恒樂海鮮菜館

营业中

休息中

冇得旅行就快3年了，唯有去下離島當去左個小旅行✈️長洲，我相信大家都不陌生。今日同朋友平日入去chill chill，以避開weekend既人流。餐廳好多好難選擇，太熱之下又唔想周圍行，最終尼左呢間餐廳坐低涼下食海鮮。可能晚餐人流眾多，點菜後43分鐘，先上第一道菜🥲叫左一個三款海鮮餐($248) +送一碟菜同埋湯。粟米湯羹 (送的)可能因為送既關係，冇乜味道，而我都唔要求咁高，所以淺嘗一碗就夠啦。薑蔥蟹有兩隻蟹份量，可惜蟹唔夠新鮮，肉質有點晦😮‍💨。蒜蒸扇貝同樣係蒜蓉蒸粉絲伴碟，味道濃厚。蒜蒸蟶子同樣係蒜蓉蒸粉絲伴碟，但蟶子唔夠味。蝦醬炒通菜 (送的)可以選擇白菜/菜心/通菜，味道正常發揮，但略嫌有少少鹹。可樂係傳統可樂外型回頭指數: ⭐️⭐️食物質素: 🌮🌮服務質素: ☺️☺️消費指數: 💰💰💰(人均消費$160)環境質素: ☘️☘️同類餐廳 #cocofood_香港味道同區餐廳 #cocofood長洲

今日放假想出去放下電，於是黎到好耐無去過既長洲行下，感覺都係多人，但就無以前誇張到到身貼身咁🫣 行下行下覺得肚餓就想搵間餐廳食下海鮮，呢到海邊都有好幾間選擇，望落價錢都差唔多，而呢間百幾蚊就可以食兩個海鮮一個菜仲包白飯，見到都唔少客人，於是我地都入去坐低喇。睇一睇餐牌，其實佢選擇都好多，大部分海鮮都有，睇見到肚餓了。我地最後揀左避風塘炒蟹,蒜蓉蒸蟶子，蝦醬炒通菜。幾款餸味道都唔錯，不過蟹就比較細隻，無乜肉食，但勝在炒得都有鑊氣同入味。蒸蟶子加埋蒜蓉十分惹味，但感覺調味係蓋過鮮味，不過已經對得住個價錢了，CP高之選🫡

$258 ，4個餸一個飯，老實講茶餐廳都唔得啦，最緊要每一味都好好食，真係唔知佢點賺錢。。。。我難以理解點解會差評多過好評，咁既價錢有咁好質素，真係超過晒所有啦大佬。到底係味得罪人俾人玩呀，我誤打誤撞食左間「差評多過好評」既餐廳，但呢一餐係我食得最滿意既其實香港人俾分都真係好刻薄，問心個句今日既物價竟然可以做到$248任選3個餸，仲俾你食到海鮮，我相信店家賺既都係辛苦錢，而且仲要送個炒菜心，又送多個粟米羹俾你食，一共四餸一湯，$248仲要有人負評。。。難以想像點解

服務態度好，價廉物美，餸菜大大碟，有食過回味的感覺，海鲜勁新鮮。北帝廟附近試過所有菜館，只有這間恆樂海鮮菜館是最好食，不似其他菜館取巧，來長洲食海鮮必定首選推介這間菜館。

八個餸六個人食，外賣攞走大大碟好多海鮮選擇，份量真係幾足，先係六$700送咗個通菜，同埋飯選擇份量真係唔錯，不過味道就麻麻地值得推薦嘅係炸子雞半只，唔差嘅椒鹽鮮油同椒鹽九肚魚都可以

📍 恒樂海鮮菜館今日年初二約埋朋友一齊去長洲行吓，我哋勁早就入到去食呢間早一日已經book咗嘅海鮮菜館。依家間餐廳係我喺網上面見到幾抵食🥳今日係因為年初二所以有加二服務費‼️不過嚟到都係諗住食下海鮮啦，見到個餐牌其實都有好多選擇🆒平時仲有送菜同埋湯，新年就冇啦🔥我見餐牌有81碟唔同嘅菜式可以任君選擇👀係81款😱😱我哋六個人叫左八碟😋8款原價$648+1🔸椒鹽賴尿蝦椒鹽賴尿蝦大概有12隻左右，每人可以食到兩隻，唔算好厚肉，有大有細。椒鹽味幾香旁邊嘅配菜可以拎嚟撈飯😆🔸蒜蒸聖子聖子大概共18舊，每人可以食到三舊左右，細細隻，用蒜蓉同埋粉絲一齊蒸，腥味重唔會有沙👍🏻🔸 蒜蒸扇貝扇貝就本身一碟得五隻，餐廳嘅姨姨話可以比六隻細嘅我哋，不過真係好細😹唔緊要啦志在大家都有得食，我竟然食到最後先記得要影相😭🔸椒鹽鮮魷魷魚就幾大條，一碟裏面配埋喼汁。炸粉唔會過厚，算是不錯😜🔸椒鹽九肚魚同魷魚一樣都係份量都幾多，一碟裏面配埋喼汁。炸粉唔會過厚，不過椒鹽味好似唔係太重🤔🔸咖喱蟹呢個咖喱蟹賣相超大份，旁邊嘅粉絲同埋薯仔都好入味，可惜嘅係啲蟹有啲臭😢我覺得係嘥咗😭，建議大家千祈唔好叫蟹，因為蟹臭咗真係會成碟食唔落

