德美壽司 (德民街)

营业中

休息中

打算去黃埔行下和你宵就揀返附近餐廳食lunch尼間日本餐廳算係較高級既日本料理🍣鋪既裝潢走傳統日式餐館風格🎏更設有以榻榻米既”和室”包廂而晚餐定價都偏高要黎就揀午市既時段壽司定食配牛肉細烏冬•壽司有 呑拿魚,鰤魚,帆立貝,三文魚&蝦另配茶碗蒸蛋，麵豉湯& 沙律個人覺得刺身唔夠新鮮肥美特別係三文魚，食到有dd雪藏既味道但壽司飯不會太糊，醋既份量都適中肥牛烏冬湯底幾清，味道不錯鰻魚飯定食•相比壽司，鰻魚飯好食得多鰻魚份量很大好厚好肥美，配埋濃濃既燒汁好好食啲魚油充滿整個口但又唔會膩啲飯一粒還一粒👍🏻

星期日，因為岀紅磡有野做，帶住小朋友就隨便喺附近搵野食，誤打誤撞入左呢間日本料理星期日午飯時間都坐無虛席，等左15分鐘左右先可以入坐叫左兩份午餐，同一客蟹籽沙律蟹籽沙律好足料，蟹柳絲都有好多，同青瓜絲比例幾乎對等。壽司定食配細牛肉烏冬 $89因為想比小朋友食烏冬所以叫呢個，壽司全手揑，材料算新鮮，有點小失望就係甜蛋變左蟹柳，可能賣晒？比小朋友食既牛肉烏冬，對於小朋友黎講略咸，牛肉軟滑唔會過熟安格斯牛扒定食 $128食左一半先記得影相，牛肉香口又夠冧，好好味！老公大讚跟餐仲有茶碗蒸及沙律，質素只屬一般，但茶碗蒸淡淡地，啱晒小朋友食

-----------------🎈德美海膽魚生飯 $172 四四方方嘅定食飯盒，有滿滿嘅菜、各種魚生同配料不過放埋一齊就有些少麻煩😟因為有啲配料我唔係好食，又撈咗落啲飯到😮搞到口感同味道變咗，感覺變得好啲差另外就係海膽嘅分量，um...可能有啲少喇🥴不過魚生算係好食，而且又厚身大件飯身都加咗啲日本豉油調味，不過不失吧🤘🎈安格斯牛扒定食 $128呢個安格斯牛扒用咗日式做法，再加上日本醬汁各款調味✨極之似日本和牛，雖然唔係日本雪花肥牛或者牛粒咁樣但一塊塊咁食都好正，味道，口感，加埋沙律醬，都讚👍唯一唔係太好可能就係賣相，同想像出嚟嘅感覺同味道，都有啲分別🤔🎈煎餃子(自家製) $48真係可以用皮簿餡靚嚟形容，煎過嘅餃子外皮必定係香脆架喇估唔到就係皮做到咁簿，輕輕一咬👄就已經食到餡料餡料係豬肉加菜🥟，但越簡單嘅野就睇得出基本功嘅，好食🎈芝士焗年榚 $58呢個小食我認為係最值得推介💥不過呢個芝士焗年榚就一定要襯熱食🔥因為熱食嘅時候，外層仲未開始變硬襯住外層仲係淋，口感絕對一流🤯年榚好煙韌，食嘅時候仲有芝士香味🧀;真係值得一試呀整體嚟講我都幾鍾意餐廳嘅裝修設計，尤其係主店嗰邊⛩，咁啱我嗰日就坐咗

眾所周知，德美壽司黃埔店特別受歡迎，個人認為因為本店是眾多分店之中質量保持最好的，所以趁平日有機會經過此區都必定過來只一只想吃日本料理的癮每次打開餐牌都有選擇困難症，選擇琳琅滿目，有熱食亦有壽司，任君選擇！這次比較餓所以點了份量較多的壽司10貫套餐，生魚片都非常新鮮，整體來說與印象中一樣良好，既飽肚，品質又有保證由於和同事們都想念這個沙律，所以單點了作為sharing dish!份量非常慷慨而且亦有足夠蟹肉、蟹柳絲

