必勝客 (已結業)

一排冇食突然掛住pizza hut 個芝脆批，黃大仙北館呢間平日夜晚冇乜人，今日星期日晚又做緊外賣自取優惠緊係多人。同男朋友大概6點零到達，見到好多人排隊外賣自取，即時拎飛等堂食入座，等左15分鐘左右，比想像中快。 入座時職員都有講到食物要等40分鐘左右，冇問題啦唔趕時間，等下都ok。Order 左個$288 既二人餐，有兩個餐湯，一個焗菜/薯蓉，一個飯/意粉，兩杯飲品同一個pizza。所有野都係水準之內，雖然好忙，但都唔洗等40分鐘。值得一提既係個pizza, 我地叫左千島海鮮加左$23 轉芝脆批，真係好正，pizza hut 個芝脆批永遠都唔會令人失望☺️ 有芝士既脆皮加埋一咬會有芝流出既批邊，加貴啲都抵。不過唯一美中不足就係個葡汁焗菜有啲淡，冇乜味，不過都ok 既。健康啲😂😂😂題外話，見到咁多人幫襯，staff又得幾個，落得單泥係出面等入座既客又衝入泥嘈佢地唔帶位，聽得電話泥又幫唔到人收銀。但我見普遍員工都幾有禮貌，唔會因為多人黑面燥底，相反我見到既係某啲客幾野蠻。最後兩句。辛苦曬所有飲食業員工。包容下體量下人啦尊貴既客人。

話說因為手機有張優惠券然後去Pizza Hut睇吓買乜嘢食，見到佢哋個牌介紹煙三文魚炸蝦pizza，話指定套餐加$28，我就望到有個套餐係$198，個寫住二人餐嚟但198二人餐係得一個細size pizza 細size飯，兩罐可樂⋯⋯個pizza仲係加多$28即226佢哋消費派一張優惠券以嗰張優惠券都係要買滿$200加一蚊換小食，其實計數計落係唔抵因為個餐本身係唔值咁貴不過呢啲大牌子，價錢咁上下都希望食物要做好d⋯⋯店員話需要等大概幾個字，但等左，拎走，返屋企都唔夠10分鐘，一食個Pizza完全唔覺得佢係即整，因為一啲都唔脆口，啲飯亦都唔係好熱⋯⋯我喺另一間麵包舖有買Pizza嗰度買二百幾蚊一個20吋嘅超大Pizza材料非常足夠，但Pizza Hut呢一度Pizza size唔單只係細而且材料其實好少，佢寫住有炸蝦我都唔係太覺得有好多⋯⋯

我係外賣平台 6:28落單，但係7:18先顯示個車手攞咗，咁都算啦，可能比較忙整得慢，不過7:20顯示送達，我到7:30都冇見到啲嘢，問咗客服客服同我講話個商家漏咗野唔記得俾，跟住個車手要返去攞，叫我等多20分鐘，OK冇問題20分鐘我都等結果一等等咗成半個鐘，等到八點仲未見到野喎，再問客服今次客服冇講原因淨係講叫我等多10分鐘，車手係附近（間鋪頭就係樓下，講同冇講冇乜分別），啲嘢食我最尾等到8:12先攞到，差唔多等咗成兩個鐘，睇返張單我淨係叫咗個迷你批、3隻炸蝦同個忌廉湯，真係唔能夠理解點解淨係呢三樣嘢既外賣要等咗差唔多成兩個鐘，我又唔係得多嘢喎，呢啲時間我落樓去佢間舖頭食都食完啦，之前同我個friend兩個落去食都淨係食咗仲未一個半鐘，仲要係叫兩人餐喎，啲嘢食仲有焗薯蓉同埋普通派嗰啲，都唔洗用到咁多時間，真係唔能夠理解到今次究竟係店家個問題定係車手個問題？又定係話其實兩方都有問題呢？下面有埋同客服嘅溝通記錄同埋我張訂單嘅落單時間，車手點擊送達卻乜都冇嘅時間同埋手機左上方同聯絡記錄都有顯示當時情況嘅時間，仲有我叫嘅食物清單👇🏻，大家可以對返個時間

近排pizza hut外賣有優惠 因而等外賣既人好多所以我哋今日決定堂食 堂食既兩人餐都好平 250蚊左右就可享兩人餐 包括一個湯+普通批+小食+飯+野飲另外依家食滿200蚊會送50蚊優惠券 可以用於下一次食埋200蚊時扣減50蚊不過餐廳唯一堂食問題係只有兩個員工落單同上菜 十分忙碌 但都唔影響上餐時間👍🏻👍🏻係pizza hut呢個價錢食到甘多野 真係抵食 做埋佢會員仲可以用積分換取野食 今次我都用左600分換咗一個葡汁雞皇飯

見到廣告新個海鮮Pizza好似幾好叫外賣送餐上嚟試下Pizza Hut 外賣員準時送到點知打開個Pizza 真係好特別同平時嘅Pizza不同雖然佢有蝦有魷魚不過食唔到瑤柱味或鮑魚味.以後試新嘢都最好諗清楚.以前黃大仙分店出嘅嘢不嬲都好似質素差啲.下次去鑽石山分店自己pick up應該會穩陣啲.

