彩逸漁港

营业中

休息中

從前會到柴灣工作，現在少之又少，甚至沒薞機會到來。可是有次友人相約，到柴灣晚飯，便一口答應。來到彩逸漁港，是朋友飯聚地方，看看餐牌，原來有以生果入饌的菜式，於是點來一食，但是亦點了其他菜，讓朋友分享。先來香芒貴妃三蝦球，當中有龍蝦、櫻花蝦、及海中蝦，一次過滿足不同的鮮味蝦肉。當中芒果香甜而略帶果酸，但不會掩蓋了各蝦的鮮甜味道。火龍果彩虹一口牛食材頗為豐富，除了火龍果及牛柳粒外，還有紅椒等食物，顏色頗為鮮艷。整道菜式口感豐富，富有勁嚼，亦具健康。鮮茄粟米龍躉斑塊是一道有不同的魚做的，既有龍躉也有斑塊，加上鮮茄和粟米，是不錯的配搭，味覺也很夾。或許很久沒吃京式片皮鴨，點來一齊共享。鴨片和其他配料夾在一起吃，不錯吧。甜品為陳皮圓肉燉雪梨，是一道非洲潤的糖水，當中陳皮味道甚濃，加上雪梨的清潤，是不失的滋潤糖水。這次以水果入饌的晚飯，是極其有果香的佳餚，亦為菜式增添不少色彩。

呼 ... 三個獎都沒有中 ... 下次吧，希望在明天嘛 !夏天你好，水果你好， 今晚我們來吃繽紛美味的水果菜式。木藏牛肋條 $ 88 以原隻木瓜入饌，味道是清甜之餘亦有鬆化牛肋肉的神效，醬汁也有加入木瓜來調配，是濃郁中有茄甜；爽口的秋葵可為這碟菜添新顏色，而且亦是一道營養豐富的菜餚。鮮茄粟米龍躉斑塊 $ 118 這是 粟米斑塊 的 矜貴版，選用新鮮的龍躉肉，酥炸後是外脆而肉質爽韌，蘸上 鮮茄粟米濃醬 才吃，超好下飯。火龍果彩虹一口牛 $ 88 廚師運用燒汁的香甜來把 火龍果 及 一口牛柳肉 作串聯，燒汁是恰當地掛在食材上，沒有多餘的燒汁流在碟上，再炒入鮮菇與彩椒，吃就是吃這種乾淨俐落的鑊氣。陳皮圓肉燉雪梨 $ 28 / 位 燉好的雪梨是甘甜軟滑，陳皮、圓肉、紅棗、杞子的香氣與味道亦完全的滲進雪梨裏，熱熱地吃會更覺滋潤。街坊茶樓都會有 gimmick ! 味道 3.5環境 3服務 3.5衛生 3抵食 3.5

時光飛逝 , 夏季轉眼已經過去 , 秋季來臨 .... 秋天總給人灰灰的感覺 , 也許是時候改變一下 , 就以鮮果來打破這種悶局 ~彩逸漁港 , 把夏日的歡樂氣氛繼續在這個初秋洋溢 ~Menu ~香芒貴妃三蝦球 $ 188 : 賣相精緻 , 三蝦球其實是 龍蝦、櫻花蝦、海中蝦 三種不同的蝦球 , 三種蝦球同樣既鮮味又爽口彈牙 , 配上了以原個新鮮香芒打成的香芒汁 , 其味清香甜蜜 , 口感層次豐富 , 美味非常 ~京式片皮鴨 (一食) $ 68 (推廣價) : 全隻鴨會先推薦客人桌前 , 之後才有職員即席切片確保沒有偷工減料 ....片好的鴨 , 皮很脆 , 鴨肉味道濃香 , 切片得厚薄適中 , 叫人垂涎三尺 ~把片皮鴨放於北京麵餅皮上 , 配以青瓜條、大蔥、甜酸醬 , 卷起來吃 , 味道誇啦啦 ~火龍果彩虹一口牛 $ 88 : 以火龍果入饌 , 再用燒汁炒過的牛柳粒 , 色彩繽紛 , 一口牛肉嫩多汁 , 味道香甜可口 , 讓夏日的氣息繼續在這個秋天燃燒 ~香橙燒風鱔 $ 98 : 鱔以鐵板盛載 , 再淋上秘製的香甜鮮橙汁及橙皮絲 , 肥美鮮嫩的鱔肉吃起來帶淡淡果香 , 吃後齒頰留香

