德發粥品專家

营业中

休息中

呢一間粥舖啲嘢真係好抵食呀！皮蛋瘦肉粥+皮蛋碎牛粥+腸粉+煎堆+牛脷酥=60蚊😱而且味道好好😋最開心係腸粉啲醬係自己落，可以落勁多麻醬同芝麻👍🏻另外樓面叔叔嘅服務態度都好值得一讚😊

星期日晚喺荃灣搵食，難過登天，間間都大排長龍，於是把心一橫，走咗去食粥。德發係通宵營業嘅傳統粥店，雖然裝修老舊，但估唔到都幾注重衛生，溫度計搓手液一應俱全。一坐低，見到枱枱都有碟炸兩，就知係必食正品，再睇餐牌，一碟只賣十蚊😮，抵到冇朋友，即叫，另外再加碗艇仔粥。炸兩上枱，醬汁芝麻自己加，一啖入口，入面嘅油炸鬼熱辣辣脆卜卜，好新鮮，外面嘅腸粉雖然唔算好滑，但夠薄，配埋醬汁芝麻一齊食，非常滋味😋。至於碗艇仔粥，粥底夠綿，配料豐富（碎牛，土魷，豬皮，花生等），大大碗只賣十六蚊，又係抵到冇朋友😂。一路食，耳邊一路傳嚟阿姐喺砧板上面斬炸兩嘅聲音，一路冇停過，可想而知，炸兩有幾咁受歡迎，唔怪之得咁新鮮咁好食啦😁。

所謂老店，其實就係承傳與堅持，背後要有人守業開拓。因為要付出努力，所以才得以尊重。德發粥品至少已經第三代，由我細細個見老闆娘掌舵，到後來嘅大少，到而家見到個孫出嚟幫手。幾代人服務附近街坊、鄰近醫院病友、連我自己病都一定過嚟買粥，食完真係覺得好啲喎！😅 咁多年價格加幅唔多，比坊間連鎖粥店平好多！店內由幾蚊一碟嘅腸粉、各式油器、糕點、粥品、炒粉麵、鹹肉糉都係自家製作，誠意滿分！今日等我介紹一下幾款必食推介炸兩（$10）油炸鬼同腸粉都係自家出品，因為銷量高，流量多又快，幾乎係即叫即做，所以每碟炸兩都皮嫰餡脆，香到不得了！而且每碟炸兩分量足，但只賣良心價$10，邊度搵？鹹肉糉（$16）我個人鍾意多綠豆嘅鹹肉糉，冇咁滯。店內嘅鹹肉糉質感結實，綠豆超多，仲有肥豬肉同蛋黃，咁足料都只係$16，抵抵抵！艇仔粥（$16） 店內嘅粥品種類越來越多，仲久唔久就出新粥品，好似海鮮粥、粟米粥、菜乾粥之類。粥底好綿但又食到米粒，好有質感。艇仔粥有牛肉碎、豬皮、水魷、魚蛋片、花生。材料足，味道好，係我嘅必點之一。另一推介係牛肉粥（碎牛），皮蛋鹹瘦肉粥。店內阿姐雖然大大聲，但效率奇高，一般粥品，叫完30秒內就到你枱面

中秋佳節相信大家都食左不少好西 吾少月餅🥮😆 係時候解下膩 清清腸胃 哩間粥店我由細食到大 即使搬左屋 食過好多其他粥鋪 都依然鐘情於佢！對我黎講各項小品都不錯😆又扺食 皮蛋碎牛粥 💰18幾乎次次食粥都揀佢😂 平淡奢華😆佢既粥好夠熱 又吾會太咸 食完吾會覺得好重味精好頸渴 我習慣落啲胡椒粉 簡簡單單都可以好滿足 😊蔥花蝦米腸 💰18 一上枱好香 賣相又好靚 份量都吾少！ 你哋都要試下呀牛脷酥 💰8 好中意牛脷酥 甜甜地❤️不過如果再熱啲 脆啲就好了🥺咸肉粽 $16 我表示我屬於砂糖派 🧂有冇人同我一樣😆💁🏻‍♀️佢既粽texture 幾好架 不過餡料少左啲啲 多啲 豐富啲 就好了🤭CP: 👍🏻👍🏻👍🏻👍🏻👍🏻😋:👍🏻👍🏻👍🏻👍🏻回購: 👍🏻👍🏻👍🏻👍🏻👍🏻

好吃又便宜！整個晚餐才$27 叉燒腸即叫即蒸， 十分嫩滑，醬油深色但又不會太甜。隱世突色小店，保留傳統風格。老闆善談，人情味濃郁。粥好香，也是即叫即煮，點餐至到餐時間只需5分鐘之內。好快手。帳單還是人手伙記寫。枱上有 花生醬，甜醬，辣醬，海鮮醬（貌似甜醬），放落炒麵入面好夾，芝麻樽都是用完的膠樽做出來，十分環保！快子也是自助型式。因疫情仲未過，店鋪都有實施量度體溫才可進店，讓食客放心用餐，還標籤（自己用過紙巾，自己帶走）語句。可見店舖有衛生意識。

