御名軒

营业中

休息中

位於天后電氣道的「御名軒」，係一間老字號中菜廳，裝修比傳統酒樓時尚一點。餐廳主打用心製作精選小菜是日老火湯以真材實料熬製的西洋菜豬𦟌湯，火候充足，份量足夠3-4人享用。豬𦟌肉同西洋菜都好新鮮，令湯頭更鮮甜蝦球芝士炒蛋白大大粒蝦球，鮮甜彈牙；配上香蔥炒蛋白及芝士粉，口感嫩滑，亦係坊間比較少見嘅配搭涼瓜斑腩煲斑腩好大件，啖啖肉，滿有魚鮮味，佐飯一流；苦瓜炆得入味，甘香唔苦，好食哦勝瓜粉絲蒸帶子新鮮翠綠嘅勝瓜，爽脆多汁；伴蒜蓉、帶子及蝦滑一齊蒸，滿載鮮味！粉絲吸收晒蒜蓉同海鮮嘅香氣，正呀陳皮紅豆沙原粒紅豆飽滿又甜美，整體甜而不膩，帶微微陳皮香

請長輩食飯又要兼顧荷包，食海鮮大餐就岩晒，咁當然唔係傳統食海鮮嘅地方，我嘅首選一定係酒樓。今次食嘅係位於天后嘅御名軒，就腳又抵食！- 蝦球芝士炒蛋白：蝦球大大隻，爽口有蝦味，蛋白超級超級多，大大碟，滋補養顏。成功打響海鮮餐頭炮，長輩已經開始好滿意- 陳皮蒸大連鮑魚（半打）：海鮮餐唔可以冇鮑魚啦，陳皮蒸更係經典，加埋特配鼓油，絕。仲要兩個人食半打，每隻都半隻手板咁大，呢餐真係食鮑魚都食飽- 蒜蓉粉絲蒸蘇格蘭蟶子皇：就仲誇張，成隻手板咁長，多肉，鮮味，蒜蓉粉絲極多，酒樓調味一流，真係正- 沙巴龍躉：完美嘅海鮮餐當然有條靚魚，肉嫩又滑，又不失爽口，鼓油咸中帶甜，非常美味。龍躉大概一斤，2個人食正合適，食完飽到上心口，大滿足對比傳統食海鮮嘅地方，酒樓海鮮更加老實，又可以舒舒服服坐一晚，更加享受。埋單先6百蚊多少少。誠意推介！

平時去呢間酒樓食晚飯就多啦，今次呢星期六中午就試吓同屋企人去飲下茶啦，晚飯小菜呢佢就做得非常出色，而且好抵食，但係估唔到佢嘅點心都做得不錯。特別係奶皇包簡直一流，另外我都叫咗碟豉椒斑腩炒河，估唔到食落口又唔係好油或者好多水，佢哋中午點心的價錢跟其他酒樓差不多，但係佢嘅小菜實在太出色，所以我忍唔住都叫了個生炒骨。這個必食一流正常不過不失普普通通掂，用料足，河粉不油膩，而且醬汁適中，不會太多水或打生粉水整得很漿糊。我最愛的生炒骨

今日放工去咗天后，維園打網球，因為報咗嗰度嘅網球訓練班，食完之後想食下中菜，然後就去到天后後地鐵站隔離1間酒樓食飯。入到去已經高朋滿座，有好多人。我哋點咗黃金白鱔芝士炒蛋蝦球，同埋冰震南非鮑魚。另外亦都點咗佢哋嘅海鮮雜菜煲，其實每樣嘢都煮到好精細，份量亦都好足，個集菜煲有白菜菜心同埋西蘭花，very fruitful, 另外特別係嗰個白鱔真係炸得好香脆，本身我哋想點白灼海蝦，但係已經賣晒，下次要去試吓佢嘅點心！

最大的優勢是位置，於天后地鐵站傍兼是這區唯二的兩家酒樓。遇有維園大型展銷，酒樓更是水洩不通。因此，這裡的密度越來越高，到處都放滿枱，只淨下收碟車闊的走道😥由於密度高，嘈音也高。偶有社團訂半場舉辦聯歡唱k,全場客人都被逼聽那極之業餘的歌藝🥹🤣食物和衛生還可以，選擇種類也不少，有時還有很不錯的晚市套餐優惠。今日飲茶，有牛肉腸、义燒包、鳳爪、豬腳薑和欖菜豆角，給3.5分。如果是不介意人逼和嘈音，是方便的選擇😅

