後生仔海南雞1998 (已結業)

星期六睇戲前食飯，嚟呢到 試吓新嘢一個招牌海南雞跟油飯，一個麻辣海南雞跟白飯（轉油飯加3蚊）2款各有特色同缺點，招牌海南雞飯就雞個味比較淡，個醬汁都偏向普通，但油飯就好香好甜，直得一試~麻辣海南雞個麻辣醬好特別，入口唔覺有咩特別，但個麻同辣會慢慢浸出嚟，好有後勁😋但偏偏個白飯就乾身同偏硬，再加上個飯底都幾多，變得有D un胃美中不足，其實個白飯加多少少水煮就已經夠晒，希望可以再繼續努力啦~後生仔要加油！

麻辣口水雞 突發意外性蝦餅拼春卷有朋來至港島 話想食海南雞飯就帶佢嚟$55蚊有8件雞再配埋雞油飯 係好抵食🤣飯係食唔哂😆 即時覺得自己細食左 btw佢碗飯真係好大碗本身嗌蝦餅 $54@6件（印象中好似係）因為蝦餅得返4件 所以拼埋2件春卷佢有2個醬 一個係酸辣醬 另一個應該係柚子酸汁（@@！純粹係估）後者我覺得幾新鮮 酸酸咪咪幾開胃

90後後生仔開嘅海南雞飯無理由唔撐！🇭🇰開店無耐已經試過外賣半隻雞，啖啖肉，今次撐堂食！一見到幅壁畫，已🥺🥺🥺在心中〔招牌無骨海南雞飯 $50〕〔薑蔥無骨海南雞飯 $50〕午餐附送熱飲，抵食海南雞嫩滑，新鮮好食，無骨真係正😜比較上嚟，外賣半隻雞更肥美女仔嚟講份量岩岩好～我心目中嘅油飯係油香馥郁，令人垂涎三尺🍚後生仔嘅黃油飯散發淡淡薑黃椰香，可惜唔夠油香，變相要用醬汁撈飯🙈泰式酸辣醬唔錯，但送飯嚟講，個人私心鐘意薑蔥多啲🤓〔評分區〕🍜食物質素: 3.6/5🏡環境: 3.5/5🤑價錢：3.8/5 🙋🏻‍♀️回頭率: 3.6/5

經過旺角一於試下呢間海南雞，晚飯時間都KEEP住有人排隊，等左15-20分鐘左右入得。小店規模，店員都係後生仔，但係地面就濕濕地，要小心冼親。🔥招牌無骨海南雞飯 $55評分：★★★★☆海南雞飯可以免費轉做油飯，最彼我地一個叫普通飯一個油飯，飯嘅份量十分之足，起碼有成兩碗飯。海南雞有雞味，都幾嫩滑，係雞胸位置會有小小鞋口，最值得一讚係雞皮爽脆，雞皮下同肉之間有做到層啫喱，食落唔會覺得油膩，十分之推介。🔥薑蔥無骨海南雞飯 $55評分：★★★★☆呢個薑蔥南雞叫左油飯，食落係黃薑粉帶小小雞油味道，個飯唔會太乾身，但亦唔會油淋淋，不過女仔食就真係冇可能食得哂個飯，細食嘅可以叫少飯。蔥油加鼓油醬汁用黎撈飯一流！薑蔥雞就係海南雞但加左醬汁，食落會更加惹味。鍾意食薑蔥嘅唔可以錯過。🌟總括：五十幾蚊，有個雞飯仲有埋杯熱飲品，轉普通凍飲都係加$3蚊，CP值好高，挑剔唔到D咩！

之前已經食過一次～ 所以今次去食就冇再叫海南雞 反而叫咗蝦醬炒飯，唔知係太耐冇食蝦醬炒飯定點，啲味道好似重咗少少，我本身都係鐘意食重口味食物嘅人，不過個炒飯就冇我想像中咁好☹️ 但海南雞飯依然係保持到水準，油飯好正唔會過膩，雞肉都好嫩滑😋 不過醬汁就得一款有啲少🙈 如果有埋豉油同薑蓉就好了😍 💛💛

