德家振華會.個室.日式放題 (已結業)

這是一間樓上鋪，lunch 期間跟隨同事上去，裝修好怪，像私人會所，間許多間房，不似日本餐廳，奇怪是等極都不見待應來，要行出去找人或按鐘，感覺似去咗K啦ok房同麻將房。始終食物最重要，不過質素好一般，我叫了壽司拼盤加鳥冬，壽司飯又凍又硬，刺身極不新鮮，好難食，而烏冬太淋，總之沒有味道可言。價錢是抵，但我不會再來多次！

Yahoo購買團購成人星期日$148+服務費$42，長者$138+$13.8，價錢中等，早一天才打電話訂坐都有位，喺Isquare旁邊的舊式大廈內，裝修非常簡單，但好乾淨，坐位與坐位寬濶，坐得舒服，而且我看見有很多獨立房。十個讚不會漏單，快速上枱，服務好好，可能因為客人也不多！因為太肚餓，沒有時間影相，只有一張刺身相，刺身新鮮，三文魚勁厚切正，蝦非常大，吞拿魚好味，其他都無問題，絕對是你寫多少件就來多少件，good!其他食物都ok,唯獨係天婦羅特別難食，可能跟用嘅油有關系！還有券物不好吃，因為舊飯唔好食！雪糕係雀巢，如果係名牌會更好！此餐食得很滿足！

見呢間野有做團購，佢寫話任食北海道帶子，於是決定去試下。團購價$138，另收取服務費每位 $42，一共 $180。$180都唔係問題，問題在於，比價性極低。兩個字可以形容－－中伏！ 希靈魚：走左單，冇黎過 吞拿鱼：唔新鮮 三文魚：極唔新鮮，難以入口 ８吋珍寶甜蝦：其實隻蝦本身唔差嫁...如果可以挑左果條６吋長的蝦腸的話，感覺會冇咁噁心（另外２吋係蝦頭和蝦尾） 翡翠螺：OK，冇沙 白玉豚：算新鮮 北海道帶子：新鮮，個人猜測店方對帶子的單位以"片"計算，上圖中有１０件帶子，一隻帶子可以扁到５片，我好想同師父講：『師父，好刀功！』 鮑片：正常，鮑片呢家野好難整得難食 柚子魚生沙律：柚子沙律本身冇咩問題，但配上唔新鮮的三文魚，變得難以入口 豆腐魚奶湯：好淡的味精湯 和風煮牛舌：醬枓味不夠濃，牛舌淡而無味 帆立貝：OK 黑椒牛舌中心：牛舌夠厚身，配以黑椒提味，OK 金菠蘿：燒得唔夠，酸到震.....。﹏。︴︴ 日本蕃薯仔：食得出用水煮過，先拎去燒，因為外皮仲有水氣，很濕，而且蕃薯味流失。北海燒廣島蠔：放題有原隻燒蠔，實為少見，味道都OK，只係醬汁比較水。 鹽燒雞軟骨

之前知道這間是有做團購，但今次是睇完食評後親自walk-in去試，早2小時打去訂位，去到即有，正，以前振華會已知大約格局，以上網友亦提過，柯打後好快送到，幾好，有幾樣嘢要讚:1. 各様刺身都好新鮮，厚切三文魚肥美，甜蝦好大隻，2. 汽水夠凍茶夠熱，3. 冇乜漏單，4. 其他及熱葷等等....就....5. 打破我食放題最短時間埋單紀錄，最火就是見上面食評話有鵝肝，我才走去試，點知坐低落柯打時，揾極都冇，原來佢話鵝肝已改由芒果代替，當堂眼都突埋，鵝肝同芒果是兩回事，不過也冇乜所謂了，肯定起碼3年內都吾會再來，多謝上面之食評推介，多謝各位收看。

見到團購咁平，就買返黎同媽媽試下啦訂位個時唔知係我電話接收得唔好呀，定係個服務生講野有問題，講野一199，完全聽唔到佢講咩不過都可能順利訂位個大廈位置其實有d古怪，附近好多係做色情按摩既招牌上到去比佢既裝修呆左一陣太空擴而且真係好似酒樓，用黎打牌個d房食物唔錯，魚生個d都夠鮮既，唯獨是唔中意甜蝦，我個日真係食到小小怪味個鵝肝壽司真係好好味，可惜佢地d飯捏得太散，真係一夾就散。串燒之中所以野都不過不失，唔差。係沙律既賣相略為差左但大部份都唔錯幾好食，總之款式多,  會再encore，3個鍾真係對兩個女人黎講太多哈哈哈。 

