得記燒臘飯店

营业中

休息中

剛剛和老婆去呢度食午飯，一入去問姐姐今日有乜好嘢，姐姐介紹燒腩仔，咁我就嗌咗燒腩仔燒鵝飯，老婆嗌咗碟炒嘢，姐姐喺張紙仔度寫咗$94，嗰$4係可樂，跟住嗰碟燒腩仔嚟咗，點解冇燒鵝嘅？原來姐姐聽錯咗，以為我要河粉，唔緊要，改咗張紙仔寫$114，跟住嗰個燒腩仔燒鵝嚟咗，啲燒腩仔份量足夠，但比較肥，食咁多舊燒腩仔嘅皮都係硬膠，我問你有乜好嘢你介紹啲咁嘅嘢？跟住食燒鵝，有三舊薄薄嘅肉，燒鵝啲肉唔韌，其他三件係皮同肥膏，跟住老婆碟炒嘢嚟咗，喺張紙度寫多$50，我當場嚇親，咁樣嘅雙拼飯收$114，坐喺對面嗰位熟客仔都叫我俾返碟嘢佢哋換過，但當下已經好飽，食唔落。臨走俾錢，諗住同收錢個哥哥好聲好氣講聲，叫啲師傅留意吓，點知佢話你咁多投訴，平返$20俾你啦🤬我唔係要你平$20，我見大家街坊，而家生意難做，想你哋留意一下，點知樓面嘅姐姐，斬料個師傅，到收錢嘅哥仔，都係唔優做，唔怪之得而家有咁多間新嘅燒臘舖😡

#得記燒臘飯店 @foodiehck2022之前有網友分享，話香港仔依間得記既下午茶好抵食，一碗燒味粉麵都係廿幾蚊。本身想叫叉燒同雞腎，點知佢話冇腎，結果就轉叫咗油雞瀨粉，加咗杯熱檸水，$29。因為係單拼，所以油雞有兩排，份量都算係咁。雞幾好食，食到少少雞香味👍 有其他餐廳做得唔好食，真係食到反胃😅碗粉份量都唔少，個湯底唔係味味精湯，似係花生雞腳湯果種味道🤣 幾正👍整體小店都好多客，下午茶連飲品都係$29，仲要質素唔錯，係非常抵食👍得記燒臘飯店香港仔東勝道13號地下#港飲港食平靚正#下午茶 #抵食 #香港仔美食 #燒味

本人於3月12日去依間鋪頭買左半隻燒鴨 20蚊叉燒 成件事就甘因為我自己五鐘意食燒鴨個啲酸梅醬 就話淨係俾小小葱蓉我 到走個陣 諗諗下 又驚屋企人鐘意食 我米話可五可以俾一包醬我 樓面女店員就好大声甘講「邊有人甘架 一時一樣 」然後同切肉啲師傅講我貪小便宜甘 然後我話我可以俾錢買 佢又話五洗啦 下次冇得甘樣 我平時好少去買依啲 我五知燒味店依啲規矩 原來淨係可以揀一款醬既 成件事我係好無奈 反到屋企食啲肉 燒鵝乾身 好似掛左係到好耐甘 叉燒五甜 好無耐 成個香港仔得反两間燒味店 以後都係去大家樂買好過

雖則男人的浪漫是豆腐火腩飯，但我就覺得四寶飯，亦都是我的浪漫。這間得記燒臘飯店位於香港仔的，是我來香港仔食lunch時必來的，每次來的時候都會點一客四寶飯，這裡的四寶飯每次食都不同材料，這令人每次都有驚喜，而味道方面，只能當作普通燒味飯，沒有太大特別特色可言，但每次不同的四寶飯就足夠我再三光顧。

我母親於年二十八訂了一隻燒豬年初三拿來開年。怎料年初二打電話來說年初三休息，落單的忘記了喎。。。你說臨時臨急那裡找隻燒豬來！希望大家小心。大時大節中招就不好了。

很久沒有到南區，因今午陪太座到薄扶林，順道到香港仔逛逛。太座怕我逛街後回家做飯辛苦，(因放假天，我負責做飯給家人)，她建議我斬料、炒碟菜便算，有人動議，我當然舉腳贊成。路過這燒臘飯店，見有已斬件燒鴨，用透明膠盒蓋著，全是四份一隻，有上裝或下裝，樣子飽滿企理，遂買了一件下裝。本想再買些叉燒，唯節儉的太座出言阻止，喻勿吃太多肉。回家後，煮煲白飯，炒了碟蒜蓉菜心，燒鴨放微波爐叮，斬件上桌，小妮子和小伙子兩姊弟頻呼好吃，我覺得醃料調得不錯，連皮也很入味，肉質亦頗香和軟，送飯一流，燒鴨$24，菜心$12，相信是最便宜的一餐。

十二月下旬．晴短短的東勝道有三間燒臘店，這裡是稍稍比德興好一點。也是來吃午飯，亦是吃叉蛋飯。先來的例湯是黃瓜煲唐排，清清的幾討好，不錯。叉燒不太甜，但很韌，跟隔離店也是差不多水準。也是那一個想見 ~　這一區多老人家，未必咬得到的。反而隻荷包蛋煎得不錯。

星期四的下午於香港仔一帶有些私務，完事後理所當然在附近來個晚飯。撇開酒樓及連鎖式快餐店，香港仔中心最多的便是燒臘店，最後隨意走進名為得記的一間。燒臘店的裝潢不用多介紹，此店近入口處為闊大的燒臘檔，另一邊則為一列長長的卡座。客人一般以外賣為主，但像小弟般單人堂食也不少。食物方面，這裡有各式見慣的港式燒臘，而午市晚市亦推出多款中式套餐，花多眼亂之際，小弟始終被掛起的燒臘吸引著，來了個雙併飯。 燒肉切雞飯：上檯時燒肉及切雞各有五六件，份量也不少。燒肉味道偏鹹，但肉質不會太硬太實，燒肉皮似乎放久了，缺了香脆口感；切雞不算太肥美，但肉質嫩滑且有雞味，灑上的薑蔥蒜為本身已油亮的雞再添份外的油膩。帶甜的豉油放得不太多，如好重味朋友可能要要求「加色」。 眉豆花生雞腳湯：例湯跟飯免費奉上，但似乎加水太多，味道較淡，只能隱約吃得出眉豆的味道。以廿多元連湯的雙併燒臘飯，味道與質素也算是可以了，難怪席中可見不少客人到來外賣。不太突出的街坊燒臘店，但似乎保持質素應能長做長有吧。