經過旺角，肚餓行下啦，咁岩見到呢間後生仔海南雞。剛好女朋友都想食啦，咁就膽粗粗試下啦，初時都驚伏既、你地都知啦，好多店真係伏嫁嘛，又貴又唔抵食，所以都係咁既心態入去啦。女朋友叫左個招牌無骨海南雞飯，由於呢多眼亂，樣樣都想食。又第一次食，咪試下呢個招牌無骨海南雞飯啦。我就叫左個泰式青咖哩配飯啦，飯來左啦咁就試下第1啖啦，上枱已經聞到有點香，一食就不得了，咁好味既，女朋友一試就話好好味，不得了，讚不絕口。但我地覺奇點解唔黃油飯呢？原來我地睇漏左唔記得轉，激死我地。不過絕對會回頭再食高👍🏿👍🏿👍🏿👍🏿👍🏿

後生仔海南雞（1998）疫情期間，好多小店都頂唔住。佢地好多時唔係因為唔好食，只係不及大集團財雄勢大💰，現金流一時周轉不靈💸，就會結業，實在可惜😢。今次見到屋苑Signal群開團購這店，加上我哋都好中意食泰國菜，就即刻落Order喇😋😋。🐓泰國海南雞配油飯招牌菜！啲雞好滑😍，唔肥唔油膩，雞皮下面果層啫喱係重點！油飯好香，顏色亦夠，有薑黃及雞香味！仲要大盒到兩個人都食唔曬一盒😆。🐖炭燒豬頸肉配油飯另一出名必食！啲豬頸肉片片好大塊，個面仲有焦燶位及粒粒香辣椒子，咬落去爽脆，好食☺️！🍤泰式炸蝦餅相比之下就一般啲，可能因為團購製作需時，好似無咁有食炸嘢熱辣辣果種感覺🤣，不過都真材實料嘅，係唔係即食嘅問題啫。🐤香脆炸雞翼香港人真係好中意食雞翼😆！亦都好食！不過又係少少火喉謝咗嘅問題😙😙🥬泰式炒雜菜食完咁多肉，食菜係一個好好贖罪嘅感覺！呢個菜好好食！即時覺得自己健康晒！🤪🤪#後生仔海南雞#泰國菜#海南雞#豬頸肉#雞翼#香港人加油#SofoodSogood#食野最重要#香港美食#享受美食的過程#食物正能量#好食#美食#美食攝影#Hongkongfood#hkfoodie

上次同朋友出開旺角 突然想食海南雞 一諗就諗起通菜街開左間專食海南雞既餐廳 就即刻行過去睇下有冇位 想試下 點知咁岩餐廳裝修冇得食 唯有下次再黎試下 咁岩今日又出旺角 就去睇下佢地開返未 去到餐廳唔洗等位 即刻入得 就同朋友一人叫一個招牌無骨海南雞飯試下 海南雞飯點可以冇黃油雞呢樣野 呢個係一個完美既配搭 少梗樣都差梗啲野 等左陣 兩個飯黎左喇 一黎到俾佢個份量嚇一嚇 飯既份量望落好大 好似好多咁 海南雞都有好多舊 黃油飯好香口 好夠味 食落唔算好油 海南雞冇骨 最中意食啖啖肉 海南雞啲肉好滑身 仲會配埋個酸酸甜甜既汁俾你點啲海南雞 好好味 開頭以為一個既份量會好多 但其實一個人食係岩岩好 值得一試

👍🏻招牌無骨海南雞 配黃油飯 $55肉質幾嫩滑，偏腍唔係有彈性既雞肉🤣調味比較清淡，主要食返原本既雞味，幾香既無骨食落啖啖肉，雞皮唔太肥👍🏻配上泰式酸辣汁，味道濃左啲啲，一點就蓋過哂雞味🤭最有驚喜反而係個黃油飯🤪！椰香味好突出，加上雞油，食落咸咸地而且調味好均勻，好食呀🤤🤤🤤搞到忍唔住食哂成碟飯🤰🏻味道：8/10 性價比：8/10-📍#後生仔海南雞1998旺角通菜街2號鴻光大廈地下L號舖#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #旺角 #旺角美食 #旺角好去處 #旺角打卡 #旺角小店 #海南雞飯 #海南雞 #無骨海南雞 #女人街 

