前幾日見到佢地個羔蟹海鮮粥，實在太吸引，又見到話外賣免運費，於是去佢地個網頁睇下有咩野食😂😂😂睇下睇下......就叫咗咁多野食😅見到咁多野食係好開心😃不過可能有啲遠路程，啲食物已經凍哂，所以開爐焗返熱佢，小問題，最緊要好食😂啲食物大部分都唔差，但有啲就真係麻麻地，💛店除咗要有良心之外，其實都要好食，好想將佢地介紹比更多人，所以希望佢地會有改善先講好食果啲😋😋😋🦀羔蟹海鮮粥係好好味，原隻羔蟹，勁多羔，如果鍾意食羔既朋友，真係要點呢個試試🐑羊扒配薯角，呢個羊扒味道都唔錯，都係好食既🐷燒原份豬頸肉，唔知我係咪太耐無食過，我覺得呢個勁好食😂，完全唔洗再整返熱，我都已經食哂🧀🐮心太軟芝士牛丸，肥佬話有驚喜，好食😋🥬🐷梅菜扣肉飯，呢個飯比我預期中好味，唔會太鹹，味道啱啱好🍲什菌蘑菇忌廉湯&南瓜粟米忌廉湯，雖然賣相唔太靚仔，但味道都唔錯，係好味既，我都飲哂好啦，講完好野，講下啲唔好既野😬白酒忌廉藍青口，呢個真係攪唔掂，唔知道佢地係咪落錯咗調味料既份量，鹹到.......係無辦法再食落去，阿女話好似食咗啖鹽咁，係堅鹹，所以我估計似落錯調味份量🙈🥴🍆燒原條茄子，條茄子好大條，係好吸引

卜咗星期五嘅夜晚2位 準時去到都見都好多人喺門口等結果最後比預約時間遲咗20分鐘左右先有位一入座就入紙叫嘢食除咗杯啤酒之外其他嘢食都等咗大約半個鐘先陸續上啲嘢食嚟到仲要只係得微溫🥲呢個位都幾失望☹️串燒唔熱辣辣食真係差啲😫不過好彩佢啲食物都醃得幾入味總算加番啲分😋個人最推薦雞中翼、雞肉免治串😍呢2樣嚟到係最熱個皮咬落脆脆地好正😋辣度試咗小辣、 中辣🌶小辣=譚仔麻辣7-8中辣=譚仔麻辣5-6最後就係漏單問題前後落咗2次單總共漏咗4樣嘢冇上最後因為只可以食到10點就冇得追😿

今日嚟到呢個彩虹串燒專門店，係荃灣嘅新分店，人就唔算好多，可以安心去排，真係值得一試 😝-入返正題先，就由飲品入手，首先整返支佢哋支持嘅本地手工啤先，整咗支竹蔗茅根啤 $59，成份就有竹蔗、茅根、馬蹄、大麥、小麥、啤酒花，味道就比較偏苦小小嘅啤酒帶啲竹蔗茅根嘅香味，簡單媲美花上的一隻蜜蜂的點綴！另外仲有五隻本地啤等你哋試，包括有山楂啤、液體麵包啤、花露水小麥啤、陳皮啤、金羅漢果菊花啤！唔太好酒嘅小弟覺得最好飲就係呢到嘅 852 咸濕沙冰，話係話 852，聽店員講話好似係由馬拉專程空運嚟嘅話梅打成，真係酸酸甜甜濃濃郁郁超好味 🤪-關於食物方面真係樣樣都幾出色下，基本上都冇乜挑剔嘅地方，首先馳名厚切牛脷 $26，有兩大塊真係幾大嘅牛脷，而且真係好厚，再配上沙律汁之類真係好好味，厚得嚟唔硬又幾爽，真係 cp 值高企；日式雞皮串 $16，燒得好脆身，真係送嘢飲一流；之後有女士們最愛嘅包皮·包雞·包皮卷 $29，就係脆脆嘅大雞皮包住熱辣辣嘅雞肉，去骨版炸脾咁，好正 🤪 接落嚟係其一覺得最出色嘅澳洲 M9 和牛牛丸 $40，大概係我食過最好食嘅牛丸，啲和牛味真係超！級！勁！牛香味爆哂出嚟，要食 😍

