忠記粥品 (立興大廈)

营业中

休息中

最近訂了一份外賣，結果送來時食物已經凍了，完全無法接受。明明已經付錢要求加餐具，但最終卻沒有送到。當我聯繫客服時，他們的態度極差，不僅不肯補送，還只是說退款了事，讓我非常失望。這樣的服務質量實在令人難以忍受，希望能夠改善，否則我會考慮不再使用這個平台。態度態度十分差 外賣送來凍哂 比錢加餐具最後又唔送 又唔肯補送 語氣極差說退款了事？？

早排11點出左左銅鑼灣估唔到好多餐廳都未開又懶得搵其他餐廳就求其入左呢間粥鋪到食我地叫左幾樣野食叫左豬膶腸粉、炒麵、蒸蘿蔔糕同埋豬紅艇仔粥豬膶腸粉唔錯 豬膶夠多同彈牙 熟到啱啱好 不過豬膶就咁單食就好鹹 一定要夾埋腸粉食而且佢唔係配甜豉油都有啲失望個腸粉就一般 唔算特別滑炒麵份量好足 都有獲氣不過都係偏鹹少少 要送粥食先得蒸蘿蔔糕就麻麻地蘿蔔糕係冇咩餡 成舊粉而且都幾淡 要自己加胡椒粉同豉油先得最好食都係豬紅艇仔粥料都幾多 豬紅都夠多粥又夠綿

很遠來到只為老人家買粥， 千叮萬囑不食蔥。 下單時門口男店員只顧和其他人傾計， 我講了三次走青都沒有在下單時備註，發單給我時我再講一次走青，他便轉身走了。 包裝女店員我看到她有口罩但是沒有帶上，包裝時向著食物咳嗽。 她遞給我食物時，我問點解沒有走青，她反問我點解下單時不講清楚，轉身便走，完全沒有考慮要幫我拿走啲蔥。香港很多餐廳店舖都埋怨香港人北上消費， 影響經濟，但是這樣的服務質素，如果有選擇，會仍然留港消費嗎？我知道這間店不愁沒生意，但是服務繼續差下去，真正影響香港經濟的人是這些沒服務質素的店舖。

這間粥店位於銅鑼灣與灣仔之間的位置，是一間小小的地舖。我們點了一碗滑雞粥，一碗豬潤粥，這兩碗生滾粥送來的時候都是又滾又熱的，而且粥底煲得很綿，因為是即叫即滾的，粥底更滲入了滑雞和豬潤的味道，十分好味。另外我們還叫了一隻蛋黃鹹肉糭、一碟炸兩、及一個牛脷酥，用來送粥一流。蛋黃鹹肉糭即叫即拆，可以選擇點豉油或沙糖。炸兩大大碟，薄薄的粉皮包住中間的油炸鬼，枱面還放着甜醬、麻醬、芝麻等，讓食客可以隨自己的喜好添加醬料。牛脷酥鹹鹹地，又甜甜地，炸得外脆內軟，用來點粥一流。這是一間好味，又有人情味的小粥店，它的粥和食物都很足料，加上價錢合理，比起連鎖粥舖稀稀的粥好味得多。而且這間舖還會售賣粥券，讓有心人可以幫忙做善事，值得支持。

一日三餐都出街食，成日食埋熱氣嘢，今晚夜晚就食得清淡啲，去粥舖食個粥，喺銅鑼灣有間叫做忠記粥品應該都好多年，門面同舊式粥舖一樣，見到油炸鬼，望落去都好似好吸引，入去試吓先。坐低叫咗碗皮蛋碎牛粥，再諗吓食乜，再叫多碟炸兩。皮蛋碎牛粥嚟到，搞兩搞見到牛肉份量甚多，基本上每一匙羹粥都有牛肉。粥底夠熱夠綿唔會太鹹，每一啖粥都有牛肉咁滯，炸兩嚟到腸粉皮薄，雖然凍咗少少但咬落去油炸鬼依然係脆，加埋花生醬，甜醬，辣醬簡直係絕配。兩樣加埋係$41，簡直係超值°

呢間粥鋪都已經好多年,本身又中意食炸兩炒麵,所以都買過好多次今次除左炸兩同炒麵,叫埋南瓜魚片粥（魚片都有D細骨,要小心食），加埋鮮蝦腸同油菜,2個人食係食唔哂的,最後打包個炒麵走🤣抵食又好鬼飽～

外賣左一碗艇仔粥，係呢啲傳統小店先特別好味 。比較新興的粥店更有風味，不過美中不足的是竟然沒有跟花生🥲🥲呢個係精髓靈魂黎架嘛！另外$22一碗粥絕對係非常抵食！新式嗰啲而家要成$60蚊一碗啦

天氣凍凍地食碗熱粥就最啱，最近經過灣仔呢間粥店，見佢既價錢相當平民，就入咗去試下，叫咗碗皮蛋豬紅粥一上到嚟就見到好多蔥係上面😍 啱晒我心意，最中意多蔥皮蛋豬紅份量算多，枱面上有鹽、胡椒粉等等既調味料🧂俾你任加，碗粥加小小鹽同胡椒粉已經好夠味 粥最緊要夠熱夠綿，一啖食落去就知呢碗粥值得encore，夠晒綿同熱😋而且重點係呢碗粥只需$24 超抵，簡直係糧尾恩物。見好多人食佢既腸粉，下次會試埋佢再分享俾大家知🥰