我由細細個就同屋企人開始上閣樓食，食到而家～好彩佢係黃🤪 價錢抵、份量足、味道好、開24小時、最重要係黃，夫復何求😫🍚 皮蛋瘦肉/碎牛粥 $18 我每次的必點😙 皮蛋分量多好！仲要好多都係蛋黃，唔係皮🤤 瘦肉或者碎牛一樣唔吝嗇，食到最後都包你啖啖係餸😌 粥底味道唔會太鹹😙 題外話：點解皮蛋瘦肉叫<下火>🤨🍚 及第粥 $27呢個唔只好食，仲要係抵到爛😗 佢係分開粥底自己連餸再煮一碗，粥底味道會同其他粥唔同，我覺得清d😌 每碗及第粥有肉丸x2、肉片x2、豬潤x2、粉腸x2同豬肚x2～ 多到爆，個人最喜歡肉片🤤 🍝 炒麵/米/河/油麵 $10全部都不錯，我就成日嗌炒米的😌 本身份量已經唔少😂 外賣份量仲嚇人，見識過就明😂😂🥖 <— 有啲似油炸鬼😌 油器$8我平時都好夜先去，但佢哋嘅油器都唔會淋晒，有時仲會脆～ (講緊係凌晨時分)😱當然如果晏晝就會食到新鮮炸起，更正😙另外煎堆係我必叫嘅，外脆內軟，正😗🌯 腸粉 $8 炸兩 $10全部都不錯，我最喜歡係每枱都有芝麻、甜醬、麻醬、辣醬同豉油任你自己加，加到滿晒都得😙有時仲會飲豆漿🤤 呢間真係我食堂嚟，凌晨去見到有個2x歲嘅

德發粥品專家係一間有30年歷史嘅老派廣東粥舖，生滾粥、熟料粥、油器、糕點、糖水都有。呢一類傳統老店喺香港絕對有保留嘅價值，除咗足料高質夠懷舊之外，仲因為呢啲良心粥舖真係買少見少😤因為生滾粥要即刻煮啲料，所以一般都比叫熟料粥等得耐。德發嘅粥粥底好綿，無味精嘅，好香米味，仲要勁足料同好新鮮，除咗每碗都有花生同蔥粒，豬潤粥啲豬潤多到數唔到😂 而及第粥入面就有豬腰、豬潤、豬腸、肉丸等等。10蚊炸兩真係平到痴線⋯⋯炸兩即係用腸粉包住條油炸鬼，德發嘅油炸鬼係絕對正宗嘅，口感煙韌鬆軟🤩 佢哋用大豆油炸，用油量大所以成日都換油，唔會用千年油嘅，超抵讚。雖然包咗腸粉皮，但食得出入面條油炸鬼仲有啲啲脆嘅，唔會擺好耐擺到淋晒！食炸兩最緊要係啲混醬，同埋一定要多芝麻😆食嘅時候見唔少人買粉麵外賣，10蚊超大包！簡直係窮人同肥人嘅恩物🤣

傳統粥品小店裝橫📽 樓面唔算好大🥢1.5米限制實施更甚✋🏻 探熱搓手液都做足🌡食野過程見到人流絡澤不絕👩🏻‍🤝‍👨🏼 不論堂食外賣應該都係荃灣街坊落腳點之一🙈留意返堂食既每樣野都會當外賣+💰$1<炸腸 / 炸兩>好多食家都推薦呢度既炸兩😮腸粉皮少少厚身🤏🏻 油炸鬼偏腍🤏🏻 脆返就更美味😝佢地用既係淘大甜醬黎架😍仲可以落埋麻醬(不過稀稀地)同芝麻👍🏻<魚片瘦肉粥>熱辣辣又軟棉棉既既粥真係好好味😋瘦肉份量唔算好多🥣魚片食落好滑🐟 會有少少骨架🤏🏻🦴<咸肉糭>糯米好充足👍🏻 綠豆蓉會比較少～仲有一細舊蛋黃同一舊肥豬肉添😝不過豉油聚曬喺個碗底搞到糭底好鹹😣

如果大家住開荃灣一定都知道依間喺德華公園隔離好多年的粥舖，而每次經過依間粥舖出面都有街坊排隊叫緊嘢食！平時我食開炒米或者炒面，而今次我就叫咗艇仔粥同炸腸(兩)外賣！兩款嘢食都唔錯！艇仔粥的料比想像中多，起碼唔會無咩料先，食落味道都可以炸腸(兩)趁熱食就更加正啦！醬料可以自己落，所以大家可以按返自己的喜好揀啦！

