御品·千之味 (大全街) (已結業)

💛🤥可能壽司刺身會好味d·🐮半熟牛扒定食（$116）見人地影得超吸引.大食仔睇牛扒相睇到流哂口水⋯點知😣煎得過熟有點鞋口😣加$8轉烏冬，份量好多.湯底清清地👌🏻但其他前菜小碟都唔太好味😿·🍚黑松露三文魚帶子炒飯（$88）飯量超多，不過最正係配料一樣咁多🤣黑松露好香，完全唔吝嗇好足料😋唯一缺點係好多油，最後大食仔都被擊倒，太油膩了～食唔哂🤫·🦪明太子醬燒蠔（$38）中規中矩～蠔肉唔算好肥美🤫·📍御品-千之味大角咀大全街22號地鋪

端午節唔知去邊好又走咗去大角咀覓食😂 呢間野名就聽過好多次，喺深水埗都算出名，咁啱喺見到附近有分店就試吓，然後發現lunch set好抵食呀☺️☺️🍱 四色丼 $78 連飲品成個set總共有三文魚兩片、油甘魚兩片、甜蝦兩隻、蟹子、墨魚、卷物兩件、前菜、沙律同飲品！都只係$78😱😱😱😱 認真抵食😱 去茶記食個飯都$5x啦！三文魚係腩位～ 好肥美又甘香😚 油甘魚都唔腥，全部刺身都唔錯😌😌 丼飯味道都不錯，唔會冇味/過酸😙 我食到一粒不剩🤪🍱 雙色三文魚丼 $65個丼有三文魚三片同火炙三文魚三片～ 每一片個size都唔細，不過可能係三文魚有d厚，所以炙得唔太夠～ 但整體我都已經好滿意😙😙😙

店鋪名：千之味地址：大角咀大全街22號呢間舖頭好容易搵 大全街行入小小就會見到喇 呢間舖質素幾高 拉開門已經見到有文宣同埋貼紙📍照燒雞扒飯定食：午市套餐選擇有好多 咁就揀左呢一個黎試下 配菜揀左溫泉蛋 個溫泉蛋撈飯一啲都唔腥 好清爽 附帶的蟹子沙律同埋海帶絲唔過唔失 都算ok 個雞扒雖然係照燒汁但係一啲都唔會鹹 送飯岩岩好 而且口感唔會柴 午市套餐仲可以$10追加兩件三文魚刺身 刺身超好食 同埋啲wasabi係真嘅 唔係出面嗰啲用粉溝出黎嘅 個細節位值得一提嘅係每張檯都有口罩套同埋有兩支唔同嘅豉油比你點唔同嘅嘢食 員工態度都好好

首先我想講佢係一間黃店，食物質素係OK，但店員的服務質素係好差，叫佢比多個碟我裝wasabi，佢係好大力放個碟落黎就轉身走，賣單個陣都係好大力掉張單落黎，依d服務態度我真係覺得好差，咁我都講返d食物先啦。燒牛舌 - $35係唔錯，口感幾煙韌，味道都幾足。火灸芝士三文魚壽司(2件) - $23三文魚沙律軍艦(2件) - $18芥辣八爪魚軍艦(2件) - $22三文魚腩壽司(2件) - $20北寄貝壽司(2件) - $18加州反卷(4件) - $38會食得出食材係新鮮，我就唔逐一介紹佢地既味道係如何，因為坦白講，依D係唔會食到你哇一聲既感覺。甜蝦刺身(5件) - $58八爪魚刺身(5件) - $68三文魚腩刺身(5件) - $68反而我覺得刺身既味道對我黎講並冇壽司好，食落並唔係咁新鮮，自然味道都唔好食。藍鰭吞拿魚大拖羅刺身(3件) - $188佢依件絕對係唔合格，食落係唔腥，但個味道好差，完全係冇大拖羅既水準。只可以講，黎依到食最好食壽司，刺身我都真係唔prefer叫。

少去大角咀，但呢度一d都唔難搵。呢度book位既方式係黎到有得優先入座，如果滿座就變相book左位既排第一張台。鋪頭比較細既話，呢個都係幾能夠善用哂所有台既方法，如果你鐘意留位直接入座既話就要留意下。叫左幾個熱門既菜式 -燒汁一口牛 - 牛肉味幾濃同埋都juicy既，係偏熟既口感，幾有咬口。火炙壽司拼盆 - 不過不失，唔會覺得好大驚喜。火龍卷 - 呢個推介，蝦肉好爽口，卷入面舊蝦既外皮好脆，唔會一陣就淋哂影響口感。蟹籽多到滿哂，足料！仲叫左黑松露三文魚帶子炒飯不過太肚餓食左唔記得影相，但都好足料，黑松露味好香會令你好有食慾。座位舒服，員工都好有禮貌亦好注意衛生，坐低會提醒食客食野先好除口罩安全d，抵讚👍🏻

