彭慶記

营业中

休息中

都去過彭慶記好幾次，由它的士多啤厘骨，啫啫菜，糯米雞翼到雞翅，都好滿意。今次試它的砵酒蠔，２５元一只小的，３５元大的，我們叫了三只小蠔，其實一點也不小，大細剛剛好，肉汁非常新鮮，砵酒汁非常溫和好味。之後我們點了籠仔糯米蟹，不錯，還有簡單的蒜蓉芥蘭也十分清甜。以品質和價錢來看，真是超值，需然坐得逼一些，星期三的晚上仍full house，但感覺仍然很好！

一行13 人0黎食生日飯, 6:00pm 坐低, 7:00pm 都未夠就掃晒所有0野:- 蒜香雞(圖上): 好得, 皮好脆, 肉幾嫩滑, 蒜味幾夠. 果然係招牌菜!- 大良炒鮮奶(圖下): 呢個好得, 味道非常好, 好滑, 又唔會好漏, 落了少少帶子香0左好多, 口感亦豐富0左. 推介!- 士多啤梨生炒骨(圖中): 開胃0既一道菜, 唔會太酸, 汁唔會太杰/太稀; 排骨幾腍, 不過可惜炸得唔多夠脆啦.- 蔥爆牛肉: 我無食到d 蔥; 不過牛肉唔錯, 夠腍, 又唔係梳打牛.- 芋卷: 原本無叫, 係0黎錯的, 原來因為落單阿叔聽錯, 我0地clarify 一次我0地真係無叫, 但阿叔死都話我0地有, 仲不斷叫我0地試0下, 話好好味云云. 雖然汗顏, 不過阿叔咁有誠意, 就點話點好啦. 食落唔太特別, 幾香口咁囉. 同檯就有人話似食緊"芋頭魚" 咁.- 0者0者蝦醬通菜煲: 呢個好吸引, 一大鍋蝦醬通菜, 上菜時已經好香, 亦幾好食, 蝦醬香得0黎唔會太鹹.- 乾扁四季豆: 唔辣, 不過都幾好食, 鑊氣夠的關係吧.另外仲叫了栗米班塊同帶子炒西蘭花, 不過我無食.環境幾迫夾, 冷

真係一定要預先book定位，book咗八點半果輪，第一次幫襯，一望入去，第一個感覺就係好細，得果十零張檯，逼到爆，無計啦，跑馬地租貴嘛!心水推介:士多啤梨生炒骨$68(士多啤梨香甜，唔酸，配上唔肥唔瘦既生炒骨，送飯一流)，大良炒鮮奶$78(鮮奶炒得很滑，入口軟綿綿，加埋菘子仁及帶子同炒，好夾)。兩碟餸都大大碟，食唔晒。仲叫咗兩隻砵酒焗生蠔特大$35一隻(醬汁幾好味，不過隻蠔有d腥味，扣d分)。例湯$10係清補涼煲豬蹍(淨係覺得落咗好多味精，一般啫)。同男友食完飯就即刻埋單，因為覺得太逼太嘈喇。

2007-08-12幸好做了功課﹐所以一早打電話來訂了位﹐不用在門口當排隊一族。本來想訂7 點﹐老闆說7 點15 分好嗎﹐當然沒有問題啦﹐不過最後我們都早了10 分鐘到﹐怕大熱天時要媽媽站在門外等位﹐但不用等喎﹐好開心。這裡的海鮮價錢不菲﹐不過如果只是吃小菜﹐又不會很貴﹐是一個豐儉由人的好地方。是晚我們只吃小菜﹐服務一樣的勤快﹐一個小時都不用我們已經埋單離開了﹐但一點也沒有趕客的感覺﹐那些阿姐們是怎樣做到的呢﹖4 個人已經點了四個菜﹐但阿姐還介紹例湯﹐見才$10 一碗﹐就試試這晚的沙葛凌魚煲豬掙﹐都幾甜﹐而且好大碗﹐抵飲的。起碼比他收的$8 一位茶錢抵﹐要了鐵觀音﹐但味道完全不對辦﹐而且好淡﹐非常的差。瑤柱糯米釀雞翼($40 一隻﹐兩隻起) - 我們就要了兩隻﹐他們把雞翼一開二﹐剛巧一人一件。雞翼炸得好香口﹐但不會太油膩﹐讚。裡面釀的糯米有臘味的﹐所以特別香﹐再讚。芋卷拼藕餅($58) - 在小食類的﹐在加上價錢相宜﹐以為最多每樣2-3 件﹐怎知是每樣5 件﹐份量之多是有點意想不到。爽口彈牙的藕餅配外脆內軟的芋卷﹐當堂令本來單調的一碟炸物變得口感豐富了﹐都幾有心思。琥珀密椒牛仔粒($7

