御品·千之味 (深水埗) (已結業)

之前食過大角咀分店 今次行過深水埗見到 諗都唔諗就入去坐低食返餐因為實在太抵食 質素亦都唔差 CP值好高！海膽癮發作第一樣叫左海膽軍艦你淨係睇個樣都已經要比隻手指公啦！睇埋個價錢 你真係覺得唔食對唔住自己呀！蟹柳玉子燒厚切嘅玉子配上火炙過嘅蟹柳～熱辣辣開胃之選蒜香三文魚帶子炒飯係對到成座山咁高嘅三文魚炒飯～一上枱已經比嗰陣蒜香味搞到勁有胃口！食落口飯粒分明，夠乾身！師傅手勢唔錯呀！招牌火龍卷天婦羅大蝦化身小卷 一舊一口 size啱啱好！我既encore 推介明太子燒蠔！呢個真係每次食都食唔厭 生蠔夠新鮮！配上我最鍾意食嘅明太子沙律醬yum yum yum想講今餐真係好似蟹子盛宴一樣！餐廳落手一啲都唔吝嗇！你睇吓嗰啲蟹子多到呢！

今晚同男朋友去深水埗買日本電話卡😊, 順便係附近搵野食, 我地見到餐牌上個壽司拼盤好似幾吸引咁🍣, 就入左去試下☺️ 我地叫左一個15件嘅壽司拼盤🍣, 一個軟殼蟹天婦羅🦀, 一個吉列炸蠔同一枝波子汽水☺️😋壽司上左枱之後, 職員話黑色樽係甜豉油, 用嚟沾壽司, 中和番壽司飯嘅醋味, 白色樽係昆布豉油用嚟沾刺身食嘅😯御品壽司拼盤🍣: 三文魚x2🐟, 油甘魚🐟, 鯛魚🐟, 甜蝦🦐, 赤蝦🦐, 吞拿魚🐟, 帶子, 墨魚🦑, 左口魚🐟, 海膽, 魚子, 吞拿魚蓉, 龍蝦沙律🦞🥗同辣味三文魚🌶🐟☺️😋 壽司上嘅刺身鮮甜新鮮而且好肥美, 軍艦壽司都幾多料👍🏻小妹覺得油甘魚同鯛魚最好味, 魚味濃亦唔腥😋😍軟殼蟹天婦羅🦀, 熱辣辣, 非常香口脆身, 但份量有d少🤔吉列炸蠔, 炸得香脆而且炸漿唔厚, 蠔味濃, 正！總結:食物味道唔錯, 環境都坐得幾舒服, 價錢唔算貴!

深水埗真的有好多美食，包括這家性價比很高的日式餐廳呀！門面不是特別吸引，但是食物質素和價錢真的很值得一試～和朋友點了火炙壽司拼盤、海膽壽司、蟹膏蟹肉壽司、三文魚吞拿魚蓉卷和三文魚刺身。原來連豉油都分兩種，白色是刺身豉油，較咸；而黑色是壽司豉油，偏甜的。火炙壽司拼盤是必點的！一來可以一次過試足8款壽司，二來每一款都是燒得剛好，誠意十足！海膽壽司有驚喜，很鮮甜，看到色澤都知道真的新鮮～而蟹膏蟹肉壽司都不錯，唯一覺得是可以再多一點蟹膏，哈哈～三文魚吞拿魚蓉卷不過不失，刺身餡料都挺多的，很滿足。三文魚刺身性價比真心高，$58有5塊！還要是厚切，超抵食～最後還有果凍送呀，大滿足！

去深水埗係好難搵到類似呢啲嘅高級嘅質素嘅日本餐廳而且價錢亦相當平民化兩個人食二百幾蚊而且依間餐廳除咗日本嘅壽司刺身之外仲有一啲和牛刺身及燒烤等等第一次食一間餐廳下次會去其他分店都食。