我本來就很喜歡吃水果，當看到這家酒樓推出了以夏日水果入饌的新菜式便跟朋友去吃個晚飯。街坊酒家的模樣，平日晚上生意也蠻不錯。餐牌上寫著3選1推廣優惠，清蒸大海花金尾斑只售$68，我們便點了試試看。蒸魚約一斤重，肉質頗嫩滑，這個價錢真的很划算！燒風鱔以鐵板盛載，吃前淋上鮮橙汁，香氣撲鼻~風鱔皮脆肉嫩，肥美鮮甜，加上橙的酸香很搭！三蝦球指的是龍蝦、海中蝦、櫻花蝦，蝦球爽口彈牙，口感層次豐富，配上酸甜香芒汁，整個配搭清新不膩。用咖喱粉、辣醬、番茄醬等醬汁把牛肋條煮至軟腍，木瓜中的酵素令肉質更鬆軟，還有秋葵當配菜呢！以水果為題的菜式確是特別清新開胃，炎炎夏日吃最好不過。

同屋企人食飯，好多時中菜都係唯一的選擇。尋晚入柴灣探完親戚，本來打算去漁灣村食大排檔，係朋友IG見到呢間酒樓嘅水果菜好似幾特別，所以就去試下，係地鐵站行過去興華商場都幾方便既。環境係一般酒樓嘅格局，去到坐低已經有本佢地既夏天你好menu，d相影得好靚，最後因為我地只係三個，所以叫左四個菜（食到好飽）香芒貴妃三蝦球好好食，原來蝦配芒果係好match，三蝦有龍蝦、海中蝦同櫻花蝦，最最最驚喜係個龍蝦頭同鉗係食得！木藏牛肋條個牛肋條炆到好淋好淋，用生果嘅天然酵素去軟化肉質係好健康好美味既做法。配好爽口既秋葵成個感覺好清新。阿媽鍾意食橄欖菜，所以我地叫左個蜜欖燒肉排，肉排好惹味，呢個菜配飯可以食幾碗飯。另一個好下飯嘅係夜香花海皇蒸西施，阿媽話夜香花係一種夜晚先會發出香味既花，所以夜晚來食就最岩喎！海鮮好足料，蛋又滑又有少少花香。總括來說呢餐水果菜好驚喜，打破左我對以生果煮菜既想法！

吃水果很有益，但其實在家的話並不常吃。有時可能連一個水果也沒吃到主要是因為太懶了啊 (-ι_- ) 要剝皮才能吃什麼的實在太麻煩不過現在會有不少的餐廳會以水果作為主題烹調出一些特色的菜式！得知這家酒樓有以夏天為題的新菜式再加上很近我住的地方，所以便和朋友去吃吃看喔先來 - 香芒貴妃三蝦球 ($188)這裡所說的三蝦球是有龍蝦肉、海中蝦和櫻花蝦的喲配以香芒汁～吃起來有點微酸，但味道很清爽可口！口感也很彈牙 (´・ω・｀)木藏牛肋條 ($88)新鮮的木瓜帶著甜甜的味道，還有我不太喜歡吃的秋葵 (x( ^∀^) 牛肋條被炆煮得很軟嫩亦很入味鮮茄粟米龍躉斑塊 ($118)雖然用上新鮮番茄，但一點也不酸~配上粟米反而帶甜(≧∀≦) 炸得金黃的龍躉斑塊~淡淡的魚肉吃落酥脆，油份並不算高。火龍果彩虹一口牛 ($88)炒牛柳粒其實滿常吃到。基本上牛味濃郁，吃落很嫩口惹味但加上切粒的火龍果與彩椒，豐富了這個菜式的顏色，同時增添不同的口感 (ﾟ∀ﾟ )香橙燒風鱔 ($98)本身不是太喜歡鱔，因為我是怕吃到魚骨。不過這風鱔還好，肥美之外也沒什麼骨!燒過後更為惹味(・´ω`・) 在吃之前還會淋上開胃的鮮橙汁，