上次同男友食晚餐，覺得幾好食，今次經過，一於翻啅！午市真係好抵，全部都係hk$80-110到，我地1點幾已經好多人，要坐bar 枱。小妹有d唔舒服，所以叫左銀鱈魚，好滑，仲有兩大件！男友就叫左sushi set, 小妹試左帶子同三文魚腩，啖啖肉，好鬼新鮮。每個set仲送蒸蛋同沙律，cp 值好高！

今日要去紅磡做嘢同事話食日餐睇，吓睇吓就去呢間試吓。因為早去攞位所以唔係多人，餐牌多樣化有選擇困難就要睇多5分鐘啦！價錢都OK唔係鬼有魚生、壽司、熱食有烏冬牛肉鍋，天婦羅炸物等等任君選擇

是日到紅磡覓食 一行四人遇然諗起德美 就衝左去食餓底一坐底就點大量美食最發腐皮壽司 見到二十四蚊兩件本來有點肉赤 點解兩件腐皮壽司咁貴既望落無乜料到點知一放入口有驚喜登登！入面有入左雜菌架，多左種香味！正即時覺得抵返北寄貝壽司 初初攤開以為師傅錯手俾多左點知件件都無偷工減料海膽都係架牛油果軟殻蟹卷 停唔到口呀！點算簡單見功架，當然唔少得玉子燒啦❤️火喉岩岩好仲有清酒煮蜆值得一讚 好清甜呀湯都想飲埋海鮮炒烏冬 海鮮足料，甜甜地岩女士當然唔少得溫泉蛋天婦羅啦。用腐皮包住溫泉蛋炸！都幾考功夫！三字記之曰：無得頂！最後，野菜牛肉鍋！其實就無咩特別，但都唔錯口痕叫左支柚子檸檬酒，甜甜酸酸。好岩女仔口味。不妨一試朋友們都讚我好介紹不過暴好訂位，唔係有時要等好耐

走進日本風食店裏，雖然店員衣著不太跟上日本風但我會比較着重食物質素。另外我好中意佢既日本風餐具，簡單得又顯岀日本既”的色”。環境上我中意bar枱，但要提早預定~我認為多人食可以叫及嘗試不同類型食物，當然三文魚腩係每一次到仼何日本類型餐廳必食之選。夠哂肥同新鮮牛舌燒物我可以講適合小朋友老人家，燒得有肉汁外又唔會太”Un”三文魚頭有豐富營養可以吸收，足料份量👍賣相非常精緻味道亦剛剛好。最後叫咗海膽壽司🍣我可以形容新鮮！

紅磡日本料理餐廳唔算多(唔計拉麵店)之前食開和民 今次試一試德美啦估唔到要等位 不過唔洗等好耐舖位ok大 不過入面啲位較逼 枱較細 變咗食得冇咁舒服 好似趕住快啲食完一碟先有位放另一碟咁餐牌選擇繁多 睇到眼花瞭亂 完全唔知自己想食咩有得同人share 就可以試多啲款啦1️⃣豆腐鍋($58)依個真係好清 主要有娃娃菜 金菇 豆腐湯底淡味 味道一般不過唔太值 因為似自己火鍋煮菜 份量細同冇野特別 材料原先唔貴2️⃣串燒見佢串燒幾吸引 叫咗條大蔥雞串($24)幾淋同幾厚肉 而且好有雞味 燒得亦唔乾 火力控制得幾好另外叫咗條免治雞肉棒 ($22)感覺唔係食緊雞 因為咬嗰陣有啲粒粒野 可能係搞碎咗嘅軟骨?? 同埋外層有層好似蜜糖嘅嘢 食落甜甜地 冇大蔥雞串個照燒汁好食仲叫咗條牛油燒帶子串 ($35)依個唔好食 冇牛油香味 帶子2細粒 食落冇新鮮嘅味 雪藏帶子可能仲好食同抵食😟3️⃣炸蝦卷 ($62)卷物就好吸引😍亦無令我失望賣相靚 都大件炸蝦有頭有尾 真材實料 配上清新嘅青瓜絲同面層嘅沙律醬蟹子 仲有脆卜卜❤️好好味4️⃣明太子茶漬飯 ($68)一直超想試茶漬飯 見佢有就啱啦食落第一啖已經食到濃醇嘅綠茶味🍵又估唔

