德記大排檔

营业中

休息中

雞粥好綿的粥呀…雖然有肥雞…不過又唔會好油喎…幾滑的…仲幾有雞味…係冷冷的天氣…真係窩窩的暖心~沙拉骨嘻…沙拉都同D骨撈埋了…咁就啖啖都可以有平均的口味…可能D肉排都好熱…令D沙拉都溶了…更加的同軟軟的肉融合了~咸咸甜甜的…幾可口…蒜蓉粉絲聖子 (25$ 隻)比起上2次黎…差左好多喎…好失望呢…個味都係咁蒜蓉香同多粉絲…不過聖子細只左好多!!!又煮得過火了!!!老曬…好UN 喇… 唔爽口…仲要咬好耐…=_______=’什菜煲好得意喇…愈食愈多野既? OR 食極都有呀~搵下搵下又多左D品種喎…果然係一個大雜煲喎…不欺場的…蠔餅都幾香口,D蠔都幾多,又幾肥美,係好似X左少少,但唔知點解無乜蠔味,唔通係我食唔出?OR 太焦了…蓋過左個鮮味了…上面仲有好多薄焦C…雖然係大排檔…不過又幾NEAT & TIDY喎…店員都好NICE 好親切的…就好似老朋友咁…呵呵…貪心的想要大電視…咁就會好有現場熱鬧的感覺了~大家都不拘小節地大吃~

火炭~好少機會會去到,朋友竟然約係那裡慶祝生日&食宵夜我還問一句,咁夜係咪真係有野食.炸鮮魷:味道一般,炸粉比較厚,麻麻.炸乳鴿:如果塊皮可以炸脆少少就更好蒜蓉油麥菜:普普通通,不過比較多油蠔餅:完全唔見得人呀,又唔鬆化個漿又做得唔好豉油皇炒麵:味道偏淡,但夠乾身.沙拉骨:個汁較酸,但尚算好味田雞粥:粥底夠綿,味道都唔錯

這天來了個不一樣的家庭日, 就是一家人入馬場睇跑馬! 賽事過後, 我們想到其實很少來這一帶, 這裡又跟沙田雞粥很近, 一家四口就步行到火炭來了!其實我本來是打算去津津的, 因為這麼多年來, 我除了津津也沒吃過其他的. 以前的男友們都會專誠開車到這裡買乳鴿和雞粥給我, 但他們幫襯的都是在門口可以停車的津津.就在我們橫過馬路準備前往津津時, 老爸突然問: 我們是不是吃德記? 我根本連這裡有家叫德記的都不知道, 因為她位處明渠的旁邊, 十分之不起眼!然後他說: 德記是這裡的第一檔雞粥, 味道一流, 也是我十幾廿年前在這裡上班時的飯堂啊!我的咀叼其實源自我父親. 他會讚出口的食肆不是很多, 反正我又未試過, 也想試試看, 所以是夜就選了在這裡開餐.看到菜牌上的, 很多都很吸引! 但只有4個人, 而且乳鴿和雞粥又是必點, 做人不能太貪心, 我們就只多點兩個小菜就算~是夜菜單:-紅燒乳鴿真的很好味! 雖然老爸在一旁不停強調味道已經沒以前好, 但仍然是高水準之作!沙田雞粥必食! 一定要點的一道!!! 招牌菜果然是招牌菜! 粥很綿, 又不會太多粥水, 雞肉嫩滑, 整盤粥充滿着雞的鮮味! 勁讚!

呢擋嘢食左成廿年啦 , 以前佢乳鴿真係超正 , 比依家更肥更大 ,可能供應商來貨問題 , 先介紹及講解一下食物先 ,乳鴿 - OK , 無乜大驚喜 ,相反炸雲吞就真係禾旱襟珍珠 , 脆扑扑雲吞皮包住鮮蝦同原粒肥豬肉 ,記住係原粒記肥豬肉 , 方間有大量雲吞都只係攪碎豬肉 , 點小小華鹽成粒塞入口 , 強而有力之魔咀將脆扑扑雲吞皮咬穿 ,一股棚拜豬油係大小不同的裂痕湧出 , 非常之 juicy ,食番兩三粒之後 , 整番杯啤酒救一救火 , 嘩-涼哂 .最後乾炒牛河收口 , 炒得唔夠噥 , 乾炒牛河一定要炒到有小小噥味先夠獲氣大家有機會到此惠顧時 , 不妨一試佢個炸雲吞 , 以上內容實屬真言 , 如有不實 ,小弟必自隊啤酒兩杯