位於荃灣德華公園對面嘅德發粥店，店舖轉角就有一間分店，大窩口又有一間。而荃灣果兩間無論天氣熱定凍都長期多人，近馬路果間門口成日會見到一條人龍等外賣，門口仲不時要加開檯俾人堂食🍽好誇張🙃佢餐牌雖然好複雜，但其實大部份都係傳統粥鋪嘅嘢，款式配搭會多啲。另外特別啲就係佢白粥可以分有冇味、又會有燒賣粉果賣。我多數會叫白粥，但今次見佢有蕃薯糖水就試下，好夠薑同蕃薯味，唔同其他糖水，夏天有時會唔供應，想試嘅話就趁冬天喇😉佢嘅炸兩都值得推介，味道其實冇乜可能有驚喜，因為間間都係咁做，但因為多人叫，基本上都係用炸起無耐嘅油炸鬼做，所以食時熱辣辣之餘油炸鬼仲會脆身👍🏻👍🏻另外，炒粉麵都係可以一試，同樣因為多人嗌，好快又refill一盤，較新鮮，同埋通常都夾好大碟，好抵食。一個人食嘅話，如果又想食炒米又想食炒麵，可以叫兩溝，咁就兩樣都試到😋

午餐選擇左係徳華公園對住既徳發食粥今次點左一碗艇仔粥，皮蛋豬紅粥同一碟炸两佢個粥底唔錯架，配料都唔會太少其實碗粥入面好多豬紅啦🤣另外真係要講下碟炸兩堂食超正，脆脆的😍又新鮮但我覺得外賣的話就差d喇可能佢都係新鮮整，但係會焗”淋”左d炸兩始終無咁好食

今天和朋友在荃灣逛街，肚餓了便想找間店吃東西 由於朋友病了便提議吃粥。碰巧看見這間粥店便進去了。這間外觀很舊很傳統，但可以看到有很多客人在裡面進食，我們上了樓上坐，裡面隔局有點像舊式唐樓，階磚也很舊式。拿了一張餐牌，上面有各式各樣的油器粥品，價錢相當實惠這裡，我們叫了一個狀元及第粥 肉丸粥和葱花雞蛋腸。狀元及粥裡面有豬粉腸，豬潤，肉丸等材料。粥底很綿很滑，豬潤很爽脆新鮮，肉丸也很彈牙，特別的是它的肉丸加了陳皮一起自製，但陳皮味並不重味，所以一些即使不喜歡陳皮味的人也能夠接受，肉丸很大粒，而且每款粥的配料都很足，沒有偷公減料。肉丸粥裡面有肉丸，脆花生，葱花，底部還有生菜絲，入口挺有層次感，肉丸也給得很多，而且又大粒。另一份是雞蛋腸，雞蛋腸有點像吃石磨腸，裡面包着雞蛋葱花，店家還很細心將腸粉切開一件件，上面淋滿甜醬油。不過個人覺得吃腸粉的話，可以叫他們不要幫你淋醬油，自己淋便可以，因為我覺得他們淋得太多了，而且他們加了很多油，吃的時候有點油膩。

艇仔粥，淨腸粉，牛脷酥，炒米粉食晒咁多都係四十三元真係在荃灣食粥沒有得輸，今晚食完做完運動見有點餓就叫了消夜和朋友分享，這裡收得勁夜，十點半都仲可以買到食物而且仲要都有不少人在這裡堂食。不過今次我就外賣，不用五分鐘食物就到手再拿回去吃。粥入面的料都幾多，粥都夠多米，幾綿不錯。淨腸粉不好吃，不軟熟而且好厚身，米粉份量十足，有少少料都可接受，配紅醬就最好味，如不落醬就沒有味道。牛脷酥都幾大舊少脆幾好味，份量都夠大個。

秋風起，一入夜太陽落山就感到好凍，最好就係買碗粥嚟食㗎啦，今日經過都見到有好多人喺度排隊買粥，咁我就買返一碗皮蛋瘦肉粥返屋企外賣食啦另外再加多一碟炸兩，完美晚餐再買多一個豬膶粥比老竇，夾埋都係$57

就在今天發生,叫了一碗碎牛粥同炸兩,身上紙巾剛好用完,去收銀機買兩包紙巾,跟著埋單，回頭一看什麼都沒有,無聲無息地,已俾一位阿姐清理妥當。重點. 她還駡我說: (以為不要,所以收拾)我沒跟她駡來駡去最後我只說我付了錢，冇得食 給你掉了，現在還俾你駡 是我不對)我說你完全正確,我錯了 ! 我要跟你道歉嗎?)結果， 她沒出聲 ，我也轉身走了!