御品·千之味 (深水埗) (已結業)

朋友住大角咀，嗰日過去搵佢，帶咗去呢間日本餐廳食，佢話晏晝好抵食，今次一於試吓夜晚。晚時有set有散叫，款式都幾多，如：壽司、刺身、燒物、主食等⭐️半熟牛扒唔算好大份，但係燒得啱啱好，中間仲係粉嫩，保持肉汁。見到set都有，分量差唔多，所以叫set應該我會抵啲。⭐️15件壽司拼盤有三文魚兩件，油甘魚，鯛魚， 甜蝦，赤蝦，吞拿魚，帶子，墨魚，左口魚，海膽，魚子，吞拿魚蓉，龍蝦沙律，辣味三文魚各一件。我自己最鍾意係海膽，雖然唔係加拿大海膽，但係都仍然甘甜，蝦都唔錯，夠大隻。帶子新鮮甜味。⭐️軟殼蟹飯卷軟殼蟹依然脆口，外面舖滿沙律醬，配上蟹籽的粒粒口感，口感豐富。

覓食於深水埗男人話想食壽司係長沙灣整完野 上黎開飯望下有邊間壽司好所以就黎左呢到試下望一望meun 都唔係話好特別比出面平位置唔係多 基本上都要同人地搭台仲要排隊等位添不過見甘多好評 即管一試啦拿... 串燒係出色既呢個係豚肉蕃茄串燒個汁好夾 唔會搶左豚肉同蕃茄仔既味Umm。。但呢個係我第一次食到室溫偏暖既刺身 感覺亦都無話特別鮮甜係咪得我一個覺得刺身唔應該暖食定係今日甘岩 解凍解多左？有無人可以解答。。#黃小店

入到去個staff好似見唔到我地咁，同佢講完2位，佢就頭都唔轉就咁講個邊啦。之後啲野食等左10幾20分鐘先黎到，啲野仲要擺到凍哂先攞黎。之後啲野食又唔好食，條煎魚油到咩咁。到到埋單，個staff又唔話我地知係邊埋，又冇指示牌講俾，由得我地自己企係度望下望下咁，最後個staff埋完單先肯話聲俾我地知原來唔係門口而係係入面埋單。成件事蠢到🙄質素差到咁，唔會再黎囉🙄🙄🙄

今日出去深水埗行完街, 打開個和你EAT 睇下有咩食啦。見到LE間千之味咪之前係大圍食過果間,，一於再試早少少去食1800去到都唔洗點排，入到去我同朋友各點一個餐。一個A餐，雙色三文魚丼一個B餐, 一堆刺身丼兩個餐都包野飲+甜品+沙律+小食+2件壽司整體而係比大圍貴DD ，但D刺身的確厚身好多，另外小食個海哲都幾好食，沙律菜都唔會落得太多醋太酸，食晒係會食到好飽~~~臨走1830 都要開始排隊,我諗都要排返5-10分鐘左右

第☝️次叫！刺身好新鮮，d飯又好食又唔硬！價格公道，又有得外賣送貨，又準時！會再回購同介紹比朋友食👍👍👍❤️簡直好食過x氣，值得一試！👍👍👍👍👍

這間餐廳位於深水埗，近西九龍中心。上個月食過一次午市，覺得佢啲牛肉飯好好食！🤤👍🏻👍🏻👍🏻所以決定今日再嚟食😍今次試左佢啲壽司（三文魚、三文魚腩、蟹膏、甜蝦壽司）賣相都唔錯，而且啲野食都嚟得好快。除此之外，芝麻雞翼都好好食❤️，而且雞肉串燒都唔錯。可惜半生熟牛肉飯唔係好夠熱，無我想像中咁好食，而且價錢偏貴。再加上，呢間餐廳每次都好多人嚟排隊，所以要等一段時間先有位，記得要預早嚟排隊。

💁🏻‍♀️ 御品·千之味 (深水埗) 🍴💛💛💛-壽司🍣冷麵餐（$85）平民嘅價錢，高質嘅壽司。咁嘅價錢又有大大兜冷麵，有8件壽司，包埋沙律🥗甜品野飲，真係大雜燴咁款。好過食😠😠壽司啦喂香港人！幾中意佢個冷麵，啲麻醬同蟹柳絲配得好好味😋但呢間長期都有深水埗友懲罰，大家要做好心理準備排隊💛.📍 御品·千之味 (深水埗)#深水埗 荔枝角道390號C號地舖#小丸子搵食記 #小丸子深水埗-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #hkfoodporn #黃色經濟圈 #深水埗黃店

同男友行完街，打開黃店app睇下有咩食，見到呢間好抵食，就決定一試.🔻Set D 刺身冷麵餐 $128🍱冷麵：有青瓜絲同蟹柳，仲有好多蟹子係面頭，配埋芝麻醬撈埋黎食大滿足，每一啖都食到配料😛刺身：三文魚、北寄貝、油甘魚、八爪魚、赤蝦、魚子.🔻Set E刺身壽司餐 $158🍣刺身：三文魚、北寄貝、帶子、甜蝦壽司：三文魚、鯛魚、油金魚、吞拿魚、玉子、鰻魚、蟹子、赤蝦、熟蝦.2個set d刺身非常新鮮，而且又唔會有腥味👍🏼👍🏼.另外追加左$20花之戀同$20珍寶赤蝦，燒牛舌.🔻燒牛舌$32燒得啱啱好，1d都唔乾又唔會韌 🍢👍🏼 .呢間小店以呢個價錢食到咁多款唔同類型又新鮮ge 刺身壽司真係好抵食😋😋

