御苑皇宴 (已結業)

我頭先去左飲茶, 5個人食咗8個點心, 1個甜品, 一個炒嘢, d味道好得, 個環境好靚, 只係d侍應木口本面, 完全冇笑容, 如果呢樣可以改進, 就非常之好啦!!!

昨晚公司Annual Dinner,第一個感覺係個場地好靚,因為我哋筵開十圍,所以有個大場,四四方方,又有水晶吊燈,又有海景,景觀一流.講返食物質素,正如樓下食評所言,真係每碟嘅份量超少,碟餸轉一個圈回來已經所餘無己,食物的味道也不是十分好,炸物太多油,條魚又鞋,菜又得幾條,隻雞又很廋,蠔豉都幾大隻(但係我不吃蠔的),飯同都麵都唔吸引,紅豆沙及甜點一般.

星期六去完喜百合飲茶,走的時候爹地媽咪見到這間酒樓,話几靚,於是終定星期日再黎Megabox試這間. 我星期日早上打電話黎book位,侍應話booking已經滿晒!當我地1點正黎到Megabox時,就直上13樓試吓有無位,點知其實根本上都唔滿,仲有几張枱, 外面的”知客”定係部長(唔清楚,因為佢都係著黑色制服)無咩禮貌, 笑容更加免問啦! 同佢講咗兩次話四位都無反應, 都唔知係代表叫我地等定係可以入去. 過咗一陣, 佢好似叫我地入去, 但完全無同我地講边張枱, 我地几個傻傻地咁跟住去睇吓, 佢都無主動講一句說話, 最後只係手指住一張枱話”嗰張”.入到去,裝修係唔錯, 但枱放得好密, 好嘈! 侍應招呼唔係好週到. 佢地仲有一碟前菜一定要客人要的, 但侍應交代得唔清楚, 原來有得選: 皮蛋, 花生或青瓜, 價錢好似係$15一碟, 我家兩老可能唔太明白可以有得選, 就只接受咗侍應手上的青瓜, 後來我想食皮蛋, 叫侍應換啦, 嗰個侍應態度好差, 黑晒面口中唸唸有詞, 今時今日咁既工作態度……唉! 佢大可以話無得換呀!點心有五折, 價錢折後同中價酒樓差唔多, 味道都無咩特別, 我地四個人叫咗7個

公司annul dinner響度食首先地點就一度偏，但唔怪佢，megabox地點根本就係偏食物份量小，全部都好始預左一人一小件，例如乳豬每一只有一小片，叉燒一小塊，魚肉幾片....總之食左好似冇食。而且味度亦不見突出。另一樣就是上菜速度奇慢，明顯人手不夠。每度菜都等好耐，搞到司儀都無野好講而環境ok ，境觀不錯一句講晒，自己絕對不會俾錢響度食野

Menu as shown in pic. Private room was classy, banquet for 2 tables costed $10,500 at last for 24 people.The vegetable “greenhouse dau miu”is reali cheap and I was surprised it was one main already on its own, with the 2 sauces on top, egg white tasted better than the pumpkin puree.There was a dish with sea cucumber and abalone slices, the sauce was just way too thick and looked like it was heavily corn-floured, very unappealing but apparently it tasted good according to the elder generation re

昨天晚上同母親到御苑皇宴慶祝生日, order頭十款菜色, 有四款賣晒. 仲要落單後續樣同我地講. 再加又賣晒. 我們七時已到達並立即落單, 咁早都咩野都賣晒, 認真唔掂. 最後終於只食了六款菜. 呢六款菜仲要用兩小時才到齊, 等既時間多過食. 唔會有下次.

今日終於嚟咗飲茶,1點鐘去到,嘩~!等晒位潻,比gf咋晒形,早知打電話去訂位哪,等咗15分鐘,終於到我哪,入到去更係整翻壺香片嘆吓先,然後點咗7、8款點心,嘆翻粒零鍾埋單,嘩~真抵,4個人除翻都唔使$50超值,下星期一定要再嚟食過。

今晚去左食飯,非常滿意,走時一睇門口五折廣告,以為自己睇錯,因為去今多次都無特價,再睇原來系飲茶先有,失望,但我明天一定要去飲茶睇睇.

兩個人星期日中午食飯. 只有一半檯係occupied.叫左:蟹粉小籠包兩個- 好似$28/隻- 賣相ok, 但味道唔得, 好油但又食唔出蟹粉味蝦餃霸兩個- 又係$28/隻- 呢個我鐘意, 有原隻蝦同荀粒. 好味炒桂花yin yeung粉- $98/碟- 食頭幾啖好味, 之後愈食愈咸! 剩下半碟食唔倒鵝肝so - $28/3件- 失望, 都唔知比d咩鵝肝去整, 唔好味overall 只屬一般, 我會prefer 喜百合多d

因megabox剛開辦免費shuttle藍田線, 便因利乘便坐首班車到御苑皇宴喝早荼。此地方裝修是不錯, 很開揚, 食客只數圍, 地方很廣濶, 服務也殷勤, 且經常換碟。但是, 最失望的是食物的質素...1. 巨型蝦餃: 吃不到蝦味, 蝦又未全熟, 只有八成熟, 且太多肥豬肉, 吃後有很肥膩感覺。2. 行笙湯魚腐: 湯很清, 但魚腐不濟, 像濕水豆腐乾, 沒有應有的雞蛋味。3. 叉燒腸粉: 皮太厚太實。4. 潮汕鴨掌翼: 不知是否漂得太久, 竟有少許透明狀; 很奇怪, 只有甜味, 沒有獨特的鹵水味, 一般。5. 雞包仔: 皮有一點黏, 一般。6. 豉汁虎皮椒: 這是不錯了, 夠味夠辣。總括來說, 如只想見識裝修, 可以一試。也難怪對面的德興排隊等入座, 這邊只小貓數隻了.......