陪老公去深水埗西九龍買野，等巴士回家的時候，見到一間日本菜餐廳，名叫御品千之味，餐廳地方不大，門口餐牌圖片好吸引，老公知我喜歡食丼飯，所以就同我入去食埋晚餐至回家。蒜香三文魚帶子炒飯：用三文魚和帶子切細粒炒飯，三文魚令炒飯有油脂香味，加入蒜香炒更添香濃，再放上大量蟹籽，更添口感。北海六色丼，材料有海膽、赤蝦、吞拿魚刺生都好新鮮，有三文魚、油甘魚、馬刀貝、玉子粒、青瓜粒。海膽鮮甜冇腥味，赤蝦大隻鮮甜吞拿魚、三文魚肥美，魚脂甘香，馬刀貝爽口，玉子香甜。壽司飯軟硬適中。

今日去咗深水埗福榮街揀文具，玩具搞活動攤位遊戲用。 之前朋友介紹附近有間小店食卷物，壽司， 天氣咁熱都幾啱食壽司日本嘢。小店內籠唔大， 午市有午餐或者可以單點。各式壽司，卷物，刺身， 串燒， 日式料理。。鰻魚忌廉芝士卷 $48（4件）卷住嘅忌廉芝士 好creamy， 芝士香同鰻魚汁原來係非常夾， 鰻魚唔腥唔會凍冰冰。 壽司飯做得唔錯， 軟熟而且粒粒分明。 鰻魚汁又唔會過多，做得非常好吃的卷物～～汁燒牛肉手打烏冬$78熱呼呼的汁燒牛肉湯烏冬， 即叫即做。 汁燒牛肉好惹味連帶湯底鮮甜。 烏冬幼滑煙韌， 伴以粟米和木耳絲， 好味道吃不停口！燒三文魚頭$48三文魚頭雖然唔係巨型， 表面燒得甚香脆， 魚肉唔少， 燒得僅僅熟， 魚肉嫩滑肥美有魚油香， 這價錢已屬超值抵食！軟殼蟹反卷$48（4件）軟殼蟹依然脆口， 口感極佳， 連同沙律醬，頗美味的反卷！鹽燒雞翼串$22 （2隻）燒得肉質比較乾身， 雞皮部分夠香脆～蟹肉蟹膏軍艦$28（2件）軍艦的紫菜夠脆身， 蟹肉份量足， 蟹膏夠鹹香， 一啖過味道豐富超滿足！！小店食物用心製作， 價錢實惠， 壽司卷物尤其美味！

深水埗係男人嘅天堂今日就陪肥🐽行一ROUND🙆‍♀️行到身水身汗之際竟然搵到御品千之味嘅嘅總店當然要入黎食下坐下啦🙈.餐廳以日式裝潢，格調清新一點幾到達，仍然坐滿哂人，夠哂熱鬧👍餐牌款式多樣化壽司，刺身，火炙，沙律，揚物，炒飯卷物，烏冬，冷麵，真係樣樣都有齊吾怕揀吾到心水🤣.🔸炸餃子 $38餃子炸至金黃色，食落皮薄底脆餡料豐富又JUICY😋.🔸三文魚 $18口感軟綿清甜油脂香味重又帶點微甜食落好新鮮🥰.🔸火炙三文魚 $22三文魚入口即化帶點焦香魚油香味充滿口腔☺️.🔸吉列炸蝦卷。8件 $68大蝦炸至香脆，用紫菜同壽司飯卷起外層再鋪滿蟹籽，淋上大量嘅蛋黃醬外軟內脆，口感味道一流😍.🔸蟹柳玉子燒 $38自家製即叫即煎嘅玉子燒即叫即煎嘅玉子燒蛋味香濃，加上大量嘅蛋黃醬同絲絲蟹柳入口軟綿，仲有蟹籽令口感豐富呢💕.🔸蒜香三文魚帶子炒飯 $78以三文魚同帶子做炒飯底加入蒜蓉爆炒蒜香味十足，非常香口😍頂部仲有大量嘅蟹籽，令層次豐富添😎.食完仲有雪糕糯米糍送添🙈.總結：食物質素吾錯，而且價錢又貼地，值得回頭呀😋