嚟長洲每次都會揀呢間紅色格仔枱布嘅餐廳食海鮮，因為價錢真係好抵，而且選擇好多，有小食同海鮮任揀，今次我地就揀左$248呢款，可以揀3款小菜/海鮮，由於掃街食左好多野，所以今次揀嘅全部都係海鮮，餐廳仲送埋粟米羹同一碟油菜，所以份量兩人嚟講真係好夠🤣❣️3款自選海鮮小菜 $248📍粟米羹跟餐送嘅，微暖同淡口，所以飲左一啖就冇飲啦🥶📍豉椒蟶子蟶子仔份量較少，反而青紅椒同埋蔥好多，豉椒味較重，所以食唔出蟶子係咪新鮮🥸，味道偏重口味😶‍🌫️📍蒜蒸蝦蝦肉非常之彈牙新鮮，略嫌蒜蓉過多，有啲鹹🤐📍椒鹽鮮魷魷魚充滿椒鹽味，有幾嚿略嫌有啲韌，但係算新鮮，同埋啱啱炸起好好食😋📍腐乳炒通菜腐乳通菜都係送嘅，腐乳味十足，通菜夠嫩，係食到最後有啲鹹😶‍🌫️🏦是次消費總額 $248（人均消費 $124） 👅好味度：7.5（10分滿分）海鮮質素不過不失，呢個價錢就真係抵，如果去到長洲諗唔到食乜嘢，食吓海鮮都好有風味，如果遲啲恢復六點後堂食，黃昏嚟到呢間餐廳嘅室外座位食野仲可以睇到好靚嘅日落添😬

跟着团体活动时，领队老师推荐的，我就跟着两个朋友赶紧冲过来了，店里菜品选择非常的多，就需要好好地去挑，我们这里有个朋友因经常做菜，比较懂去怎么合适地搭配选择餐品，就交给他来选了，至少这么来看选的这些是都很好吃，并且比较值这个价钱的。

入長洲，除左可以一班朋友或愛人黎，其實仲可以帶家人黎架！事緣我媽放AL，仲話未去過長洲。無問題，收到晒，即刻安排。雖然我唔識踩單車，都無諗住行山，簡單沿岸不斷來回行下、食下野、望下風景，咁就悠閑過左日架啦😌一入到長洲都中午時分，食返個午餐先⋯好多海鮮酒家都做緊$168兩餸優惠，但之前隨便入一間，蟶子瘦到無肉，菜又求其⋯其實$168兩餸送湯同菜，都唔係想有咩要求，唔太過份就得了😅今次醒左，事先睇網上長洲海鮮酒家Top 10推介，揀左恒樂⋯湯係蛋花粟米羹，都幾好飲，正常發揮👌🏼菜就揀左蒜蓉炒菜心定唔知芥蘭，青脆可口，一啲都唔老👌🏼豉椒炒蜆，味道剛好，大小合宜，漲身有肉⋯一見到已經覺得水準高過之前果間😍👍🏼而另一菜式避風塘炒賴尿蝦，本身無咩期望，但有大有細，計落都成十幾隻，部分仲有膏，乾身唔過油夠味⋯咁嘅價錢，呢兩餸餐，味道同質素都夠做，抵食啦呀！另外加多左個是日精選，海膽炒飯。飯未夠乾身，但都算粒粒分明，海膽鮮甜，加埋菜粒，口感唔錯，略嫌唔夠咸（可能我重口味😂），但清清地都唔錯⋯黎個overview先⋯我同我媽都放開肚皮食到好飽😋好滿意呢餐👍🏼

平時好小入長洲，今日行到攰攰哋，就入左而間店。先總結：最好諗清楚先好入，入左一定唔好叫椒鹽鮮魷價錢：168（2款）,248（3款）...而個價其實係抵，但我見汁邊個幾間都係而個價，所以唔係加分點。款式都多所有都可以選，阿姐話送菜送湯唔包飯（10蚊一個），唔加一唔收茶錢食物：椒鹽鮮魷好。。。伏又硬又老，好在我牙力夠差d咬唔開。豉汁蒸盲曹幾大碟，正正常常，有d老等候時間比較耐（晚餐時間），食完一碟等15分鐘食第二碟，唔太開心。