▷迷你吞拿魚蓉刺身壽司餐 $148▶刺身：三文魚、北寄貝、帶子、甜蝦▷火灸壽司：三文魚、三文魚脂、鰻魚、熟蝦、左口魚邊▶套餐包沙律、小食、甜品、味噌湯/飲品打菜式list都打到手軟，多到好似食緊2人餐咁！丼飯加五舊壽司仲要有刺身，一個餐有晒咁多款魚類，量多而且仲幾新鮮，火炙壽司每件都有質素，特別係三文魚都分兩個部位。食完十成飽！可再戰！口罩袋仲好靚添💁🏻‍♀️﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣御品·千之味大角咀大全街22號地舖

大角咀呢邊近年出左名多好野食，今日就黎一探究竟啦呢道唔係遊客區，相信識食之人或者街坊先會黎，店內裝修係日式木質簡約風格，雖然位置不多，但座位亦闊落舒適～ ✨火龍卷 $78 其實係炸蝦卷，上碟擺到成條龍咁，上面有蟹子，有8件大大件，上面嘅蟹子份量都俾得十分豪氣！ ✨火炙壽司拼盤 8件 $108 分別有4件唔同味嘅三文魚、1件左口邊魚、1件鰻魚、1件帶子及1件熟蝦，每一件食落都非常新鮮肥美👍🏻👍🏻👍🏻炙燒三文魚基本上係入口即溶充滿油香👍🏻同時炙燒過可以逼出魚生嘅香味，一碟真係唔夠喉，十分推薦呀 ✨軟殼蟹天婦羅 $68 有時食嘅軟殼蟹天婦羅炸漿好厚，影響口感，但呢道就唔會，炸得皮薄好香口！ ✨蒜香三文魚帶子炒飯 $78 上碟以為佢份量唔多，點知都有成兩碗飯，三文魚同帶子份量好足料，炒飯亦都乾身，不過有啲唔夠鹹😂問職員拎啲鹽落落去好食好多！ 總括黎講呢間小店以食物質素黎講，價錢唔算貴，如果想食日本野嘅話都可以黎一試呀

同事提議食日本料理，我就建議去食呢間餐廳，因為都有一段時間無食過。餐廳服務好貼心，每枱食客都會提供口罩封套，讓食客安心把用過的口罩可放進入面。原來而家要用QR code點餐，都幾方便，亦可以節省點餐時間，亦相對比較環保。我同同事都點了刺身壽司套餐。其實個套餐都幾豐富，有沙律，有前菜（螺肉），當然少不了主角刺身同壽司，壽司款式都幾多。最適合鍾意試唔同口味的我。而且味道都幾好。我點了雪碧。同事點了蜜桃紅茶。最後餐廳會送上甜品-雪米糍（忘了影相）。食完後，成個人都滿足晒。😬

有日真係好想好想食壽司就諗住去食壽司郎，點知要排成200張飛，排得嚟都食得晚餐啦，於是即刻睇下附近有咩壽司店可以一戰！比我搵到呢間位於大角咀嘅小店，過咗食飯時間無乜人，就決定食佢！佢哋有非常抵食嘅午餐set，120蚊左右就有蟹肉丼壽司刺身小食同湯非常豐富，如果筆直無咁多又想平啲，最平60幾蚊已經可以有個魚生飯，各種價位任君選擇，都算親民。呢個價錢嚟味道算相當唔錯，下次會想試下單點佢各種小食同埋壽司。

今晚同朋友gathering, 係疫情下，梗係揀間有質素嫁啦！之前一直食開深水埗個間，質素好好，雖然變身黃店之後份量係無一開始咁多，但食物品質都保持到。佢午餐晚餐都好多set揀，又有飯、冷麵、熟食、sushi，啱晒吾同口味既需要😍食材夠新鮮，壽司飯夠軟、醋味足，正👍🏻大角嘴分店雖然都吾係好大，但夠光猛，座位沙發位夠舒服，燈光影食物出黎好靚！值得一去再去, recommend~