今日又黎同男朋友食這間日本餐廳，之前來食晚餐套餐。環境還是一樣整齊舒適，以日式摺紙扇子為裝飾，以木椅子及梳化為坐椅，明亮的光線，下午茶不會太多客人，可以慢慢坐慢慢傾計慢慢享受。有套餐及單點的選擇，日式的料理款式都幾多選擇，如：壽司、刺身、烏冬、炒飯、串燒等等。（鰻魚小卷）鰻魚內餡都大件，小卷一啖一口，壽司軟硬剛好，鰻魚汁香甜！（軟殼蟹反卷）軟殼蟹炸得香脆可口，外面舖滿沙律醬，酸酸甜甜好香口好滋味，配上蟹籽的粒粒口感！推薦喔（蒜香一口牛）一口牛細細粒燒得好軟好香口，腍腍有牛味，加上炸蒜粒好香口好美味（芝士雞扒冷烏冬）雞扒好軟嫩、芝士香濃但咸了點，配上沙律醬汁；冷烏冬煙韌又大碟，配上青瓜絲、蟹柳、蟹籽，凍凍口感，好適合夏天喔！（七味雞翼）七味雞翼香辣野味，推薦這個小食！熱辣辣炸起，好香脆好野味，外脆內軟，雞肉香嫩

真係估唔到深水埗都搵到甘高質既日本菜餐廳 價錢唔貴 性價比真係好高 雖然餐廳門口唔係好起眼 但真係超好食 入面座位都唔太迫點完餐之後 店員隨即介紹枱面兩樽豉油 左邊豉油偏甜係for壽司用 右邊豉油偏鹹係for刺身用 由此可見店家對食物係有一份熱誠同執著 而且好講究 希望客人食到最好既味道御品·千味卷(6件) $98(好味指數: 😋😋😋😋😋)(蔥拖羅 三文魚籽 海膽)連個名都有御品 甘一定係特別推薦嫁啦 ☺三文魚籽好飽滿 多到瀉晒出黎😀海膽都好足料 好重好香海膽味 一d都唔苦🥰蔥拖羅好新鮮 一d腥味都無#蟹膏蟹肉壽司(好味指數: 😋😋😋😋)一半蟹膏一半蟹肉 蟹膏味好濃#特大赤蝦壽司(兩件) $32(好味指數: 😋😋😋😋😋)赤蝦好大隻 好新鮮好鮮甜 個蝦頭既蝦膏好濃 真係食過最好味既#三文魚腩壽司(兩件) $20(好味指數: 😋😋😋😋)好美肥既三文魚腩#黑松露帶子壽司(兩件) $38(好味指數: 😋😋😋😋)以壽司黎講 黎個份量既黑松露真係一d都唔算少 雖然黑松露味濃但都遮蓋唔到帶子既鮮味御品·半熟牛扒 $88(好味指數: 😋😋😋😋)肥瘦均等 d肉好嫩身 d醬汁又唔會搶左本身牛肉既味道 再加

喺附近鴨寮街買完野之後搵個地方食飯，見到呢間小店嘅日式食品都好似幾高質素，又坐得幾舒服所以黎試吓！基本上呢條街夜晚食客都唔算特別多，坐得好鬆動好舒服，又唔會趕時間趕你走。火焰壽司拼盤有齊三文魚、帶子、左口魚及熟客等八件各一隻，一次過試齊咁多個味道都幾抵食，我最鍾意火焰芝士三文魚壽司，啲芝士濃郁得來有唔會掩蓋左三文魚嘅鮮味；另外火焰熟蝦的蝦好大隻。釧路丼有齊海膽、赤蝦及三文魚腩等，個飯嘅份量好大，海膽亦都好肥美，最有驚喜係個赤蝦，好大隻好新鮮，個蝦頭入邊都有肥膏。最後就係我最鍾意嘅吉列蠔，炸得剛剛好，一口咬落去啲蠔味道即刻湧出嚟。

同男朋友特登由南昌行黎諗住食個lunch 入到去一個人都無 再睇下d正評話佢夠清靜 果時都未諗到一個問題 如果係抵食好食既 點會一個人都無呢？ 咁我地果時諗可能閒日少人d啦 見到電視不停播佢地d魚生幾咁正 d牛幾咁香 睇下menu熟食都要7x蚊 不如加少少錢食個有魚生既 咁我地兩個都叫左$98蚊既魚生飯+壽司套餐 等緊既過程中只係聽到廚房入邊傳出既大聲講野大聲笑聲 😒再望入去全部好像似一班後生仔玩緊咁 果下開始心知不妙 黎到食物後唔知係咪天氣熱 三文魚味道怪怪的 完全無平時食三文魚食到既味道 重有陣雪藏味 帶子得5毫子咁細粒 唯一讚既就係佢地醬油有分壽司用同刺生用 真係食到有分別既 唉....真係不可一 不可再