其實正正常常16蚊一份炒米粉都唔會有好高期望，但一打開，除左白色一片既米粉之外，就淨係揾到幾條紅蘿蘿蔔絲，一食落口仲要無味，值得讚嘅地方係佢少油少鹽，真心唔明點解覺得咁樣賣係無問題🤷🏻‍♀️另外個蒸蘿蔔糕，打開個盒我仲以為買咗盒白糖糕，都唔緊要，食落口好似食緊舊有鹹味嘅肥膏/啫喱咁樣，然後一種好難以忘懷嘅嘔心嘅感覺就充斥你個腦入邊，諗起都打冷震另外一個即刻可以攞走嘅炸兩，入邊夠油炸鬼仲淋過出面啲腸粉，未影到相，我已經忍唔住車咗佢落垃圾桶

冇魚片下次早啲講！以不是第一次😮‍💨好明白人為錯誤！－次原諒！二次包容！三次勸告！四次😵‍💫😵‍💫😞要留意👀．因為你比其他嘢我都未必啱食！幫襯100次客人上

今日夜晚想同朋友食宵夜，行到落街夜晚11點好多舖頭都閂晒，結果就去咗呢一間粥店買外賣，呢一間店舖係收12點，同朋友最後叫咗兩個粥同埋一份腸粉返去屋企食比較推介嘅係皮蛋碎牛粥，粥底首先唔會好鹹，亦都煲得好綿，粥底呢一方面非常合格。碎牛嘅份量都好多，調味亦都非常適中唔會太鹹，呢個位值得加分。叉燒腸既叉燒都夠香甜，口感嫩滑，而且有一定既色澤。腸粉做得恰到好處，唔會太硬或太腍，口感亦都有一定嘅嚼勁。埋單$69, 非常抵食

店名: 忠記粥品地址: 油麻地鴉打街46-58號雅寶大廈地下1號舖油麻地站C出口，行1分鐘環境: 3/5價錢:4/5味道: 3.5/5另設中環，灣仔，銅鑼灣，北角，九龍灣，鴨脷洲分店~生菜魚滑粥🥬❤️❤️❤️$35碗粥仲熱辣辣，魚滑食落比較似鯪魚肉，生菜同魚滑都算多，無咩特別，不過勝在份量多🙈荔灣艇仔粥❤️❤️❤️❤️$20不論係免治碎牛，魷魚定豬皮嘅分量都好多，有味得黎唔會話太咸，但就無生滾粥咁熱😶炸兩腸粉❤️❤️❤️❤️$14有成9舊，淨係食炸兩都好夠飽🙈入面嘅油炸鬼好脆，唔會話淋哂，但同樣唔夠熱，食落只係暖身🥲鮮蝦腸粉❤️❤️❤️$27一共有6隻蝦，蝦身都算彈牙，唔會話太霉但同樣只係暖，唔熱🙁#stitchfoodie旺角 #stitchfoodie油麻地#foodie #香港美食 #美食推介 #港島美食 #九龍美食 #食好西 #香港吃貨 #打卡美食 #生日好去處 #拍拖好去處 #香港食評 #香港餐廳推介 #香港小食 #香港甜品 #香港西餐 #香港中菜 #香港泰菜 #香港日本菜 #炸雞 #放題 #火鍋 #打邊爐 #香港拉麵 #香港川菜 #香港台灣菜 #珍奶 #吃貨 #hkcafe

喺灣仔返工，成日都食兩餸飯，食到有少少厭😵‍💫想食清啲就特登喺公司附近搵咗呢間忠記粥品，嗌咗魚片豬紅粥配油炸鬼😳魚片豬紅粥嘅魚片好滑，又冇骨，粥好綿😃配埋脆口嘅油炸鬼，果然食粥要有油炸鬼看過癮😆

最近過節食滯咗，晏晝想食清啲，同事就推薦咗忠記比我。佢哋中午勁多人，外賣要預早半個鐘落order。我同同事5個人用外賣app order 仲額外有折扣。好似我咁叫咗一碗皮蛋碎牛粥再加一件蒸蘿蔔糕，都衹係賣22蚊。係灣仔區22蚊就可以食飽飽，超抵玩。皮蛋碎牛粥打開蓋仲熱辣辣，有少許葱花係粥面。粥底好綿，唔會話稀登登好似水咁。 皮蛋同碎牛適量， 整體唔錯。蘿蔔糕佢哋嘅蘿蔔糕係完全冇蝦米同臘味嘅，全素。食落有蘿蔔絲略嫌少咗啲。 加少少豉油吊下味，清清地都唔錯。醬汁豉油要自行添加，外賣嘅記得要自己落哂醬料先好走。

久唔久都會去「忠記粥品」食翻碗生滾粥 🥣加條油炸鬼👻豐富啲嘅加碟腸粉同豆漿🤤記得第一次食係冬天嘅時候❄️🥺凍到打晒冷震🥶就同屋企人去咗呢度食碗暖笠笠嘅粥暖身🥰🥰自此之後，無論係病咗唔舒服😷想清清腸胃👍🏻👍🏻又或者掛念當時嘅味道💭都會嚟食碗粥😗🙊.港式小店一向充滿人情味👭🏻👬🏻👭🏻💓時間變遷📆味道與情感不變😌😌唯一不同宜家都慢慢融入埋港式生活態度😉😉