御麵の坊

营业中

休息中

入去問佢有冇位，佢話出面排隊，但出面根本冇隊，d 人都係企散晒，然後d人求求其其排左條隊，侍應過來講左句齊人就有位，之後佢行開左，又有另一條隊在門邊出現，侍應出來時我問邊條隊先啱，佢話你唔識排隊我幫你唔到，極度冇禮貌！

返新工第三天, 到了公司樓下的「御麵坊」. 店子不夠大, 所以破開了2間鋪. 午市食物種類豐富, 食物似日式有麵有飯, 價錢大約五十元以下而且沒有加一及飲品冷熱同價. 餐廳名字叫得御麵, 當然要點碗拉麵. 香煎雞扒拉麵($46) 下單時要求分開上, 但是被拒絕. 食物賣相都不錯, 雞扒表面燒到有少許焦黑而且香口, 為怕被湯浸太耐令味道變差, 趕快把雞扒吃光~ 雞皮微脆而且調味合宜, 皮下脂肪少感覺健康. 肉質尚且嫩滑, 而且已去骨, 因此對這雞扒感覺良好. 至於拉麵, 有硯水味, 幸好不太重味至影響胃口. 拉麵質感比較淋, 少了份爽口& QQ口感. 湯頭有幾款選擇, 最後選了豬骨湯底, 味道已是一般, 沒有豬骨香味及沒有骨膠原到張口的感覺, 而且味精太重. 配料有粟米粒及, 份量多, 雖然不是新鮮, 但至少可以當菜食. 這裡供應台式珍珠奶茶, 究竟這裡是港式/日式/台式店? 一貫台式珍珠奶茶味道, 奶味重, 茶不夠香而且偏甜。

小新同愛麗絲呢一日兩點幾先食lunch於是我地就去左御麵坊食下午茶👫愛麗絲叫左個醬汁雞扒飯配珍珠奶茶。雞扒係煎既，都好香，皮好脆。而個醬汁就偏甜，撈埋雜菜同啲飯一齊食真係唔錯👍🏻 小新就叫左個泡菜湯叉燒拉麵。其實個湯唔係話好辣，幾香既，但小新話會愈食愈辣😂  睇下大家點取捨喇😌 其實御麵坊係一間台式餐廳，但都幾多食物選擇，除左拉麵，仲有日式咖喱飯丶滑蛋飯丶肉燥飯丶涼麵同各種小食等，而且價錢算平，仲有珍珠奶茶飲tim😍 係poly學生食飯既好去處😋

7月21日, 夜晚去睇演唱會, 當然必定嚟就近嘅國際都會商場搵啖食~ 行過呢間台日式, 幾多人食加上食物都幾吸引, 要等咗一陣先有位~::: 松 ::: $70呢個日本便當都幾豐富, 有個三文魚沙律、凍豆腐, 主食係汁燒牛肉, 望落成個便當都好吸引~ 三文魚沙律只係食到沙律醬味, 三文魚味道欠奉, 加上蟹籽一pat pat唔鮮... 凍豆腐都好彩燒汁加木魚有味, 豆腐質地比較硬, 亦不見鮮甜味... 汁燒牛肉就唔錯, 牛肉好入味, 加上有d洋蔥鮮菌呢d索汁野, 唔錯~ 只不過汁太少, 唔係好撈到飯, 搞到牛肉加飯有d乾.::: 滑蛋吉列豬扒飯 + 熱奶茶 ::: $63講真如果叫滑蛋吉列豬扒飯其實真係唔合格... 蛋嘅份量好少而且亦唔夠滑, 蛋汁欠奉令個飯比較乾爭爭. 不過d吉列豬扒都叫做幾好食, 啖啖肉唔會好韌, 係中間有一兩舊比較肥... d洋蔥紫菜配料都幾多送飯都唔錯~熱奶茶其實係台式奶茶, 奶味較濃而且較甜~ 不過勝在茶味唔會澀.其實食物質素唔係好, 只係有幾多選擇, 加埋佢以日式食物配上台式飲料, 可以滿足到想食日本野又可以飲珍珠奶茶嘅人~ 另外, 呢度鄰近演唱會場地, 所以

經過呢間朋友介紹好食既譽麵坊，　梗係要試下佢出面既南乳炸雞啦入面細細間粉麵檔格局，　有少少逼尚可接受，　ＬＵＮＣＨ都幾多人大家都係叫麵餐我就叫左個南乳炸雞麵線, 味道真係不錯.麵線係類似壽桃牌嗰D麵身甘, 密度高所以冇甘易吸哂D清湯汁, 所以比較有咬口, 配會少少炸菜調味,OK南乳炸雞好好味, 首先聞到陣陣南乳香, 出面層皮炸得大慨厚兩三MM, 咬落十分脆身吾會嫌大厚, 雞肉入面都幾滑, 而且每啖都有南乳汁既味道, 推介!

