影片
以上资料只供参考，请与餐厅确认详情
食记 (106)
今晚喺元朗试咗一间以德国菜为主打嘅餐厅，食物质素高，而且价钱合理，性价比高。食德国菜第一样嘢谂到就梗系脆皮猪手啦，所以我哋都叫咗一份，份猪手嘅size比想像之中多，猪手嘅皮好脆，而佢嘅肉质都唔错，当然比较瘦嘅部位会有少少韧啦，不过系正常嘅。呢个系黑毛猪猪肋条，系老板娘推介嘅，真系冇介绍错，猪肉味香，切成一条条咁样个咬口几好，而且煮得好香，真系有激喜嘅一味𩠌菜。去德国餐厅梗系要饮返德国啤酒啦，呢只德国麦啤味道唔错，而且价钱合理，都几易入口。
继续阅读
德国脆皮猪手配德国麦啤似乎都真系冇得输。呢一间德国餐厅嘅猪手做得唔错，外皮真系脆而唔会韧，咬落去short short声，另外猪手嘅肉会唔会好咸又唔会好韧，猪手嘅size都算大只，份量足。虽然多肉，不过饮住啤酒黎食就唔会觉得好滞，而且亦有配德国酸椰菜丝，有助帮助肠胃消一消滞，佢用嘅芥辣只系普通芥辣，如果有埋德国𠮶只甜芥辣应该会更加正。至于杯啤酒系几正嘅，够冰冻，连只杯都冻，好香小麦味，又无若苦涩味，正。
继续阅读
去德国餐厅食嘢点可以唔饮嚟自德国嘅啤酒呢？坊间德国小麦啤嘅选择比较少，而且一般嘅啤酒都系以Lager为主，其实麦啤味道都几好㗎，就好似呢间餐厅嘅呢个牌子咁样，麦味香，冇苦涩味，易入口，清香得来带少少蜜糖嘅香味，其实以五十几蚊一杯嚟讲都可以话系物超所值，呢杯系500毫升黎嘅。饮得德国麦啤就梗系要配德国传统食品啦，不过因为得我自己一个，食唔到德国猪手，所以就拣咗呢一个德国香肠拼盘。拼盘有一条德国卷肠仲有慕尼黑白肠，再加多一条辣辣地嘅德国香肠，其实一个人要食晒佢都有少少勉强，好彩有啲酸椰菜等到食嘅时候冇咁滞。
继续阅读
今天元朗工作试咗一间性价比高嘅西餐厅，食物质素唔错，而且坐得几舒服。佢呢度嘅set lunch都有好多选择可以拣，我就拣咗红酒烩牛尾，牛尾嘅份量比想像之中多，而且肉嘅部份亦都算多，唔会一味得牛尾嘅骨冇牛尾肉食，佢个牛尾炆得好入味，而且啲肉质都比较嫩，好食。就咁睇落去呢个餐要$85好似价钱偏高，但系除咗主菜之外，佢仲有餐汤同埋餐包，餐包仲要系多士，脆卜卜好正，今日个餐汤系南瓜汤，味道唔错。 个餐仲连埋一杯餐饮，我就叫咗热咖啡。
继续阅读
德国香肠拼盘配上一杯冰冻德国麦啤真系冇得输，啲德国肠有五六款畀你拣，可以拣三条，我就拣咗辣肉肠、香草猪肉肠同埋猪肉蛇形卷肠(又称蜗牛肠)，d香肠质素高，唔系求其比d,香肠比你就话系德国香肠，三条之中我最喜欢猪肉蛇形卷肠。呢个牌子嘅德国麦啤外间少见，味道几好，佢浓味得黎又唔苦，几易入口，而且佢嘅小麦味都几出色。食德国菜又点少得德国猪手呢？呢度个猪手味道唔错，块皮够香脆，猪手肉唔会好干，而且都几大只。
继续阅读