很久沒有來這裡了，辣椒女忽然話不如來這裡食，沒有所謂便來了。好在得兩個人，因很多已給人預訂了；看完餐牌後便決定了叫例湯、薑焗生蠔、士多啤梨生炒骨和通菜煲。例湯- 味道幾鮮甜，飲完又唔會口喝，都幾好；但忘記了是什麼湯了。薑焗生蠔- 很香很好味，蠔大大隻幾新鮮，送飯一流。士多啤梨生炒骨- 又硬又無味，完全唔得；叫經理來問問，經理二話不說，就叫我們另叫一個體菜，實在值得一讚。最後改了叫蝦仔柚皮，柚皮煮得幾淋，但蝦仔唔夠香，茨汁過濃但無味，都幾失敗。通菜煲- 炒得好香，鄰看到都引不著叫來一試；菜新鮮青綠又爽口，味道香濃又好味。店鋪比較細間，人多就比較濟迫，可惜人少又食不到什麼食物。

今晚一家人提早慶祝母親節, 今次唔要銖記嫦記, 一於試下0的新野, 小妹一早打電話去彭慶記book 好枱, 所以唔駛等~ 0黎到見到地方原來唔係太大, 枱與枱之間都迫迫地, 但0的人都幾好禮貌, 唔錯~六個人叫左六個餸: - 士多啤梨生炒骨: 呢個果然係招牌菜, 枱枱都叫咖, 味道真係好好- 話梅豬手煲:味道酸酸甜甜，哥哥話0的味道有0的似豬腳薑, 佢講完我地都認同, 哈哈- 0者0者通菜煲: 味道ok- 蒜香雞(半隻): 呢個好味, 皮脆肉滑- 粟米石班: ok- 冬菇紅燒豆腐: 呢個都好味, 唔太咸, 豆腐亦好滑嫂嫂另外叫左一碗例湯, 今晚係清保兩, 我都試左一啖, 飲得出無味糧0的餸整體上唔錯, 今晚加埋0的白飯菜芥計埋$600, 都reasonable 啦, 而且我地都食地好開心, 如果佢地方大少少, 無乜迫就好好啦~下次會再0黎試其他餸 ~

今日再戰跑馬地，揀了吃中菜。蒜香骨(好香口)﹑西施四菇(類似炒鮮奶，有冬菇﹑磨菇﹑草菇﹑金菇)﹑豉椒鮮魷炒河(幾大碟，味道淡了些)。多些人來會比較好。

新年又到此吃飯,留意到菜牌加左價, 大部份加10元,加幅都超過10%, 所以會減少次數來吃晚飯了!

每次有朋友回來, 我都會帶他們到此吃飯, 因為每次都保持水準, 朋友亦讚好.今晚改吃貴妃雞, 有鮮雞味, 士多卑尼骨好好味,獻汁少不會一堆紛, 生菜褒, 話梅手係必食.其他小菜亦有特色, 係一間值得推介食店.唯一可惜係地方細, 不可以慢慢坐閒聊.

