恒樂海鮮菜館

营业中

休息中

在長洲發現吃海鮮非常非常便宜的菜館。果然近海就是好。免加一，免茶芥，還送油菜和瑤柱粟米羹！我們點了超值自選海鮮套餐 3款！只需$248！避風塘蟹第一次吃避風塘炒蟹，不會辣，而是超級惹味，一直吃蒜粒。它是三隻小蟹來的，所以肉會偏少，比較單薄。可是花兩個小時在海邊這樣慢慢拆肉，好像也挺寫意的啊。花雕蛋白蒸蝦先講一下它的蛋，吸滿蝦汁，超級好吃，味道很豐富！蝦只有十隻，而且都很小隻，可是肉質是OK的，沒有霉，可是吃得出是冰鮮的，有點失望。豉椒蜆份量很多啊～吃得好開心XD可是醬汁沒鍋氣，一點都不香，不惹味。淡淡的豉椒汁，不推薦！蒜茸炒白菜（送的）蒜茸炒的不可能會失敗啊～只是份量有點少。整體來說，$248能吃到三款海鮮，還送油菜，味道普普通通但其實算起來CP值算高的～btw，粟米羹可以免了，沒有粟米味，沒有調味，好淡好怪。

響長洲行到攰坐低食晚飯 2人叫左238 套餐有湯有3海鮮1菜 好似幾抵食 栗米湯無期望 但有一大兜 如果唔肚餓 建議叫員工唔使拎來 因為太浪費 正常飲半碗已唔想飲 豉椒聖子 份量好多 夠穫氣 惹味 出色的一味椒鹽九肚魚 唔知係魚唔新鮮定油問題 入口係苦的 雖然份量多都無用 😢😢蒜蓉粉絲蒸扇貝 粉絲好好味 但扇貝勁多沙 喊出來 😢😢炒通菜正常 總括來講將貨就價 238 食2人都唔會有太大期望 但3個海鮮中只有1個叫做好味 都有少少失望 有時食海鮮都要睇運氣 見隔離台食賴尿蝦好似正好多 😶😶 呢間未必有下次

話說跟男朋友拜完山，就成大班人一齊食個海鮮餐先走。經過呢間見到都好多人，門口姐姐又不停sales,又肚餓就入去食啦。。。餐廳選擇好多，但泥泥去去都係幾種煮法。所以最後我地隨意點左以下小菜👇🏻👇🏻清炒西蘭花🥦一碟得十幾件，每人都食吾到2件。雖然炒得算好食，吾會太淋，但真係好少。。。蒜蓉開邊蝦🦐蝦🦐好細小！真係好細，肉質係霉。份量大概只有10隻左右👎🏻👎🏻👎🏻炒蟶子呢個勁過份！底全部係殼，肉係好細細條放上面。好明顯係吾新鮮啦！有乜可能全部離殼？而且得幾舊小小肉，其他全部係配菜！😟上湯大蝦麵蝦細到手指尾既size,個湯無味既。入面啲麵都吾知係乜野麵，一pat 粉甘！超級難食！基本上成碟無食過，根本放吾入口！😤脆皮雞🐥呢個算正常，但係凍既，皮吾脆，但起碼肉質係滑，份量明顯有半隻炒蟹🦀蟹有2隻，一大一小。食落有汁算好食。雖然食得出吾新鮮。但起碼有正常既份量。炸魚🐟呢條魚炸到我地吾知係乜野魚🤔無乜肉，我地覺得可能係黃立倉。好細條，炸到好乾，肉質un，無魚味，吾知食緊乜🤷‍♀️椒鹽鮮魷🦑🦑呢個係最好食！份量正常，吾會太厚粉，食落係熱，吾太咸夠香口！豉椒蒸鱔啲鱔切到太細舊，一食落口就覺得好多骨，一啲都吾

第一次打食評就已經用兩個字形容呢間餐廳 惡劣黎長洲緊係食海鮮嫁啦 食過好幾間 但係今次入左間會令你覺得極度失望 想快啲食完就走既餐廳椒鹽瀨尿蝦 係冇肉 完全唔知啲蝦肉去左邊薑蔥炒蟹 又係冇肉嫁 啲肉炒甩曬？定已經比人食曬？蟶子仲好笑 好似好多 只係得個幾粒蟶子(仲要好細粒)加一堆殼再堆勁多青紅椒 令人有錯覺辣酒花螺啲螺肉拆左出黎係手指尾指甲肉 個汁係唔知咩黎 仲要有芶 簡直不知所謂 碟野基本上食左一兩粒 大家已經停曬手仲有個豉椒鱔 都唔知有冇10舊最後得椒鹽鮮魷 滑蛋蝦仁 蒜茸生菜係放得入口會記住呢間餐廳 佢都幾出名.....難食！

