彭慶記

营业中

休息中

八月食家又聚頭，詳情可另看「版頭故事」，這裡只寫個人對食物的評語。整體來說還不錯，起碼比同區的另一長龍食肆銖記好。呢度無咕嚕肉，只得士多啤梨生炒骨。是晚吃了兩次，可以肯定是比以前退步了，一來肉件以廋肉為主，可能恆常都要減肥的會適合，但如果是半肥廋的話口感會更佳。二來是有煮定的嫌疑，印象當然是差一點。士多啤梨在味道上似乎是沒有顯著的作用，因為是不大會吃得到那個味道。焗魚腸仍有水準，呢味野寧乾莫濕，寧實莫鬆，如果不是就會水汪汪，加上魚腸如果辟腥的功夫做得不好的話就會非常難食，呢度可以整到香口又不失魚腸的味道，是吃過的最平易近人的版本。糯米蒸蟹、炒鮮奶仍然好，做得不油膩又好味道，是必叫的菜色。其餘小菜如菜芯炒牛肉或扒西蘭花賣相與味道俱不錯。侍應人手足，服務不錯。一人一百左右，是物有所值的。

去彭慶記當然要食咕嚕肉同魚腸，本來想食埋炒鮮奶，但人小小食唔到咁多。咕嚕肉出色，好食。炸到香口魚腸就實左小小。菜就例行公事，無comment。

見咁多人讚, 一於要試試。試過walk in 冇位, 於是早一晚定位, 放工從紅磡坐的士過跑馬地, 準6時半到, 兩個人叫了, 糯米蟹, 隻羔蟹好靚, 糯米飯亦好香, 份量都幾多, 幾好吃! 跟住士多啤梨生炒骨, 感覺真是無咗菠蘿用咗士多啤梨代替的生炒骨, 我一直以為是好似以前佳餚店的士多啤梨骨, 所以較為訊色。加單要了一個伙計介紹的羌蔥生蠔煲, 煲仔上菜好香, 但是生蠔上了太多粉然後拖油炸, 可以話唔好食...呢餐連埋加單先食了45分鐘, 地方太細, 坐得真是唔多舒服, 食得好趕, 咁辛苦定位, 對我呢個九龍人來說, 可能未必會再試了!

近期彭慶記都應該係我o既至愛食肆之一. 唯一令我最唔滿意o既係地方太細, 成日要等位...不過好彩可以reserve定先.不過我覺得老闆真係幾nice, 好好招呼~ 佢叫我地泊架車o係對面,佢會幫我地受留意有冇比人趕架喇~ 而且佢都好好笑容好親切~ 唔會見我地唔係d明星明人就黑口黑面.d野食都好好好正~~ esp.個士多啤利生炒骨, 芥蘭同蒜香雞~ 次次去我都會叫~~ 其實差唔多樣樣都好好食~ 價錢又唔係太貴~~ 真係highly recommend~~

個次我訂左7:30 到,但係有事要delay 半個鐘,咁咪7點打去話改8:00 ...係電話已經比一個女人教訓左幾句話我好改個時間..去到仲要比個老板喝..唔上係我咁覺得..連我同行既男性友人都係咁諗,如果唔係一心去到..都係想走人唔食.

咁arm尋晚至帶幾個客來食過，食物仍好有水準，個砵仔焗魚腸同炒鮮奶食左咁多次都無人話唔正，係至正推介！到昨晚為止已光顧過四次，覺得老細彭先生好好招呼，有問必答。店舖多人，大聲可能有，但「渴客」還未嘗見過。

清湯腩好"鞋"呀...真係...其他野食就ok 啦...老闆好惡呀..成日企係門口喝D客既...>_<...D伙計又無記性呀...叫碗飯叫5次都當我無到...

因為好食，所以專誠帶三個同事來吃。平日晚人不多，就算唔訂位都只須等一陣就有位。除了推介的焗魚腸同炒鮮奶外，還叫了芝麻蝦球、薑蔥魚鰾、椒鹽豆腐、炒菠菜同楊州炒飯。甘香的焗魚腸同炒鮮奶當然好掂，同事食過都話無介紹錯；芝麻蝦球唔算好大隻，粒粒都舖滿芝麻，幾香口。略嫌芝麻過多，蔽蓋了蝦肉味；薑蔥魚鰾係另一好有水準的菜色，魚鰾很滑溜，走過油再以酒及薑和蔥來炆，很惹味，值得推薦；椒鹽豆腐都細細件，幾香口，不過就要趁熱食，如果唔係會失色好多。楊州炒飯都好掂，蝦仁粒粒大大粒，炒飯熱辣辣好味。同事帶左支紅酒來開，但以菜色計其實適合飲白酒多點，加上不是太合心水的產地，所以都係淺嘗而已。開瓶費只收50蚊，又係非常抵！埋單五百，一人只一百多，抵食！個人覺得好過銖記好多，同東寶比較就各有長短，呢度較好坐但碟頭較少同價錢較貴少少，東寶就適合一大班人盡情的吃。

下午四點幾機場check out，由同事揸車接走，車未到青馬橋已經收到損友來電話今日在這裡有飯局，問我到唔到。捱左幾日鬼佬餐真係食到咀都歪，正是苦思落機第一餐應該食咩，久仰這裡的大名但仍未有機會幫襯，今次有好野食當然要拿拿聲到。呢度地方唔係太大，得果幾張檯，都坐得幾迫下，但亦有好多人在外面排隊，可見人氣之盛。地方都算雅致，冷氣夠晒強勁。六個人，叫左焗魚腸、炒鮮奶、生炒骨、糯米蒸蟹、椒鹽鮮魷、炸子雞同蒜蓉炒莧菜。因為在飛機淨食雪糕，無食過野，好鬼肚餓，所以特別吩咐叫多幾味。焗魚腸砵仔上，面頭焗得脆，魚腸食得多，但這裡的都算是數一數二的高水準，完全唔腥之餘，魚腸亦非常甘香，比一般食肆高幾班，是心水推介之菜色；炒鮮奶好嫩滑，有幾多的帶子肉在內，再加入鮮奶去炒，香滑好味，非常正。炒鮮奶與焗魚腸是兩款這裡做得很好的順德菜，同鳳城同以前的益新比又有唔同的風味；生炒骨用士多啤梨及菠蘿去炒，酸酸甜甜幾開胃，肉沒有骨，其實叫咕嚕肉都得。可惜肉本身太廋同切得太細件，如果是半肥廋就更甘香可口；糯米蒸蟹要預早訂定，蟹肉新鮮又多羔，好味。墊底的糯米飯吸了蟹件的香味，亦都好正，可惜油左少少，有D膩；椒鹽鮮魷亦不錯