食過幾間分店，始終都係鍾意黎呢間，因為壽司set會唔同，呢間嘅刺身好新鮮，每次黎都會叫呢個set，另外推介野菜牛肉鍋，我覺得個湯底好濃郁，牛都好入味。另外食炙燒左口魚，入口即溶，每次去必叫！

前日結婚纪念去咗德美食 好耐冇嚟 唔知格離都開多咗間 主舖滿了就安排別舖 但問題就嚟啦 啲枱細到都唔知擺唔擺到嘢食 之後同個黑衫扎編女士應該係經理講 問佢可唔可以換了張大張啲 點知佢話冇喔 得呢張 仲話繁忙時間冇咁多枱 仲要嘖嘖聲 之後追單又係咁 話師傅好多單 係咁叫我哋等 但又唔見佢去追單 係咁同個同事傾計 真係激鬼死但值得一提 食物都保持住水準 大份 好食 但可能真係多間分店 有啲食物真係等耐 希望可以改善下

丼飯的賣相相當吸引，主要有吞拿魚腩茸、魚子，蒽條及鵪鶉蛋。魚生非常新鮮🐟非常欣賞吞拿魚魚腩蓉 吞拿魚夠肥美 入口即溶 非常正啊！！！德美壽司 (紅磡)紅磡黃埔新村德民街31號地下1B舖味道：👍🏻👍🏻👍🏻👍🏻服務：👍🏻👍🏻👍🏻👍🏻環境：👍🏻👍🏻👍🏻👍🏻價錢：👍🏻👍🏻👍🏻

如果是食物質素來評分的話，有超過80分的評價，因為食物製作認真，價格不高，性價比高。地理位置方便，因為在地鐵站走路兩至3分鐘就到。如果你是一個重視服務態度的客戶，就絕對不建議了，因為普遍來說服務質素很低，黑色衣服的女職員，應該是女經理吧，她會冷嘲、指罵、冷待普通客戶。生意是很好的，中午吃的時段，是爆滿的，也是這個原因，經理們就忽視了服務這個環節了，建議管理層多給一些指引及培訓給員工。雖然不是什麼貴價菜式或食店，但也需要有基本的尊重及服務質素。

今日lunch時行過日本壽司刺身店，刺身癮起，但因為太多人冇時間等位食唔到，放工約左朋友食野，決定一定要食到刺身!!!🤤呢間德美壽司係紅磡好出名好多人食，一直都想試，今晚同朋友決定無論點都要食到! 好在等左約10分鐘就入得去。餐廳選擇都幾多，壽司，刺身，烏冬，小食都有，不過價錢就比較貴，作為窮L當然要精打細算咁揀來食。了一了心癮，我叫左個北海道三色魚生飯。三色魚生有我至愛既三文魚，帶子，同油甘魚，另加蛋白同蟹子，真係好鮮好好味!!😋朋友叫左個烏冬，烏冬煙煙韌韌煮得剛剛好，湯底清淡得來又帶出蟹柳同菜既甜味。另外叫左牛油果軟殼蟹卷，牛油果熟度剛剛好，軟殼蟹略嫌唔夠脆，但係整體都係好fresh好好食。

今次嚟到黃埔站，德美壽司就有好多間分店，但係本人就覺得呢一間比較好坐同埋環境比較舒服😌佢哋晚餐時間都有做Set Menu同定食，價錢大約$100都唔使已經有晒麵豉湯、沙律同埋主食。今次試咗佢哋嘅蔥吞拿魚腩飯同天婦羅流心蛋😍佢哋嘅蔥吞拿魚腩飯絕對係招牌首選，夠肥得黎又新鮮，撈飯真係絶配！而佢哋啲材料一啲都唔吝嗇，啲餸絕對夠撈晒成碗飯有餘。至於個天婦羅流心蛋就出面好少有，炸腐皮加滑滑的蛋汁，好味道！