聽聞後生仔海南雞做到6月6號,我更係拿拿聲去叫多次後生仔整既雞黎食啦,根據上次唔夠雞食,我本打算我叫半隻加飯再由男人叫個餐,再叫小食既,但男人竟然之前同人食左飯,佢話佢啄啄下唔食得多,咁就叫小食啦,突然好想熱氣一下XD,就叫左網蝦春卷,之後諗...有冇豬肉架呢?就問店員妹妹,佢入去問完廚房後話我知係冇豬肉既,咁我就可以放心食啦~雞黎啦!!! 皮表有光澤.睇黎相當有彈性,夾起一舊!皮肉之間有雞啫喱呀,我超鍾意喱層啫喱,實在太正啦,碗油飯呢,$13/碗原來咁鬼大碗既,夠油夠香真係好好食,米網紙裡面包住蝦,炸到脆卜卜,我都係點海南雞汁食XD,係油左dd,結果食唔曬XD打包XD問左店員妹妹,係裝修咋,嚇死人咩,冇得食點算?

點了海南雞飯，餐廳分開了兩個外賣盒，一個大，一個細，大的放滿了飯，細的放了大約五件雞，雞的口感鞋，豉油及薑蔥都很足夠，可惜主角雞就不理想，飯的份量很多，正常女生應該不會吃完。

星期五嘅晚上，好好彩七點前仲有位，唔使排好耐隊。呢間餐廳絕對係糧尾經濟之選因為佢嘅招牌寫住海南雞，所以就叫咗一客招牌海南雞，同埋香辣口水雞試試🤤🤤🤤🥢N1.招牌無骨海南雞飯（$55）雞肉嘅質地滑身，份量都多點埋佢配既醬汁覺得好好味食無骨雞肉真係好爽，啖啖肉🍗而黃油飯都好大碗，夠入味，唔係好油🥢N4.口水雞配飯（$55）口水雞就唔算好辣，一碟都有6件左右同海南雞雞肉一樣都係嫩滑的😬😬😬🌟套餐熱飲唔使加錢，凍飲加$3，特飲加$12

我地既特區行政掌官話年輕人應要返海南島叫叫雞,依一句說話挑起左我地既叫(食)雞欲望XD由於我地不再年輕,所以近近地旺角女人街食就OK啦,哩間後生仔唔係第一次食,出品水平穩定,油飯夠香,又夠味.雞夠曬滑,真係好滑,暫時食過幾間最滑係佢地,真無骨,骨碎都冇,之前有食過其他地方試過有骨碎,酸辣汁調味到位,唔會搶過飯同雞味,今日我試口水雞,係麻辣醬上面有芫荽,麻辣惹味.芫荽清香,夾埋滑雞同油飯,味覺豐富,口感滿足,再飲埋冰凍沙冰,真係唔洗去海南島都夠曬爽,不過呢...我就大食d,覺得d 雞份量唔夠.男人就夠食,下次試下乾脆要半隻雞先XD

都話喇食海南雞飯唔使去海南㗎🤪行到附近就用拎得訂咗後生仔海南雞既招牌無骨海南雞飯lunch set，又另外加咗網蝦春卷。返到屋企打開見到有小小唔開心——我春卷唔見咗？？？？6件春卷變咗4件（好似係）炸蝦餅？？？？😧😧車程將近一個鐘，已經好肚餓既我冇可能返去換，算啦～講返個飯，我轉咗黃油飯，飯量真係超～多😂😂睇落唔覺但食落就真心食唔晒，我好努力都係食咗三分二😂😂個飯有少少咖喱味（應該係落咗姜黃粉同啲其他料gua）好惹味好香，雞肉量都算足，入口又嫩又滑，單食雞肉或同飯一起食都好食😋😋通菜就正正常常啦，俾錯我既炸蝦餅？都keep到crunchy，不過我就覺得炸耐少少，有啲硬，咬落有蝦味不過我都想食返個網蝦春卷呀🥺🥺招牌無骨海南雞飯 7.0/9炸蝦餅6.5/9OVERALL 7.0/9店內裝修幾有氣氛，店員都好後生好有禮貌，不過錯單就真係有啲遺憾啦～

我覺得蔥油嘅蔥可以用蔥絲代替蔥花就會更加好食😋雞算滑大份可能細食我一個女仔食分到兩餐😆黃油薑飯好好味凍檸茶好飲❤️我嗌Foodpanda外賣店員好細心❤️好warm ❤️Cover左我大意打錯order嘅問題❤️因為我聯絡唔到你地講多謝唯有Openrice公開多謝你哋😊❤️Gayuuuuuuuu