復興香港仔魚蛋王

营业中

休息中

雙丸粗麵（魚蛋、牛丸）（$40）黎到街市既粉麵檔冇預期過會有幾好食、只求味道正常，但呢碗麵真係唔好食：個湯勁鹹、個麵煮得太硬，個份量非常少（如圖所見）、魚蛋一啲唔彈牙，個口感仲要係「梅」既，從來未食過咁難食既魚蛋。成碗麵最正常係啲牛丸，至少有啲彈牙，調味都正常，有啲黑椒味。全店最好食應該係枱頭既蒜蓉辣椒醬，辣得黎帶甜、又有蒜頭香味。最差既係呢度既服務安排，明明間店大把空位，係都要安排人搭枱。整體黎講係非常差既一次用餐體驗，絕對明白點解繁忙時間，都未滿座

位於蝴蝶邨街市的角落位置,雖然內裏環境很嘈,個個講嘢都超大聲. 但是這裏的牛腩非常高質素,彈牙肉嫩有牛味.每次嚟呢度除咗要帶住耳機,我都會叫瘦腩伊走湯多汁,姐姐都會樂意照單落唔會覺得麻煩,走湯多汁即是將清湯用汁代替,如果個汁冇料到我是唔會這樣做的.自細周圍食牛腩,就算食九記都唔覺得好正,只是周圍沒有更好,因為響肉質和湯底上可以更好. 走湯多汁這個改良令到原本未及九記的突然超越了他們,唯獨沒有九記的清湯底藥材味,但這裏的濃郁就已經值回票價.牛肉的質地軟滑過九記很多,冇乜柴皮嘅感覺,湯底即是我揀選的牛腩汁非常濃郁,唔理佢有幾高嘌呤,總之好味.配彈牙的伊麵一流.備註:其他的分店我未試過如果餐廳的負責人看到,請保持你們的初心不要改變,讓食客繼續品嚐你們的優越牛腩質素.

星期日，去左呢間食。大約1點，裹面坐左9成人，都好旺。我就叫左佢個魚蛋河，魚蛋應該係最出名，再加個炸魚皮。魚蛋食落去有魚味，雖然冇墨丸咁爽，但如果鍾意食魚既你，你會覺得都好好食，炸魚皮好脆同份量都唔少，真係食得過。真係值得推薦

香港地出去食個飯閒閒地4-50蚊💸呢度29蚊有大大碗足料港式粉麵仲有咩好挑剔💁🏻‍♀️牛腩大大件炆得好淋好入味 湯底係清湯 小編鐘意加埋辣椒油🤤🤤下次再試下食出名嘅魚蛋😆

自從蝴蝶街市翻身，乾淨左同多左食店，唔駛下下食連鎖快餐店，對街坊黎講真係好事。以前食牛腩河就一定幫襯大牌檔，可惜已經冇左呢支歌仔唱，換來嘅係復興香港仔魚蛋，有時唔想食飯都會幫襯下佢買返公司食。愛牛如命嘅我必然食牛腩河，今日好好胃口再加多個炸魚皮，可惜我叫左多青但同事叫錯左走青......先講包裝，係用「另上」方式分隔餸同麵，先用一個比較高身嘅紙碗，內有一個膠隔用黎分隔餸同粉麵，以免粉麵浸得太耐會發脹同變淋，對保持品質係絕對有幫助。但本人係非常憎呢種包裝，一來唔環保（外賣唔自備餐盒仲學咩人講環保👊🏻），二來個隔係好薄、好fit位，如果只拎起一邊，另一邊就會即係跌落個碗度，如果兩隻手一齊拎起個隔就會整到對手油淋淋，我叫得外賣就係想快啫，你仲要我搞貢多野先食得，係咪玩野？所以平時我會叫佢走隔，但今次係同事幫我買，唔記得提佢，冇計，而炸魚皮係預先用膠袋包裝好一份份，亦冇得走膠袋。好喇，一打開會見到一堆比較乾身嘅牛腩同就黎變返做麵餅嘅河粉，要立刻倒返落碗湯度搶救。唔知係碗太大、湯太多定真係粉麵份量太少啦，好似好難先撩到粉麵，而河粉較幼，同埋比較碎，尚算滑身。而牛腩係偏瘦，肉質較散，牛味唔太突出，