用左149蚊買團購，去到再加39蚊每位盛惠188蚊，就咁睇個價錢唔貴，仲係尖沙咀區，德家地點方便，裝修就好普通，一D都唔似食日本放題，不過食物就物有所值！如果like坐獨立房依度可以滿足到你。食放題唔洗講第一緊係點刺生啦!D甜蝦，帶子，油甘魚都好新鮮就係最普通[]既三文魚居然唔得喎！壽司飯細細舊唔會食兩舊就飽晒依度有鵝肝壽司好好味架！鵝肝煎得好香，剛剛熟唔會有血腥味！串燒之中我覺得牛利最好味！因為入味又有肉汁又夠淋。燒鯖魚都係絕對不能錯過[]既，因為一D都唔腥。炸物，都係一般[]既蝦，南瓜等等喇！炸芝士年糕都唔錯，不過不能多食會好快飽。焗蠔就唔得喇！蠔細到食唔到好似凈係食汁咁！肥牛鍋，D肥牛真係好肥，肥過頭Law！D菜索左D油同肉汁就好好味！蟹粥，有味噌味[]既就要睇吓你like唔like喇！三文魚頭湯，因為唔夠熱所以有D腥。汽水有多款選擇任飲，以188蚊黎講算ok！

今天原本唸住同老婆食放題，星期五關係附近的都Full晒同要Call Waiting，所以就試下理一間。一出電梯轉個彎時，重以為去錯(原來又唔係)，因為個裝修突然令我唸起去左麻雀房。由樓下帶位到其他人都有禮貌。食物款式唔算多，但食物質素可以接受、點完菜都唔會等好耐。我覺得我間房坐位方面都算闊落，等於一間麻雀房坐兩台。果然係叫(個室)，適合一大班人，我見其他房入面多數都係一家人或者朋友同事食飯，但因為係房入面所以唔會太嘈!

自從七月中寫過一篇圍購放題後,一直無閒再寫,其實已吃了多間,但敗多過好,更不想寫!!!!前兩天,陪食友人因食癮發作,叫我找食館開飯,我見港島區己吃到八八九九,决心回老尖開戰,起初找了寶勒巷一帶,但翻查資料發現多間剛開始團購,怕了上次不快的經驗,展轉找到德家振華會.個室.日式放題 TOKUYA KOSHITSU HOUDAI 它新開而團購差不多完結,希望吃到原有水準!!今早十二時打去訂晚上七時半二人有枱,到了七時和友人己到了大厦門口,門面並不起眼,但有一種十多年前佐敦道舊式寫字樓感覺!!!乘電梯上三字一出電梯看見有走火樓梯安心一點, 由於訂枱時間早了三十分鍾經摟面認可也walk in進場,大堂約有廿人坐位非常輕鬆舒服,另外有多間由二人至廿人房間可作進餐!!!但裝修己會所形式十分簡潔一點不像日本菜館二人坐下拿起點菜單時,二人同說了一句歲月催人老一個字都看不清(用了8pt 秀麗斜体字看死人咩,改改它) 幸好科技發達,先自行解決!!!入了單後五分鐘菜開始到(數快) 先來一盆刺身,新鮮解凍剛好有魚香甜味,但鮪差一點肥再來燒生蠔味度好好還有燒秋刀青魚都ok 但其他燒物用了港式燒汁失色,最差是

睇雜誌介紹這間新開的日式放題, 見個舖名幾特別, 而且當知道是德X集團開設, 於是乎就去試一試.整體上食物質素唔錯, 無乜邊樣野唔好食, 唯獨是羊扒較為麻麻, 無再encore, 服務態度一流, 上菜快, 收碟快, 很有效率及禮貌.講返食物方面, 有樣食物非常特別, 從未係放題試過, 就係"腐皮雞搥", 初頭以為是腐皮包著雞搥, 原來是用腐皮沿著雪條棍卷成一隻雞搥狀, 有創意之餘咪道很好, 如果喜歡食腐皮人士一定要試.另外, 火炙三文魚真係好好食, 一咬D 魚油咇出黎, 真係好正... 蝦天婦羅--個炸粉比較厚, 無咁好食燒雞翼--好食, 燒得好乾身牛舌--唔錯蠔--朋友話好味清酒煮蜆--好多好大隻, 唔錯手卷--紫菜好脆, 仲有海膽手卷添壽司--有鵝肝壽司, 唔差呀總之款式多, 大部份都好味, 會再encore 的