德發粥品專家

营业中

休息中

呢間咁多年都咁好生意 仲要開7x24夠哂方便👍🏻我地夜媽媽過去幫襯，啲炸両、牛脷酥都仲脆身（咁當然一定同剛炸起有別啦😅😅）除咗野食水準keep 到之外，仲keep 到香港地道風味、人情味 同 舊式果種味道💛💛

舊式的粥品鋪賣少見少，想吃一碗粥的話也不是那麼容易，而那種獨特的裝潢🔩、文化大多只能在老區看到這天心血來潮，想吃一下老店滋味，就來到這間已經屹立🚩荃灣30年的舊粥店品嚐皮蛋碎牛粥 $18炸兩 $10想來一碗碎牛粥，單拼雙拼也是同價💰，就決定加點💁🏻‍♀️皮蛋變成皮蛋碎牛粥粥底綿密，🍚白米香還是有一點配料非常充足，無論🐂牛肉跟皮蛋的份量也是非常多，調味和質量也不錯，每一口👄都吃到兩種材料不要少看這一碗，吃到底還是會填飽肚子，又不會因味精而感到口渴💦來到舊粥店，吃炸兩是必須的😌由於客人流量多，炸兩每隔一段短時間⏰就會製作，不過就要看你有多幸運🍀吃到最新鮮的炸兩腸粉皮質感嫩滑還帶點米香，裹著外脆內軟的油炸鬼，最重點🌟是唧上麻醬跟甜醬，和灑上靈魂👻食材：芝麻調味，🥢脆口的油炸鬼配上新鮮即拉的腸粉～ 好吃😍店家經歷三代，見證荃灣這三十年來的變遷⚙️但無論時代怎變，這店都好像停留在一個舊時代一樣，價錢也沒有太大的改變💁🏻‍♀️ 不用花費太多就能吃飽，實屬糧尾恩物😌而且這店是24小時營業🈺️，上班💼上學🎒也好，夜晚想吃宵夜也好，無論何時來到也可以用餐～

有時候想吃得清淡啲就會嚟依度食粥以我所知舖頭都已經經營左好多年了！基本上每次我都係食生滾魚腩粥～味道唔錯，粥好綿！魚腩份量都多～炒米粉比較乾身，配料只有幾條蘿蔔絲～冇咩味！

早幾日去開荃灣呢頭突然想食豬潤😅知道呢度有間開24小時既老字號粥店就行過黎試下😂因為唔太餓所以淨係叫左個及弟粥 ($27)及弟粥有五款配料，豬肉片，豬肉丸，豬潤，豬粉腸同埋豬肚，每樣都有兩件，好足料👍豬肉片同豬潤都係偏厚身，豬肉肉質好滑，豬潤爽口唔腥，出色！👏😋豬肉丸就比較鬆散，唔算彈牙，比較普通豬肚一件係深色爽口啲，一件係淺色韌啲，不過都明白好難會俾到全部都係深色爽口既，所以ok啦😬豬粉腸洗得都幾乾淨，但個人認為仲有輕微既腥臭味 (我本身對呢樣野都麻麻，所以試下一啖就放棄左🙈)粥底都算綿滑，但印象中之前食過呢度既即熟粥好似再綿啲😅 唔知係水準退步左丁丁定係生滾係無即熟咁綿架呢？！🤔不過呢度真心抵食，我呢個及弟粥有十件配料先$27，艇仔粥唔知$16定$18，性價比的確係幾高既👍(可惜食完口渴左幾粒鐘🙈🙈 我諗未必會再黎🙈🙈)

呢間粥店堪稱係我食過最好食嘅粥鋪👍早幾日訓唔著勁早醒左，未夠朝早六點半已經黎到，叫咗個皮蛋瘦肉粥同炸兩～粥底勁綿滑！材料豐富👍由第一啖食到最後嗰啖都係滿滿嘅皮蛋同瘦肉，調味剛好唔會太鹹亦唔覺得有味精，性價比超高！👏👏平時我未必食得曬一碗粥因為食到最後總會覺得成肚水，但係呢度唔會，係會好食到食得曬🙊炸兩係預先整好所以好快黎到，炸兩唔脆，腸粉唔滑，真心麻麻地😅 (不過如果唔係太高要求$10算係咁)食過呢間之後我諗以後我對其他粥都未必睇得上眼😂😂

發現自己文筆愈來愈唔通順，想慢慢寫返多啲野，見橫掂自己又鍾意食，就由食評入手啦！第一篇食評就係呢間粥店，聽聞係良心店所以有日經開就黎試下。坐低發現食品數量都唔少，除左粥品炒麵腸粉果啲仲有魚蛋燒賣食。價錢亦都非常便宜。呢碗及第粥好足料，每樣食材都有成三四件，食完唔怕口乾應該無落味精，唔錯唔錯呢碗及第粥好足料，每樣食材都有成三四件，食完唔怕口乾應該無落味精，唔錯唔錯我地一行兩人食左呢四樣野已經好飽，真係好抵食，係糧尾之選