呢間野平時會飲吓茶， 食物算一般好D，以前都同D同事黎過食晚餐，今晚同老婆加佢妹妹3個人過來食晚餐，點咗京式片皮鴨半隻（味道一般，唔好食，有D失望），燉冬瓜盅（偏淡，有少少似飲開滾水沖，不過慢慢飲都有D 鮮甜味道），大花尾龍躉兩味（ 雲耳蒸頭腩，呢味係有少少嗅， 應該放得太耐，同侍應反映佢哋話唔會，之後當冇事發生走開， 很差的服務， 翡翠炒斑球呢味就偏鹹， 完全冇水準 ，脆皮燒乳鴿都都係偏鹹， 完全唔使點鹽， 一間咁大嘅酒樓完全維持唔到質素， 唔會再幫襯

今日慶祝同事退休，去咗呢間喺天后嘅酒樓食飯，賀一賀佢，酒樓地址亦都非常方便，喺天后地鐵站附近，非常就腳我哋今晚叫既係套餐，燒味拼盤做得都唔錯，個人嚟講比較鍾意佢嘅叉燒，大大嚿厚切，肥瘦亦都均勻，略帶燒燶咗嘅香味肉質半肥瘦，入口都好鮮嫩原隻鮑魚生菜都好出色，鮑魚汁嘅味道落晒落去生菜度，味道配搭上一流 鮑魚size亦都大大隻 絕對唔孤寒鮑魚嘅口感到非常彈牙，有驚喜瑤柱蛋白炒飯都令人喜出望外，瑤柱嘅份量都非常多，份量大之餘仲要炒得好香，硬度濕度都好好，而且粒粒分明，非常好 最後食埋糖水紅豆沙作結

呢間酒樓啲點心都幾好食的，以下有幾樣好值得推介：🐷鎮江醋排骨呢個排骨係酸酸甜甜的，個醬好杰岩岩好掛左係啲排骨個度。啲排骨都淡淡肉的，外脆內軟。🐖叉燒河粉啲叉燒一塊塊肥瘦適中，外面燒得岩岩好，配埋河粉真係好正。🐷叉燒腸粉腸粉多汁，粉皮好滑，啲豉油都甜甜的。♨️裹蒸糭綿綿的，點沙糖好食。♨️奶皇包係實心奶皇餡料，包都軟軟的。🐎馬拉糕鬆化。♨️燒賣多料多汁。

天后抵食平價酒樓 — 御名軒好耐都冇同媽媽出去食飯，今次特登揀咗中菜同佢食～依家見到咁啱呢間酒樓做緊晚市三寶特價優惠，片皮鴨🐦龍躉🐟冬瓜盅🥒龍蝦🦞都有優惠～🦞生猛龍蝦每隻$98可以揀上湯或者蒜蓉開邊，今次揀咗蒜蓉開邊，見到好貼心咁拍散咗啲殼容易啲食👍唔使剝殼剝得咁辛苦🤣食落蒜香味濃郁，質感爽口彈牙夠大隻，唔會淨係得鵬骨，想再食！🐦片皮鴨半隻($98)塊皮夠煙韌，就算放涼左食都唔會變硬到咁！好味😋而鴨肉又唔會鞋，好重油香味，配上青瓜同大蔥一齊食冇咁膩～🐧紅燒乳鴿($68)呢個價錢都接受到👌唔會整到好鞋！🦐蝦球芝士炒蛋白($108)蝦球好大隻好爽，而蛋白炒得好滑溜，份量都幾多！🌽粟米魚肚羹($108)上枱嘅時候見到好大兜都嚇親！呢個份量應該夠3-4個人飲🤣份量多好多！整體嚟講，呢間酒樓性價比都幾高！兩個人食咁多餸都好飽😂個份量都夠多一個人食！港島區嘅酒樓埋單$600左右就食到5樣餸都好抵！

