念川居 (MOKO新世紀廣場)

营业中

休息中

話說我27/3喺OpenRice book咗佢哋28/3早上10:00早茶（你啲時間是早上10時開始），當時係第二張枱進入，我哋叫咗鐵觀音，及後發現上錯咗普洱茶，通知咗個侍應更換，嗰時應上茶放低後，我們再次發現也是普洱茶，今次正式通知過着黑衫嘅高級侍應⋯已經第二次想坐茶水，佢再次吩咐另一個侍應上過鐵觀音給我們！我們兩次告知上錯茶水，兩次連一聲唔好意思也沒有！雖然這次是第二次來到這間店，我絕對相信沒有第三次了！

我是在Openrice App 訂座而獲得9折在正餐牌的優惠的客人,因為限聚令,所以被安排於兩張枱,3+4人分隔1.5 米! 正因這個原因,我們便決定分單找數,當已經簽咭後,準備離開酒家,行近門口時,有位女侍應追出要求留步,說是收費發現錯誤,故此兩位負責簽咭找數的家人便應要求行近收銀員處欲了解詳細情況,但係那收銀處男仕說尚欠$200, 開單時欠收了費用,我哋要求對方重新印刷賬單查閱,但對方不但不肯印出,問可否告知是甚麼數目,他說解釋不倒,總之欠了$200 便是! 態度非常惡劣！！我哋再強烈要求下,才肯理行,印出新單!不看尤是可,一看真係驚人發現,竟然要收取$200開瓶費,可是我們跟本冇帶酒到來酒家,當然不會要開瓶啦!唔怪之得那位惡人先告狀的人,貌似經理級,不肯解釋.....亂咁收費,那麼,仲要人客再光臨嗎?所以,若你們喜歡吃辛辣,都係想清楚先好吃,會吃至一肚氣,你仲吃得落去嗎!?

小妹同辣係有一種好微妙嘅關係，事關，唔落辣好似欠缺啲嘢，但又唔係食得好辣小妹自從兩年前親身去到四川尋找麻辣的故事後，返到香港就一直想搵返嗰種味道，搵咗唔少地方，直至嚟到呢度，又係令我食完一次都再次光顧水煮牛，真係無得頂香料、辣油、牛嘅熟度，剛剛好，最啱就係叫返支啤酒啤啤佢，同朋友一齊食得好開心仲有個蒜泥白肉，呢種蒜泥，千祈唔好同譚X或者X哥嗰啲比較，因為呢度真心好幾千幾百倍，加上加入青瓜做中和，減去腩肉帶俾大家嘅油膩感，無得彈其實身邊啲朋友仔大部分都唔愛辣，甚至滴辣不占，但慶幸，呢度除咗辣，都有唔辣嘅菜式任君選擇嘅，睇吓個米網腸粉，小籠包同炸奶就知啦，都唔差嘅😌😌不過第二次試新嘢嘅時候，個毛血旺就遜色啲。。。魷魚煮得過咗火，同埋材料唔多入味，好似烚完晒所有材料先放落鍋再煮咁。。。希望可以改良一下呢道菜整體而言，兩次座位都好舒適，雖然價錢唔係相宜價屬於中價，不過都係一個小聚嘅好地方嚟，鍾意食辣嘅各位，不妨一試

在旺角，這間室內設計骨子雅致的川粵菜館是間挺不錯的中菜館，去年來吃晚飯，感覺頗佳，尤其對這兒的「生磨芝麻卷」極有好感，覺得水準奇高。所以這一次上午時段到來，就特別只吃點心，套用星爺周星馳的名句「飲啖茶，食個包」，好不快哉！「雪山叉燒包」（$44）是好吃的，熱騰騰的叉燒包，包身香甜，餡料好味，鹹甜合一，好吃。老婆仔愛吃叉燒餡的點心，「蘋果叉燒酥」（$48）雖然也是以叉燒作餡，但加入了蘋果後，餡料的味道豐富了，口感也豐富了，酥化的外層也帶來跟「雪山叉燒包」不同的感覺。「芙蓉海鮮芋角」（$44）也做得不錯。鬆化的芋角，裡面的芋蓉不會流於死實，而是十分鬆軟，芋頭味道濃郁，水準甚佳。「金沙鵪鶉蛋燒賣」（$54）比一般的來得特別，這點心在經典的鵪鶉蛋燒賣上加添了鹹蛋黃這另類的元素，讓這燒賣變成一道新派點心，那些呈碎粒狀的橙黃色金沙把下面的鵪鶉蛋完全隱藏，讓人在吃燒賣時才能發現到它。雖然這燒賣的鵪鶉蛋口感稍硬，仍不失為一道有創意的點心。「生磨芝麻卷」（$48）水準依然，超濃郁的芝麻味，令我對這「菲林卷」再次給予最高的評價。另一款甜點「栗子茸西米焗布甸」（$38）也不差，不太甜的味道正是我喜歡的味道，