去柴灣做野，多數會係新翠商場搵食，之前去興華商場呢間彩逸漁港都係同同事飲茶，未試過食晚飯！今次由住柴灣嘅朋友帶領，半圍人去食酒樓新推出嘅夏日新菜，都幾surprised呢間酒樓會一次過推咁多用唔同水果做嘅菜式，出面大型連鎖酒樓都未必會有咁多！自問喜歡食水果，但食水果菜就真係好少！第一個上菜嘅香芒貴妃三蝦球，好鬼開胃！芒果漿同龍蝦同蝦係好夾，連埋炸香嘅櫻花蝦同芒果肉一齊食，開胃之選！跟住上場係用鐵板上嘅香橙燒風鱔，有橙皮嘅橙汁另上，但可能由於我地影相影太耐，當倒橙汁落鐵板時就無出煙嘅效果。白鱔好肥美濃郁，配橙汁感覺清新一點，呢個菜好快比大家食哂！我地一行6人4個都係男士，所以好順理成章係會食肉多！木藏牛肋條可以話係全晚嘅亮點！牛肋條炆到好軟身好軟身，聽講係因為木瓜嘅酵素可以令肉質軟化，而呢個醬汁有少少辣，再食一口木瓜肉又可以balance番，呢道菜真係好突出到水果嘅天然健康。黑豚豬頸肉鮮菠蘿炒粒love係升呢版咕嚕肉，新鮮菠蘿好爽甜，黑豚豬頸肉啖啖肉，唔會好似出面酒樓咁只食到一口炸粉而食唔到肉。最後再食個陳皮圓肉燉雪梨，夠哂滋潤。

炎炎夏日，有時候會令我感到無唒胃口，在家隨意吃頓水果餐，既涼快亦可減肥！但如果不能不吃飯，幸好現代廚師有計，以水果入饌，菜式變得輕盈，而且酸甜醒胃，無需擔心吃不下，只怕吃至停不了口！ 雖說如此，水果入饌粵菜，並非人人能做得好，若然功力稍遜，掌握不到果汁茨汁的完美比例、又或是鑊氣不足，醬汁變得過度黏稠，不只影響口感，若是炸物，更會失香脆；相反地，火喉太猛，又怕損害酸香果汁的自然味道。 平日少在柴灣活動的我，被家住小西灣的朋友相約，走到彩逸漁港聚會，想不到臥虎藏龍，以為是街坊酒家的店子，竟然做出水準清新水果菜式來，而且價錢非常親民。 酒家環境街坊，燈火光猛，熱鬧氣氛。一行五人，我們吃了五道菜及一款甜點。香芒貴妃三蝦球  以水果來說，芒果的酸香甜美甚得人歡心，龍蝦同樣是海鮮之最，想不到，兩者更能擦出愛火花。 芒果炸漿，調味厚薄皆恰到好處，豐富的完全包著每棵新鮮肉彈的蝦球，一口吃之，酸甜鮮美，果酸成功提昇蝦之鮮。 難得大廚非常有心思的用上三款蝦：龍蝦、大蝦及蝦米，後者更是有趣兼增層次；前兩者外型上已經非常難分辨，而且大蝦質素緊貼龍蝦，需要細心些，方能吃出肉質更緊緻的龍蝦來。 造型亦是最漂亮

今日早上去買兩個點心做早餐燒買、鳳爪 先去買票 過去取外買 等左5分鐘未見有人做外買 平時有位姐姐做外買 過去問收銀 佢話就出嚟 再等5分鐘都未見 我同收銀講 不如退款因我趕時間 佢話無得退 跟住我去找經理 個姐姐先行返出去做外買 比左我之後我轉身走 後面不停有人問候我 今時今日的服務態度 點得呀!以後都唔會再去