今日來天后食中菜，呢間餐廳一出地鐵站就見到，地點好方便。上到去地方都幾大，光猛企理乾淨，傳統酒樓佈局配大水晶吊燈；座位都幾舒適，枱與枱之間都保持適當距離👍🏻職員服務態度有禮熱情，會主動帶位，開茶，介紹菜式，價錢都相當親民，本身見到每台都叫個冬瓜盅，點知太好賣已經賣晒😂🦆京式片皮鴨(半隻）半隻份量都好多，片皮鴨皮脆肉嫩，外皮烤到好香脆帶油光，鴨油香味濃，配上爽脆京蔥及青瓜，以厚薄適中嘅餅皮包裹再加上特製醬汁，味道正宗😋🐟清蒸沙巴龍躉（一斤)條魚都好大條好足秤，魚肉鮮味，肉質細嫩，厚肉少骨，簡單配上青蔥同豉油，以清蒸方式最難突顯鮮味❤️波士頓龍蝦🦞（一隻）煮法有三種選擇：蒜蓉開邊蒸/上湯浸/芝士焗，另外仲可以加錢配伊麵，我選蒜蓉開邊蒸，最能帶出海鮮鮮味。龍蝦肉好新鮮，爽口彈牙，配上蒜蓉及香蔥好夾🤩勝瓜蒜蓉粉絲蒸帶子呢個配搭幾有創意，勝瓜釀左蝦膠，上面放左帶子同爆香的金蒜🧄，下面伴咗粉絲，勝瓜爽脆清甜，配理鮮甜的帶子及蝦膠，粉絲吸收左精華好入味，送飯一流😍金銀蛋菠菜上湯好清，菠菜新鮮翠綠，金銀蛋份量好多，口感鮮滑爽口，清新解膩。紅豆沙食完飯仲送咗糖水，紅豆沙甜度適中，暖笠笠好暖胃，紅豆有煮到起

御名軒位於天后電氣道，位置非常方便，一出天后地鐵站A2出口就係☺️當晚同男朋友兩個人去食晚飯，見到餐廳都座無虛席，應該係附近街坊熟客。見到餐牌有好多廚師推介同埋優惠就叫咗幾款嚟試試:【冰鎮南非鮑魚 (兩隻起) $58/隻】肉質彈牙, 感覺幾新鮮, 用豉油同Wasabi調味恰到好處, 作為開胃小食都唔錯☺️【脆皮德國鹹豬手 $128】份量非常慷慨，外皮好脆，啖啖肉，點埋佢配上嘅南乳醬好惹味，正💛【海鮮什菜煲 $98】對於鍾意食菜同埋想食清清地嘅朋友非常推介🥰 湯底好清，菜嘅份量都好多，包括白菜、菜心、西蘭花等等，仲有其他配料例如菇、魷魚、帶子、蝦、粉絲等等。其中想講啲蝦好新鮮彈牙，仲要去咗腸好貼心🫶🏻【游水海生蝦 (半斤) $108】同樣地新鮮彈牙, 就咁點豉油都好好味👍🏻【沙巴龍躉斑 $108】以呢個價錢食到原條龍躉斑非常之抵❤️ 都係非常新鮮, 如果兩個人食叫一斤都足夠👍🏻整體覺得餐廳位置方便, 環境舒適, 價錢合理, 店員服務又唔錯 (例如好勤力幫我哋換碟), 難怪咁多街坊支持👍🏻 見到佢仲有好多其他小炒同埋唔同菜式, 下次再試試😊

御名軒位於天后地鐵站A出口，已經開業多年，以前住天后有來過飲茶，聽朋友提起晚市都好高質，決定再度回訪。酒樓環境寬敞，唔會有壓迫嘈雜嘅感覺，服務都好好。見到隔籬枱啲餸嘅份量都幾大，相信一般家庭嗌二至三樣餸都夠食，而且價錢唔貴，所以都見到唔少家庭客嚟呢度享用晚餐。北菇扣鵝掌煲 $118賣相非常吸引，鵝掌大大隻燜得好腍，北菇肉厚，雖然味道比想像中淡，但更能突顯材料嘅原汁原味，加上爽脆嘅生菜底，整體味道不俗！蘇格蘭蟶子皇 $38/隻 鍾意食海鮮嘅朋友仔一定唔好錯過呢度嘅蟶子皇，蟶子非常肉厚，配埋蒜蓉粉絲真係冇得輸，$38一隻抵食到爆，估唔到喺市區都可以食到咁好味又新鮮嘅海鮮，朋友果然冇介紹錯👍🏻波爾多紅酒燴牛尾配法包 $128牛尾十分足料好大煲，紅酒汁調味唔錯，好夾個牛尾。牛尾煮得軟腍又入味，配搭埋烘得鬆脆嘅法包沾吓啲醬汁食，非常高質！海皇燉冬瓜盅 $108見到基本上檯檯都有嗌呢個冬瓜盅就知道係好嘢，尤其係夏天飲非常之清熱潤肺，入邊嘅材料都好豐富，有蝦、小扇貝、菇菌等，非常之鮮甜，一盅仲分五六碗添，好抵飲！招牌吊燒雞 $148表皮香脆，雞肉十分嫩滑，而且好入味，果然係招牌😍

