德興美食坊

营业中

休息中

AUG 9,2009 (SUN) DINNER鐵板什扖餐 配凍檸茶 $40有薄牛扖一大塊，真係好大塊，不過都幾鹹！豬扖一塊，同樣屬大件，味道仲幾好添！一塊煙肉、一條腸仔切得好靚、一塊火腿、一片牛脷蠻不錯，好少見到牛脷呢個配搭在什扖餐出現！配菜有半個蕃茄，煎得幾靚仲好新鮮、好多薯角好脆、一啲椰菜 & 一啲金荀片！餐飲仲唔駛另加錢，超多嘢食超抵食！鐵板牛柳餐2份 配凍檸茶 $40/PER ONE兩塊厚切牛柳，肉嫩無跟肉味濃，加上黑椒汁好好味！配菜同什扖餐完全一樣，多料！西炒飯 $24 配凍檸茶 ( 凍飲 +$6 )蠻多材料：有蝦、火腿、蛋 & 洋蔥，味道一般般！老闆今日親自招呼，仲傾咗好耐，頗親切！

有日跳完舞肚餓行過德興食碗面先<3食飽飽想食甜野..見到有豆沙燒餅好奇買黎試下一拎上手仲熱熱地架xD個皮好煙und餡都幾足!!!!綠茶皮個個唔單止只係得隻色..綠茶味好香濃勁好味而且雖然話係燒餅但係佢冇煎冇用油冇咁肥xd之後會再買!

八號風球的晚上，外面吹著橫風橫雨，到蛇王輝蛇羮的念頭就打消了，就獨個兒改在巴倫紐商場內的飯堂吃個快餐飯吧！$29 粟米石班飯：這裡碟頭飯的粟米石班是用上西式龍俐魚的，相比起貴 $10 小菜套餐粟米班塊用上中式班塊的材料不同。縱然西式的龍俐魚柳是肉厚多汁，但欲缺少了那份香脆的感覺。話雖如此，我在不太肚餓的時候仍喜愛點這裡的粟米石班，因為份量很多，而且粟米汁更令人十分回味。當然，附上的例湯，就是一般的中湯！

早上間中都會買些面包, 時常都新鮮熱辣辣, 好平又大個, 水準幾好的. 很喜歡食它的腿蛋包, 忌廉包及燒餅, 尤其是綠茶同紅豆燒餅, 煙煙un un, 好好食的.

喺屯門好嘅餐廳唔多、呢間值得一試。佢地嘅魚旦新鮮彈牙同埋炸魚角都係一流﹕至於小菜同奶茶咖啡都ok，最緊要抵。

２００８／６／１０午餐前兩天就推介了翠林茶餐廳的酸辣米線，今次再推介德興的酸辣米線先。有四款材料，我鐘意食雞翼，當然是吃酸辣雞翼米線啦。賣相很好的，紅紅綠綠外，還有一片檸檬和幾條小辣椒仔做裝飾。米線十分之滑；煎雞翼有三大隻，肉嫩又汁多；已經指明要少辣，點知越吃越辣，湯裡頭有很多酸菜和芽菜，加埋就變得超級惹味爽口了!酸辣米線只得單售，$19，質量做到足，這個價錢絕對可以一試。２００８／６／１６午餐今天點了午餐B--鮮茄牛肉蛋飯，還以為是款好普通的碟頭飯，原來味道也不錯的。汁是由鮮茄煮成，質地是稀稀的那種，不過是自然的甜酸味，撈飯好吃；牛肉有些un有些煮得幾淋有些有咬口，味道淡淡地，無添加；蛋原來是炒蛋，一舊舊一粒粒，分佈整碟飯，質地就硬了少少，不過好過吃煎蛋。

２００８／５／５午餐寫明是中式的咖哩雞，咁得意﹖未試過就試下。咖哩色較為深沈，質地也較為傑，味道和普通咖哩沒多大分別，不過多了幾分惹味；雞件勝在夠多又夠肉；配菜就用上西式薯角，中間位實了點，煮得未夠時候。

２００８／４／２４午餐款式好似幾特別，加上收銀說泰皇醬是不辣，才放心一試。泰皇醬裡面有些辣椒碎粒粒，味道直頭和甜酸醬沒分別，對正我口味﹗豬仔骨樣子瘦猛猛，原來圍繞舊骨有很多肉，肉的邊邊帶點脆口，正中間就很林很入味，好吃到連骨我也要啜多幾啜才肯放口。茶餐廳而言，這骨確是出色的。配餐的青紅蘿蔔湯未飲已有成層油響面，當然掂都唔敢掂。

２００８／４／９午餐上次在美食坊未能吃到炸脾飯，今日去到德興，午餐A就正正是炸脾飯，雖然B餐的椒鹽肉排飯我也想吃…不過還是吃炸脾飯，了結個心願先。^^燒汁炸脾飯：光顧次數也不算少，今次的碟頭飯竟然有配菜﹖（紅蘿蔔片﹑椰菜），份量是飯量的一半，開心﹗炸脾不是太大隻，脾肉較為硬及乾，不過有得吃我覺得已經好足夠。跟餐有青紅蘿蔔湯，是油了些不過好味，湯渣我全都也吃掉。

２００８／３／２６午餐本來想吃炒粉麵，但加多杯飲品的話沒有$30也埋不到單(窮~~~)，還是乖乖點午餐去﹗洋蔥雞扒飯：洋蔥汁有數條洋蔥條(很多時在這邊餐廳吃到的是只有汁沒有那種料，如蒜蓉汁﹑蘑菇汁)，質地傑了點點喇，至少沒有擠出過多的油(突然想起某日在太興吃到的油汪汪蒜蓉汁)；雞扒肉實實地，淡淡的，配返濃味的汁加白飯，就剛好。跟了鱆魚什麼什麼的湯，不是太油，味濃郁，有'老火'跡象，不錯；再跟熱飲，總共$24，抵吃喇﹗

早餐來不及吃，到了中午當然餓過鬼＝＿＝“先來一碟白灼菜心，＄８其實也蠻細碟（只有５－６棵菜）；然後主菜是味菜牛柳絲炒麵（見隔離阿叔吃就吸引了我），收＄２７當然份量有返咁上下，味菜牛柳好好味，撈埋脆卜卜的炒麵（雖然有幾條麵炸燶了），一啖裡面有林有卜卜脆，很快就給我吃清光了。最後，當然是，很飽呀～

開工後每天的午餐也可光顧返久違了的食店，今日這間也差不多有半年沒來了．．．這裡的炒粉麵飯不錯啊，不過今日想吃湯粉，所以要了水餃米線＋$5拼牛肚，但出來的份量很少啊...水餃2粒和牛肚10條左右。以前吃單拼的水餃粉$13(現在是$15)有4粒﹑牛肚粉多達20條的。不過味道依然很好，湯底混了牛腩汁，再加大量紅醋XD...惹味好渴；水餃餡雖然吃不到有蝦肉，不過木耳和荀很多；牛肚又林又入味。不過水吧沖給我的凍OT，冰佔九成，我好好禮貌請他換杯少冰，他不情願之餘，還說''這杯是即叫即沖給你(我想：不應該嗎﹖)，冰溶掉後味道就剛好啦''，不過我堅持，最後也有再沖過給我。飲完少冰的這杯後，也是半小時過後了，也有些冰未完全溶掉呢﹗

整體係唔錯！味道唔錯！D野食又夠份量！魚蛋又幾好食！特別係個早餐…有波羅油…煎蛋加牛肉面…都係二十二…都正…