炎炎夏日，出去食餐飯都會大汗疊細汗，所以今日近近地嚟到屋企附近嘅彩逸漁港晚膳。 在屋村商場內的酒樓，入面都幾大，好多座位。 近來推出了新菜式，以水果為主題，色彩繽紛非常吸引，而且好適合夏天這個主題，所以決定大部份菜式都從這個餐牌上揀。 香芒貴妃三蝦球 $188之所以名為三蝦球，因為內有波士頓龍蝦、海中蝦及櫻花蝦三款蝦。蝦球先被炸成金黃色，再配上香甜的芒果醬，入口酸酸甜甜好開胃。另外波士頓龍蝦好多膏，確實真材實料。 香橙燒風鱔 $98熱辣辣的鐵板上淋上香橙汁，風鱔被燒過所以帶點香口，配上香橙汁更能帶出其鮮味。 火龍果彩虹一口牛 $88不同的椒再配上火龍果，色彩繽紛有如彩虹，牛肉腍身好有牛味，再吃一口火龍果感覺亦較健康。 木藏牛肋條 $88木瓜配牛肋條，木瓜內有特別的酵素，能夠令牛肋條的肉質更軟，兩者恰到好處，牛肋條好入味而且腍身，還帶有點點香辣口味。 黑豚肉鮮菠蘿炒粒LOVE $88咕嚕肉是我最喜愛的，這裏卻以黑豚肉為主打，肉質更爽更結實，新鮮完個菠蘿十分鮮甜，又是一道令人開胃的菜。 陳皮圓肉燉雪梨 $28超滋潤的糖水，原個雪梨燉，入口充滿陳皮香味，而且雪梨肉軟腍，吃後令人很舒服。

居住了柴灣很久的日子，一直都有在附近酒樓光顧。是夜星期五想約一班中學同學共聚片刻，你從來沒想到屋村下都有驚喜的一面。夏炎的日子，彩逸全新推出「夏日水果」菜式；只有七月至九月限定。全部均以新鮮水果製作，我想定必香甜又美味。 香芒貴妃三蝦球 $188 首先到來是香芒蝦球，上枱後相當吸晴完全被吸引過來。原隻龍蝦的蝦身極具吸引，蝦球炸至金黃色配上香芒醬，酸甜交替非常開胃。 香橙燒風鱔 $98 利用鐵板奉上鱔肉相當有趣，有別於一般酒樓有少許茶餐廳的風格。鱔肉切至幼小件方便食用，香橙汁的味道不算濃郁，未能令到鱔肉更入味不過旁邊有橙絲帶有口感。 荔枝子薑雞煲 $78 夏日炎炎又點少得荔枝呢？俗語有云：一粒荔枝三把火，荔枝去核後與子薑及雞肉同炒，荔枝的甜香配上嫩滑的雞肉相當惹味。子薑的薑味十足，搭配一碗白米飯是最好不過。 火龍果彩虹一口牛 $88 首次吃以火龍果為主題的菜式，火龍果切粒與三色椒同炒色彩繽紛；一口牛肉粒味道相當惹味而且腍身，完全相來多口的感覺。 木藏牛肋條 $88 木瓜是養顏之物，平常都會以甜品便算吧！原來木瓜都可以製作新菜式，厚切的牛肋條以為會比較硬身，但原來剛剛相反軟腍而有味不俗之作

一大班人食中菜就最好，大大碟，食得飽，又唔貴！今次見到有特別野，用水果配中菜既menu，一於試下。I love summer!香橙燒風鱔 $98鱔處理得好好，一條骨都冇，少少脆，唔太肥，肉滑。個用橙做既汗唔會好甜，連洋蔥食，正吖！香芒貴妃三蝦球 $188主角出場，三蝦有龍蝦，大蝦同櫻花蝦。個香芒甜到爆，個汁撈飯超好食，啲蝦啖啖肉，好爽！我汁同d蝦好夾，味道啱啱好，唔太鹹，兩舊水有龍蝦食，算係好平。黑豚肉鮮菠蘿炒粒LOVE $88黒豚肉古嚕肉，用新鮮菠蘿炒，大粒又多水，超甜少酸，好開胃！黑豚肉好淋，無骨，比同抬話我食埋佢果份！火龍果彩虹一口牛 $88第一次見到用火龍果既餸，估唔到同生食一樣！火龍果幾甜，牛肉粒似平時食果啲鑊仔牛柳粒。兩樣食材夾埋都幾好食！木藏牛肋條 $88都係第一次見以木瓜配搭既菜式，原個新鮮木瓜整。木瓜肉淡淡的，少甜，秋葵令牛肋條更清新。牛肋條好大條，有多肉，師特意加上少許辣令牛肋條更見惹味，整體配搭耳目一新！陳皮圓肉燉雪梨 $28原隻雪梨大大隻，搞到我食得好「輪盡」，配少少九制陳皮，令到糖水味道更特別，好滋潤！衣餐食水果中菜真係不同凡響！