前排喺維園做完運動之後，同屋企人喺附近食飯，佢哋想食中菜，所以就走咗上去試吓今次同屋企人叫咗好多嘢，而且依間酒樓啲嘢大件夾抵食，份量都好多😝我哋叫咗蒸扇貝，扁皮鴨，椒鹽鮮魷，醬皇花姿蚌仁同蝦球芝士炒蛋白😉小菜都好新鮮，都好夠鑊氣，而且份量都好大小編推介蒸扇貝好多蒜蓉同粉絲，而且扇貝都好大粒😝，同出面啲海鮮舖頭差不多醬皇花姿蚌仁，裏面有有啲翠玉瓜炒埋花姿蚌，花姿蚌好爽口，好有口感，翠玉瓜都好夠鑊氣蝦球芝士炒蛋白，啲蝦球好大粒，蛋白仲包住啲蝦球🙃，又唔會話好濃嘅芝士味，正！整體感覺依家酒樓嘢食份量都好多，性價比比較高，而且都幾多人去食，小編大約7:00左右見到都差不多滿座☺️

對於中菜，總是有種難以抵擋的感覺。最近就約了閨密來到了位於天后的中菜廳，它座落於🚇天后A2出口出面，所以相當方便呢！來到晚飯時間，已經開始愈來愈多人，而裝修方面都是選用了淡紫色，感覺舒服。之後我們就點了以下菜式：🥢欖角蜜糖骨 $98每一件蜜糖骨都沾滿了酸酸甜甜的醬汁，而欖角本身帶有鹹味，又蘊含絲絲甜味，相當開胃。🥣海皇燉冬瓜盅 $108這是店員強推的一道菜式，份量超多的冬瓜盅，在夏天喝特別消暑。裡面的湯很清香，配上冬瓜、蝦、蓮子，食物層次很高，絕對值得點呢！🍴冰鎮南非鮑魚 $58 1隻是一個很值得點的前菜，上碟是用了一個小木盒，相當精緻。而鮑魚很冰凍，咬下去很爽彈，而鮑魚面頭有少許芥末，頓然有種很清新的感覺。🦆京式片皮鴨半隻 $98這絕對是性價比極高的片皮鴨，熱辣辣鬆軟的餅皮，包裏着充滿油香的鴨皮鴨肉，加上香甜的醬汁，加上京蔥和青瓜絲，加在一起，層次很豐富，令人食指大動。整體來說，我和朋友吃完大滿足！而且餐牌選擇多，又坐得舒服，絕對推薦給大家，下次會再約家人到這裡吃飯🥰。

天后電氣道好多餐廳，覓食好方便。同兩老行完街，中菜最啱佢地胃口，入黎試下菜先。裝修新淨光猛，座位鬆動，餐牌都有好多晚市大菜。我地食左:沙巴龍躉 $108大條又彈牙，蔥絲切得又多又細，魚肉滑溜。波爾多紅酒燴牛尾配法包 $128呢個西餐菜式酒樓比較少見，又真係有驚喜。手尾燴得好鬆軟，咬兩下就脫骨。紅酒底帶點甜，好惹味。椒絲腐乳炒通菜$78不過不失，份量好多！酒香藥饍糯米雞$188呢個都好推介，大大一盤4個人都食唔曬。雞肉大大塊肉，滑溜又有鮮味。汁底濃郁藥饍味，感覺好補😆 飯底唔會好乾，好好送飯。楊枝甘露$28最尾一人黎一碗糖水，開心圓滿嘅一餐😄