疫情下晚市堂食被停想吃堂食只好待下午第一次去大埔分店碰壁，大意無看清楚星期日不開門於是決定下星期再戰前一日預先訂位訂了一直想試的蟹粥點了以下一堆串燒（這裡的串燒是一枝的價錢）封門柳 （$42）每日限售10串。好奇查一查：封門柳為牛橫隔膜肌肉，每隻牛只有一條，較為罕有。我覺得肉質爽口，但牛味不重個人認為可以一嘗就好厚切牛脷 （$28）我喜歡這裡的牛脷不硬易入口，味道不錯。雞腎（$16）爽口好吃紐西蘭一口羊串（$30）味道尚可。原隻蟹膏海鮮粥 （原價$138，後點了限時特價套餐減 $10）需一日前預訂。味道清甜，但蟹味不如想像中濃。特別長珍寶蟹柳 （$19）喜歡吃蟹柳的朋友大推。太心急吃也忘了拍照，的確很好吃！原本想叫多一串，但因為後加的食物太多就放棄了，下次再吃吧後來聽到店員跟隔離台介紹有套餐優惠即上 社交平台燒蒜蓉 或芝士澳洲龍蝦 配 燒帶子 加燒大蜆堂食套餐 $338 ( 外賣錢 $298)叫套餐的話蟹粥可減 $10蒜蓉龍蝦燒得好吃，肉汁豐富帶子和大蜆味道尚算不錯總體味道不錯，會再回來吃

無堂食晚市咁耐就無食串燒咁耐！因為怕串燒拎到返屋企淋晒 又驚凍晒唔好食忍咗口成個月 真係忍唔到收工就去買串燒返去食！叫咗一份茄子 雞全翼 炸墨魚咀 炸雞軟骨 牛舌！ 好彩食嗰陣樣樣都熱辣辣 仲要炸墨魚咀炸雞軟骨都仲係好脆 好好食不過老公話雞軟骨就少少鹹 但都好食 牛舌超大舊 中間超爽口 好正！雞全翼就無乜特別～ 茄子老公話好正食咗大半條佢話好少食到燒茄子燒得咁好 唔會燒到個皮燶晒仲要上面加咗啲酸酸甜甜嘅辣醬 同紫菜絲佢覺得好開胃同好夾！ 食完都唔係好夠喉 希望快啲開返晚市堂食！即叫即食一定仲正～（＾◇＾）

今日(1-1-2021 Mon)同老公落荃灣食晏,呢日好凍,我搵到呢間食串燒嘅,但佢哋5:30pm至開門,不過我都先行嚟搵搵,見到喇,但開咗門,咦?!即係我哋有得食.坐低後,店員即介紹今日元旦,叫燒蟶子或飽魚送燒帶子,日本大扇貝送大花甲.最後我哋決定要:1. $16.00嘅燒墨魚咀串好期待呢個,但可惜凍晒,只有爽嘅口感.2.-5. 送嘅燒帶子,$210.00嘅燒蟶子三隻,$210.00嘅日本大扇貝三隻,送嘅大花甲全部口感都好嫩,冇燒過龍,而調味就只有蒜蓉,重要係生嘅,咁就辣辣地.sorry,我覺得太單調同冇誠意.6. $69.00嘅白酒忌廉煮法國藍青口配蒜蓉多士蒜蓉多士反而蒜蓉味唔夠,藍青口同樣係嫩,冇渣;但酒味有少少苦.7. $26.00嘅初戀芝士撞棍兩件店員介紹呢個係芝士加響鈴,響鈴好脆,第一次食唔係放湯嘅脆響鈴.8. $26.00嘅燒鮮腐皮兩件鮮腐皮幾厚,呢個都OK.9. $19.00嘅鹽燒苦瓜串正常冇問題.10. $24.00嘅852鹹濕熱飲呢個係馬來西亞鹹桔飲品,我飲到佢好似有蜜糖嘅甜,但好似太多.11. $20.00嘅熱檸賓呢杯老公嘅,我冇飲到.抵食係2.8分

彩虹串燒專門店呢間串燒店唔係辣椒粉，用辣椒醬，食落甜甜地唔會好辣燒冬菇好好味，冬菇味道好濃郁，咬落去夠淋同爆晒汁燒腐皮卷都幾特別，脆脆地甘，有小小似食緊豆腐燒牛舌係招牌，夠大塊同厚身肉質都滑既，但有小小難咬開雞全翼都唔錯既，燒得岩岩好又keep 到juicy既肉汁雞皮有小小失望因為唔係燒，係炸，不過炸得都夠脆燒鯖魚燒得幾入味，甜甜地，仲附有特製既蒜味醬汁幾好食，不過略嫌有小小小小魚骨P.S. 小編下次要試下佢馳名既海鮮粥🤭