高高興興入長洲就諗住食野個海鮮先走啦難得入到黎！行去食海鮮個到，見到個呀姐好熱情咁sell人入去！又見佢幾平！咁好啦就試試去！我地一行7大1細！但原來係垃圾一間！入到黎啲呀姐態度麻麻都算啦！態度180度改變！催你寫野！想要食咩都無！1. 食瀨尿蝦食到係壞既！2. 啲蟹🦀又無肉，好似就咁炒啲野比你就咁就算！3. 炒蟶子好似唔係好搵到啲肉！4. 叫左個蟮，好似一塊塊魚片咁！5. 係得個滑蛋蝦🦐仁係好少少!最後我地total食左7xx🌚🌚呢間野真心要black list，唔會再有下次！

早排同女朋友入左長洲玩左日，夜晚去左碼頭附近食海鮮。想食個間無位，係肚餓之時，我們就去左另一間試試。見户外及户內都有人坐，應該不太伏。叫左4個餸，佢送左個粟米湯比我們，睇落的粟米蓉都幾多，不過飲落D粟米味唔算好香。炒通菜都算幾惹味，而且都幾大碟，女朋友都食左好多。炸鮮魷炸得唔多金黃，而且D粉有少少厚。扇貝一份有三隻，D蒜都幾多，而且粉絲入味，值得一試。魚有幾款可以揀，魚肉蒸得岩岩好，而且唔腥，鍾意食魚的朋友可以一試。

第一次係長洲食海鮮，點知入左呢間不知所謂既舖，發誓以後絕不幫襯！第一宗，"海鮮價"，佢地街頭派單張一個價，入到店內，有另一個價，佢地解釋單張上係"例牌"，而介紹我地"加大"，相差成一倍，主要係分量上既分別，好啦，我地打算走，點知有第二招....第二宗，"快刀斬亂麻"，當我地想轉場，佢話都無甘快上第一道菜，難飲既粟米湯，係甘既情況下，人地上左菜，我地話轉場，變相我地理虧，所以"局"住叫菜....阿姐仲要不停叫你"加大"，吹你快快口答應，好彩我地慢慢睇清楚d收費同餸菜先叫，我地一行9人，最後叫3例牌，4加大，就當試菜，預左唔飽....第三宗，"食得快好世界"，話說我地9人被安排到某食檔後面既位置，當時正值人地開檔時間，個老細又要我地換凳又要我地搬走個人財物，又好惡同我地講"比條路黎行"，仲要係甘對我地眼超超。大佬丫，我地雖然唔係你既客，但都唔洗甘。我地有同伙記要求換枱，但對方因座位有限對我地灑手擰頭，搞到我地成餐食得唔舒服....第四宗，"無料扮四條"，其中一道炆魚腩加大，點知用幾舊燒肉扮魚腩，仲要用白菜仔墊高個底，大佬，你甘樣係違反商品及說明條例喎....第五宗，"明蝦你"，我從來未食過

夜晚晚餐諗住食海鮮 佢海邊有好多間都唔知點選。行過好多間就求其入左依間食叫左7個菜 但碟碟都好唔新鮮佢蒜蓉蒸既更加食落好味道奇怪佢個蒸白鱔食落肉質好差,味道又唔好。唯一好就係果碟椒聯鮮魷,好香口。佢個菜真係咸到食唔落,太差了。我地有3個大人一個BB,但佢都比左張2人枱我地。

今日難得放假，仲要係平日，一於約埋好朋友同契女入長洲食食食😎但估唔到原來平日嘅長洲都勁多人，好似假期咁😂😂食左好多嘢之後行下散下步，又黎到我地今日最後一站，恒樂海鮮菜館食海鮮。附近有好多間食海鮮嘅，見呢間最多人就揀左入呢間！瑤柱粟米羹:水汪汪，唔好飲白灼蝦:細細隻但幾新鮮，彈牙薑蔥炒蟹:啲蟹唔係好新鮮，每人食咗嚿就冇食喇😅蒜蓉粉絲蒸扇貝;蒜蓉粉絲蒸蟶子:2樣都好細粒，冇乜肉，朋友覺得啲蒜蓉味道怪怪地椒鹽瀨尿蝦: 瀨尿蝦啲肉莓莓地，好黐殼，好難搣，食完好口乾☹️椒鹽鮮魷:最好食嘅一碟，熱辣辣，炸得好脆😍豉汁蒸鱔:唔新鮮莓莓地椒絲腐乳炒通菜:好咸，食完好口喝😅雖然咁多個餸加個白飯先$418，仲要3個大人都食唔哂，但海鮮唔新鮮☹️☹️食海鮮下次都係番西貢食，雖然價錢貴啲，但真係新鮮好多！

每次嚟長洲都一定食海鮮 ！！而呢一間餐廳長期都滿座，好彩今日我哋早啲，六點鐘嚟到，好彩有位啫 ！三百蚊唔使有四道菜 我哋叫咗 蒜蓉蒸蟶子 ，豉汁蒸黃立倉 ，薑蔥炒蟹同埋魚香茄子煲魚香茄子煲是因為天氣凍，好想食一個熱辣辣嘅煲暖下胃 ，呢個正正符合我嘅要求 可能因為我鍾意食茄子嘅關係，所以覺得呢個好好食 蒜蓉蒸聖子 好大碟好足料聖旨索曬啲蒜蓉汁，仲有蔥，好好食 薑蔥炒蟹又係另一個必叫嘅產品 唔使一百蚊一碟有兩隻大嘅蟹！！ 仲要係好多肉 ，雖然拆嘅過程有啲辛苦 ，😂😂不過都係值得嘅🤤🤤 清蒸黃立倉就非常之新鮮呀 ！其實新鮮嘅魚係唔需要點樣加調味料，已經好好食