同屋企人出街食飯 大角咀既食肆s差唔多都成日食 不過千之味比教少食 因為價錢都偏貴 而且份量都偏少 不過衞生方面都ok 好彩我媽媽夜晚唔食得太多 所以我食完左我個餐再食左佢半份牛扒同幾啖飯 不過見佢係黃店 而且食完又有野送 咁就無所謂喇 論野食方面 想提一提佢既烏冬 比我係街市買既稻庭烏冬幼身 而且口感非常好 佢一個餐只跟半份烏冬 如要一整份好似要加18蚊 對我小資女來說 105+18再加10%實在有點貴 所以我放棄了 壽司方面都ok無話好特別 壽司個餸好痴住舊飯同唔鬆散like!店舖唔算大同只有兩至三位服務員 不過都feel到佢地好忙 無論落單 傳菜 同埋單都要等一等 不過我明你地辛苦所以唔會吹你地既 加油！

上完堂2點幾3點同fd搵地方食lunch, 想食刺身壽司又要係黃店，一search就見到呢間餐廳。去到門口，店員話俾我地聽因為太多order,所以只可以做熟食，晴天霹靂呀😭！不過我地都係坐底左，之後又再有一另一個店員話佢地真係太多外賣單，師傅都完全未食野，真係剩係做到熟食，無所謂啦，好少見到餐廳對員工咁好，咁其實佢地d熟食都吸引。慢慢等野食期間店員突然拎左一碟刺身同2件壽司埋來，我地仲同佢講唔係我地ga，點知原來佢係請我地食！可能我地個樣真係太想食刺身壽司想到出哂面，佢地唔忍心😂雖然係送ge，但一d都唔馬虎，刺身有2片帶子，2片北寄貝，2片三文魚同一隻甜蝦，超新鮮好好味！熟食係鰻魚定食，好大份，鰻魚又夠厚肉，好味！另一份係半熟牛定食，一樣咁大份，牛味十足！隻溫泉蛋唔記得影相已經俾我埋左入碗食入面😂😂😂入座時有提供信封放口罩，飯後有雪米磁做甜品，食物份量大份又價錢相宜，最緊要係份人情味，真係唔係周圍有。以後要再來大大力懲罰佢先得！

星期四放工去左大角嘴搵食，咁岩見到呢間日本野。記得之前係深水埗試過都幾好食，原來係大角嘴都新開左分店，環境仲好似闊落過深水埗果間，仲要唔駛等，就決定入去試一試！放工實在太肚餓，一入去就立刻叫野食！上菜有dd慢，不過傾下住計等都ok既餐廳環境舒適，店員都好好服務，一見我地啲茶飲完，就會主動斟茶御品壽司拼盤 15 件火龍卷火炙壽司拼盤 8件蒜香三文魚帶子炒飯枝豆吉列炸蠔有誠意既係，佢既wasabi係真既wasabi，唔係市面上好多日本餐廳用粉溝出來果d食落唔會好嗆又唔會好辣同埋豉油都有兩種比你點唔同野食，細節都做得好好最後仲好貼心咁樣送左一人一粒糯米磁做甜品

本身嚟到特登嚟到大角咀係想食那個ㄋㄚˋ ㄍㄜ <- 唔識讀(ﾟ∀ﾟ)但去到先發現原來星期一休息☹️即刻係附近search下有咩黃店～見到呢間有幾間分店嘅千の味，又唔洗排隊，即刻入去試吓～整體來講，食物質素都算唔錯。而份量方便，無論係set dinner定單點都幾多下，超飽肚🥰.originally in the tai kwok tsui area to try another resto 😔 turns out it was not opened on monday 😆 (hate it when that happens) so decided to check out Oi Shi Sushi 🍣 the food quality is not bad 👍and the portions sizes are quite big regardless if its dinner set or the appetisers 😋 my favourite has to be the black truffle salmon scallop fried rice 🍚 tons of

首先講下d壽司先 個樣睇落就靚靚仔仔既 但d紫菜就淋既，塊三文魚腩完全睇得出師傅既刀功！薄切得又幾通透🧐北海道海膽軍艦個海膽係無味既😀其他壽司係極之普通！完全對唔住個價錢😭食爭鮮都無咁sad😭😭 好啦咁就試下個軟殼蟹手卷，好彩都仲係熱既！雖然塊紫菜又係放左十世淋哂！但係呢個軟殼蟹又夠熱喎，令我又重拾返少少信心☺️我每次食日本野都中意嗌清酒煮蜆🤣呢道菜真係好難煮得難食，只要你d蜆夠新鮮又無沙咁就成功左一半😏佢呢個蜆除左細粒左d之外，整體都係正常發揮既😎 個天婦羅同串燒都叫正正常常既，對比起其他食物叫好味囉個黑松露三文魚炒飯上面個舊黑松露都幾香！撈哂成個飯都好夠味😁但個三文魚炒得過火得濟，好乾！最後重頭戲！我專登留到最尾先講！明明餐牌寫住半熟牛扒 點解黎到會變左過熟牛肉🌚真係嬲死我囉！又乾又鞋食唔落口