聖誕節又冇得出街同屋企人食.. 唯有叫外賣啦.. 上網見到pizza hut有呢個咁有聖誕氣氛嘅pizza唔洗諗喇.. 即刻揀佢.. 其實預左唔太好味.. 只係諗住買個樣.. 點知食落去又ok喎.. 個黑松露味芝士波波又幾香架喎.. 唔錯唔錯.. 以後叫外賣自取好喇.. 唔洗等咁耐先開到餐

母親節前夕， 簡單一家三口先食個飯，選擇小女兒最愛的Pizza hat , 黃大仙中心的pizza hut 向來人流少，不用等位， 近港鐵站， 是我食pizza hut的首選。兩大一小點了個2人餐， 特別選了新款Pizza. Pizza hut 新款批叫《星映芝趣批》， 星星外型，真有趣，每個角都有半條脆皮腸，雙色芝士x脆皮腸，餡料不多，size變細，芝士也不多。老公再加了個《 棉花糖香蕉餡餅》為母親節甜點。找不到棉花糖， 切成一小片香蕉塊， 朱古力醬非常多， 而且已經煮熱變成流心， 令餅底變淋，不夠脆口，扣分。會員結賬，9折。

好耐無去過 Pizzahut 食 Pizza 今晚就同兩個小魔鬼去食。適逢農曆新年，Pizzahut 的套餐也充滿意頭，小魔鬼鐘意食魷魚鬚，於是我地就叫左魷魚得水的Pizza 套餐。先上頭盆 - 俄羅斯沙律。呢個沙律好清新，但我略嫌太多青豆，因為我同小魔鬼都唔鍾意食，所以無人肯食。整個沙律我都滿意嘅。魷魚得水普通批 - 雖說是魷魚得水，其實主角係今期 sell 的是多款芝士。首先整個批都是芝心批，再而配料上至少有三款不同的芝士溶於整個 Pizza 內。而我最估唔到，是配料上的那個球體，我原以為是鷄肉丸，點知原來是整個巴馬臣忌廉芝士。我對芝士無特別好惡，但突如期來咁多芝士，有點受唔到😅但對芝士愛好者，一定多多都食到。最後上埋個焗飯 - 大蝦蜆肉焗飯。其實對 Pizzahut 的焗飯無咩期望，只係呢個汁唔係好配呢個飯。總括而言，每次呢 Pizzahut 都係為左試新批，今期呢個批夠哂「芝」味。

今天下午工作後，很想找個地方坐下來休息一下和處理電郵，想起黃大仙有一間很大的Pizza Hut，所以就去了。這間Pizza Hut真的很大很寬敞，每張枱的距離也很遠，很適合休閒的下午。我點了個下午茶餐：墨西哥芝士海鮮脆餡餅，餐飲我點了凍檸檬茶😊芝士海鮮脆餡餅很足料，來的時候還是剛剛整起的， 熱騰騰很新鮮， 還配有薯條和沙律。這個份量其實已經足夠我當為午餐，下次我可以等到Pizza Hut下午茶時段才吃我的午餐了，哈哈😄

無乜堂食pizza hut嘅經歷，多數食pizza都係外賣多，一大班人係party room個d地方食。呢次係我僅有嘅一次。但估唔到堂食嘅環境非常之好，完全超乎預期，環境寬敞，坐位好闊落，而且裝修幾靚。今次係食下午茶餐，所以無食到pizza，叫左肉醬意粉、墨西哥薄餅同公司三文治。公司三文治就不過不失啦，涵料唔夠豐富，肉醬意粉就比想像中酸，味道都ok嘅。最令人驚喜係個墨西哥薄餅，好多醬汁同芝士，配埋d海鮮一齊食真係好好食！不過整體份量都偏少，每人食一個餐，男仔未必會夠飽啦。整體黎講，pizza hut作為始祖級嘅pizza店，味道同價錢都算中上水平，係幾唔錯嘅。

