忠記粥品 (機利文新街)

营业中

休息中

呢間我個人覺得係呢區黎講性價比幾高，有時想食得清淡少少🤏🏻食啲粥嘅話，呢間係我首選👍🏻👍🏻👍🏻- 皮蛋瘦肉粥粥底綿、口感粘稠。皮蛋、瘦肉份量多，瘦肉略有鹹味，口感腍、易咬開👍🏻👍🏻👍🏻整體味道啱啱好，唔需要額外加啲醬料調味😊😊😊- 齋腸粉 配豉油、花生醬、甜醬 (共$39)份量多，腸粉唔算好滑，普通，腸粉嘅米漿味都有少少🤏🏻🤏🏻 佢本身就落左豉油，令到底下嘅腸粉吸收晒，有啲鹹😅😅😅至於花生醬同甜醬就根據自己喜好落嘅。建議落單嗰陣同佢講走醬/豉油另上，咁豉油都可以自己落返😆😆😆

又嚟到中環揾食艱難系列，間間餐廳都要排隊，唯有又係買外賣。其實都好嘅，快d食完快d開工。一到冬天就想食d温粒粒的野，上次食唔到油炸鬼，唯有轉場試下呢間。今日就㨂咗間中環中心附近的粥店買外賣。食皮蛋瘦肉粥加油條，共33蚊，簡直係窮人欣物，可以長期糧尾😂 即叫即有，唔使等，個油炸鬼仲可以叫佢幫手剪，返到office方便進食，大讚。呢個皮蛋瘦肉粥返到office 都仲係好熱，個油炸鬼係脆卜卜，超正。仲要飽到放工。美中不足係個粥入面d瘦肉有好勁的胡椒粉，呢個價錢都唔要求咁多la.

係中環咁多小食店之中忠記的粥放就係lunch時間一份打工仔恩物 所以基本上係一定要排隊因為佢嘅價錢實在太低食再加上這是一間非常有親切感的食店。皮蛋瘦肉粥 皮蛋碎牛粥炒米粉叉燒腸粉艇仔粥

一早去咗上環交啲文件比個客，交完好肚餓，喺行返去中環搭車時見到其中一條橫街入面有間粥粉麵店，比佢嘅香味吸引到，結果就行咗入咗食個早餐先返公司。入到去坐低望吓個餐牌，淨係粥嘅款式都超過40款，不過今日唔係好想食粥，唔知點解好想食腸粉，於是嗌咗一碟腸粉一碟炸兩，兩碟加埋都只不過係$26，非常扺食。腸粉好滑，加埋甜醬芝麻好啱我口味，炸兩有少少可惜唔夠脆，不過可以喺中環食到呢啲有水準嘅腸粉，食飽飯好滿足。

每次經過機利文街「忠記粥品」都大排長龍，今日星期日經過，人無咁多，終於可以堂食。各款粥品都係20 蚊起，仲有多款油器、腸粉可以簡，做早餐🥣/晏就都不錯。生滾及第粥： 熱辣辣，上菜時粥仲霧泡泡，證明新鮮熱辣。豬膶、粉腸、豬肝都粉嫩粉嫩的，食落無異味，正常新鮮豬雜😍仲有一粒彈牙手打豬肉丸。粥底非常綿密，粒粒米花爆開，加上腐皮增加滑溜感，米香濃，足料。牛利酥：吾一定間間都做得咁出色，首先一定咬落去吾可以滴油， 好怕好膩。但呢間吾會！用上砂糖和高低筋麵粉揉合而成，咬落脆口有韌勁，甜味擁上味蕾。比油炸鬼更好味😋。總結：中環區性價比高足料粥店 新鮮食材 絕對夠飽

第n次食呢間，次次都好多人排隊，外賣既話入去收銀到俾現金，佢就俾個牌仔號碼你，雖然店出面通常都一大堆人等緊，但其實10分鐘已經攞得，今次叫左個艇仔粥$20，平到不得了。賣相：一望就知好多料，行返公司都15分鐘，個粥仲係出哂煙，熱辣辣。味道：好食，一食就知冇加調味料，清清淡淡，好足料，豬皮比較多，仲有肉、魷魚等等。整體黎講：性價比高，會再幫襯。

幫襯過好多次啦😋 間中都會黎買早餐，唔洗成日食麵包🥯今日又買左炸兩，係即叫即整架！望住阿姐係入面整，見到衛生環境都幾好👍🏼（現在這一點真的好重要）店內位置唔算多，我就次次都外賣🥡返公司食😝拎到返公司開餐，個腸粉皮又滑，油炸鬼都仲keep到d脆☺️ 重點！$13都好大份呀🤣🤣 老細你咁大方既？☺️中上環搵到依個價錢既美食😋真係唔錯！！性價比高，早餐、午餐、晚餐都係這個價錢！黎外賣lunch真係幾抵食

上次食左一次，覺得好抵，今次叫埋同事一齊食，叫左個豬紅艇仔粥，再加牛肉腸，非常足料，豬紅都有成5舊，仲有好多魷魚，好好味，腸粉有成3大條，牛肉勁多，食到好飽，都只係$40，抵到爆

間唔中食下粥，清下腸胃，一路行緊黎忠記既時候，經過羅富記，見一碗粥$44，雖然已經算平，但呢間忠記既粥只係$22，平一半，不過我未食過羅富記，所以冇得比較質素。今日就叫左豬紅艇仔粥，出面好少有呢個組合，等左5分鐘左右，好快就攞得，攞返公司仲好熱，餸仲多過粥，非常足料，豬紅都有4舊，好抵食。