今日同爸爸一齊去買餸， 因為食下午茶嘅原因我哋就諗住去食魚蛋粉 ，點知原來呢度嘅下午茶係冇魚蛋粉嘅只有西餐或者上餐 。最後我同爸爸一齊都食咗一個焗豬扒飯配一個飲品，每人33蚊價錢嚟講都算幾抵食。 大約十分鐘左右嘢食同嘢飲就到啦， 飲品帶咗檸檬茶，茶味都算龍檸檬都幾酸味道唔錯 ，焗豬扒飯都幾熱身，但係飯太濕，而且唔算好多蛋，就比較一般 。幸好番茄汁味道唔咸， 再加上豬扒都份量都有三片都算幾多，芝士偏少，整體嚟講都唔算唔好食有驚喜。

哩間粉麵鋪開左一段時間都未去過，襯依排放假一於去試一試先！佢位置都好易搵，只係蝴蝶村街市的一角街市入面黎講環境都算唔差，坐得算舒服，地下都好乾淨唔會話好污穢，坐位都算多，除左粉麵之外可以食港式西餐價錢都好街坊價早餐都幾抵食，$28一碗單拼，雙拼就+$6，我地就選擇單拼，另外每杯+$2加熱飲哩碗牛腩都算多而且唔un又入味我就叫左碗牛雜河，牛雜每樣都有2-4舊，全部都好入味同唔會話好un河粉唔會好散好淋

午飯來此街市搵食，無錯，此舖在街市內的店舖，附近只是燒味舖，都叫整潔乾淨。叫去碟牛腩撈麵，炸魚片角，再多杯咖啡。牛腩好淋，又夠香，讚！麵就梘水，梘水，梘水！究竟係大家歡喜梘水味吖，定係我唔鍾愛梘水味呢！結果加咗大量醋。炸魚角係重點推介，不過只係普通貨。反而杯咖啡有點驚喜。

今日一家三口又去試新嘢, 就係食魚蛋粉. 講真碼頭區真係無咩食魚蛋粉嘅食店, 見到新開, 當然要試下啦!呢度除咗有潮州粉麵外, 仲有西式早餐/常餐, 但呢間店標榜魚蛋出名嘅, 梗係食魚蛋粉啦!呢度單拼粉麵都係$28.00,   冷熱飲品+$6.00 油菜+$8.00 炸魚皮+$8.00  價錢大眾化牛三寶米粉 $36.00-- 牛三寶即牛腩/牛筋/牛肚 , 牛腩夠林唔痴牙, 牛筋有咬口又唔會過林, 牛肚夠入味, 如果林多一點會更好.魚蛋米粉 (加腩汁) $28.00--有齊魚蛋/魚片/扭花魚片, 米粉係銀絲幼米粉, 魚蛋彈牙有鮮味 掂!鴛鴦魚片河粉 $28.00--鴛鴦魚片即炸魚片+扭花魚片,  河粉唔會煮得太林, 魚片爽口,另加一碟炸魚皮--薄身又夠脆 以加$8.00嚟講, 份量都算多.一杯凍檸茶--OK啦埋單$106.00

同老婆下午茶時間黎到食間新開粉麵鋪食野.因為係碼頭附近食粉麵確實不多.加上新開.所以要黎試下.地方都算乾淨.係街市入面既食市.我覺得好吾錯.我叫左腩吞河.老婆叫左三寶米.牛腩爽口.吾會太淋.雲吞正常size.味道幾好.河粉都吾會煮到過淋.(出面有d會煮到爛曬).兩碗麵加一杯凍飲.七十幾蚊.價錢ok.