星期三的晚上，路過這邊來吃點東西，看了幾間，見想食麵，而這間未試過就進來一試了。 茶人要了份海鮮拉麵，味道可以，但份量好像小了點，不消一刻，茶人就KO了，好在他不肚餓，平日一定不夠… 我要了份御前牛肉拉麵，湯頭味道濃厚，味道值得一讚！而牛肉份量足夠，口感柔軟，但肉味就沒湯頭那麼厚。而麵質都不錯，麵粉味香口，一整個拉麵加上湯頭都被我飲盡了。 很可愛的杯子~ 看到舖中杯子都不同款的，看來老闆有心找過呢！一飲入口，不是冰凍而是微涼的，我本身不太能飲冷飲，正適合我？真有趣~茉香味香，但奶茶味不足，珍珠份量不多，有點過淋。整體來說，這是一間不錯的舖子，如果女孩子來吃很合適，希望舖子會增加多點男性份量的餐點，相信會更好。

第二次來這裏吃了，因為食厭了大學的CANTEEN難得約了朋友，寧願貴要吃好一點到的時候是一點鐘的午餐時段，只見門外都排了十幾人不過侍應都很effective，等了一會就可以入座了這店的價錢大約是40元起跳，學生來說有點貴呢不過有珍珠奶茶送，我叫了麵豉湯香煎雞扒拉麵，朋友叫了沙嗲叉燒鴨胸拉麵等了大約7-8分鐘，食物就來了!碗麵的size較小，女生吃就剛剛好，男生也許不太夠而且餸比較少....不過值得一讚的是拉麵，煮得剛剛好，很彈牙麵豉湯很濃，但不會太鹹，好送的珍珠奶茶也合格，珍珠彈牙，奶茶不會太甜而且店內環境不錯，我們坐近窗口，有落地玻璃

晚餐時間去食，6個人5個食唔飽。分量超細仲要收成70蚊位。雜錦煙三魚飯真係難食到喊，三文魚有魚鱗，又得2果塊。咖哩吉列豬飯又搞到塊豬扒濕唒，炸粉又勁厚，呢間真係要blacklist

約了友人在國際都會下午茶，友人推薦了這家日本餐廳。下午四點，店裏也有幾台客人，不算冷清。朋友肚子餓叫了個樣子比較飽肚的御品牛肉拉麵。因為天氣太熱，我叫了一客凍鳥冬降降火。下午茶餐奉送的飲品，選了檸檬綠茶。原以為是開粉的檸檬綠茶，怎料加了幾片檸檬，有點驚喜。味道有點甜，檸檬味足。友人選的珍珠奶茶，凍飲不用加錢。下午茶餐來說，挺大的一杯，沒有什麼特別。意料之外好吃！醬料調得很好，酸醋的味道令人胃口大增！配料也足，有火腿絲、蛋絲、蟹柳絲、青瓜絲，味道清新，配上凍鳥冬，十分適合夏天吃！下午茶分量，比較的骰，吃完也吃得下晚飯。果然相片只是參考之用肉量比想像中少，幸而肉質不韌，也有肉味。比較特別的是以羅宋湯作湯底，酸酸甜甜，很開胃。拉麵不過不失，不會過稔但亦不算出色。什麼時候開始連下午茶餐亦過了$30的界線？愈來愈貴的餐廳價錢，降低了出街食飯的意欲。這家餐廳的食物尚算好吃，不到大餐廳的級數，不過也是物有所值、合胃口。但以此價錢來說，也許加錢吃一個美味的晚餐會更好？！是時候要戒下午茶了

又是上學日，但事前當然要到此享用午餐！今日叫了：（1）抹茶吐司＋熱胚芽奶茶走甜（＄13＋26）﹣這是我的“照舊”Order，侍應們都成為了我的朋友了，感覺很親切！﹣抹茶吐司越來越進步！不太甜，但有抹茶香味！包面有點烘燶，但恰度剛好！﹣胚芽奶茶走甜是我的favourite！如果胚芽可再多點就好了！（雖然已經比較上多）﹣味道與其他台式奶茶有點分別，可能是茶的種類不同吧！ （2）照燒雞扒拉麵＋熱胚芽奶茶（＄34＋3）﹣拉麵是保持水準之作！﹣雞扒份量足，已經香噴噴！﹣配料（有粟米、芽菜等等）和湯底（豬骨湯）剛好，不會太鹹／太多或太膩！！﹣湯底可自行選擇！上星期也有光顧，選擇了：（1）藍莓吐司＋熱胚芽奶茶走甜（＄13＋26）﹣好好味的藍莓吐司，是one of my favourites! 我終於再可以找到那藍莓吐司的醬不是Jam那種了!！﹣味道濃香，麵包鬆軟！﹣但胚芽比上次少了點..有改進空間！（2）照燒豬扒飯＋熱胚芽奶茶（＄39）﹣男朋友說這裡的拉麵較好味！雖然飯份量足，味道也算不錯！﹣豬扒有點乾身，吃在口中的感覺不太新鮮...﹣如果是豬柳或是其他texture的做法會更好！服務態度與食物質素