不想標簽小店就是no service, 尤其是粥店，因為不少粥店的職員都是醒目又有禮，起碼是基本代客憑度。但奈何今天遇到這間令我不爽的忠記粥店。它一向都不會在我lunch time list之內，因為又迫又油，連廁所門口都要放一張小枱給3個食客迫在一起，完全不會令人有食慾，感覺太差。但由於限聚令生效，同事建議一起去買粥回公吃。我起初想不到是這間，跟同事去到門口才知道.... 不好意思推趟，唯有硬著口皮入去點餐付款。明明各餐牌（連掛牆餐牌）都寫著「淨鯇魚粥 $22」，但收銀女士硬說我給少了錢，不斷問我是鮮魚腩粥還是魚片（餐廳上另外有這兩種的價錢），我就說我要的是$22 的淨鯇魚粥，她開始不耐煩又再次問我同一問題！（要不耐煩的應該是我好不好！） 我就指著掛牆餐牌說「我跟足你餐牌甘叫！淨鯇魚粥 $22 ！」佢搞笑地扮醒再話她店有魚腩粥跟魚片粥。為什麼硬要我點這些不是我要點的呢？ 真令人懷疑人生。最後幾經辛苦，她終於看懂餐牌上的中文字 「淨鯇魚粥 $22」，可喜可賀，可能她只懂英文，真對不起。另外一位職員阿姨路過踩了我一下，還不會說對不起/不女意思，這間店子的人果然「特別」，還以為自己去了乞食

呢頭寫字樓多，平時Lunch hour成日都逼滿人，但係近期好多人都繼續抗疫，所以我都選擇外賣返公司最安全！去到店鋪，見到佢哋嘅防疫措施都做得好足👍👍枱同枱之間都有塊板隔住，值得一讚👍！今次我就order兩款食物～牛肉腸粉～材料都算多和新鮮，淡淡都食到大約5mm嘅牛肉，係略嫌個皮厚左少少艇仔粥～材料有免治牛肉、豬皮、水魷魚，分量足夠，粥底夠綿夠熱👍店家仲好豪氣咁俾咗好多葱脆炸花生😁總括係抵同好食嘅😆份量亦都滿足到我！

係呢頭返工真係好幸福😍😍好多嘢食選擇✌🏻！lunch hour嚟到公司附近 機利文新街，呢條街有好多選擇，有各式各樣嘅茶餐廳，近排天氣忽冷忽熱咁，今次小妹就想清清地食個粥品，黎到呢間舊式粥店，店面係舊式嘅裝修，近期疫情關係，枱與枱之間都用膠板隔開👍安全十足！今次我就食咗牛肉豬紅粥和炸兩，粥底煲得好綿好滑😍材料亦分量十足，每啖粥都食到好多料，睇得出係好有心機去煲嘅，非常推介👍炸兩我就略嫌佢個皮厚左少少，不過亦係即叫即整，令到中間嘅油炸鬼都keep到脆👍👍今次埋單都係30幾蚊，呢個價錢呢個質素喺中環區真係好難搵，性價比好高❤️

上年 8月份，如果唔係無綫電視節目東張西望介紹，都唔記得中環機利文新街有間 <忠記粥品>！ 我都無諗過咁平呀！ 由始至今，我幫襯多次，平均每個月都會幫襯 1 次！這裡設有堂食及外賣！裝潢簡陋，以圓枱為主，店內坐得幾迫狹！ 衛生一般，勝在幫襯多次未試過肚痛！外賣食客亦可隨個人口味添加醬料！供應：粥、油器、炒麵、腸粉、豆漿、汽水..等！餐牌平日中午買外賣，男店員會隨即給予一個號碼膠牌，等外賣約 20個籌，等 5分鐘就有，算好快！我不喜歡食粥，通常買店方的其他美食！炒麵 $13如果只是買外賣炒麵，店方已經準備定一袋二袋炒麵，基本上付款後可以即取走！雖然炒麵只賣 $13 咁平，其實份量都好多！  見到門外負責夾炒麵的婆婆都幾慷慨！炒麵香口不太乾身又不太油膩，麵條均勻入味！又不會過鹹，調味恰到好處！三絲炒米 $13比較炒麵，炒米口味及賣相相對失色！炒米較為乾身及淡味， 三絲有甘筍絲及芽菜...等！炸兩 $13就算我行番上環公司，要成 7~8分鐘，被柔軟溫熱的腸粉包住油炸鬼，依然口感香脆！ 味道帶甜的豉油真係炸兩的靈魂，除了可提升口味之外，亦帶出香氣，惹人垂涎欲滴！兩者是最佳拍檔呢

喺機利文新街條巷成日食飯時間見到門口排晒隊，今日食得晏，等咗一陣就有位。緊係試吓個生滾豬膶粥啦，好少粥鋪整得好食，豬膶份量都幾多，仲要又厚又滑，粥底 係舊式粥嘅味道，好得😋😋 。喺中環$31可以食到咁嘅質素嘅lunch, 唔怪之得長期排隊啦。

凍冰冰自然就會諗起熱辣辣生滾粥。今次叫左粉腸肉丸粥同豬腰窩蛋粥，粉腸乾淨無苦味，肉丸彈牙。豬腰無蘇味～非常爽口，值得一讚🤤反而羅白膏就有d失望，太散無口感，多d羅白絲就正啦🥰