行過見到下午茶水煮魚等有6折. 我們2.51pm 落單, 3.40pm便要我們結賬. 落單時我們還要求甜品芝麻卷叫起. 未到4pm全餐廳只剩下約3-4位執枱員工, 所有樓面員工已經消失. 期間一直沒有員工通知我們下午茶完結時間, 用膳時間或者是否需要加單. 我們問其中一位執枱員工確實下午茶時間, 回覆下午茶至4pm. 我們告知從來冇人同我們講過, 芝麻卷還未吃. 該位員工就説可以坐到4.30pm, 但那時餐廳已經冇其他客人. 我們唯有打包芝麻卷, 還要付上3.- 外賣盒和膠袋費. 我們約4.15pm離開. 疫情期間堂食至6pm, 沒有晚市, 我們就以為像大部份餐廳下午茶至5pm或5.30pm. 希望餐廳員工可以在客人入座時通知一聲用膳時間.

這天點了三個點心一份主食。露筍蝦餃：現在很多食店的蝦餃的皮都是半透明的很黏的那種，這店的蝦餃的皮則不同，沒那麼透明沒那麼黏，正是我兒時吃的蝦餃的那種被，也正是我喜歡的那一種蝦餃皮。內饀蝦爽口彈牙而且味道好，這個點心很好吃。麻辣濃湯小籠包：我們點的是清湯小籠包，店員卻弄錯了。這小籠包外皮柔軟，內饀的湯汁也算充足，麻辣味不太重，味道也不錯。雪山叉燒包：這是我很喜歡吃的點心，外皮脆脆的，叉燒內饀味道好。家常酸辣麵：這麵上桌，最初還以為是擔擔面。一嚐湯頭，果然是酸辣麵。這湯頭酸味不重，卻頗辣，麵條Q彈，很不錯。總括來說，這店的食物水準頗高，服務方面，店員都笑容滿面，但也有可以再改善一下的地方，例如我們店的是清湯小籠包，送上的是麻辣濃湯小籠包，另外我們告訴店員想要點黑醋，卻遲遲不見送來，要再請店員跟進。

念川居地點方便，位於moko，喺旺角太子一帶想搵間坐得舒舒服服嘅飲茶，黎呢到就啱。環是靚，空間夠，坐亦坐得舒服，唔會嘈吵。食物亦都有水準，款款都好味。坐低慢慢嘆茶一流。最喜歡食佢嘅上湯鮮竹卷，啲湯一定會飲曬。蝦餃亦非常足料，皮薄餡靚。

好辣又好好味，雖然個地點唔係太就腳，但係都好值得去啊！下次要早啲order 甜品先! 一早就乜都賣晒!Would definitely recommend for people who love spicy food 😍😍😍

點心和特色菜都非常高水準，相信廚師自己也有一定要求，環境氣氛也不錯！價錢雖然亦不便宜，比較美心集團的稍貴，重要是相對給顧客多點優質的服務態度和感覺！食客也是高級一點😄

世界上就有一樣野叫無心插柳柳成蔭，原本同朋友約咗去北京樓食飯，點知朋友訂錯位，而今啱北京樓又滿座，咁就去咗對面嘅念川居試吓，點知試完之後，以後就冇北京樓份啦。因為我哋未食過呢間，就叫店員推介，店員推介水煮牛脷，同埋一個好好聽嘅餸叫白玉黃金。因為同行有人唔食牛脷，所以我哋改咗叫水煮牛肉。因為我本身鍾意食辣，所以水煮牛肉都食過好多間，但係通常重點都係個牛肉好唔好味，或者夠唔夠辣。念川居嘅水煮牛肉評論層次已經唔再係呢度，因為牛肉嫩滑，辣味亦都適中，但係我嘅重點推介，係佢嘅配料，包括有厚過平時食最少三倍嘅粉皮、比平常滑嘅豬紅、鮮嫩嘅竹筍、最重要係有我從來未食過嘅花生芽。所有配料索晒啲辣汁，口感同埋味道嘅層次都係一流。另外一個菜式係白玉黃金，層層嘅豬肉包住鹹蛋，再切成一片片，加上麻辣汁、麻醬同少量生果，係一個非常出色嘅手工菜。我哋仲有叫其他菜式，例如竹笙蘆筍，雖然都好好味，但係未至於以上兩個菜式咁特別突出需要介紹。總括而言，呢一餐有意外驚喜，食得我哋非常滿意，雖然價錢唔平，但絕對物超所值。

第二次黎念川居，第一次印象好好，當中最深刻嘅餸係水煮牛脷👍🏽 牛脷厚但唔會韌，彈性十足夠入味😋 但今次因為有位朋友唔食牛，我哋揀咗水煮魚，加上各方面因素，令我對念川居評價由正面水準以上改為合格水平😁 單以水煮為例，如果水煮牛脷係85分，咁水煮魚就係70分 ！另外今次叫咗半隻吊燒雞亦係令到尼餐要扣分，外皮尚算脆口，但雞肉太乾而且冇味😣另外好好多款菜同甜品都暫停供應，我哋想試白玉黃金、雞絲拌涼粉同大腸都冇😣