今晚和一班好耐無見既舊同事飯聚，我地一行十三人點左好多菜，食得好開心！呢度既食物質素不過不失，好味既小菜有：椒鹽脆豆腐：豆腐外脆又香，內里嫩滑。乳鴿：頗大隻，肉質鮮味。西蘭花炒斑球：斑球鮮美肉厚，正！雞粥 & 炒麵：雞粥幾棉但味較淡，炒麵有鑊氣。鴛鴦炒飯：炒飯底已炒得香，蕃茄的那邊好味些。上面既茨汁多，如多些炒飯撈埋一齊食會更正。其他小菜還有西芹炒田雞，椒鹽九肚魚，西檸白鱔，炒白菜，金銀蛋莧菜和豉椒炒蜆，這些我就麻麻地喜歡食啦。呢度既食物質素和衛生環境都比沙角大排檔好，我最怕沙角那兒勁污穢不堪既椅子！Anyway，希望好快又有大飯聚啦！

去到個熟食市場，媽媽好似記得食過依間德記，於是冇考慮其他店就去左依間。因為未來齊人，先叫左個乳鴿。OK啦...唔錯，不過唔足以做到招牌菜...之後再叫個豉椒炒蜆，d蜆幾細隻，不過都炒得唔錯。之後等到家姐到啦，再多個炒蜆、椒鹽軟殼蟹、金銀蛋莧菜同蠔仔餅。之後聽到隔離舖話送瀨尿蝦，我地就問我地個間，佢地先送碟畀我地。等了又等...等了又等...等到頸都長左成尺咁濟! 等左差唔多半個鐘一碟野都冇! 催一催，就來左金銀蛋莧菜、蠔仔餅同瀨尿蝦...金銀蛋莧菜好少...蠔仔餅唔錯，有菜莆幾香...瀨尿蝦都ok咁啦...之後再等多20分鐘...終於唔耐煩話再唔來就埋單走。依個時候，隔離枱都唔老脾講同一番說話...佢地仲要早過我地叫野 /_\ 最後佢地真係爆晒粗咁走左...我地碟蜆過左一陣來左，所以都算，繼續食...點知依碟明顯差好多...好淡冇咩味...好明顯係就咁炒左炒就畀我地...之後過多10分鐘個軟殼蟹都唔來，我地就話走，佢就話同我地催...點知過多5分鐘都唔來，我地就堅持埋單...依個時候佢話而家落鑊，問我地等唔等...梗係唔等啦! 5分鐘前又話同我地催原來都未開始煮，真係豈有此理?! 最後

幾個月前首嘗 今日又再來一黎大家都整枝汽水解下渴降下溫先其實黎都係為左雞粥 同 炸豆腐人少就只係叫埋沙拉骨 茹子煲 腐乳通菜雞粥我覺得差左 D雞無咩味 粥都無咩雞味但粥底係咁綿的豆腐真係好好味 外脆內滑最好味都算呢樣其他既沙拉骨 茹子 通菜 都係正常貨無咩特別但真係好熱夏天不宜再黎其實除左豆腐好味 也無咩值得再特登黎

沒有去到踩單車，但也特登去了搵朋友去吃大排檔。這兒從火車站一路走來，都有十分鐘路程。甫一坐下，便感到天氣的寒冷。隨即點了「豆支」油王炒麵、沙田雞粥、椒鹽九肚魚、炒蜆、雞油豆苗及梅菜扣肉煲，很豐富！「豆支」油王炒麵：炒得頗乾身，比一般的大排檔炒得好，可能是較有獲氣的原因，是可以一試的。沙田雞粥：要了細煲的，份量都不賴，但其實不太特別，粥底也不杰身，雞也不是滑的，而且沒甚麼雞味。椒鹽九肚魚：新鮮熱辣煮起的香口菜色，食落當然不錯啦！炒蜆：蜆不太新鮮，而汁也很淡，劣作。雞油豆苗：正常水準，最重要是豆苗夠嫩。梅菜扣肉煲：全晚最正的一味菜，扣肉夠肥，入口肥美，真是食過番尋味！一班人去大排檔就是最好，起碼可以試多幾味菜！正。有機會來Encore梅菜扣肉煲啦。

父親節去左德記大排檔食左下既野: 炸乳鴿:$32隻，都好味，但略為唔夠嫩，再細隻番D會好D。油浸鹽水蜆，幾新鮮，好味。蝦膠蒸豆腐，豉油王炒(面/麵)，龍躉兩味(西蘭花炒球&蒸頭腩)，豉汁炒蟶子，蝦醬通菜，(仲有唔記得) 整體黎講都好味，但係比上一次差，可能因為係父親節既關係。所以質數略為下降。要彈一彈既係佢既蒸豆腐，佢個蒸豆腐居然用硬豆腐黎蒸。口感極差！！

好難食D野又少又咸