之前經過呢間粥店已經覺得好懷舊好熱鬧好抵食，早兩日出左荃灣又想食清啲就諗起呢間粥舖～我叫左個艇仔粥走青（＄１６）加即蒸香蔥蝦米炸兩（＄２２）好欣賞呢度既粥底！👍 綿得黎食到少少米粒，幾香米味，而且完全零味精味👍👍十幾蚊既艇仔粥黎講都幾足料，有魷魚，豬皮，碎牛同花生，魷魚唔ＵＮ，豬皮乾淨，碎牛正常，花生香脆，幾滿意！👏因為我好憎食唔脆既炸兩，所以唔敢搏叫普通炸兩（＄１０）而叫左個即蒸既～我見即蒸普通炸兩都要＄２０，就決定俾多＄２試個特別D既即蒸香蔥蝦米版～即蒸等左大約５分鐘，不過一黎到已經覺得就唔係好見到蔥花，蝦米份量都偏少～食落去炸兩唔夠脆，腸粉皮唔算滑亦唔夠薄，專登俾＄２２去試既呢個炸兩令我有D失望。。。唔太值～其實呢度都幾多選擇，有糖水，魚蛋燒賣，缽仔糕等等，仲有粥店比較少見到貌似幾吸引既炒河同炒油麵（通常都係得炒米同炒麵揀）整體黎講性價比都算高，下次再黎既話粥一定係首選！👍👍

嗰日唔知發生咩事腦細叫咗勁多餸，佢好似係食艇仔粥，我就叫炒米粉，另外再加咗炸兩、牛利蘇、油炸鬼同蒸蘿蔔糕🤰🏻每樣嘢份量都極多，搞手蝕住做咁，月尾絕對可以嚟幫襯🍲🍲艇仔粥 $15🍜炒米粉 $9🥖油炸鬼 $7🥐牛利蘇 $7🥖炸兩 $9🥕蘿蔔糕 $9

💬：⁣⁣⁣⁣ 依間係荃灣既粥店絕對係老字號，而且仲係24小時營業，岩哂宵夜去買碗粥！⁣⁣▫️皮蛋瘦肉粥($19)⁣⁣⁣⁣粥底非常綿，味道岩岩好，唔會好淡亦唔會太咸，不過入面既料就唔算多，但甘既價錢其實質素都叫唔錯！⁣⁣▫️炸兩 ($10)⁣勁抵食！大大份都係十蚊，一定要嗌！⁣

今日收工行過得華公園見到呢間粥舖好多人所以就走左入去試下。入到去d職員都好似打仗錦去應付d客。幾經辛苦先搵到位。我叫左碗雞粥同炸兩。炸兩入面嘅油炸鬼仲係脆嘅雞粥d雞鮮嫩，錦嘅組合都係47，抵食

話說平均每星期都一定會幫襯，次次嗌嘅野都一樣，但價錢就成日唔同。諗住唔係咩錢都冇叫佢對價錢，但每次d阿姐都叫人零頭換燒賣，一蚊一粒，尾數8蚊又叫人加2粒，1蚊尾數又叫人加9粒。每次都問每次都拒絕又俾佢黑面係咩玩法😥平時d態度都唔係好架喇，成日唔理面前排隊嘅人，俾d欄杆外大嗌嘅人打尖兼做後來嘅單先。今晚仲衰，學人寫飛仔落單，先收錢話後找續，唔明點解唔可以即找。之後越嚟越多人你又要出餐又唔記得邊個打邊個咁點找錢先？最後咪同人地拗囉我仲慘，飛仔就45，出餐嗰時就出晒後面嗰d，出到5x都冇我份。諗住可能人地單少食物d就唔催啦，點知最後一問，竟然話整緊？我都係兩粥一炸両一小食啫，即係點？乖乖排隊就唔值得認真對待嘅？即係以後靠打尖靠嗌就得？P.S. 仲未計冇俾匙羹冇走青嗰d，唉

德發粥店24小時營業 而且有30年歷史!!足料又抵食 $30有找 仲好有良心 宜家凍冰冰食碗熱辣辣嘅粥真係好滿足🥰.👉🏻皮蛋瘦肉粥($18)粥底綿密 上枱嗰陣仲係熱辣辣配料份量都好足夠 調味適中食到接近碗底 都仲有皮蛋瘦肉🤤👉🏻炸兩($10)炸兩食落幾香口 腸粉皮質感嫩滑内裏偏鬆軟 如果脆番少少更加好但呢個價錢性價比係幾高！可以自己加芝麻 甜醬等等調味🤪—————德發粥品專家 (荃灣)荃灣四陂坊9B號地舖

晚上行經該店，見多人，諗住去試下啦。去到見個個都排緊隊，甘我就跟隊尾，前面有4-5人，之後，排到前面得1個客人時，又開始有人，點知，店面個2個人，原全無事我，系甘點新來的客人要什麼，有個客人還是站左欄杆後大叫，店務個2個都照做！甘排緊隊既我，點丫，好啦，個2個客都算，我以為大叫先可買啦，之後，我行去店務人員前面大叫，無應我，照問新來既客人！！！甘姐系點丫，之後，佢話無“癡飯”買！甘你講句“無”，好難咩，你忙，你手忙，個口都答到我姐！！！！超差！！！多人幫襯都吾系甘嫁

呢排天氣涼左,成日食茶記想轉下口味,所以就去下D傳統粥店食下!!想食碗熱辣辣既粥我揀左皮蛋粹牛粥, 炒麵, 炸両!!講真味道同巿面上粥鋪差唔多,出面有既呢度都有得食!!不過呢度價錢真係街坊良心價!!粥18蚊, 炒麵10蚊, 炸両10蚊!!TOTAL都係38蚊咋!!仲要飽到LUNCH都唔駛食,而且呢D老鋪又有人情味,D落單姐姐個個都好傾得整體黎講好抵食, 正!!

兩個人60蚊晚餐可以食到啲咩？一碗皮蛋瘦肉粥一碗皮蛋碎牛粥一個煎堆一條新鮮炸起牛脷酥一碟自己可以瘋狂落醬同芝麻嘅白布腸粉食到咁飽平均一個人都只不過係30蚊絕對係儲錢/糧尾人士嘅福音