自從上年度吃了一次後，便上癮了。幾乎每星期也要嚐一次！食物質素固然重要，服務態度也同樣重要；而這餐廳卻兩樣都令我稱心滿意！很喜歡台式食品，特別是胚芽奶茶（走甜）、不同味道的吐司！經常都想發掘一些未光顧過的台式餐廳。這餐廳，最令我上癮的是抹茶吐司（＄13），實在很美味！也很juicy！不會好像其他有地方般乾涸涸的！真令人回味！想起都想去食！即使吐司套餐要在下午茶時間才提供，但我午飯時間也會單叫！有時候會叫大杯裝胚芽奶茶（＄26），有時會叫正常SIZE！但每次都同樣美味！而且侍應生的服務很好，現在還已經記得我的獨特口味！每次都要走甜走珍珠！！另外一次是與友人相約在紅磡晚飯，我便推介御麵坊。叫了不同的食物：（A）御前牛肉拉麵＋熱胚芽奶茶走甜 （＄53）（B）滑蛋牛肉飯＋益力多乳酸 （＄52）很好味！而且晚上也頗舒服，值得試！

睇演唱會之前揾地方食DINNER，嗰時6點幾，所以唔使等位。食到7點幾就坐滿成間舖，可能大部分人都係食完睇CONCERT？我同朋友一人一個便當。便當I：照燒鯖魚、汁燒煙鴨胸、醬汁豬軟骨、御飯便當II：汁燒牛柳粒、木魚豆腐、御飯、煙三文魚蟹籽沙律珍味、孖寶。每個便當都有好多料，又新鮮、又好味、份量又足。重點係唔使等好耐就有得食！侍應好有禮貌。

因為要睇演唱會, 所以求期搵野食完走人. 同朋友逛完一陣, 就這間吧. 見有當日演唱會門券有優惠, 又有SET,價錢都係幾十元, 便坐下.MENU 有拉麵, 飯, 涼麵選擇.揀左豬軟骨拉麵及珍珠奶茶, 開頭以為MENU 寫細杯以為真係好細杯那種, 但實物都不小. 奶茶都好有茶味, 珍珠亦唔太軟, 有咬口, GOOD. 個豬軟骨都好入味, 仲有三大件, 好抵食.

作為POLYU學生, 用膳之選不是學校的CAN 就是尖沙咀或者都會!都會必吃之店! 御麵坊!讀左快3年, 每一次吃完之後都會好滿足。TIPS:12點前入座必有位,12點15分就可能會FULL左一半,12點30後, 一定要等位!!!!!!我同同學仔一人叫左一個LUNCH SET,一碗麵加飲品。我倆都叫左珍珠奶茶!夠晒茶味架!!!!!!!1. 豆腐丸拉麵(豬骨湯底)(5分為滿分)賣相:3分 (食材擺放整齊!)拉麵彈牙度:3分 (拉麵的回彈度一般)食材合拍度:4分 (叫得拉麵都會有海苔, 粟米, 鳴門卷,佢仲有牙菜TIM 豆腐丸都是現成的, 味道還可以!)湯底:4分 (喜歡吃淡淡的/原味都會選這個湯底, 不過我每一次都會叫沙爹)這個是我同學仔OREDR的!2. 滷水雞亦拼豆腐拉麵(沙爹湯底)(5分為滿分)賣相:3分 (食材擺放整齊!)拉麵彈牙度:3分 (拉麵的回彈度一般)食材合拍度:4分 (叫得拉麵都會有海苔, 粟米, 鳴門卷,佢仲有牙菜TIM !)滷水雞亦: 4分 (滷水味濃, 仲食到陣陣八角味!)湯底:4分 (佢的沙爹同我地平時食開的花生醬係有D唔同架!不過依然夠濃咁香! 仲有D辣, 我

睇CONCERT前揾食店食DINNER，見呢間食店好多人幫襯，但仲有位可以唔使等，就不妨試一試。一行四人，叫咗四個HKD58自由配晚餐。1）醬汁豬軟骨湯拉麵+炭燒雞肉串（2串）+熱蜂蜜綠茶；2）醬汁豬軟骨湯拉麵+味付螺肉雜錦+凍柑桔檸檬；3）蒜味醬汁豬扒湯拉麵+炭燒雞肉串（2串）+凍珍珠奶茶；4）香菇野菜湯拉麵+日式炸餃子（2只）+凍蜂蜜綠茶；整體食物味道OK，但我覺得所有嘢都唔夠熱，小食不至於凍，只是微温，拉麵的湯就只算係暖，同埋煮得唔夠淋。總括嚟講，喺呢個商場以呢個價錢食晚飯算係便宜（當然不能同FOOD COURT相比）。加上份量好足夠，都食得好飽。職員服務態度都好好。由於我哋係放工過來食DINNER之後入場睇SHOW，呢間食店出餐的時間非常快，呢個係優勝之處。