德興美食坊

营业中

休息中

今日去試呢間叫德興美食坊嘅餐廳，入到去之後發現呢度嘅空間尚算寬敞🪑，坐得都幾舒服。餐廳嘅運作模式有啲似快餐店，顧客需先買票，然後再自己攞餐。食物方面，整體質素都算OK，有啲位都值得加分。早餐搭配嘅係菠蘿油，質量就一般，口感有啲乾，食落去有啲失望。至於奄列，最大問題係溫度唔夠熱，令人覺得唔夠新鮮。不過，粉麵部分就有啲驚喜✔️，口感同味道都唔錯，彌補咗其他嘅不足。總結嚟講，呢間餐廳屬於中等水平。雖然食物質素有啲參差，但都有位值得加分。😀

22:10 去到問佢關門未，阿姐話未咁就叫野食啦，22:20出餐，22:25叫我地食快D差唔多要閂門，22:30 再叫我哋食快啲要閂門，嬲得濟走左無下次，我地問阿姐你地閂門點解又叫我哋叫嘢食？阿姐淨係講咗句：唔關佢事唔係佢收錢9唔搭8，睇你幾時撿

唔打唔撞走左入個商場，原本諗住去食海皇粥店，點知俾間德興美食坊吸引住左，這裡好像以前細個食既快餐店，排隊買單後俾個黃牌仔你等叫號取餐，38元一份牛扒早餐，仲要跟個菠蘿油，包餐飲，塊牛扒厚到都唔係佢所寫既薄牛扒囉！事關平時出去食親都好薄，仲跟埋火腿煎蛋，最衰隻蛋煎到熟晒啦！如果係太陽蛋就更好了😋

呢間野 好唔好食，真係好難講！大約10晚就會有3至4餐想令人作嘔！其他5至6餐並唔係好味,只係叫擺得入口大致上失敗既原因有以下幾點：第1： d飯有時太硬，完全擺唔入口！ （我諗係煮開飯果條友放假所導致）第2： d扒類經常性翻煎，煎到好似肉干咁l！ （牛扒經常出現呢個情況）第3： 廚師炒飯完全唔掂，冇兜暈既情況時常發生 （應該係廚師懶散所導致）我果張相係黑椒牛扒飯！因為牛扒似牛肉絲好難咬，d飯同飯焦冇分別！黑椒汁又太甜太少...完全唔知自己食乜野！果斷放棄係正常，浪費食物唔緊要！最緊要係身體同牙齒健康！金錢是少，唔好因為錢同自己鬥氣！

今日個煎雞扒飯都仲OK。個焗豬扒飯😪唔似焗過都算，食咗一啖就知豬扒發過，咁難食都算，食到尾個炒飯底越食越鹹，原來係啲鹽未炒勻，我一啖鹽擺入口咁😪我同收銀講「個炒飯底啲鹽未炒勻，我成啖鹽擺入口咁，點食？」餐廳收銀答我「你食過架喎，係咁㗎啦⋯⋯」我「有冇攪錯🤬我未食晒㗎喎⋯⋯」收銀「咁再整過比你囉」我「唔使啦！咁難食，你求其比番碟烚菜我得啦」

舊有嘅茶餐廳宜家已經少之又少剛巧在呢度做完嘢未食飯想食碗茶餐廳風味嘅雲吞麵呢個下午茶套餐真心夠哂抵食呀👍雙拼粉麪+飲品只係$38（凍飲+$1）今時今日（凍飲+$1）真係冇乜邊間會有⋯味道中規中矩以咁嘅價錢嚟講真心算不錯！今次試咗雲吞拼魚餃米粉好耐冇食過呢種茶餐廳嘅味道大大碗連配料都很豐富呀🤭

小弟係康麗返工都一段日子，晚餐平常都會去德興搞掂！ 皆因晚市套餐一個字抵，經濟！但呢間野每次既晚市套餐都係果幾樣碟頭飯！豆卜火腩，會汁豬扒，黑椒牛扒，鼓召排骨 就成日出現套餐內！ 暫時光顧一個月，黎黎去去都一樣！想食好d丫 ，叫其他飯，但都未必一定好食！真係睇廚師心情 星期三賭馬往往都好難食！試過叫西炒飯，茄汁 同 白飯居然仲未兜暈！成個飯濕笠笠，不知所謂既廚房不過今日想講既都係套餐內既碟頭飯其中一個主角！就係（鼓召排骨飯）我冇寫錯，因為餐廳係咁寫出黎比人睇小弟當然知道係 豉椒排骨飯！呢味餸其實9成餐廳都係用蒸既方式去做但呢間餐廳真係好特別 好慳成本白烚排骨... 豉油芡粉汁最厲害就搵少量洋蔥 青椒 （都係烚熟）一碟 鼓召排骨飯就完美登場...我拎餐果時真係啞左...唔係丫麻...既然比左錢就無胃浪費食物！食左一啖，真係頂唔順，首先1粒豆豉都冇！其次係個汁死咸冇其他味道排骨洋蔥青椒完全冇味，厲害成碟野連餐湯反轉係個盆等清潔工慢慢執拾，最後快速飲完杯凍奶茶去麥記快手食個餐算...下次都係幫襯廚房佬 或 豆漿大王呢世都唔再幫襯德興了，再見！