上星期六(1/9)相約屋企人去MEGA BOX行街街,見D食友FEEDBACK不俗,又有D特色點心,便來試試...這兒給我舒服感覺,與間距離較遠,裝修堂煌,大大的水晶燈一塵不染。我們點了4位蝦餃霸,燒賣皇,千絲鵝肝酥和燒腩仔。蝦餃霸-賣相很好,味道也不錯,蝦餃不單只有蝦(有蝦味),還有少少肥豬肉同筍.但我還是愛吃一客4只的!燒賣皇-OK!無特別也無驚喜。千絲鵝肝酥-香脆可口熱辣辣,鵝肝香嫩.只嫌鵝肝少D!燒腩仔-皮脆肉嫩,無乜肥羔,一口一個,爽!呀爹看到一味很想食又未試過的東西...紅燜鱷魚掌是也!有位經理行過聽到我地在討論時,他還停下來為我們介紹一番呢...他建議我們叫一隻前掌試試($280)!主角出場了,看到侍應為它做上準備時,已看到他有多"稔"。起筷...它的皮(厚)充滿膠質,掌肉又"稔"又"滑",連配菜(枝竹、冬菇同火腩)也十分入味,枝竹入味時又不會"爛"。須然有一點點"騷"(只有我吃到),加點芥辣便可解決這問題了。這個"掌"真的做得好,又夠分量,得到我們四個"掌"聲!!!!以食物質數比較,這店的價錢也不算昂貴,只是地點較"隔涉",要有心人仕加專程來光顧吧!

辛苦左成個星期,禮拜日終於都可以休息,成過月無同屋企人飲過茶又聽朋友話MegaBox御苑皇宴出品同地方都吾差所以o黎試o下,到步後感覺Good,地方環境舒適清潔,樓底高,招呼吾錯,食物水準不差,"千絲鵝肝酥好味,燒賣D蝦好爽,吾錯,叫左碟雪映海胆炒飯--^^好有驚喜,海胆好鮮味,仲有D好滑o既蛋白係炒飯邊撈理o黎食,好正-$138-吾平,但係直得,一家大細6個人理單$4xx吾算太平.為起$7-80一個人,但係我情願比多小小舒舒服服同家人聚o下,好過去D大酒樓同人爭位,嘈喧巴閉凡到死,講真句平貴吾差100幾10,辛苦左成個星期假期應該係享受.呢間店係環境,服務及總體上都萛係九龍灣中o既中上之列,我以後會再去

原本星期日飲茶想睇下出年結婚地方,坐落無人開茶,人手好唔夠,d員工無精打彩,裝修唔差,但地方無報拾,好有大酒樓感覺,完全唔似皇宴,food一般ok,但唔係結婚擺酒好地方,d招呼真係好差,路程太遠,交通唔方便,咁嘅招呼連大排檔不如,價錢唔平,太太即刻話唔好喺度擺酒,唔知點解而家重有d咁差嘅服務,學大陸la.

泊車已經等到一肚火一早訂左位,去到又要等成十幾分鐘有檯坐低前後問左我2次飲? 茶最好笑就係有茶...但係又無杯勁好笑D食物都一般味道幾好但係D做形幾靚4個人食左$800都唔飽裝修好靚--仲有個琴不過下次我唔會再去

2007年8月18日。御苑皇宴。友人生日，9人行來試晚飯小菜：1．脆皮燒腩仔：肉質不松化，一般貨式。2．腐皮素鵝：也屬一般，腐皮是軟身的。3．頭抽生煎大海蝦：豉油太鹹了點，蝦肉彈，不錯。4．萬壽果杏汁燉白肺：這個湯全場都讚賞，豬肺看上去很乾淨，杏汁很香，唯木瓜不太夠。5．燒雞：沒有醉雞改了燒雞，也鹹了點6．荷塘吐豔映明珠：是得獎菜，用冬瓜包著蓮子，很清，蓮子很腍，幾特別，但冬瓜很薄，很吊癮。7．松子醋溜斑塊：無乜特別。8．清葵汁燒牛仔柳：wasabi的味道不是很出，但整體味道和牛仔柳都可以。9．宮庭醬烤骨跟花餅：不好吃，醬汁不好，肉也不怎出色。10．鮑汁玉掌扣靈菇：OK，不錯。11．高力豆沙球12．豆沙鍋餅13．Tiramisu14．木糠布甸15．元肉杞子糕全場最難吃的就是甜，無個好食，不是味道不像樣就是太甜，全不及格。整體上，大家對這裏的印象不錯，也覺得不算貴。環境舒適，坐得很舒服。