妹妹係pizza hut 會員，所以生日有滿HKD 100減HKD 50的回饋優惠。咁我地就諗住唔好浪費，所以就去pizza hut食個晚餐。我地兩個人揀左個HKD 261 （另加一）既鬆厚批二人套餐。 （台上面得兩個大餐牌，我好似見到人地拎住晚餐餐牌，但我地無為意到，所以無問佢地拎晚餐餐牌，但如果有，而佢無放出黎都幾唔公道，好似要人揀啲二人套餐。但唔肯定係唔係。）套餐包：🍵兩客餐湯🥙前菜二選一 （薯蓉/葡汁焗蔬菜）🍕pizza 三選一🍝飯或意一客🍹餐飲兩杯咁我地叫咗兩客蘑菇湯、然後揀咗葡汁焗蔬菜、千島海鮮批同香草白汁意粉。🍵蘑菇湯👌首先黎咗個蘑菇湯，其實都OK都幾濃，但我阿妹就覺得好鹹。🍝香草白汁意粉👎🏻😫佢好奇怪咁嚟咗意粉先黎個前菜。個意粉一睇，見唔到香草。但好明顯見到意粉同雞肉同火腿完全分開煮，一啲撈埋既感覺都無，係無味。我同妹妹都覺得個感覺好差，差過茶記啲意粉。係feel到好似車仔麵咁煮熟個麵，然後求其加啲白烚雞肉、無味椰菜花、紅蘿蔔同火腿（好有雪藏既感覺），然後最後pat 啲所謂既白汁就上台。可能有啲人覺得餐廳做野就係咁，要快，但pizza hut 食個意粉 唔會期望係咁。完

三文魚誘惑巴馬風情 ($159/$195).話說N年前pizzahut推出過手藝薄餅🍕屋企人一直念念不忘，上個月pizzzhut用上全新研發麵糰配方，新推現製手藝薄餅當日，適逢我啱啱完sem，我全家就即刻去左試parma ham果款，估唔到今日我竟然有機會試埋另一款salmon，想講真係超好食，首先批底好出色，口感好有驚喜，外脆內煙韌，(resembles the SF sourdough actually haha)人手搓壓果然唔同d，更輕盈鬆脆。二來 餡料搭配都好正，無論係大蝦配煙三文魚，定係牛油果配parma ham，兩個配搭都係perfect match所以好難揀🤯不過如果你問我食完2款中意邊款多啲我會話三文魚🍣因為始終自己有份整嘅😎.

之前去左PizzaHut親手自製完現製手藝薄餅👩🏻‍🍳一食上癮😋今晚拉埋閨蜜一齊再食過先👭全新硏發麵糰配方🍞現製手藝薄餅經長時間低溫發酵😚令批底外脆內軟韌每日人手搓壓🙌🏻口感勁有驚喜🤩更輕盈鬆脆配搭煙三文魚或Parma Ham😎都一樣咁Perfect Match另外黎到pizza hut一定叫嘅雞翼🐥辣味雞翼真係不得了🤣真係唔知點解咁好食另一必食係海鮮千層闊條麵🍝面層微微烤焗過😍每條意粉都充滿濃郁白汁

一向唔食熟三文魚睇完100毛東方昇個廣告，就試吓啦懶得出街，所以叫男朋友外賣左一個”三文魚誘惑”返屋企做下午茶$162 一個Regular Size三文魚份量都算多可惜我都係覺得有少少聲聲地（因為對於熟嘅三文魚我好腌尖）男朋友就話冇問題所以面頭既三文魚比哂佢食個餅底係好食嘅但係我鍾意傳統嗰隻有少少油但好香口嘅餅皮邊芝士都好足好多火箭菜鋪面結論：鍾意三文魚，又想試吓新口味嘅可以一試162的話個人認為Paisano’s 會再抵食啲

🍕當然要和三五知己一同分享先至最開心，<Pizza Hut> 最近推出了，👨‍🍳現製手藝薄餅🍕，全新硏發的麵糰，經過長時間低溫發酵，加上每日人手搓壓，使麵糰質感柔軟綿密，烤焗出不同大小的氣孔，令口感有驚喜😱，批底外脆內軟，且鬆脆又輕盈。推出了兩種不同餡料配搭，<三文魚誘惑>煙三文魚，火箭菜，大蝦🍤，忌廉芝士，車厘茄，蜜糖芥末醬。<巴馬風情>Parma Ham，火箭菜，牛油果🥑，車厘茄，香濃茄醬。而我和朋友就揀選試了<三文魚誘惑>，餅底真的做到鬆軟又輕身，煙煙靭靭的口感，每一件🍕上均有一件三文魚和忌廉芝士加上火箭菜，原來都夾，感覺清新，蜜糖芥末醬剛剛好，不太多。除了點了🍕，當然還帶了其他小食和主食<慢烤德國豬手>，份量大，皮香，肉質嫩滑，而且夠入味，更伴有蒜蓉和雜菜🤤<南瓜藜麥湯>，香滑的南瓜湯配上三色藜麥，感覺更健康。🤗<蒜蓉包>，每次入必定點的，香濃的蒜蓉味，外邊脆卜卜，內裡又香又軟，🤤