週末中午到深水埗鴨記買電話配件，買完喺附近搵嘢食，行行下就黎到呢間千之味，見門口有人6人左右排隊，餐牌睇落都正，便決定一試。等候時間不長，因為餐廳都不算太細，大概15分鐘便入得。我點左圖中既吞拿魚腩蓉飯套餐，有個麵鼓湯，5件壽司，沙律，刺身同個飯。先黎左個湯飲下暖個胃先，再食套餐，沙律菜生鮮，全部魚生十分新鮮同足料厚切，十分滿足。 食完仲會放粒雪米糍作甜品，個餐百幾蚊，絕對食得過。有機會再去試下個燒牛扒定食。

我已經放棄元氣、千両、魚尚、Kikusan、Miso，不會再浪費時間。 連鎖以外，絕對有得揀！ 「沒有國泰，還有民安」阮民安 - Tommy最新力作《煲底之約》就係係到拍mv！拍mv！拍mv！拍mv！ 講完。係正深水埗警署隔離，御品·千之味同警署既關係可謂愛恨交纏。 以往因而對道友問題稍稍放心，經歷七月以來多次未有事先通知既催淚彈洗禮、拉閘7次保護員工後，店主阿樂話而家驚警察多d，表態後警署外賣單亦不復再。六月起參與遊行、八月開始派水，1/10更進化至派發免費發夢餐。 可惜手足唔爭氣，講明唔收錢都偷偷地攝一百蚊係碗底，所以之後每月第一個星期二既感謝日統一收費，5pm前午餐一律$20作為員工貼士，十一月仲會推出學生飯卷添。 老細不定時推介同區良心小店，餐飲仲不計成本係光時入貨，支持建立良心經濟鏈。單睇價錢，絕對唔會有咩期望，但真心比元氣滿足幾百萬倍。 三文魚腩($68)接近1cm厚切，魚油豐盈、嫩滑肥美，碟上都沾上油花既程度，完全過足魚生癮。 帶子刺身($68)飽滿鮮甜，點鮮磨芥辣更引出鮮味。 汁煮牛肉手打湯烏冬($78)本來只係填肚之選，估唔到牛肉炒得極香、入味又唔會油膩，配埋溫泉蛋近

之前已經黎食過晚市 今日晏晝又經過呢頭 諗起佢結果就走來食個lunch結果有開心發現就係原來佢lunch set超級抵食！價位大概係$65至$188絕對係豐儉由人鍾意仲可以加錢追加各款小食！午餐仲免收+1我就好肚餓所以揀咗一個角切魚生飯配壽司刺身餐 （$98）聽個名都知道豐富啦！一上枱我都嘩左一聲！超級大份嘅午餐啊～雖然壽司都係比較普通嘅配搭 角切魚生色澤望落去還可以 刺身都算新鮮！食到尾仲有一粒雪糕糯米糍做甜品呢度嘅午市都幾受歡迎我大概食咗40分鐘 一路都有人入嚟翻桌速度快 仲有唔少人排隊添！

發夢知呢間鋪好鬼囂張 派過飯💛所以嚟睇下佢什麼料子！💛💛我嚟呢到食過lunch，就係食圖中三文魚飯 勁抵$65之後因為太正 上左癮就約朋友過幾日晚餐又返嚟食🤪💛又食三文魚飯(當然夜晚會貴d但仲係抵食價) 今次仲食海膽tim!!三文魚好新鮮 大大舊 好好食😋足料!又好食又抵食~個set入面仲有中華沙律🥗加州卷同飲品/湯 仲有小雪米糍做甜品 豐富！話說我都係個大食又為食嘅女仔，但呢間我係食完又飽又滿足💛好鬼幸福🥰海膽都好新鮮 正正子我朋友嘅鰻魚飯都唔錯 佢好中意 我就偷食得一啖 評論唔到太多我依家好鍾意食呢間！我鍾意到食完一排都要嚟補返個食評俾佢😂推介推介💛💛

個仔百日宴，叫咗两個sushi set （c 同 d）落單服務好好，我星期五晚落order，第日中午準時到出車前出聲打電話俾我有冷袋保持新鲜價錢合理，質量唔錯。三文魚壽司和🌸之戀最快俾人清哂香港人加油

#支持良心餐廳午市G餐 迷你呑拿魚蓉丼刺身壽司餐 $128呢間聽好多人講過 佢有好多選擇架佢啲刺身算幾新鮮 三文魚幾厚切但就覺得呑拿魚蓉個味比較淡 壽司係偏細件少少 但味道都ok架 係食落成件會偏軟身啲食完仲會有粒雪米糍送~

同朋友係深水埗黃金買完野，就去咗附近有間日本餐廳醫肚。啲食物都唔算貴~👉🏻海膽壽司2件$48海膽幾濃味，都幾新鮮👉🏻三文魚忌廉芝士卷4件 $48三文魚鮮甜，魚油脂香，同忌廉芝士好夾👉🏻燒牛舌芯 $32燒得好香口，唔會太韌👉🏻香蒜一口牛串$35燒得幾香，不過如果多D肉汁更好👉🏻藍鰭呑拿魚中拖羅 $38/件味道新鮮，油脂甘香，無乜筋，呢個價食到中拖羅都CP值高👌🏻👉🏻明太子醬燒蠔呢個最有驚喜，用明太子醬燒蠔，再加上爆多嘅蟹籽，整體口味好豐富呀！最後仲送左每人一粒糯米滋，味道正常啦～其實d定食都幾抵食，不過朋友想食蠔所以就散叫，下次經過深水埗都會再黎試定食～