2022年10月16日(日)連續兩日肩頸痛到郁唔到今早出嚟睇中醫調理調理中醫師未開門去食份早餐估唔到有驚喜呀古早味道的早餐榨菜牛柳絲米粉火腿絲煙肉炒蛋香脆鬆軟菠蘿油香濃順滑熱奶茶

小弟難得係康麗返工，當然要食德興美食坊！食佢並唔係因為好食，而係回憶！小弟已有10年以上冇幫襯呢間餐廳！對呢間餐廳既印象只有平，同快！當晚叫左個常餐，洋蔥豬扒飯例湯 跟 凍奶茶！其實預左佢唔好食 ， 只係食回憶！同之前比有咩唔同？我諗多左掃二維碼！比完錢，拎飛，等叫號碼！然後揀枱坐例湯照舊加左好多水溝淡哂，洋蔥汁 做到玻璃色既效果，但都係冇乜味豬扒就晨早煎定，再翻煎，唔難食，可以接受！凍奶茶以舊 都係有種奇怪既奶味49蚊黎講，算係可接受範圍！由當初岩岩出黎打工，到而家兒子都入讀小學！此餐廳見證我成長，希望可以長做長有

難得老婆去買個下午茶比我食，買完拎番屋企 打開盒野，雞脾薯條都正常,但成杯紅豆冰都酸縮味，唉，中伏，壞既都拎俾人食 以後唔會再幫襯唔通爭係得大家樂大快活先有紅豆冰食

六十七蚊外賣買小菜芥蘭炒牛肉，回到家打開一看才發現只有芥蘭，沒有牛肉！！！垃圾！做廚房發夢到呢個地步，以後一定唔會再幫襯！🤬只有半盒菜收六十幾蚊不如去搶！奉勸大家第日記得打開個盒檢查清楚先拎走！放工想食餐正常的都唔得真係一肚氣！

屯馬線開通之後，其實入嚟大西北。好似屯門睇戲行街食飯都真係好方便㗎。呢間餐廳就諗緊屯門西鐵站只要8至10分鐘路程，好方便！德興美食坊，講呢個名，屯門人都唔知係乜㗎啦。但係你一講，話喺『巴倫紐』入邊嗰間茶記，我相信好多住喺屯門嘅人一定知道。望下個餐牌先，呢到只係一部份。除咗基本有炒小菜之外，碟頭飯、鐵板餐、湯粉麵、炒粉麵飯一應俱全。呢度係自助形式嘅，揀啱食乜嘢，俾錢坐低等陣。等叫號碼就可以攞！沙嗲金菇肥牛煲，好足料。西檸雞，大大嚿雞扒整出嚟。但西檸雞入邊有黑椒，我唔鍾意！每個餐都有個送中式例湯，碗飯勁大碗，一碗都夠兩個人食。由於今次係快閃行動，趕住支持香港電影『媽媽的神奇小子』。所以只係影咗幾張相交下功課，希望大家體諒下！

疫情環境下真係甚少出街食嘢😢 今日要出去入貨😊順便買個外賣返屋企食 😉好耐冇食牛筋河 買完嘢隔離有粉麵檔就買嚟試下。 分量好多，五六舊牛筋，大大嚿 而且味道唔錯添^_^

我過到嚟屯門呢一邊， 睇一睇個鐘又到2:30啦，連個飯都唔記得食，於是就做過咗嚟呢一邊食個下午茶！由於西多士真係一件好邪惡嘅事，我亦都忍唔住叫咗一份，再配香濃嘅奶茶！個西多士真係揸得好鬆脆，裏面亦都配上超多嘅花生醬，加上佢亦都唔算太油，真係唔會見到隻碟有一堆堆油喺度！而佢亦都配上糖漿同埋牛油，兩者真係背脊好夾，但由於真係怕肥啊，我真係唔識得同你都好，於是就俾咗少少其他人食啦！下次我就會一次過食晒佢嫁啦！

又來到下午茶嘅時段啦，今次我就揀咗個炸大雞髀餐，配上杯紅豆冰，對於呢一個時勢有有個大雞髀餐真係一件好幸福嘅事，事關而家一隻雞比都賣緊30幾蚊，再加每杯紅豆冰正常來講都要成20幾蚊杯，但係呢一度真係只不過買$30.1個餐真係好偉大㗎講咁多嘢先介紹吓呢一隻炸大雞髀，裏面剩係得好香好熱，而且果皮揸得好趣我食落去都有索索聲，咁真係證明呢一個師傅好用心咁處理呢一隻雞！另外呢杯紅豆冰租做得唔錯，每一粒紅豆都係主導用晒，我最鍾意食爛嘢呢一個真係一個唔錯嘅選擇嘅！