早排疫情見念川居有做優惠見到早茶下午茶點心都有優惠所以就帶左屋企人去飲茶☕️試下味道😝估唔到佢地除左川菜粵菜做得出色之外連點心都有D驚喜而且好多選擇！我地叫左蘋果叉燒酥、叉燒包、XO醬煎蘿蔔糕、春風得意米網腸、芋蓉海鮮芋角、松露野菌餃、鮑汁鳳爪同埋灌湯餃😝🤭 最後仲加左份芝麻卷做甜品蘋果叉燒酥呢個叉燒酥好特別，外層酥皮做得好鬆化，入邊除咗有叉燒粒之外仲加入左蘋果粒食落去嘅時候減低左油膩感，帶有一點清新嘅感覺，幾好食wo春風得意米網腸外面腸粉皮整得好滑好薄油炸鬼亦好香脆包住裏層豐富嘅蝦同帶子餡料.口感很豐富👍🏻比起出邊食到嘅出色😋 .芙蓉海鮮芋角芋角外層炸得很鬆化,香脆得來唔油膩一咬開熱辣辣既芋角，香濃既芋泥擁哂出黎中間仲夾雜左帶子😍 內層口感鬆軟香口,正！ .賣相討好嘅叉燒包 （原本想食菠蘿叉燒包但係賣晒）好彩蒸叉燒包都好好食😋飲茶我必點嘅鮑汁鳳爪好足料嘅灌湯餃唔錯！生磨芝麻卷 （超級好食😋）食飽就叫左生磨芝麻卷做甜品係經典懷舊嘅菲林呀芝麻卷質感柔軟富彈性，口感煙韌帶有好香濃嘅芝麻味，甜度適中剛剛好👍🏻好耐冇食過咁有水準嘅芝麻卷，絕對不是一般貨色😋

📍旺角東（新世紀）🍽念川居.新世紀裝修之後都係我哋屋企幾常去嘅商場～ 九龍城過去又方便～ 爸爸鍾意飲茶，最頂嗰兩層都係酒樓～實到啱食！呢間相對貴少少，但相對亦少啲人等位～ 食川粵菜（我第一次都以為係穿越，哈）嘢食質素同環境都係五星～.🍜擔擔麵 $55比起出面好多都係花生醬湯底，今次呢個麻辣都幾有驚喜～少少麻，湯唔會太膩，好食.🥩干炒牛河 $168肥嘢！好大碗！哈哈～ 牛肉份量多，河粉唔會黏埋一舊，味唔會太咸，好食㗎，但多油真係走唔甩，食一少碗就會好飽～ .🐷叉腸 $44腸粉反而個粉我覺得唔夠分明，有種槳住嘅感覺。叉燒份量唔多，其他料反而多，咬開睇似火腿多啲。.🥧馬拉糕 $38問咗知道係原個馬拉糕，即嗌！馬拉糕頭號粉絲～好好食！入面好juicy，仲好有咬口好鬆軟～ 鍾意馬拉糕一定要食！.🥟小籠包 $44不過不失，好夠湯嘅，皮質地其實好食，但表面賣相可以滑啲。.#利利仁飲食雜誌九龍區

星期六中午行經新世紀，又到食午飯時間，上左五樓念川居，見佢裝橫都幾有格調，感覺好輕鬆悠閑，我地兩個人叫左兩個餸：1. 黃酒豬手煲-呢個非常之好食，豬手炆得夠林，煲亦夠晒熱，個黃酒汁調得相當之恰當，而且煲底既蘿蔔片都非常爽口好吃，似係另外烹調過，呢個相當之高分。2. 魚湯鮮腐竹浸時蔬-魚湯唔太濃，淡淡既魚肉味滲入左d菜心入面非常可口，而鮮腐竹也很清新，唯一係賣相仲差少少🤏最後仲食左一個杏仁茶，味道都十分唔錯。呢間翻食指數非常高，小菜份量足，味道又好，當然價錢屬較中高檔級別！

一行6人來食晚餐。之前都來飲過幾次茶，都覺得好食又坐得舒服，所以來試下晚餐。不過就有d失望😞食物味道ok既。不是難食。但係就無驚喜。叫左吊燒🐓半隻，皮脆肉ok。酸菜魚是主角。魚ok，不過就覺得太酸，小小辣。太酸就扣左分。炸豆腐正常。蜜瓜炸牛奶係最好食一道菜式，偏甜，入面不夠滑。不過就算好食的。叫咗個海蜇頭就差評啦完全冇味又無醋既味道。可以話應酸既又無酸。辣子大腸仲失望一啲都唔辣大腸炸到有立立。無左大腸既肥美口感。一咬落去好油。所以好失望。個蒜泥白肉都唔好食啲肉好鞋。黃酒豬手最好食。夠味又夠淋，下面有蘿蔔夠入味😋本來對呢間店好有好感。仲推介朋友。不過真係點心好食好多。晚餐就一般般了。侍應充足。有禮👍🏻