~今期推薦吉列炸蠔近期喜歡上吃日本東西，所以便選擇了一間，在深水埗的日式料理。開頭給那個餐單吸引，菜式10分多樣化。和朋友分別叫了火焰黑椒三文魚，炸軟殼蟹飯卷，吉列炸蠔，鰻魚烏冬定食，和蒜香魚子三文魚炒飯。每道菜都是一碟碟上，即煮即食。我們都喜歡吃炸軟殼蟹飯卷和吉列炸蠔，特別是吉列生蠔，外脆內嫩。最失望的是蒜香魚子三文魚，炒飯味道似XO醬炒鹹魚，10分油膩，10分後悔叫了這個。非常不推薦蒜香魚子三文魚炒飯最後那個炒飯真的10分油膩。

同老豆兩個人食，老豆就揀左依間，見好耐冇食日本野，就試下入到去唔太大間，但都full，一坐低茶都冇杯，價錢偏貴，我叫左個鯖魚set加10蚊三文魚手卷，老豆叫左個燒牛set，再加一個全燒壽司set，野飲要自己拎，加埋300幾。除左面豉湯（匙冇主動比）首先黎手卷，起馬係正常size，唔係某啲一口手卷，有三塊三文魚，但都係放面，食到尾都係得飯，青芥末唔太攻鼻，中意食好攻鼻果啲應該唔太岩。然後上燒牛set，我試左一塊，比較油，但太薄，食唔出乜。再黎燒壽司set，食落多油，有芝士果啲就比較鹹啲之外都食唔出係乜，口感都差唔多。最後到我個鯖魚set，同個牛set一樣，有一碗沙律，兩舊壽司（類似加州卷果隻，但冇咁多涵），一小碟螺肉，一碗暖偏熱既飯同鯖魚，除左鯖魚其他都普通，個鯖魚皮仲有少少脆，少少鹹幾好食（佢仲有個汁，但我覺就咁食都可以，所以冇點我地坐卡位，我人比較高，佢張枱底唔係平，而係一個梯形，隻腳冇位放，坐得好唔舒服而個服務，一黎漏比茶，二黎我地叫完兩個set，都未叫完條友就走左去，後尾要再叫第二個人黎落埋未落既單個人表示唔會再去

依個價錢，係深水埗區都算貴，勝在唔使等，又可以靜靜傾計。店鋪雖小，但五臟俱全。坐下來，你可慢慢下單，在急速的社會上，可以慢慢品嚐午餐，我，太耐都未試過。午餐都好多份量，5樣的食物，最最最特別是夢菜，食下有點像群邊，外間都較少有。（通常是中華沙律🥗或八爪魚🐙）主菜：我點了角切魚生飯，好大碗，好好味。食完後，慢慢傾計，大滿足到連飲品都飲唔落。溫馨提示：記住影相打卡，有小食送，我揀左雞翼

朋友話有間好野食介紹，放工專程落深水埗搵佢，可能落大雨關係，客人唔算特別多，但見幾多人都係訂座既，可能平時會比較多人?講番食物方面我地散叫無叫餐咁抵食，不過散叫選擇較多，2個人叫左4樣野已經超級飽三文魚腩刺身 5件 ($68) – 目測有1CM 厚，油脂豐富之餘仲好鮮味，價錢合理，正!芝士炸蝦卷 4件 ($48)- 芝士、蟹子、青瓜同炸蝦配合得啱啱好，各自突出到自己既味道，口感豐富。蒜香三文魚帶子炒飯 ($78) - 份量超級多，2個人食完呢個飯都飽咁濟，飯炒得比較濕身，飯身較軟易入口，料十分充足， 火炙壽司拼盤 8件 ($108) – 8種口味，各有特色，可惜我最受既油甘魚得一舊，如果可以多1-2舊更好聽職員介紹醬油都分左壽司同刺身用，比較少見。