快樂星期五去柴灣做野，收工同事們齊齊食飯，附近近近地有間酒家夠晒方便。雖然是屋邨商場內的酒家，但地方寬敞，絕不擠迫。有到過酒家晚飯都知道，酒家晚上的菜式多不勝數，有好多不同種類的食物和餐牌。其中一張餐牌有別於平常見到，製作精美，寫上"夏天你好"。原來這是餐廳7-9月的限定菜式，以水果做主題，望落都幾吸引，就叫左幾款食。香芒貴妃三蝦球 $188一個菜式用上三種蝦 : 波士頓龍蝦，海中蝦，櫻花蝦。以海中蝦配上香芒和櫻花蝦，融合芒果的香甜味和櫻花蝦的咸香，海中蝦爽口又彈牙。旁邊的波士頓龍蝦並非裝飾，除了兩隻大隻又多肉的龍蝦鉗，龍蝦頭都有好多羔。香橙燒風鱔 $98雖然叫風鱔，但賣相似足鰻魚。香橙醬汁另上而且豐富，可以按個人喜好加多加少。風鱔不似鰻魚般薄身，厚肉加上燒過，上面再放上橙皮絲，口感十足。清新的橙味又不會搶去風鱔味。火龍果彩虹一口牛 $88彩椒令一口牛顯得色彩豐富又吸引。火龍果同一口牛，一個腍；一個有嚼勁，兩者形成強烈對比，又能夠互補不足。木藏牛肋條 $88以木瓜配搭出菜式的確少見，當見到木瓜襯托出牛肋條還以為是道具，感覺好似牛肋條由木瓜倒出來一樣。淡淡的木瓜香絕不過份，秋葵令牛肋條添

今日下午1:30時段進入酒樓食飯。向在門口的樓面男職員問:“有冇一張大枱 for13人/14人?” 他串串貢的反問我們: “ 你究竟14人， 定13人嫁? 係唔係飲下午茶嫁? 係就無位。”我們O晒嘴，話: “ 唔等下午茶了！” 之後就安排了一張大枱。我們點了午市套餐＆ 點心。全程無人埋， 自己遞水斟茶，枱面放滿點心籠，碟子食完放晒枱，無人理。唯有自己搬到隔離無人坐的枱。當我們再想order食物，問樓面的男職員攞午餐套餐紙，小食紙。佢竟然對我們說:“ 無晒其他餐單紙，得點心紙，收正價ga！” (他的態度好惡囉。 ) 唔通午餐紙要配派，完全唔明點解佢地唔俾！套餐有糖水，那個男職員端上糖水時，又飛到四周圍都是，嬲爆爆！我們呢餐飯，俾錢買苦受，唔會再光顧。

今朝去左飲早茶，一入到去就逼你搭檯，一調左隔離張枱就碎碎念説搬來搬去，食物—般，價錢算便宜，最離譜係個長頭髮大陸口音的收銀員，連禁取消按鈕都未識要隔離收銀員幫手，佢隔離個同事去左食晏，個返佢一個，佢同事幫我取消左—個係佢地入多的點心，佢再出單時我發現仲有一個孖寶點心末取消，果位收銀員勁晦氣就問你頭先又唔取消（重覆地），大佬呀我都等左成個鍾都未黎個點心，仲要俾你話我，佢仲要請大堂同事教佢入機，都佢入到機就話取消左，不果價錢—様，因為等佢㩒到都到午市時間，果碟點心計左午市價，所以記得要 check單，真心覺得好揾笨，以後唔會再去。