同朋友一齊黎長州玩， 黎過無限次既長州， 竟然第一次食海鮮🦞！比想像中便宜好多，2384個小菜再送一碟青菜！ 乜原來海鮮都可以咁便伽咩！我地叫左蒜蓉蒸蟹，瀨尿蝦，豉汁鱔，聖子同通菜，仲送左個粟米湯兩個人食真喺好飽，我最愛蟹，朋友最愛瀨尿蝦，佢話每次必點。我地見其他枱，好多有叫魷魚🦑，下次可以再叫。味道上，都新鮮，但食完好咸。每碟海鮮細隻，大隻就唔止呢個價啦😂整體而言，238蚊物有所值，我會翻兜， 哈哈😄

入得長洲就更會食海鮮，我地一路行睇下食邊間，甘好有緣就去左昵間，呢度有套餐，套餐都好平，又可以自來海鮮係到煮，收反油料錢，我地就自來海鮮係到食，呢到D招呼好好，一坐底就即刻送左一大窩粟米湯比我地飲，我地只得兩人都飲吳哂😂我地有幾種海鮮，每種都幫我地煮吳同既味道，吳使我地唸✌️✌️食飯其間仲同我地有傾有講，長洲村民好nice粟米🥣——好有人情味的窩心粟米湯❤️上湯龍蝦—煮得剛剛好，煮得夠嫰夠清甜😋🦐——蒸得時間恰當👍元貝——蒜茸粉絲蒸，又係好好味😋😋聖子——豉椒做，又食出不同味道👍包魚——用果皮蔥蒸夠香，肉彈牙夠嫩😋😋班仔—蔥蒸時間恰當，骨剛好離肉，肉夠滑廚師煮嘢既煮工一流，每樣海鮮煮得時間啱啱好，仲每種都煮吳同既味道，有心思對客人，客人食到不同味道仲食到舐舐脷長洲既村民對遊客來食嘢，就好似自己村民一樣，明碼實價，又好招呼，又有風土人情味道，下次再去長洲都要去反呢間食✌️✌️

中秋節兩公婆入咗長洲玩兩日，感受吓長洲節日氣氛，下午搭船到去，先去酒店攞房，放底行李就出去覓食。喺長洲揾嘢食一啲都唔難，大街小巷都有得食，聞名嘅芒果糯米糍，大大粒魚蛋一定要試，但都要留定肚晚飯食海鮮，在海傍行吓見到幾間海鮮菜館，店舖職員都好落力推介菜館美食優惠，最終我們選擇了恒樂，六點幾就食晚飯，由於時間尚早，唔駛等位，一坐底就嚟咗個粟米湯(送嘅)，再睇餐牌，佢地嘅超值套餐由二個餸至十二個餸都有，我哋兩個人叫咗四個餸嘅套餐$238(免加一)，仲送多碟菜。五餸一湯，超飽超抵食。

襯著啱啱開始暑假就去轉長州先今日長州唔算多人 但快船都爆曬嚟長州就梗係要嚟食海鮮dinner啦今日揀左呢間紅色檯布吉餐廳食$188有三個海鮮再送一碟菜其實$188係三個餸 有肉有菜有海鮮任你揀但係既然有得揀海鮮咁無理由唔揀架先嚟一個椒鹽瀨尿蝦瀨尿蝦唔算太細隻 椒鹽味道適中 微辣得嚟好惹味肉質好好味實得嚟唔會硬 而且份量都幾多其實今次係我第一次食瀨尿蝦 所以我冇得同其他比較 但我覺得係幾好食之後就有個蒸聖子聖子比我之前食既第二間舖頭大隻味道鮮甜而且冇沙 配上我 好鍾意既粉絲 好正普通既蒜蓉蝦都唔會失色蒜蓉蝦係開邊既 食起上嚟好方便蝦唔會好細隻 味道重而且感覺新鮮最後有一碟菜 我地揀左腐乳炒通菜d菜炒得好靚 唔會過老最鍾意食卜卜脆既通菜 完全滿足倒我長州食海鮮真係性價比之選 質素比起價錢好 絕對唔會因為平左就比d好差既海鮮你

假期去咗長洲一日遊，入到去長洲滿街都是人群，但係已好久沒到過長洲了，同朋友去了「恒樂海鮮菜館」，叫咗一些海鲜及小菜。雖然長洲真的很多人，但係入去差差電後，翌日再繼續工作，都不失為一件好事。薑蔥炒蟹，蟹肉同蟹膏非常新鮮, 炒得都好惹味。蒜蓉蒸鮮魷，蒜蓉份量夠多，鮮魷夠新鮮，火喉足！ 長洲有很多食肆，有牛丸粉麵，有地道小吃 仲有少不了的海鮮菜館，就在假日試下忙碌中取休閒，入去玩下食下消閒一下