今日去長洲慶祝周年。因為打風，好多店都關左門，見呢間都多人食，就入去坐。叫左4個餸薑蔥炒蟹（蟹有d唔夠乾淨，個汁個粉落太多，有pat漿咁）豉椒炒蟶子（大件既唔夠入味，但都ok)椒鹽魷魚（好好食）椒鹽瀨尿蝦（幾好，但有點黏殼，可能唔夠新鮮？）送蒜蓉炒生菜（好好食）粟米湯（咸左d)加左兩罐可樂 一個飯 都係368，算好抵啦服務員態度友善

來到長洲，唔游水的話，除咗食之外，應該都淨係得返食食食。🤣🤣🤣🤣下午4點幾先悠悠閑來到，一落船又魚蛋又炸雪糕又紅豆餅，轉過頭隔離個位又話去食蒸魚。。。大佬呀，橡皮肚都爆啦！😅😅最後佢無理我，照是旦坐低一間食飯，嗰陣時係6:30😂😂😂😂 我地無做功課，感覺食飯套餐間間都差唔多，行過呢度基本上係俾啲員工半拖拉坐低食飯嘅，咁我地其實都無乜要求，只要有蒸魚就得，因為隔離嗰位要食。。😅😅😅睇餐牌，魚類其實都唔少，倉魚因為食得太多，今次我地揀左條盲曹，不過其實我地都唔係好知係乜😅😅😅 我再揀左個蝦仁炒蛋，一碗白飯，同一罐汽水。。。姐姐枱枱都會送碟菜，仲有得揀Tim …..我地揀西蘭花🥦。。啲嘢未來時，我上OpenRice 望下啲comment , 我見到啲comment 唔多好，都好怕中伏。好在來到到食完都感覺唔錯。。👍🏻👍🏻😂😂條盲曹蒸得好好，好有魚味，鼓油又唔會太鹹，而且好大條，真心唔錯👍🏻👍🏻👍🏻 而蝦仁炒蛋份量都唔細，啲蛋炒得好滑，啲蝦無梅味，真心唔差，至於送嗰份西蘭花，都唔細碟，而且用蒜蓉炒，真係幾好食！🤣🤣🤣食左個幾鐘，最後2個人完全食唔晒啲嘢，感覺淨返都有1/3 ，可能真係之前食得太

.📍恒樂海鮮菜館📍香港長洲北社海傍路13B號地舖這邊是按菜式數量算價格的(hkd168@2/248@3/328@4...如此類推)，點了個椒鹽鮮魷跟蒜蓉蒸扇貝，魷魚爽脆，加上炸蒜跟辣粉絕對不可能踩雷，扇貝不算很大顆，但以這個價格來就算是不錯了，個人稍嫌醬油淋的不夠多，粉絲會有點偏乾，畢竟粉絲算是蒸海鮮的重點😂對吧❣#foodiblum中式

入得黎長沙洲一定會經過條街有好多餐廳既姐姐係到問你食左飯未，$1xx有2個海鮮。我通常夜晚都會係到食既，其實百幾蚊2款海鮮又真係唔貴既。但今日自己一條友hea遊，2個海鮮就食唔落啦，姐姐話1個海鮮1個菜就$100, 仲送個粟米羹，其實都係一個人食唔曬，不過是但啦照嗌。例牌椒鹽九肚魚(睇我食評應該知我成日都嗌呢個餸，好無新意😂) 加個腐乳炒通菜。個九肚魚唔錯，個菜就食落一般。如果日落時間食飯對住個海其實都唔錯架，幾好view!

去長洲行五點多，本來冇諗過咁早食晚飯嘅，經過露天餐廳啲阿姐係咁喺度拉客，$168兩個餸，送湯有餸菜，仲話送扇貝添。其實唔係好肚餓，不過咁抵又可坐露天睇日落咁就坐下啦粟米湯 - 罐頭粟米湯咁味，不過送嘅，算啦椒鹽蝦 - 蝦就唔係好新鮮，不過椒鹽嘅味道冚到，香口囉花雕蛋白蒸蟹- 食得避風塘炒蟹多轉轉口味，花雕味食唔出，蟹雖然細，不過有三隻算多囉 蒜蒸扇貝 - 送的，沒要求椒絲腐乳炒通菜 - 腐乳味淡咗少少，ok喇絕對唔係好食嘅一餐，但配合環境、價錢就唔好計夠咁多，最多下次試過另一間😉