御米之家

营业中

休息中

今日去驗身要12小時前不能食野，搞掂之後都係4:00，7:00就食晚飯，只想食小小野頂吓肚，食個飯團🍙仔就剛剛好啦😆😆！～～～松葉蟹柳玉子飯團🍙～～～諗住會係三角形好傳統嘅飯團🍙，點知有啲驚訝居然係一個長方形嘅飯團🍙😝😝，飯量應該有兩個三角形飯團嘅份量🤭🤭！味道方面首先係暖暖哋嘅醋飯，喺呢個咁凍嘅天氣下感覺都唔錯😚😚，松葉蟹柳有甜香味，玉子同青瓜都好新鮮，材料份量大約有2/3飯團咁長，當然希望蟹柳可以再多啲就更好啦🤩🤩

等巴士睇到隔離新開咗間外賣店，店內店外裝修主調都係粉色系，好吸引😄呢間店雖小，但款式選擇非常多，有腸粉、手抓餅、飯團、炒麵炒飯等……我揀咗手抓餅試下🤤🔹可可香蕉手抓餅手抓餅皮又蘇又香，可可味濃郁!想加配菜可以自己揀，唔同配菜價錢也不一樣，我另外加咗粟米同肉鬆，簡單美味🔹木瓜鮮奶桃膠木瓜嘅清甜和奶香味濃郁👍非常濃稠！桃膠Q彈，真係一款美容又養顏既飲品🤭🔹排骨粟米湯冬天就要飲碗熱气騰騰的湯🤩愛飲湯既我不能錯過🤭清甜冇味精! 整体都係唔錯📍御米之家荃灣沙咀道381-389號榮亞工業大廈地下A6號舖

入荃灣去朋友屋企撐台腳，路經(荃灣)御米之家，被窗櫥擺設吸引，用粉紅係列打造日本style,精緻得令人溫馨感覺。店舖老板娘非常健談，對自己產品有要求，賺錢以外很有良心店主。店舖宗旨是(以客為尊、健康第一、新鮮食材 、用心制作)店舖採取即叫即做，務求令客能享受健康美食。🌟露兜水~露兜水是鎮店DIY飲品，飲後順暢潤喉，露兜採購自馬來西亞，再配入其它蔬果和純天然食材烹調而成的健康飲品👍👍👍，絕無添加人造色素和糖分。再者烹調時間短了都不會售賣給客人，真配得上店舖的座右銘。同時店舖每日還有其它自家制成健康飲料給客人選購。🌟鰻魚玉子青瓜炒飯~入口就知道採用日本米烹調，香糯軟熟，玉子細細粒好精緻有濃厚蛋香，啖啖肉鰻魚又香又甜，配上獨特燒汁炒飯🥰🥰好有日本風味🌟手撕雞滑蛋青瓜炒麵~手撕雞一絲絲好有雞肉香味，不會‘梅淋淋‘，滑蛋炒到剛剛好嫩滑少少juicy,麵質煙煙韌韌，配上😍味道🌟XO醬~自家制作品牌獨一無二，真材實料，一嚐難忘😋😋

大窩口外賣店🥡主打多款飯團、便當、健康飲品價錢親民☺️附近番工都係唔錯嘅選擇 🍝手撕雞青瓜冷麵🍝賣相精緻😃雞肉嫩滑入味、青瓜清甜爽脆冷麵煮到岩岩好😙配搭麻醬撈埋一齊食口感豐富美味旁邊仲有沙律🥗🍙吞拿魚粟米飯團嘅🍙選用日本米🇯🇵特別甘香😆中間餡好足料🥤檸檬薏米水🥤清熱解渴😊少少甜所有食物即叫即製🙌🏻可以打電話落定Order自取喔📲御米之家📍荃灣沙咀道381-389號榮亞工業大廈地下A6號舖

御米之家 (荃灣) 荃灣沙咀道381-389號榮亞工業大廈地下A6號舖今日下午茶，買咗幾款外賣🥡其實買外賣，都想有家鄉地道美味，御米之家重視原裝日本進口米，真材實料。 熱辣辣嘅炒腸粉，香噴噴，滑捋捋，粉質煙韌軟滑，超好食😋😋😋 飯團由100%珍珠米製造而成，好靚，飯質粒粒均匀，軟硬適中，餡料特別，好清新，有小小山癸，有少少攻鼻，好滋味㗎😃😃😃 日本🇯🇵進口嘅糯米糭，香噴噴，好棉滑，超足料，綠豆，栗子，鹹蛋黃，光瑤柱，雞中翼，淡淡甘香味甜，混合得好好味😋食過返尋味，極力推介😋😋😋

大窩口工業村呢頭開左間新嘅輕食外賣店，主打日式便當同飯團，價錢係好經濟，平均＄50－60就可以落到樓，岩曬我呢D好想食野但又唔想食咁多嘅Working Lady!😆 門市好光猛，而且地方好骨仔。咁岩今日天氣有d 凍，老闆係我等緊外賣個時仲請我飲左杯自家制嘅茶，可以幫助增強免疫力，超好人😍⭐鰻魚玉子青瓜冷面 ＄63拎出黎個外賣盒已經好鬼吸引，冷面嘅溫度岩岩好，而且煮得唔會好淋，麻醬份量都適中，撈埋青瓜、玉子一齊食好有口感。鰻魚燒得好香脆，如果有多幾舊食就好喇🤤⭐ 炒滑蛋虎蝦飯 $48日本壽司米煮出黎特別好食。炒滑蛋炒得真係好滑，虎蝦仲要粒粒咁大隻🤤📍御米之家荃灣沙咀道381-389號榮亞工業大廈地下A6號舖#eatwithlittleme #foodie #foodiehk #food #hkfoodie #instafood#foodphotography#香港美食 #美食 #美食推薦 #852#hkfoodlover#hkfoodie#foodiehk#foodie#hkblogger#hk#荃灣 #御米之家  #大窩口