食材已經好普通 都可以整得好難食真心超失望啲丸全部都擺到明烚熟咗 然後拎燒到個皮有少少黑色 就變串燒羊架。多骨冇肉仲要冇刀M5 牛丸。凍冰冰 🤦🏼‍♀️有個唔知乜嘢撞棍。個響鈴勁乾爭爭，同個汁完全唔夾重點係唔平不過服務態度好

之前見杜生介紹，今日終於得閒黎支持黃店不過好失望D 野食都唔似炭燒，慢慢燒出黎。似乎係煮過或者叮過先再求其燒一燒，唔係全燒熟3隻唔大既扇貝 我諗街市賣10幾蚊隻送6隻"大"花甲，我諗10蚊唔洗幾十蚊野賣210蚊。有d 牟取暴利。。。好似懲罰唔落手喎個所謂預留，但又有10個名額既馳名蟹粥。。失望。。都唔似一齊煲熟似粥還粥，蟹還蟹，又唔係平。。。見到人地食果個所謂長過手臂斑馬瀨尿蝦先慘只係用一隻斑馬瀨尿蝦，斬件加大炸粉炸，炸起左再擺疏d 就話長過手臂，好似400~500蚊，但呢d 蝦平時街市應該100蚊有交易，感覺牟取暴利。。總結，好貴，好唔抵，冇串燒味既串燒不過唔難食既，但都唔係好食。仲有環境衛生好差，個地下，廁所地下都係痴立立，行路會有痴鞋聲果隻。

味道：⭐️⭐️⭐️荃灣深宵串燒店位於路德圍附近營業時間長座位比較逼夾❶膏蟹海鮮粥 時價蟹都幾大隻 蟹膏又多除咗蟹入外仲有好多蜆 d粥夠綿滑加上海鮮嘅鮮甜 好味😋❷原隻燒茄子＄42❸蒙古燒韭菜＄16呢兩款調味料夠惹味唔會好乾！❹馳名厚切牛脷 $26餐牌上👍🏻牛脷係大塊同厚嘅但個人認為呢個好un❺包皮包雞包皮卷 $29 推介 雞皮包住雞肉外皮烤得脆裏面嘅肉都好嫩滑椒鹽雞軟骨略嫌有點油膩感❻852鹹濕沙冰$32🍹呢個飲品入邊有一啲切碎左嘅話梅肉好開胃 又夠大杯 熱辣辣嘅時候飲真係透心涼

第一次黎，本身鐘意食串燒，而且同路，見今日終於得閒就黎幫襯下食物種類都幾多，聽聞過最出名係蟹粥，但因為晏晝已經食完粥，所以冇叫到首先叫左燒牛脷（唔好意思肚餓得滯冇影相）味道幾好，有咬口亦唔會太硬椒鹽鮑魚及附送蟶子皇蟶子係跟鮑魚送既，蟶子好食，熟度岩岩好唔會似香口膠，但鮑魚相當失望，先唔係一入口成口都係炸粉，仲要非常之硬，老實講我食第一隻已經咬到牙骹軟，加上價錢唔平，呢款我唔推薦燒8吋虎蝦調味好，肉厚，燒得都係岩岩好，推薦👍另外無影相既係羊架同豬頸肉，因為真係冇特別，中規中矩，所以冇特別影相後評：其實我見其他食評指話係煮完先再燒一下，今晚既體驗我唔太覺，但海鮮（除左鮑魚）其實都算唔錯，只係其他野一般般，幾可惜既係始終CP值唔高，黃店串燒可有另外選擇

打電話訂左枱7:30。朋友遲到20分鐘，好彩最後都有位。老闆娘推介私伙雞皮串，係每日响街市嘅新鮮雞皮，好香嘅雞油味，好脆。老闆娘又推介左包皮卷，燒得都好香口，個人覺得私伙雞皮好食d。蟶子王原本做緊買三送一。但係可以轉做送6隻花甲，咁梗係想試多一樣。蟶子大大隻好多肉👍👍花甲都好鮮甜雞泡魚干，差唔多每次食串燒都必食，熱辣辣，燒得比其他地方燶d，好味。朋友點左鯖魚，粟米，羊架，芝士鵪鶉蛋，雞腎，一口甜蕃薯（無影到😂）羊架揀左少辣，好好味，食左一半先記得影相雞腎如果燶d會好味d再叫左炸雞同埋encore雞皮😍😍最後送左個柚同埋燈籠同埋年曆。香港人要加油！