9 November 2006 (Thur) - 晚飯去到已經係差不多九點既事，所以完全唔需要排隊，我同姐姐叫咗個士多啤梨生炒骨，同一個金銀蛋硯菜，再加兩碗白飯及例湯，食物真既好唔錯，雖然其實只係好普通既菜式，值得一讚既係佢哋既態度極好及’忻’勤，令人覺得好舒服，不過舖子就細啲～～希望下次去叫多啲人，我好想試下佢其他既餸～

the place is not very big so don't expect to get a private area where you and your freinds can have some descret talks but in general, nice decent decor.the food are all food, great friendly service. definitely worth going if you are looking for a hearty chinese meal.

跑馬地的彭慶記,曾經都去得幾密.一年點都去三數次,以一間酒家晚飯有呢個頻率,對小弟而言已經算密.闊別整年,之前聽聞水準有點下跌,不過身處老銅,吃得經濟的中菜,又要環境不錯,諗來諗去,都係彭慶記,月前與兩名靚女朋友路過跑馬地,諗都唔諗,再一次光顧.再一次見到彭老闆親力親為,在門口招呼客人.來過數遍,基本上唔使睇餐牌,三個人,點回之前幾味吃過的,包無失拖.蒜香雞依然保持水準,蒜味夠濃,雞皮就略淋,肉質嫩滑.炒鮮奶,岩晒懶係要吃得清淡的靚女朋友們.士多啤梨生炒骨,興趣並不大,無點去碰,兩位靚女,吃得津津有味.還好,你有你地吃生炒骨,我有我吃煎藕餅,藕餅煎得很香脆,內餡豬肉同蓮藕比例四六之爭.點上Worchester saurce真係無得頂.加多煲者者通菜,三個人吃到捧腹.在此請客做老細,點都唔會肉赤.平均每人一百左右.除非你地係都要吃些山珍海味.在泉章居逼爆燈之下,彭慶記顯得有點冷眼旁觀,躲埋一角孤芳自賞的世外高人.今時今日,在老銅四個人吃中菜,要四舊水埋單的話.彭慶記依然係首選.不過,應該會越黎越少機會去光顧..時間,quota有限,市面尚有好多菜館,我係想試的.

食咗好多次, 突然發覺未寫過依家餐廳既食評, 現在補上一遍吧.士多啤梨生炒骨: 每次必叫的餸菜, 肉多數是半肥痩的肉, 炒得夠鑊氣, 汁亦上得平均. 甜酸程度亦剛好.話梅猪手煲: 材料全是猪手, 炆得好淋好膠, 加上話梅的酸甜味, 就算吃多兩件亦不覺膩.嘟嘟通菜煲: 蝦醬味聞落好香, 但味道不夠咸香. 都係馬姐通菜好吃.埋單二百餘元, 在跑馬地來說已是大眾化了, 食物水準亦高, 起馬好過銖記.

同預科同學食既生日飯又係一早ｂｋ左位，所以唔駛等一行４人，叫左５個送士多啤梨骨，蒜香雞，炒鮮奶，煎藕餅同埋碧玉蘭花唔駛講～全部都好味～不過炒鮮奶食小小就已經好”流”同埋碧玉蘭花ｄ炸冬菇唔好味囉最重要係係我食完覺得極度口渴，應該落左好多味精，去食要有心理準備不過仍然會搵次試埋糯米蒸蟹同埋焗雞蛋魚腸

我一直都好想試吓呢間食肆, 今天終於有機會試到. 叫咗蟹粉西蘭花, 士多啤梨骨, 仲有例湯. 雖然係例湯, 但係都好唔錯, 好濃郁. 有住家feel喎. 士多啤梨骨真係唔錯, 當然夠脆啦! 每舊排骨都有幽幽的士多啤梨味, 又唔會太濃, 比一般生炒骨更好. d士多啤梨唔知點煮, 熟咗都可以唔酸, 幾得!但蟹粉西蘭花就唔係好得, 唔係好覺有蟹粉/蟹肉, 茨汁好杰, 西蘭花連一般的水平都冇, 可能我鍾意蒜蓉卦....總括都幾好, 但下次一定試吓蒜香雞, 啫啫通菜, 聖子,同蠔....